炭之燒鳥

這間餐廳的整體體驗令人非常失望。衛生情況令人擔憂，洗手間不潔，環境欠佳。進食後出現嚴重腸胃不適，持續數日，令人懷疑食物安全有問題。服務方面亦不理想，員工態度充滿敵意，甚至在上菜後指罵客人。用餐期間更突然聞到煙味，令人懷疑廚房內有人吸煙，進一步影響食慾。基於以上種種問題，誠意建議大家慎重考慮是否光顧此店。…查看更多

星期六中午12：52分到， 個女侍應即沖出來話唔招呼狗（我手抱小狗）， 又話未開門。我話坐門口得唔得， 好勉強又冇表情話ok.咁問幾點開， 話1點。 叫我們門口等。串燒又沒有紙✔️， 未想好食咩就行出來問諗好未。 話未， 又唔like.最終2人點了日式燒鰻魚飯$118。。0分個飯又濕又pat又槳， 個鰻魚像街買回來加熱。 差燒牛利$78。。。。3分價貴得3舊。 叫唔韌， 食得落口。雞掌肉$45。。。2分質感幾得意（有雞軟骨+筋）但最失敗是個豉油汁， 又極咸又酸酸地。雞脾肉$35。。。0分唔滑， 好鞋又配那又極咸又酸的汁芥辣雞肉$35。。。。0分白雪雪， 個樣像未熟， 白烚。 燒過？？？又係鞋雞肉， 咩事呀。個芥辣差到。。。唔識講。七味雞腎 $35。。。。0分等到食物食完35mins 都未上， 懷疑漏單雞腎像雪藏， 冇味又韌。總評。服務。 極差。得6-8個客， 後有5人入都唔想做， 趕客， 話人多做唔切， 要等好耐先上菜。💁‍♀️女侍應冇笑容唔客氣唔想做食物。 差。食完極口乾口渴，d醬汁又咸， 好差。未試過串燒咁差。唔會再去…查看更多

除咗態度幾好，所有嘢都真係麻麻。談不上有任何一個串燒可以叫做好味，同埋全部啲嘢食好似同一個味，確實令人有啲失望。可能佢作為西貢少有嘅串燒店，所以先有咁多好評。我被騙了。佢係想賣雞唔同嘅部位，但係個製作真係冇乜心思。感覺上調味好重，樣樣嘢都差唔多味。重點係佢收費一啲都唔平，性價比實在唔高。唔係想拆佢台，但係俾得呢個價錢，我都期望佢可以整啲比較有質素嘅串燒，而唔係求其拎啲嘢出嚟俾啲客。期待有所改善！！！…查看更多

open rice 寫12：30 開門，門口也寫12：30 開門 。12：35推門入去見到好似在準備中，就問咗句：‘請問開咗門未？’。出來一個女人回答：“未，1點。” 講完一言不發直向我沖過來，我唔知發生乜事退咗出門口，個女人一直望住我一路行埋來，唔講嘢無表情，此時門已經自然關閉，我隔住玻璃望住佢以為佢有嘢同我講，點知佢係我面前又大力啪咗下門，轉身走咗。其實洗唔洗咁?我唔係想偷你嘢，唔係想踢館，未有早到，縱好禮貌問有無開門，一句唔好意思都無都唔緊要，唔好嚇親潛在客人，好難?…查看更多

朋友多次介紹呢間串燒舖，係由尖沙咀搬過嚟（亦都改名了），終於試到啦🙂‍↔️店內唔算好多座位，每張枱都比較闊落，坐得尚算舒服。我哋係午飯時間嚟，都keep住有人流。店舖播住英文流行歌，都幾in😆👍🏻雞翼塊皮焦脆，鹽燒又唔會太鹹，每串有兩隻，算大隻👍🏻雞腎爽口，有五粒。係朋友鍾意食所以嗌，佢話OK喎。🉑雞肉長蔥可以揀鹽燒或醬燒，我哋揀咗醬燒，有少少鹹和蔥太淋。下次會試吓鹽燒。👍🏻雞掌肉香港串燒店比較少見！熱辣辣，味道微辣，口感煙韌，好似咬緊燒豬皮👍🏻👍🏻雞腳筋雖然賣相唔討好，有啲類似雞腳嘅皮一粒粒嘅嘢，但係食起嚟幾有咬口。👍🏻雞皮 個人喜歡再脆口啲，有進步空間🉑蒜蓉豬肉長蔥師傅落鹽重手，都幾鹹🥵🉑鵝肝雙蛋飯好大碗，鵝肝和蛋都係飽肚食物，所以適合二至三人share。鵝肝好大塊，味道濃郁，雞蛋汁不太突出，應該係品種問題？👍🏻牛脷一串有三大塊，好厚切！味道唔錯，濃郁的牛味👍🏻鵪鶉蛋鵪鶉蛋好難有出錯嘅機會，正常發揮。🉑雞軟骨見到支竹籤就知係來貨嘢，呢個牌子嘅雞軟骨喺其他餐廳都有食開，不過呢度又係同一個問題，太鹹！整體嚟講，環境坐得舒服，服務殷勤，適合大班人嚟食嘢傾偈飲酒。不過食物質素中規中矩，大部份比較鹹。留意番，老闆話通常三點落場，有時不定時營業。晚市嘅食物選擇會多啲，如果有特別菜式想食都可以預先打電話落單，師傅會客製🍡P.S. 只收現金💰如果可以提供多個支付方式會更方便…查看更多