炑八韓烤 (黃大仙中心南館)

母親節提早一星期同愛燒肉既母親慶祝!! 特登BOOK左炑八既限定母親節套餐, 只做5月1至9日咋!唔少得既無限REFILL前菜。另外仲有一大碗新鮮沙律菜, 一路燒肉一路食可以解膩。牛拼盤 (特級牛肋骨 和牛牛舌 醬油五花肉 護心肉 蔥蒜牛五花 梨汁雞肉 大啡菇)特級牛肋骨好大份, 油份豐富, 好有牛香! 和牛牛舌薄身, 燒一燒帶有脆口口感。蔥蒜牛五花已經入哂味, 蔥蒜香味燒過後更加出, 好惹味!護心肉燒香後油分唔多, 勝在爽滑彈牙。醬油五花肉燒到焦香香口, 配上韓式辣醬包上生菜就最夾!梨汁雞肉嫩滑, 細味下會嚐到微微香甜。韓式辣炒年糕年糕好煙韌~~ 醬汁唔太辣, 味道夠香! 但我發現左個隠藏食法, 就係將年糕放上爐燒至表面金黃焦脆, 再沾醬食會更加好食!!甜米水+藍天使梳打甜米水清甜解渴, 仲好有韓國既回憶添呀藍天使梳打都唔會太甜, 賣相仲幾靚!母親節正日當日母親節套餐送荷蘭康乃馨一枝!!…查看更多

嚟咗黃大仙中心逛一逛同fd食個晚餐，佢話想食韓烤肉，咁就揀左炑八，基本上一出地鐵站出口就到。大家都唔係好想諗嘢，咁就叫咗個完勝薄切牛舌套餐。首先上配菜，除左沙律之外其他都可以無限添加，泡菜有少少酸辣味唔會太重口味，青瓜爽脆仲有好似海帶調味。泡菜蛋同粟米芝士都係可以無限添加!!!唔小心加左四次，又香滑又有口感，芝士仲可以拉絲。呢度啲牛舌比較薄身，都算容易咬開，不過都要睇你燒到幾熟，生啲就軟身啲，熟啲就有燶燶哋既美味，總括嚟講點燒都好食🙈 霜降牛小排同樣薄薄地容易咬，嫩滑可口。大啡菇估唔到又幾多汁幾juicy，仲有啲啡菇嘅香味。蔥蒜牛五花油脂分布較多，係肥油花的肉，嚼勁十足兼肉汁豐富。梨汁雞肉鮮嫩美味，厚豬皮同大墨魚都爽口彈牙多汁。套餐加$20有一杯梳打薄荷荔枝梳打，薄荷味比較重，好fresh。菠蘿梳打，有新鮮菠蘿嘅味道，甜甜地。兩個都寫住推介，有大大粒荔枝同菠蘿喺度，飲之前要搞一搞個底，兩杯都好夠凍，飲得夠爽。成間店好大，服務唔錯不過有時都要等一等服務員巡到過黎，食物質素高，係韓烤之選。…查看更多

為咗答謝母親嘅養育之恩，我哋一家今日破例一次去食韓燒， 叫咗個母親節套餐大快朵頤， 套餐價值接近八百蚊，但係絕對係物超所值。 套餐食物包羅萬有， 有入口即溶嘅頂級和牛牛舌、， 口感十足嘅五花腩、 五花牛肉 、 啡菇、 軟硬適中嘅頂級牛肋骨 ，完全滿足我呢個牛魔王嘅需求， 而且除咗牛之外，仲有爽甜可口嘅梨汁雞肉、 大蝦、同護心肉，超级正! 配埋爐邊嗰啲流心芝士蛋( 可以無限量添，加不限次數),超级正！而去到主食方面，配埋韓國嘅特色食品:韓國辣炒年糕， 辣度適中，入口煙韌彈牙！餐廳另一窩心之處係適逢母親節 ，惠顧會贈送康乃馨一支！套餐嗰個份量真係好多， 我哋全家本身都係食量大嘅人都竟然食唔曬，可謂物超所值!…查看更多

預早同媽媽食母親節飯，見到炑八燒烤推出左母親節套餐，決定一試～好多選擇的韓國野食，其實都相當吸引。但因為係慶祝母親節，散叫呢啲就留返下次再食啦。食得韓燒，前菜同邊爐蛋絕對唔少得。呢到嘅邊爐蛋好出色，有泡菜粒粒，食落超有口感。飲品方面，個套餐配兩款特色飲品。我地叫左柚子檸檬梳打、荔枝梳打、魔法梳打同埋藍天使梳打。個人最中意魔法梳打，淡淡嘅薄荷味，好清新，而媽媽就中意有子檸檬梳打，柚子味濃且清新。母親節燒肉套餐（$785)套餐真係抵食夾大份，呢一大盤有和牛牛舌、醬油五花肉、護心肉、蔥蒜牛五花、梨汁雞肉同埋大啡菇。媽媽對肉一向好高要求，佢話用料高級，醃肉到位。特別大贊醬油五花肉，燒完後仍然鎖住醬汁，好juicy。特級牛肋骨套餐仲包一份牛助骨同大蝦一隻。大蝦相當新鮮，肉質好實。而個牛肋骨真係世！界！級！攤開成條牛肋骨有成半米長，要燒開左兩條先夠位燒，配埋甜醬汁非常好味。個套餐仲有包一份韓式辣炒年糕，微辣，年糕相當煙韌，相唔飽都難。埋單嘅時候，店員仲同我哋講，如果喺5月9日晚幫襯呢個母親節套餐，就會送一支康乃馨，相當有心。…查看更多

今日去咗預祝母親節嘅飯聚，因為大家都想食韓燒金，所以揀選左一間有母親節韓燒套餐嘅餐廳。呢個套餐有一塊牛牛板，入面有好多唔同種類嘅烤肉：和牛牛舌，醬油五花肉，護心肉，蔥蒜牛五花，梨汁雞肉，大啡茹仲有一個盛合：特級牛肋骨，特大蝦，冬菇食開韓國野既人，通常都好鐘意食韓食炒年糕，都有！！包埋😍😍😍仲好鬼大碟仲有唔少得勁多配菜...有4種唔同既泡菜，沙律，粟米芝士，泡菜蛋，仲有生菜，除左4種泡菜之外，都係可以Refill嫁！真係無得輸！仲配兩杯經典梳打飲品：我想講呢個母親節套餐真係冇得彈！仲有牙，如果5月9日當天食呢個母親節套餐，仲會奉送一支康乃馨Tim..#炑八 #炑八韓烤 #Meokbangbbq #먹방 #韓燒 #燒肉 #韓國菜 #韓國餐廳 #韓國燒烤 #koreanfood #母親節套餐 #母親節 #HappyMotherDay…查看更多

五月是一個大日子，這天我與母親一同吃飯，找了一家餐廳，位於黃大仙之內，餐廳主打的就是韓式美食，沒想到餐廳更推出了韓式套餐，正正是為了母親自推出的。 食物方面，充滿了韓式的風味，十分美味，也十分適合香港人的口味。 除了欣賞他的食物外，我更欣賞他們對母親的情懷，於母親節當日光顧晚市母親節套餐，更有一支康乃馨贈送，這不就是給媽媽最好的愛嗎。 食物當中我最欣賞的就是他的韓式年糕，雖然帶點辣味，但卻和韓國阿豬媽煮的沒有大分別，這樣足以彌補了無法出外旅遊的心情。…查看更多

今日突然好想食韓式吐司經過炑八發現下午茶餐竟然有！！而且只是$38！幾扺食！🍞皇牌雞扒吐司 ($38)賣相不錯，饀料有雞扒、芝士片、滑蛋等吐司上帶有蜂蜜沙律醬，醬汁惹味碟上伴有少量沙律，感覺上健康點吐司整體滿意，滑蛋夠嫩雞扒好食（但帶有少許雞皮，我唔鍾意食）而芝士片較薄，味道不夠突出.. 麵包亦可以再烘多一點，有點軟但可接受隨餐會包一罐可樂/忌廉鮮奶我加了$8 轉柚子檸檬梳打大大杯，唔算太甜，幾清新～食完成個餐好飽…查看更多

此烤肉店舖套餐組合優惠價並未太過優惠。牛肉組合套餐系列份量較少，大概488港紙一份。味道屬於正常偏一般。cheese雞蛋燒味道唔錯，不過易被燒焦。推薦指數2stars。…查看更多

疫症後已好耐冇食韓國餐🇰🇷諗番以前食親都有位韓迷朋友系身邊，人大了各散東西，二嚟時間讓關係慢慢變淡，每次再食韓餐都掛念當初與他們共聚時光今次路徑炑八，考慮冇一陣間就入左去，中、日、西、越、泰、東南亞口味餐廳都經常地食，韓餐令我睇見都食慾大增！👉🏻醃蘿蔔片炑八一個優勝之處，相信好多人都知，前菜可以無限♾️添加，今次揀左醃蘿蔔塊，真系非常好味😋爽身、仲有種類似醋既酸味、帶微甜，非常之開胃👉🏻辣炒芝士年糕拉麵揀得呢味原來系十分掛住年糕、部隊鍋，無奈一個人唔食得幾多，就選擇左款邪惡之選，韓式拉麵一定要親熱啱啱出嚟就食先保持要麵咬口軔度😅無奈呢到既拉麵煮得太過龍，幾即時食都已經軟過頭，辣炒芝士年糕系面頭，年糕有咬口煙軔，配醬亦系常食到既韓式辣醬，其實唔系咁辣，唔食得辣既朋友都可以接受👉🏻凍檸茶都幾鬼大杯，杯裝印上左Good Time.Good Food，面頭3杯檸檬塊，除好睇外，味道當亦是正常整體來說，午餐餐牌嚟講，全單$50都已可接受範圍內味道上真系有待改善，另外人手不足，導致基本上沒什麼服務單上印有點餐網頁code，但用既時候發現過於複雜，又要填問卷填完再落單，幾次都跳左頁面，落單流程十分不方便，最後搞到我地都系需靠人手落單，客戶既點餐網頁希望盡會簡化功能，過次用餐經驗，不過不失…查看更多

同同事一齊去黃大仙做嘢，到左晚飯時間，決定去黃大仙中心南館醫肚。見到呢間餐廳環境幾好就入左去。點左豬肉石鍋飯，韓式辣炒年糕。泡菜任食，有四款，最好食都係辣白菜。豬肉石鍋飯：賣相很好，但細看之下只係得幾條肉絲，味道麻麻地，底部的飯焦都幾香口，整個飯只係俾60分僅僅合格分數。韓式辣炒年糕：賣相一般，味道也很一般，比較失望。總體來講呢餐飯，不是10分滿意，雖然環境唔錯，都坐得幾舒服，但價錢同味道不成正比，埋單一共$220 ，我諗以後都唔會再幫襯。…查看更多

4十幾蚊外賣自取有得電話落咗order先去到就有得拎喺附近返工諗唔到食咩，可以耐唔耐食下當日叫咗個烤牛肉蛋包飯另外加多$6要兩份泡菜佢個餐仲要包埋嘢飲（罐裝飲品）…查看更多

環境好大，但係可能人手不足，好多時候要不斷去叫服務員，先有人埋黎。燒肉款式多，食物質素好。 可以加錢加芝士 同泡菜蛋。 下午茶比較抵食。最近推出左一人燒肉套餐，個人覺得都算經濟，同夠飽肚。 鍾意韓燒 值得一試。…查看更多

本身想去旺角的炑八 但見食評之後 所以轉到黃大仙中心這間 帶位的侍應服務都幾好 由於我有訂位又早到了 佢都主動睇下有無卡位比我地 我地叫了一人燒烤 一份牛一份豬 其他上菜既侍應服務一般 加錢要了芝士粟米 食完了都唔會主動幫你加 要你自己叫才有 另外前菜既泡菜都好好味 但侍應亦唔會主動幫你refill 所以我都沒有再主動叫refill由於我是會員 可以用coupon 免費升級一個飯 但要侍應入機才可以用 幫手的侍應亦是服務一般我認為食物質素ok但無服務唔會再光顧黃大仙分店 之前食過太子果間 好好多 如果唔係韓燒地庫唔太好 我一定會光顧太子果間…查看更多

 炑八絕對係大家好熟悉嘅韓食餐廳！最抵食嘅一定係下午茶韓式定食！烤牛肉蛋包飯同炸雞蛋包飯都只係$48配有韓式清湯前菜及飲品一杯。非常抵食！當然佢亦都有韓國餐廳嘅燒肉，而家去唔到韓國都可以去過吓口癮! 加上黃大仙分店只係喺地鐵站隔離，1分鐘左右就會到非常之方便！加上黃大仙分店比較少人冇太子咁多人，所以食嘅時候都比較舒服！…查看更多

環境大，空間感充足。食物也不錯，價錢每人120左右食燒肉套餐，加15蚊有個蛋牛肉飯，正🥰泡菜好好食，係辣同甜。本人比較怕食酸泡菜😖所以呢度嘅泡菜啱晒我胃口。爐旁邊嘅泡菜蛋免費，如果要芝士粟米加$18，建議加錢食，好味。套餐入面加$15嘅牛肉蛋飯好食😋唯一美中不足，可能限聚令，六點之後冇堂食，4點左右入座，但食到5:15pm左右，全店嘅職員已經喺度預備關店，一路食嘢，一路聞到消毒拖地嘅味道，夠晒衞生😂😂😂。…查看更多