炑八韓烤 (+WOO嘉湖) (已結業)

之前木八會員7月31號到期啲積分由頭嚟過， 竟然又有迎新禮品，仲有好多份添 有呢個醬油蟹，柚子梳打，芝士炸雞，韓式冰抹同埋韓國珍露， 食一餐用唔曬咁多仲可以留返下次。 今次水準改善咗可能人少，所以職員嘅服務速度好快，一坐低就想上齊所有前菜，前菜入面個沙律係有柚子同埋有橙，仲有果汁做沙律汁撈沙律，所以沙律菜幾好味， 燒肉同埋芝士粟米有依舊有水準，但係啲泡菜蛋就鹹咗啲啦， 職員添加芝士粟米，攞碗筷都好快， 跌咗筷子唔使講佢已經即刻拎嚟。

星期日晚上，我同中學同學六人成團去左韓燒。呢度抽煙系統都唔錯🤗，唔會覺得焗。 我地坐左個鰻魚套餐，約HKD 7XX ，而且額外點左一樽燒酒。前菜任添，影了部分照片。泡菜都幾大塊架，味道唔會太辣，有韓式風味！有西柚和橙，味道酸酸地，配合沙律菜一齊食，幾特別又開胃！蛋漿和芝士都可以繼續添！ 鰻魚超正！有位店員估計我地唔識燒，於是就主動幫我地剪開佢，順便幫埋我地燒！實在太感動！其後，又介紹我地點鰻魚汁一齊食，超級有風味呀！ （如果佢唔幫我地，我估計我地寶係成塊放落去燒😂 然後，搵幾個人禁住塊鰻魚以防下滑🙊🙊） 我頂唔住！係咳藥水的味道呀！六個人食，唔算食得好飽。肉類都好味，可以一試！

成年無去過炑八，最近見到有訂座優惠就再去下啦！2個人食，前菜其實已經食到半飽叫左雞牛豬各一，份量都好大！兩個人食絕對有凸！五花腩係乜特別，唔太推。雞肉亦好味，雖然唔覺有梨汁味，但好大碗，抵食！雖然無乜海鮮，但煎番熱佢黎食都幾香口好食。又係大大份，叫叫埋埋禁多野食，呢餐食到好滯。

一間餐館，一係食物，一係服務，一係裝修環境。下午茶時段光顧，首先食物質素下降了，牛肋骨鍋份量少咗，蘿蔔唔份味，另外湯是凍的。另外牛肉蓋飯啲牛肥到呢！最緊要係服務差，特別係收銀女子，結賬時問吓佢啲積分可以點用，佢竟然答換食物，當然係無錯，但當你見到佢份面孔就知呢個答案的內容。比份嘢我自己睇都好，再問多一次咁啲積分可以點用，佢再答都係換食物！咁梗係換食物啦！唔通換部車走咩！響服務呢講呢位算係垃圾級別。裝修本來係可以但係清潔就⋯⋯！唔想再光顧！

天水圍食野都幾貴架..食個晏都4-50蚊..老公放假..同佢嘆下韓國野...呢間大份又好食..飲品都幾特別架..午餐都可以點燒烤架...價錢都係98起..都好抵既

自從上次係沙田食完炑八燒烤之後就想再encore了！因為午市抵食而且味道好，食得好飽。所以今個週日同家人一齊去食炑八～天水圍已經由個鄉下變成城市了，又有starbucks又有炑八x2今日星期日所以有少少等位，但係四人檯都唔算等得耐一點拎飛大概十五分鐘後都可以入座坐低就梗係要叫野食啦～四個大人叫左兩個餐同一個海鮮薄餅，其中一個餐加左十八蚊upgrade左個白飯做蟹膏拌飯分別係黑毛豬餐同埋雜錦炑八餐，黑毛豬餐就只有豬，雜錦炑八就係豬同牛既combination因為叫左兩個餐，所以上了兩個湯，都係個d 味道啦，海帶鮮味又加點味精湯既味又有dd 淡咁加上因為我係一個唔鐘意飲湯既人，所以都飲左幾啖就俾左媽咪落完餐之後d 小碟、豉油都陸續上檯啦！kimchi 可以refill，但係唔知道魚腐同埋芽菜可唔可以refill 呢？yeah~ 話咁快頭先叫既個兩個餐都上左檯啦！其實＋＄18 既蟹膏拌飯要重點講一講，但係我忘了同佢影張獨照呢十八蚊真係highly recommend 俾！個蟹膏拌飯真係好好食，蟹膏份量又多，一d 都唔辜寒！仲有d 蟹柳絲同埋蟹子撈埋一齊食真係好好味呀！蟹膏好香呀～～～不過我就

炑八一直都係我午餐食堂，大份又抵食叫左2個烤牛肉蓋飯，同老公一人一個😂😂大大份，好多肉我會加埋泡菜落去一齊撈飯食，前菜食完可以再添架！加$6有一杯野飲食完抱住個肚走，爽！

7點半去到見冇咩人，覺得奇怪，尼個繁忙時段應該好多人先岩⋯咁算啦⋯因爲自己都想食韓燒。於是叫左個2-3 人餐，2個大人1個中童，份量岩岩好點知，未開始燒，就坐滿晒人，好彩早拎枱☺️前菜有泡菜、羅白、大豆芽、沙津泡菜蛋、芝士粟米，食完仲可以 Refill蟹膏拌飯- 蟹膏冇惺味，撈埋一切食又幾好味8 爪魚就有d 咸，燒完再點汁都係咸；其他燒物都ok ； 肉、生菜、泡菜、一片生蒜夾埋一切食都好味喎芝士生蠔- 麻麻地，芝士味不夠，可能因為蠔出水，令到芝士唔夠出

食物：一個鱈魚扒牛肉餐（$508），二人用極飽柚子鱈魚扒：強推！！海鮮最重要一個「鮮」字，總共兩大塊鱈魚，一入口好似食到海洋既味道，鮮既口感系漸漸湧出黎。肉質好細膩幼嫩，而且唔會散開。條切特級五花肉：呢個都好好味，肉質好靚，小小油脂分佈係紅肉之中。燒出黎肉汁好似鎖住左咁，入口就即刻湧現。平時真係少少肥都唔食既人黎，不過呢個既小小肥反而系豐富左個口感。韓國大蝦：大蝦四隻，蝦身去殻，淨返蝦頭同蝦尾既殻，食落幾方便。肉質有啲緊，蝦身唔算多汁，不過近蝦頭果個位就好多汁。卡邦尼煙肉濛粉年糕：不錯吃的前菜~個汁好有水準，胃口大開，慢慢食都唔會太飽。唔好(請讀第三聲)年糕所以冇食過。雜菜：有菜玉瓜(?)片、茄子、南瓜、冬菇(應該冇漏)：菇意外地好食，睇個樣會以為燒到乾晒，點知食落又幾飽滿多汁。特選上等鹽牛舌、霜降牛小排：點解呢兩個要一齊講呢，因為為我都一樣，食唔到……肉質太韌好難咬，尤其係我篩左牙，牙口唔多好。不過據另一位所講，牛小排都好多筋，而且有唔少肥肉。所以就，一般啦。仲有生菜盤、生菜沙律(芝麻醬)、青椒、醃青瓜、醃蘿蔔、南瓜、芝士粟米、泡菜蛋漿：除左沙律，全部無限添！醃蘿蔔酸酸地，好清爽，唔

假期來到天水圍，其實我對天水圍不大熟悉，所以只有憑感覺覓食！午飯時候，突然好想吃飯，所以來到這家餐廳吃韓國菜。 午餐價格廉宜，我們點了泡菜豬肉飯及牛肉飯。前菜未上，主菜就率先送到了。泡菜豬肉飯飯量多，豬肉很少。小妹很喜歡吃泡菜，豈料這泡菜一點發酵的酸味都沒有，只有辣味和娃娃菜，而且兩者未能融合，就是「唔入味」。 至於牛肉飯不過不失，但以相若的價錢，連鎖快餐吉xx的質素稍勝。 套餐加$6就可享特飲一杯，為免再次中伏，最後我們點了一杯凍檸茶和熱菊花蜜，檸茶不苦澀，菊花蜜也清香滋潤算是今餐的小安慰。 

今日同媽咪試咗銀座新開嘅韓燒餐廳。雖然今日星期六，但係佢哋星期一至日都有 lunch set.我叫咗雞扒蛋包飯 （$42），媽咪叫咗石頭牛肉飯 （$58）。我哋兩個都有加飲品 （+$6），好大杯同好飲。開頭以為我個雞扒蛋包飯會係似日式嗰種，個蛋會完全包住啲飯，但係原來只係將炒蛋擺喺飯上面。啲飯黃黃地色，應該類似炒飯咁樣。飯上面個炒蛋好滑。啲雞扒都好味，好入味。媽咪個石頭牛肉飯都好好味，佢比分比8.5/10。雖然前菜唔係特別多種類，只係得泡菜同芽菜，但係都好食同埋啲泡菜唔係死鹹，有帶甜味。同埋餐湯都好夠味，唔會淡茂茂。下次一定會再返嚟幫襯

今日去咗天水圍食看小下午茶，雖然係下午茶餐，但係飽到可以唔使食晚餐啦，好抵食呀哈哈～環境都幾舒服，天水圍唔算好多嘢食，但係竟然有間出名嘅韓燒開咗喺度，都幾驚喜，唔使出老遠嘅市區，一於來試吓啦～泡菜豬肉湯泡飯：一直都好鍾意食韓國既湯飯，覺得好易入口。雖然有泡菜，但都唔會好辣，岩曬中意吃微辣的我，豬肉好軟林林，加埋豆腐好夾呀。佢會有啲前菜，包括韓國清湯，都幾清甜，有啲蘿蔔仔食下。仲有小菜，包括泡菜同芽菜，都幾爽口，泡菜唔會好辣，配埋個泡菜豬肉湯泡飯一齊食，相輔相成。

同朋友去左食呢間韓燒既下午茶。一入去就見到個招牌名，好搶眼，環境都幾闊落，好多沙發卡位，坐得好舒服。因為我都有少少飽，so 朋友要左個餐，我就要左甜品啦，食少少試下咁啦。要咗個＄42嘅Oreo朱古力迷你冰冰，雖然話係迷你，但係都好夠兩個人食啊，朱古力好甜，再配埋Oreo ,就係cookie and cream 既配搭，非常夾，好好食。不妨試下呢間幾出名既韓燒，下午茶都幾抵食，仲有好多間分店，總有一間係左近啦～