炑八韓烤 (MegaBox) (已結業)

九龍灣megabox 韓燒今天去香港megabox 逛街，地下有很多餐廳，看到這家韓式燒肉環境很大，有各款燒肉，平日晚上人不多，便馬上試試。餐廳環境寬敞舒適，有很多卡位，充滿節日裝飾，抽煙不錯，提供韓式前菜免費任添，還有泡菜雞蛋和粟米芝士。放在爐邊一邊燒肉，一邊加熱雞蛋和芝士。另收加一服務費。風味牛肉拼盤 $258不知道點什麼可以叫拼盤：有牛前胸肉、蔥蒜牛五花、牛小排和牛舌。蔥蒜牛五花醃到好入味，不錯炑八厚切五花腩 $138職員會幫忙放專燒豬肉的鐵板上去，還幫忙燒厚切五花腩，配生菜和泡菜蛋一起吃更加滋味。另外可以配醃蘿蔔，清甜解膩。梨汁雞腿肉肥美多肉，份量比想像中多。比較易痴網，記得持續翻韓式水冷麵冰涼彈牙的冷麵，可以隨個人喜好加入芥末和醋調味芝士泡菜煎餅大大個滿滿泡菜的煎餅，有點辣，中間還有邪惡芝士夾心棉花糖配朱古力威化餅 $68甜入心青檸梳打 $38柚子梳打 $38梳打多氣，加入甜甜的糖漿，涼透心服務質素：7/10環境舒適度：7/10ᶘ ᵒᴥᵒᶅ個人口味評分：7/10

唔知道大家睇左𝗡𝗲𝘁𝗳𝗹𝗶𝘅 最新嘅「魷魚遊戲：真人挑戰賽」未呢，@𝗺𝗲𝗼𝗸𝗯𝗮𝗻𝗴𝗯𝗯𝗾 最近𝗰𝗿𝗼𝘀𝘀𝗼𝘃𝗲𝗿 𝗡𝗲𝘁𝗳𝗹𝗶𝘅 推出左𓋑紅綠燈魷魚遊戲套餐𓋑，店內佈置得好有主題感，還原左經典關卡，例如一二三木頭人、戳椪糖等等，連店員都會著上參賽者服飾，而套餐會附送限量貼紙，另外現場都有聯乘精品可供選購𓋑紅綠燈魷魚遊戲套餐𓋑包括左魷魚、醬油五花肉、梨汁雞肉、深海鱈魚肉、安格斯外裙肉、和牛牛肋條、月見牛腹肉、韓式香腸、韓式前菜小碟，份量好足料𓂅魷魚好新鮮，烤一烤已經好焦香鮮味𓂅雞肉用梨汁醃製過後肉好嫩滑同帶鮮甜𓂅鱈魚肉肉厚口感細緻𓂅五花肉好入味，燒得焦脆特別惹味𓂅安格斯外裙肉、和牛牛肋條、月見牛腹肉各有千秋，個人最喜歡月見牛腹肉，點鹽會帶出牛嘅鮮甜味，點月見醬汁就會有更滑口感𓎯紅燈沙冰𓎛綠燈沙冰𓎯賣相非常有創意，中間一條條分別為紅色同綠色嘅配料，係近似珍多冰入面嘅椰汁條，而沙冰味道係近似西瓜味軟糖，幾特別𓊱椪糖曲奇雪糕重現劇中嘅椪糖餅遊戲，曲奇富香濃牛油味，同雲尼拿雪糕一齊食好夾，冰雪士多啤梨清新香甜𓄢炑八韓烤 九龍灣宏照道𝟯𝟴號企業廣場𝟱期𝗠𝗲𝗴𝗮𝗕𝗼𝘅地下𝟮𝟭號舖

天氣開始轉涼，最岩就係去食下韓燒。最近就去左公司附近、Megabox既【炑八韓烤】食晚飯。Megabox分店平日夜晚人流比較少，會比較舒服。一上黎會先上好多前菜，除左沙律同生菜，全部都可以添。而且有爐邊泡菜蛋同粟米芝士都係任食。 梨汁鷄肉：梨汁腌做D鷄肉甜甜地、肉質又好軟霖。不過可能有糖會比較容易燶，可能要注意火候。 炑八厚切五花肉：呢個會有店員幫忙燒，唔會太肥膩，外面一層焦焦脆脆，肉香十足。 風味牛肉拼盤：有4款牛肉，包括前胸肉、牛小排、牛舌同葱蒜牛五花。牛肉雪花紋好靚，入口即化。葱蒜牛五花調味好特別。 韓國水冷麵：食燒烤食到熱熱地，食返冰涼既韓國水冷麵非常不錯。分量好多，不過調味比較清淡。 芝士泡菜煎餅：芝士分量超級多，個邊煎到好香脆，基本上完全唔辣。 夾心棉花糖朱古力威化：非常似s‘more，融化左既棉花糖同半融既朱古力加麥餅，好食。 士多啤梨乳酸梳打：有新鮮士多啤梨加糖漿再加乳酸梳打，酸酸甜甜好refreshing。 薄荷乳酸梳打：薄荷糖漿再加乳酸梳打，個人覺得幾特別。

👧🏻😋👅🍽✨韓烤配韓食-炑八韓烤🇭🇰 九龍灣宏照道38號企業廣場第五期 Megabox地下21號舖 🇭🇰-🇰🇷 炑八除左大家都認識既韓烤, 仲有唔少傳統韓食, 夾心棉花糖配朱古力餅都回歸喇, 小朋友一家勁鐘意食! 當然唔少得無限添加既爐邊蛋同韓式前菜🇰🇷 Megabox平日lunch time就勁多人, 夜晚反而放晒工就比較靜, 入黎行AEON順便一家人食飯就岩晒; 叫左個厚切五花腩, 店員有細心幫手燒; 仲周不時問下使唔使添加爐邊蛋同芝士勁好招呼-🐂 風味牛肉拼盤 $258💯牛前胸肉, 蔥蒜牛五花, 牛小排, 牛舌款都各有特色, 擺盤靚款式多, $258算幾抵食; 牛小排入口即溶脂肪均勻勁香牛油味-🐖 炑八厚切五花腩 $138✨厚切長方體五花腩六邊燒勻之後再剪開一條條燒多陣就金黃焦香食得喇, 配上辣泡菜同生菜食落超fresh-🐓 梨汁雞腿肉 $88💯雞腿肉慢燒出細貨, 雞皮燒到乾身脆卜卜勁香; 梨汁甜甜地同雞油味融合- 🍜 韓式水冷麵 $88✨冷麵條好彈牙, 店員幫手剪開一半, 撈埋醋同芥末醬好開胃; 入面仲有蔬果薄片更消滯-🫕 芝士泡菜煎餅 $90💯超邪惡! 厚厚芝士係每一格煎餅上

今天行完mega box，正想找地方吃飯，見open rice 有網上訂位及有食滿$500有85拆，二話不說，立即用open rice 網上訂位。要了個$498套餐加杯飲品，三人食已非常飽，抵食。服務好，的待應很有禮貌，又教我們燒豬腩肉，即叫即送上加添蛋，芝士粟米，生菜，水等。比個like那些待應。會再去食。

一想食燒肉第一時間就諗起炑八🔥ღ 風味牛肉拼盤 $258拼盤有蔥蒜牛五花、牛小排、牛舌同牛前胸肉，牛小排油花細緻，肉質口感滑嫩，牛舌薄切燒完好爽脆🤤ღ 炑八厚切五花腩 $138店員主動過嚟幫我哋加塊鐵板上去燒，燒得啱啱好，勁香口ღ 梨汁雞腿肉 $88雞腿肉油脂豐富，入口嫩滑又美味ღ 韓國水冷麵 $88食完燒肉再食返碗Q 彈口感嘅水冷麵就啱晒，透心涼ღ 芝士泡菜煎餅 $90泡菜煎餅味道酸酸辣辣，惹味又醒胃ღ 夾心棉花糖配朱古力威化餅 $68最後叫埋呢個棉花糖嚟燒，滋味滿足😌ღ 薄荷荔枝梳打 $38ღ柑橘鮮橙果茶 $

今日同同事收咗工就落嚟Megabox度食飯，咁佢有少少想試下韓燒，咁佢就帶咗我嚟炑八韓烤食， 一上到去真係幾有韓國feel， 而且入面環境都唔錯， 廢話少講大家睇我食咗啲乜:風味牛肉拼盤包括蔥蒜牛五花、牛小排、牛舌、牛前胸肉和炑八厚切五花腩。這個拼盤提供了多種口感和風味的牛肉選擇。蔥蒜牛五花帶有蔥和蒜的香氣，牛小排具有嫩滑多汁的質地，牛舌則具有獨特的口感，牛前胸肉則是煮後變得柔軟美味，炑八厚切五花腩則是厚切的五花肉，帶有豐富的肉質口感。這個牛肉拼盤給予您品嚐不同部位和風味的機會，是肉食愛好者的一大享受。梨汁雞腿肉是一道搭配梨汁調味的雞腿肉料理。這道菜以嫩滑多汁的雞腿肉為主，梨汁調味帶來微妙的甜味，使整道菜燒喺上嚟更有風味同豐富。韓式水冷麵是一道清涼的麵條料理，這道菜主要由冷麵條和蔬菜組成，搭配韓式酸味醬汁，味道清爽且帶有微酸的風味。芝士泡菜煎餅是一道結合了芝士和泡菜的煎餅。這道菜以韓國煎餅為基礎，添加了芝士和泡菜，製成酥脆外皮和濃郁內餡的美食。芝士和泡菜的結合為這道煎餅帶來了豐富的口感和風味。夾心棉花糖配朱古力威化餅是一道甜品。夾心棉花糖輕燒之後搭配朱古力威化餅，帶來了甜蜜和酥脆的口感

九龍灣本身你係唔會無啦啦入黎食嘢既。要返工局住係呢區，OK，咁都要夾硬搵下好嘢食。都係平時一個中午，好多時唔係好想食茶記，最後都係會變左食茶記咁。咁難得想食韓國菜啦，Fine，原來Openrice search 到有十一間韓國野係呢頭，不過細心睇下，呢間又係炸雞，個間又係炸雞。有間仲有趣食漢堡都叫韓國野。不過點都好，原來Megabox 有間韓國野。 有時想平平地食個韓國湯，呢間啱啊。又唔加一又唔盛。我點左大醬湯，跟個特別飯。唔係普通白飯，係泡菜豬肉飯。大醬湯呢就都幾味精下，無咩肉。泡菜豬肉飯就幾甜下，又唔酸，又唔辣，仲要明明用肥豬肉但係d肉係真係鞋既。同期望有落差。最好食係跟餐小碟個泡菜。不過咁講， 我呢餐食左咁多嘢，又唔加一又唔盛真係七十幾蚊。唔好夾硬要求三餸飯既價錢食Fine Dining 啦。公道d講，性價比算係咁，又坐得舒服，又易搵位又唔趕你走。我打分相對鬆手d（每樣自己減返粒星）。如果大家真係想隨便中午休息下對坐位要求多過食物質素，我真心會推薦呢度。利申我會翻啅。講多句，如果真心對食嘢尤其係韓國菜真係好有要求既，我建議真係放工有時間去第二區搵正宗少少既韓國野好過，呢區我都食得

食晏去咗炑八韓烤，午餐時間好多人等位，大约等咗十五分鐘，環境寬敞，卡位又多，近門口係燒肉區。用QR Code 落單韓式小碟有芽菜、蘿蔔、土豆絲、泡菜（無限任叫）及韓式清湯一碗。芝士泡菜五花肉拌飯五花肉有肥有瘦，同泡菜一起炒味道剛剛好，芝士同粟米粒，還有一隻蛋，中間有飯把所有材料撈埋一齊，味道非常好食大滿足。另一個唔係拌飯改粉絲要加4蚊。韓式烤牛肉粉絲烤牛肉好碎好細片，有洋蔥及蛋絲，粉絲好彈牙唔會太冧。飲品方面加8蚊有一杯特飲茘枝梳打同柚子梳打，味道非常清新不太甜。

幫襯過咁多間炑八餐廳未試過好似呢間咁服務態度咁差，😤😤叫拎嘢仲要俾工作人員兇返轉頭，呢個都未算，嗌咗加碟芽菜可以食完埋單都未有拎嚟，我以為嗌一位係咁，我連續同距地3位唔同工作人員講，依然冇反應，呢間乜餐廳嚟，個別男工作人員都似足無水洗面個樣，落嘢都唔會講聲唔該小心，請慢用，講嘢又冇禮貌，以後唔會再幫襯😤😳😤😡😡😡😡🤬🤬🤬🤬🤬真係到成肚火，未試過係餐飯會係打包走都好過係噶到坐住食噶

炑八抵食秘決係lunch time一個叫韓燒一人餐，一個叫所午餐我地兩個人一個叫了一人韓燒餐，一個叫甜辣炸雞。首先甜辣炸雞的口感非常棒。外皮酥脆，內部肉質鮮嫩多汁，調味恰到好處，甜辣味道非常爽口。而韓燒一定要叫粟米芝士邊，可以任refill，我地係狂食，配飯同炸雞都一流，去炑八食真係為左佢個芝士邊

忽然好想食韓國嘢，今次帶埋小朋友嚟食燒肉午餐，大約兩點入座，唔使等位👍叫左一份燒肉餐，炸雞同紫菜包飯😋彥陽和牛餐配白飯即燒即食熱辣辣好正，午餐都有埋無限添加爐邊蛋👍牛肉有醃過幾入味，份量唔多，一人份配飯同湯加埋爐邊蛋都應該岩岩夠飽。爐邊蛋慢火細烤咁煮熟，都幾滑同有蛋香味，煮一次爐邊蛋需時都幾耐，最後淨係煮左一次無再添。餐湯正常發揮，另外點左一杯柚子檸檬梳打，係柚子蜜加一片檸檬，甜度適中，都ok👍醬油蒜頭無骨炸雞全份(16件）賣相好正，一個小小炸雞山丘😍側邊有薯條伴碟，炸雞外面淋左醬汁，表皮保持到一啲脆度，醬汁鹹鹹甜甜，入面雞肉炸等岩岩好，肉質嫩滑，好開胃亦都好令人滿足😋😋😋牛肉紫菜包飯飯卷包得好扎實，一啖一粒，唔錯既小食👍另外有三碟伴菜，凍芽菜芽菜爽爽地，清淡口味，唔錯甜酸海帶海帶好香海帶味，帶微微酸甜，好開胃泡菜泡菜係我個人好鐘意既偏甜口味，唔會有太強既酸味，配燒肉食好正💕呢餐3人食到好飽好滿足👍開心既一餐😊

這間店我以往去過很多次， 他們是很多分店的， 價錢非常超值， 因為megabox的商場泊車有優惠所以今次選擇了megabox， 意外驚喜係這一間的服務態度非常之好，服務員介紹和牛及鱔， 因為晚上沒有太多客人，所以全程幫我們燒，初初介紹線的時候以為是平時食開的鱔（鰻魚）， 有驚喜因為是一條生的鱔再燒熟，新鮮又好味，整體嚟講好滿意

同朋友看完戲過來填肚，發現午餐時段嘅韓燒套餐唔錯抵食，燒雞肉加五花腩先100蚊有找，加上可以免費無限refill小菜同鍋邊蛋所以真係幾抵食。韓式小菜有海帶泡菜同埋芽菜，味道都幾好，清爽解膩。肉類嘅話五花肉正常質素，有醃製過，雞腿就有啲麻煩了，原隻咁上來好難燒，而且似乎並冇做任何調味，小寡淡。

年初八以為有好多人嚟食，點知原來都即日都book到位。已經有一段時間冇黎炑八餐廳食晚飯。重臨舊地，發現食物嘅質素並沒有下降。服務方面加咗一班好有熱誠嘅姐姐，為有啲人來講會覺得煩，但呢班姐妲確實幾有效率，👌