炎丸居酒屋 (已結業)

午餐在銅鑼灣時代廣場揾食，無訂位，walk-in 這間也有位。因為有set lunch，價錢較晚上便宜很多。平時多數吃魚生飯的我，由於坐Bar枱座位，看到中央的碳燒煮食，很多一條條的魚在燒感覺很好食，猶疑了一會兒，愛吃牛的我就點了燒牛肉定食。老實說，牛肉的份量比預期中少，原則上燒牛肉是味美的，可惜牛肉上菜時已涼了，應該是因為待應生不夠的關係吧，相信是燒好了一陣子才上菜。朋友點了炎丸御膳定食，為食的她貪個定食夠多樣化，誰不知等了超過二十分鐘還未上菜，我因為肚餓一早已不客氣地先吃，結果有「分開吃」的感覺。而朋友的定食味道不過不失，總的來說，是一間正正常常的日式餐廳，但可能因為餐廳地方較大或是員工太少的原因，上餐的速度有需要改善。

lunch 突然想食餐豐富d，朋友介紹左--炎丸餐廳好大亦好有空間感，值得一讚侍應服務態度好好，有笑容有禮貌。。。講講佢個lunch ,我地點左兩個定食餐:定食Menu:。。。第一個餐：刺身定食（白飯，沙律，味噌湯，蒸蛋，重有d 配菜）。。。第二個餐：炎丸御膳（白飯，蒸蛋，刺身，牛腸煮，燒魚，薯仔沙律，味噌湯，鹽辛魷魚）。。定食外觀好吸引特別係炎丸御膳，用左個大竹筒，上菜時，格黎枱都望左過黎。。刺身：新鮮度80分（三文魚欠少少），尚算厚切，Wasabi可以再辣d會更好。。。蒸蛋：外觀就好靚，但我覺得蛋味唔夠濃唔夠香，比較淡味，但材料都夠多。。。燒魚：我好鍾意食魚，le 個燒魚唔錯，唔乾身，重有魚汁，煎得外面脆脆，魚汁鎖左入面，油分岩岩好，值得一讚。。。薯仔沙律：味道冇乜特別，但夠凍，外觀精緻。。。鹽辛魷魚：唔知大家鍾唔鍾意食生魷魚，口感有d似生魷魚，凍食，少少辣，個醬汁調得唔錯，好食。。。牛腸煮：我本身唔太鍾意食肥膩野，如果大家鍾意食，值得一試，不過偏甜左少少。。。最後贈送左我地雪糕（我記得有曲奇，綠茶，朱古力）。。。曲奇味雪糕：值得一提雪糕味道唔太甜，重點係為左保持冷度，匙羹同個碗係

今日同一個一年先見得一次既朋友食飯因為朋友係澳洲個邊而我係英國個邊通常只得7月呢個時間大家夾到係香港見面食飯聚下所以通常我哋都會選擇一d餐廳係可以食坐得耐d傾下計因為我想食日本菜而朋友之前黎過呢度食覺後幾好所以就提議黎呢度食因為今日一點鐘食怕無位所以朋友一早打定電話黎book位通常去餐廳食野我覺得有reservation既service會好d因為通常要等位既話我會選擇去第二度食入正題講下d食物啦今日特別想食天婦羅蝦所以我就點咗大蝦天婦羅烏冬定食包埋2舊壽司 蒸蛋 沙律個烏冬我覺得中規中矩唔係話好特別正常都煮到或者食到咁全靠有天婦羅蝦為佢取勝個蒸蛋都好滑做得唔錯我覺得同其他日本料理既水準差唔多初初以為係時代都會好貴不過我食既呢個set就98蚊同其他日本餐廳相比起其實都係差唔多價錢所以唔算貴最後同朋友2個total食咗270幾蚊所以人均消費都係ard135蚊到至於環境方面本身我唸住lunch hour會好多人點知唔算多人就算冇book枱都唔洗等位可能唔多人啦所以個環境俾我感覺好舒服而service都算可以

😽久久聽聞接近放工時間這家一定很多人的，有的當然為了趕及七點前Happy hour吧！今次放工終於去試吃了啦！整體食物賣相很好！個人偏好吃牛肉及有牛油果伴食的兩款，肉味夠而牛油果新鮮，配合啤酒更好呢！朋友推介的木桶豆腐很滑而且食法特別，真的是有一小桶的！另外不得不提一下是最驚喜的甜品（不知道這屬不屬於是甜品類）燒蕃薯伴忌廉蜜糖醬，好正好岩喜歡吃cream的我👍🏻好像沒吃過忌廉加甜蕃薯這個組合而且都幾好味！推介！

日本朋友推薦的炎丸enmaru 坐落於時代廣場我們剛入坐時是六時左右 剛好是happyhour， 所以有很多優惠（食物和飲品）餐牌屹立在門外 定價和這裡的其他餐廳差不多，值得提示的是happy hour只到七時，即是只有一個小時，要趕快下決定呢！餐廳格局寬敞，雖然沒有別室，也不會吵鬧Bacon with 旬 🤤🤤十分配合的組合十分香口Bacon with cheese 超級好吃 入口即溶， 喜歡吃整塊芝士的朋友可以試試好像是烤雞 一般般不會比外面的遜色 但也是普通牛肉卷物 意外的好吃 大家都讚不絕口也吃了鰻魚卷， 都是不錯的選擇喔

我知道「炎丸」源自日本東京，日本朋友說「炎丸」在料理方面獲獎無數，看見餐牌上的菜式+裝修，有一種強烈日本風味。 店內十分寬敞，一d都吾迫！一入到「炎丸」， 就被餐廳中央位置的炭火爐端燒深深吸引住，爐邊圍著直立式燒烤魚， 問過店員方知道，原來「原始燒」是選用了備長炭，備長炭能達至高溫九百度，有效鎖住肉汁。 所以我決定要試有燒魚既定食！ 我叫左「魚花」魚定食， 定食內有花魚原條上、蒸水蛋、白飯一大碗、味贈湯。 魚好香，但偏咸， 魚身多肉，香趣可口， （如果怕有魚骨，可以叫鱈魚），個蒸水蛋味道好特別，我食得出係加左魚湯去蒸，有別一般的蒸水蛋味道。

Great value lunch set @ 炎丸居酒屋Their lunch sets are always excellent. Plenty of choice from $1xx up. Among all the sets, those grill fish sets are the best. They freshly grill all the fish in front of you. Staff are attentive and the place is spacious. If you want a quiet place in the hustle and bustle CWB, here is a good choice.

午餐係門口等位， 眼見入面有位都要等好耐，原因係帶位又係這服務員，點餐都係佢，辛苦曬，不過客人仲等得辛苦。餐廳裝修不錯，中間有個大大的火爐燒魚， 是一個亮點。 不過整間餐廳 這麼大，只有五個樓面， 隻手舉了很耐才有人來下單。 服務員態度整體很好，可惜真是做不來了 叫咗個清酒燒青魚， 味道有淡淡嘅清酒香， 不錯 ，只可惜與魚肉燒得比較'鞋'，遜色咗少少，整體還可以。另外叫咗個壽司定食， 飯係有經過醃製， 有心思，魚生以這個價錢也不錯。 但最好有個湯麵跟一跟， 因為飯身好少，這個定食係唔飽。 整體比燒青魚還好。因為唔夠服務員所以上菜速度都比較慢，會帶來負面的食客感受，絕對可以進步的。

今天請假休息下，去咗時代廣場行公司，因為大部分牌子衫褲鞋襪、甚至家俬電器、約人茶聚、睇戲食飯都是不二之選。今次選擇日本菜，位於時代廣場食通天10/F 的炎丸。平日晚飯最好先訂枱，今天去試午飯，不用等，太好了。叫咗兩客午市套餐再加壽司，份量足夠三個細食的人吃。我們叫了刺身套餐($148)，燒花魚套餐($148)及鮮元貝壽司($78)。套餐有飯、有湯、又有日式蒸蛋，美味！天氣熱，再叫了兩杯凍飲，分別是白葡萄乳酸梳打加骨膠原及芒情魅力(mango charm)，亦有特色👍🏼行完公司亦可以去地庫超市買菜，一樂也。

呢晚一行四人來食晚飯,本人提議既,因為幫襯左幾次都仲甘吸引我,係因為水準保持到當晚order左好幾樣餸以及最愛既生果味Kirin🍻最值得推介一定要數爐端燒,當晚menu都冇睇就先一口氣order左一份燒雞脾,兩份燒雞翼但仲嫌唔夠喉.如遇繁忙時間爐端燒要超過30分鐘,大家要有心理準備.然後一口氣order左款魚生拼盤,炒烏冬,傳統牛肉山葵燒,吉列牛,露筍...每樣都非常好味.環境同服務都唔錯呀朋友話會再幫襯哦

上次同my best friend 去銅鑼灣食飯行街，我地今次想搵間環境舒服同好食既日本菜，咁我best friend咪即刻上open rice search下，就決定去time square炎丸try下！我地一上到去覺得門面好靚，入面地方都好闊落，感覺不錯！之後一坐低梗係食下佢推薦既炎丸壽司卷，有6款不同壽司，都幾特別！我地都未食過炸牛肉，所以決定試下，但非常一般，完全冇牛肉味😕燒牛舌太厚，未熟得哂。燒銀雪魚都算嫰滑，但份量好少😓最不能接受係雞泡魚乾，又少又唔好食總結，不會再黎，依個價錢我可以有好多選擇！而且服務好差，叫左好多次點餐，都唔黎😡

叫左個蝦刺身，結果甩頭甩尾，問個waiter佢竟然話正常，啲蝦唔新鮮會甩蝦，叫我繼續食冇問題。咁即係自己認啲嘢食唔新鮮啦！個經理問我食物有咩問題，我同佢講話佢個staff認食物唔新鮮，佢竟然再問我有咩問題！仲有叫個二人餐原來得一份沙律一份湯，二人餐唔係情侶餐啊，算，問佢攞多份餐具佢話係一份。我差啲嬲到想就咁走。以後有人俾錢我去食都唔會去！個餐400蚊一個人，一人一份沙律一份湯真係咁貪心咁過份？算，叫個waiter加茶佢完全冇左件事，叫左兩次都一舊木咁，仲夠膽收服務費！跟住坐係個火爐前面以為好過癮，點知成晚食煙。啲抽氣咁差就唔好玩火啦。

長輩請食飯，訂潮州百樂，但限時，老人家食得慢，走咗過嚟。在銅鑼灣，好些魚生午市套餐都要$200，這裏時代廣場，餐廳樓高，空間感大，枱櫈夠大，中間燒物廚房，直立式碳燒魚，配日式燈籠，增加視覺效果。但這裏魚生套餐只是$148，魚生厚厚切片，4款：三文魚，吞拿魚(血红色，林林地，唔知邊個部位？)，油甘魚，劍魚，魚生新鮮。拉麵套餐$98，拉麵林，义燒一般，要求不高，正宗拉麵店至少一碗$80，無其他，所以抵。銀雪魚套餐$158，魚太细，世貿中心穴，份量多佢一半，但都滑。以上套餐有沙律，蒸蛋，麵鼓湯，白飯(除拉麵)。嘆2個鐘，然後計續發夢，约白先在誠品，討論佢的新書“细說红樓夢”。

一向都好鐘意食日本野既見行過呢間餐廳又見個裝修好似幾好幾靚，就諗住試下本身想食個和牛漢堡排定食架，但佢話賣哂，唯有揀呢個啦雖然佢叫豚角煮，但佢明明似係普通豬腩肉時咁不過係炆到好淋咁囉，係入口即溶既佢個汁係淡淡地，唔會太濃，所以算係ok但其實成餐飯真係食到火都黎都唔明點解要等成半個鐘先到佢成個餐我又唔覺得佢有野係即時煮比我bo最搞笑係就算問佢仲有幾耐到，佢地都係是但應你就走左去有d差既感覺，我就未必會再去lu

生野不嬲都少食唯獨是係拖羅同海膽😍•中拖羅 $98•香港地方都無咩邊到食拖羅係好食既呢到竟然有驚喜！雖然只係叫左中拖羅但入口滿口油脂而且非常甘香肥美相信大拖羅會仲正😳😳😳•海膽 $118•海膽勝在夠新鮮 但係就略嚴唔夠甘甜 呢到有小小失望 😕•雞翼 3隻$72•燒得岩岩好夠肉汁而雞皮就乾身非常之脆口同埋鮮味保留到原汁原味•燒蕃薯伴忌廉蜜糖醬 $62•忌廉好新鮮好重奶味但唔怕太甜加埋熱辣辣既超鮮甜燒蕃薯食一流😍仲伴上清甜既蜜糖 作為甜點也不錯價錢雖然比較貴但星期五晚到到都要等位呢到未嘗唔係一個好選擇