177
12
6
港鐵深水埗站 B2 出口, 步行約6分鐘 繼續閱讀
電話號碼
21047088
開飯介紹
提供各式湯底,如蕃茄海鮮蟹鍋及艇家鮮魚花甲鍋等。招牌菜牛皇拼盤以多款牛肉組合而成,「牛魔王」必試。 繼續閱讀
營業時間
今日營業
18:00 - 23:45
星期一至日
18:00 - 23:45
公眾假期
18:00 - 23:45
公眾假期前夕
18:00 - 23:45
*最後落單時間︰23:15
付款方式
Visa Master 現金 AE
座位數目
90
其他資料
網上訂座
Wi-Fi
酒精飲品
賞訂座積分
以上資料只供參考, 請與餐廳確認詳情
有關獎賞計劃
食評 (213)
等級3 2024-04-10
0 瀏覽
今晚嚟呢間打邊爐係因為有個朋友話呢度有$100 100支啤酒,熱辣辣打邊爐可以肆無忌憚飲啤酒梗係無敵啦。湯底揀咗最傳統嘅鴛鴦鍋,就係集材清湯配沙嗲湯底。紫菜響鈴即叫即炸,可以當小食就咁食或者好似平時響鈴打邊爐咁樣浸一浸湯底先至食,我就覺得浸一浸湯好味啲。同樣都係可以當小食嘅仲有呢個脆炸午餐肉,我又係覺得呢一個浸一浸湯先至食好食啲。呢碟係大size安格斯牛小排,牛肉質素高,份量好足,啲雪花紋好靚,食落牛味濃而且軟綿綿。手打三寶丸自家製嘢新鮮好味,鯪魚球蝦丸同埋墨魚丸之中我覺得蝦丸最好食,另外旁邊影到少少嘅韭菜餃都好好味道,啲韭菜好新鮮,而家寫食評先發現原來冇影到佢相。聖子王有大隻有新鮮,我哋三個人就叫三隻,大家都覺得好正。成餐飯先係飲咗五支啤酒,朋友話仲有80幾支,下次可以再去飲,原來佢呢100支係兩個月之內要飲晒,一蚊一次真係好抵,似乎大家都出盡辦法去救市,益晒我哋。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-03-19
37 瀏覽
呢間火鍋店唔好睇佢裝修麻麻哋,食物質素媲美尖沙咀銅鑼灣區嘅高質火鍋店但係價錢就保持返喺深水埗水平,啱晒我呢啲唔係食裝修嘅人。坐低先你兩個小食等齊人先開波打邊爐,叫咗炸雲吞同埋炸雞軟骨,炸雲吞似乎係自家製雲吞拎去炸,雞軟骨就一般貨色啦,配埋佢哋而家德國啤酒優惠一蚊一支真係抵到好得人驚,我哋都係咁以飲咗少少。湯底試咗清湯牛爽肉鍋,所謂嘅牛爽肉就好似介乎牛肉同埋牛筋之間,幾好食。海鮮就叫咗聖子同埋廣島蠔,啲聖子好新鮮同埋都幾大隻。佢個羊肉味道都唔錯,唔算太肥。呢度嘅手打院同埋雲吞都做得幾好,應該係自己整嘅因為食落去都覺得幾新鮮。呢度嘅黑毛豬柳豬肉味香而且咬落去煙煙韌韌好好食。另外我哋仲叫咗冰豆腐同埋菜。整體好食抵食。 繼續閱讀
(以上食評乃用戶個人意見 , 並不代表OpenRice之觀點。)
等級1 2024-03-09
123 瀏覽
今日同2個滾友食飯,當然係去滚啦。而家想選一家無限時火鍋,選擇不多,食物多數一般般,價錢都是較貴。今日這間去到熟口熟面,樓上只有3張枱有客,番查群組資料,原來2019年已食過,仲要坐番同一張枱,心想,那應該不是好抵食,所以book,枱時才沒印象。*蕃茄海鮮蟹煱 $188蕃茄味算唔錯,海鮮都幾豐富,有一隻細蟹無咩肉,但味道幾甜;2只蝦都算爽;三隻青口都ok;六隻蜆細細隻都幾甜;哩嗰湯底算係豐富,味道的唔錯,這個價錢算抵,可推介👍*安格士牛肉 $398出碟幾靚,樣味道ok, 但沒有特別好食。👌*脆肉鱞 原本叫白鱔片,後來想想應該是不是上錯了脆肉鱞,所以價錢不太清楚,彈牙味淡,幾爽口,算是一般般。*手打虾丸,墨魚丸孖寶 $98味道新鮮,都幾彈牙,個人覺得虾丸好味D,不過就細粒左D。👌*自制雲吞,水餃,韭菜三色餃 $78大大粒,好飽滿,雲吞,水餃有鮮虾,皮薄餡靚,味道都好味。👌*即炸紫菜響鈴 $68這個做得唔錯,紫菜增加層次感,很有口感,可即食或滾湯,推👍*炸魚皮 $68沒有很鬆脆,連平日十分鍾愛炸魚皮的朋友都只吃兩口,剩大半碟,麻麻。*什菜藍 $68筒喎爽口,黄牙白清甜,蕃茄ok, 生菜清爽,西洋菜味濃,每樣幾片,都算豐富,這個幾好。👌*烏冬 $48一客2件*咸檸七 一楂$48檸檬味濃,都幾好味👌因為之前去無限時火鍋多次中伏,今次覺得這間食品品質同價錢都算唔錯,埋單3個人千三蚊,唔算好抵食,但也算是可以encore之選。👍#美食 #食  #深水埗餐廳 #火煱   #吃貨 #吃  #香港美食 #打卡 #不專業食評 #dineout #dine  #foodiehk #foodart #hkfoodie #hkcafe #hkeat #hkrestaurant #hkeats #tripadvisor  #followmeto #followme  #yummyfood #yummy #hotpot #tstfood #fusionfood #hotpot 繼續閱讀
(以上食評乃用戶個人意見 , 並不代表OpenRice之觀點。)
等級3 2024-02-07
164 瀏覽
牛塔有霸氣,三層牛分別有唔同部位,乜都試下。第一層係牛白肉同安格斯牛柳粒。第二層有牛舌芯拼牛展。第三層係最闊嘅,分別放咗安格斯牛小排同埋日本和牛。咁多款牛肉之中我覺得最好食係安格斯牛小排,牛味濃香,肉質夠嫩,脂肪分佈均勻。第二好味嘅我會揀第一層嘅牛白肉,爽口夠彈性。和牛肉只係排第三,此終和牛真係比較油少少。象拔蚌刺身好新鮮,打邊爐前食吓先有一種幸福嘅感覺。炸響鈴超好食,即叫即炸夠晒新鮮。另外d啤酒好抵飲,$1一支德國啤平到痴左線,仲要係德國啤酒,而且味道真係好,仲有8款任揀,真係超誇張。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-03
137 瀏覽
真係唔好睇小$100 100支啤酒嘅威力,仲要係味道唔錯嘅德國啤。上次同一班損友嚟開咗個plan,諗住起碼飲50支,點知個個講就凶狠,結果都係飲咗12支,仲有88支要喺兩個月內完成,於是今日又來幫襯,可惜原先五個人今晚得返兩個,我哋已經好盡力,每人飲咗4支,呢隻幾好飲,大家有機會可以試吓。至於啲嘢食其實都唔錯架,就以呢個響鈴為例,即叫即炸,攞到埋嚟仲係熱辣辣,非常有誠意。呢個羊肉真係幾新鮮,又唔會有瘀紅色一撻撻,雖然切得唔算好薄,但係放落湯度淥一陣就食得。呢個黑毛豬柳條好好食,肉質嫩豬肉味濃而且又有得咬吓,俾黑毛豬片更勝一籌。聖子超新鮮,好清甜。貪得意叫咗個冰豆腐,都唔錯。 繼續閱讀
(以上食評乃用戶個人意見 , 並不代表OpenRice之觀點。)