火夫

營業中

休息中

前菜雞肝醬多士令我想起了小時候的snackit, 青瓜搭上很少見的味噌，唯一要加工的枝豆春卷事實上是煎釀三寶式的秋葵，可惜放太久已經變軟了。雞肝醬，麥粒味噌來貨不加工，數量搭夠，輕鬆解決三道前菜。主食虎蝦濃湯面要加$50並不便宜。虎蝦的做法很聰明，大概是15頭上下的一隻虎蝦，裹上帶櫻花蝦的炸漿，炸出來很大一個，吸睛之餘蝦味濃郁。蝦湯橙得很誇張，應該有用上龍蝦味噌去保證底味，當然佔比不多，還算有誠意。只是加$50換來大蝦一隻，加上套餐本就$138, $188+1這個總價下次要好好考慮。不用加錢的鴨胸冷面自然會少一點誠意，肉質不柴但也不嫰，表皮看上去像烤了但吃上去並沒有。我也分不清是慢煮還是來貨，來貨又有沒有加工。只是連解凍都解到兩截顏色，就讓我忍不住拍下來了。前菜主菜偷完雞，串燒總算扳回一成。燒白鱔，蜜瓜牛，雞尾，雞皮蝦，部位少見，各有特色。而且雖然紅磡串燒店林立，但這級別的日式串燒，火夫也只此一家了。

今日朋友帶左我泥呢個火夫食lunch原來呢間係人氣店 好彩我當日排左20分鐘左右就食到個虎蝦濃湯麵勁好食個湯係勁濃虎蝦外面係包住好多櫻花蝦去炸食落勁香又大隻另外仲叫左個蠔湯拉麵個湯底勁出色我差唔多飲晒咁濟

朋友仔話想試  等左45分中先有得入 三個大人一個小朋友, 小朋友等等下突然望住侍應哥哥 然後同我講: 佢好靚仔呀!!!( 大家都可以冒名黎睇下! 見唔到唔好罵我呀)等食期間, 小朋友倒瀉水 侍應哥哥都無黑面 都好幫手處理 我覺得無上面講到咁差我叫左牛肩撈面同串燒, 牛肩肉un un 地 但個面加左七味粉又幾掂喎, 好鐘意食牛既我第一次覺得面更吸引我地仲叫左串燒 雞皮蝦, 雞翼, 牛舌,   豪豚卷... 全部都好食喎   雖然我地都唔飲酒, 不過都覺得下次可以再黎食! 雞皮包蝦 YUMMY如果唔介意要等既~ 同幾個朋友黎飲酒食串燒, 都幾推介

火夫—ʜᴜɴɢ ʜᴏᴍ/ᴡʜᴀᴍᴘᴏᴀ🍤虎蝦濃湯麵 $128賣相十分打卡able，質素比預期中出色。蝦湯質地偏濃稠，濃而不咸，加了蕃茄令味道更清新，面上的虎蝦外層沾滿櫻花蝦乾，口感酥脆，內裡的虎蝦扎實鮮甜，兩者的結合令味道更加惹味，配上蝦湯和頗掛汁的麵條，令人很十分滿足。可惜虎蝦外層的櫻花蝦乾太厚，令味道有點過於濃味，吃到最尾會有點膩，但整體來說仍覺得可以一試。🦆葡提鴨卷 $24以鴨卷包裹着一顆葡萄，面上點綴了些柚子醬，味道清新，但不算驚豔。🐂燒牛柳粒 $26整體不錯，肉質有嚼勁，而且牛味很濃，但略嫌調味太重手。🐣雞白湯關東煮 $46個人認為有點普通，但友人M覺得很不錯。味道：🍤虎蝦濃湯麵 7.5/10🦆葡提鴨卷 7/10🐂燒牛柳粒 7/10🐣雞白湯關東煮 6.5/10回頭率：7/10性價比：7/10服務：8/10✨推薦指數：7/10 人均：$120+總結：食物質素、環境和服務均不錯，氣氛舒適放鬆，而且價錢合理，莫名覺得很適合下班和友人聚聚。📍火夫 （紅磡）紅磡黃埔天地百寶坊(第3期)地下G29號舖

【前言】咁signature既賣相 就算唔係拉麵關注組成員 都應該見過佢-湯底 好香 好濃 好杰 好鮮 🍜杰到唔應該叫蝦湯 應該叫蝦「羹」虎蝦 肉質好彈牙 炸得好香脆 仲有好鬼大隻 🍤拉麵口感反而普通 好快俾湯底浸到淋左由於太濃厚關係 食一半已經飽飽地 建議share食 🫠-火夫啲串燒同小食都超好食 🍢特別推介雞肝多士 蜜瓜牛卷 仲有蟹肉牡蠣每次黎都係必點 😎 如果唔趕時間 記得加錢join埋飲品free flow 🍻飲返2杯highball sake 都已經值回票價 💰 未食就記得影 // #相機有得食先⚡️// 全自費

went there with a group of friends and had one of the best nights in a while. i love the skewers there. they have some of the most peculiar combinations but tasted surprising harmonious. e.g. duck breast with grape, or honeydew wrapped in chuck rip, or shrimp whipped in chicken skin. we finished with the tiger prawn noodles and i was astonished by the rich flavour even at the end of the meal. we ordered all you can drink and they give legit beverages all the way. not to mention the service is gr

有朋友推介就去左食，味道真不錯有個應該係漂左頭髮既男店員服務態度真係掂十分好👍🏽👍🏽👍🏽細心細膩👍🏽👍🏽希望香港飲食業都可以多返呢啲店員啦🥺🙏🏻

我地當晚4 個人去安排咗去後面卡位同行兩位女仔係咁話後面好凍我地講嘢係會有小小白色霧氣初頭問咗個店員話中央冷氣較唔到有個漂咗頭嘅後生店員見到我地真係好凍主動埋嚟話幫我地熄咗佢，好細心！個蝦拉麵真係必叫，我地叫完一碗好味到再加多碗，另外牛嗰個撈麵都好食但比起蝦嗰個就略嫌遜色啲串燒都高汁，由其係雞胸軟骨同大蔥雞肉但鱔就處理得比較腥唔太推薦我地仲有叫到清酒任飲佢地係細支裝一支支咁嚟百幾蚊一個人都真係算抵我地total 飲咗十幾支圍返一人飲咗3-4 支最後total 消費15XX

野食真係好好食呀，不過啲人真係搞唔掂被安排咗響近後門前面嘅一張四人枱都知道係居酒屋形式，所以預咗會有客人飲酒會比較大聲傾偈之前嚟過幾次，亦都接受到不過當日後面張枱就應該係店員或者老闆嘅朋友？因為keep住有唔同嘅侍應過嚟一齊同佢哋飲酒同埋其中一位更加係後門出入都唔緊要嘅，好有氣氛不過佢哋嘅話題同” 兩性關係”有非常大嘅關係，仲要非常粗鄙，同大聲，基本上周圍嘅食客都會聽到，其中枱上有一位食客拎出電子煙諗住喺度食，同佢同台嘅疑似店員/店主朋友亦默許，雖然我冇留意到佢最後有冇點煙，畢竟電子煙嘅味道亦都唔算大，不過我覺得默許佢呢個行為亦不恰當飲到興起佢嗰枱食客不停大聲拍手，然後昂後身體真係幾阻人無咩都唔會再夜晚去了🙂

店員唔識招呼人，反正一入門就冇人招呼。店員慢慢吞吞招呼，啱啱坐低就有個黃毛過來同我講個位被人book咗，好冇禮貌咁講話要我出去。我請問你哋個位被人book咗又冇人話我知又冇任何告知喺檯面跟住就叫我出去？？？一系好愕然，二係非常憤怒。咁嘅態度冇可能再幫襯，今時今日咁嘅態度實在係唔明白點解甘多人？滴野再好食都假啦。好好培訓翻班夥計唔好影衰曬香港啊。睇落滴野都貴，真係真心唔推薦，想食日料隔離同埋紅磡其他地方大把選擇

今次被好吸睛的虎蝦拉麵吸引得到 位於紅磡 黃埔地鐵站亦可到達 建議提前book檯 食物質素幾好 拉麵/串燒都值得試😙· 虎蝦濃湯麵 𝗵𝗸𝗱𝟭𝟮𝟴 ⇾ 𝟳.𝟵𝟰/𝟭𝟬𝘁𝗶𝗴𝗲𝗿 𝗽𝗿𝗮𝘄𝗻 𝗻𝗼𝗼𝗱𝗹𝗲 𝘀𝗼𝘂𝗽湯底超濃郁偏稠 好重蝦味🥰 麵條幼身帶點硬度 超掛湯 附上大大隻虎蝦 夠新鮮仲有蝦膏🤤用櫻花蝦包住炸到脆口 覺得炸粉可以薄身一點 整體幾濃幾重味 會較膩 但味道唔錯· 串燒 𝘀𝗸𝗲𝘄𝗲𝗿 𝟮本 𝗵𝗸𝗱 𝟰𝟴/燒牛肉粒𝗱𝗶𝗰𝗲𝗱 𝗯𝗲𝗲𝗳 𝘁𝗲𝗻𝗱𝗲𝗿𝗹𝗼𝗶𝗻 +𝗵𝗸𝗱𝟮 ⇾ 𝟴/𝟭𝟬 🌟/雞腿京蔥燒 𝗰𝗵𝗶𝗰𝗸𝗲𝗻 𝘁𝗵𝗶𝗴𝗵 𝘄/ 𝗴𝗿𝗲𝗲𝗻 𝗼𝗻𝗶𝗼𝗻 +𝗵𝗸𝗱𝟮 ⇾ 𝟴/𝟭𝟬 🌟串燒推薦!!🥳 兩個肉質都好嫩 燒得啱啱好面會焦脆唔乾 特別係牛肉粒唔乾唔韌 好juicy重油脂香 出色 雞腿肉都好嫩滑 調味剛好😆〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃😋 𝘵𝘢𝘴𝘵𝘦? 𝟳.𝟴𝟯/𝟏𝟎🥳 𝘦𝘯𝘷𝘪𝘳𝘰𝘯𝘮𝘦𝘯𝘵? 𝟳/𝟏𝟎🤑 𝘤𝘱 𝘷𝘢𝘭𝘶𝘦? 𝟳.𝟮/𝟏𝟎🤩 𝘳𝘦𝘷𝘪𝘴𝘪𝘵? 𝟳.𝟳/𝟏𝟎〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃📍火夫

#chuchu食在黃埔 #chuchu食在紅磡📍 火夫Bookmark左超耐，朋友生日終於去咗食！果然冇失望！好食嘅，但係就偏濃味！#chuchu推介💡 可以上OpenRice book定位！walk-in想食機會真係好微，除非過曬peak hour~ 2:00左右就可以直入—————————————————————❣️ Weekday Lunch Set $118 午餐有2個set，一個🐷揀左嗰set係包前菜、一款麵、2款串物、一杯飲品🤰🏻🍤 虎蝦濃湯麵 +$50超推✅色香味俱全！蝦湯超濃🤤濃嘅程度係同南瓜湯一樣，有啲厚度嘅麵超掛汁！炸蝦超大隻，炸得好香，仲好有誠意外面係有層櫻花蝦仔再炸！✨建議share嚟食！唔係會太膩！.🍈 蜜瓜牛卷 推✅燒汁牛包住蜜瓜，好juicy但又減左油膩感！.🥚 半熟卵明太子 +$2有誠意！超大舊！係炸嘅但係唔係包炸粉係包粟米片！中間糖心蛋好食！.🥃 麥茶好彩冇叫梳打飲，飲茶啱啱好，解膩！.❣️ Weekday Lunch Set $118 🍜 雞白湯素麵有驚喜的！有溏心蛋，雞肉同一片檸檬，麵係較幼身嘅麵！糖心蛋好好食！雞白湯唔錯，雞肉好嫩甜甜哋，仲要係燒過嘅

是咁的，同好多人一樣，我係衝住碗《虎蝦🦐濃湯麵🍝》而來。不過，睇👀真d個 menu，呢碗麵並唔係日式拉麵🍜，因為佢個名根本就冇“拉麵”或"Ramen"兩個字，而有另外一d款先係"Ramen"。 所以，我唔會以日式拉麵嘅標準去評。《虎蝦🦐濃湯麵🍝》其實佢個賣相一上菜就贏左咁滯，虎蝦夠大，炸得靚，加上每個位上面都有盞水晶燈，個燈打落黎望落靚，影相靚，冇得輸。香味十足就梗，主要係炸蝦嘅味為主。個湯，好杰身，又濃又稠，好 creamy。味道除左蝦味為主，仲食到甘筍🥕，番茄🍅，可能有南瓜🎃，總之味道上唔會話得蝦味，其他味特別係蔬菜都幾出喎。個炸虎蝦🦐呢，夠大隻，肉夠多，炸漿唔厚唔薄，連埋d櫻花蝦一齊炸到香脆，實在冇咩角度可以彈佢，好食！個麵本身呢，就有得彈喇。其實佢本身都唔係定性為拉麵，但又用左日式麵（中細麵，直身），而且煮得太腍，連埋d咁濃稠嘅湯一齊食唔多夾，越食越糊。我寧願佢一係改用高加水中太麵，或太麵，煮硬身d，或直接用意粉煮個”Al Dente”效果會更加夾。整體 - 值得推薦 👍👍👍👍

琴晚，已經係我第10次去呢間食。🥳🥳🥳同第一次去一樣水準保持得好好，串燒到你枱面超級熱辣辣，尤其是串燒白鱔、雞肉大蔥串同埋雞皮餃子。每次都必都一定要叫。🤤🤤🤤龍蝦湯蝦拉麵🤤🤤🤤，今次只係食咗一碗，下次要食兩碗，真係好好味好好味。我見到隔離兩三台都每人都叫一碗。因為琴晚真係太熱，唔使5分鐘就飲晒枝日本酒，之後再叫多杯梳打加多個雪碧。咁就啱啱好。🤤🤤🤤短頭髮個侍應真係好好禮貌、會同你check返啲食物到齊未，同你跟進！而家做飲食業真係好少見！老闆見到應該加佢人工。🫣🫣🫣而家準備去跑步還債，準備月尾食去食多次！🤗🤗🤗

知道呢間餐廳一路都要排隊，所以我早咗一星期已經book咗位，結果嚟到，真係都幾多人！我星期六下午6:30入座，全場座位full晒！外面已經有10幾人排隊！可想而知，佢都幾旺場！其實呢間餐廳食過幾次，佢最出名嘅係虎蝦濃湯麵，但食咗幾次，加上今日食咗下午茶，今次改食雞白湯素面，估唔到都唔錯！起碼冇咁漏！今次就主攻串燒！$48兩本，有啲項目係要加錢，今次試多咗幾款！包括蔥燒牛舌、白燒活鱔、五層豚肉燒、雞腿勁蔥燒、蟹肉牡蠣、鹽燒手羽中，每樣都唔錯！覺得活鱔就細舊啲，仲要加$10，感覺上有啲唔抵！反而雞腿京蔥燒，就真係唔錯！大件夾抵食！而且好有肉汁！不錯不錯！今次仲加埋啤酒！感覺都幾開心！價錢又唔係好貴！唔怪之咁多人去幫襯！下次會再嚟