火之鳥車仔麵之家

好可惜啊，竟然結業！呢篇草稿hold左好耐都唔記得post，到我最近再行過想幫襯果時，突然發現間舖唔見左！希望老細前程錦繡啦！後會有期！—————太子旺角之間都唔少黃店，簡簡單單想食個麵，可以黎呢間食車仔麵。老細係門口擺左箱水，幫香港人加加油。一入到去個感覺好特別，好似一般車仔麵舖咁簡陋得黎，牆上面又展示左好多老細珍藏既ps/ps2舊碟系列，好唔夾架，但好有個人特色。一間小店可以有位置放自己鍾意既野，同人分享下興趣，唔錯！啲野食都唔錯！老細話好多都係自家製！啲餸劃一價，兩餸一麵$30，三餸一麵$38。$38嗌左個南乳豬手+脆皮芝士腸+招牌韮菜餃+粗麵$5再加杯自家製豆漿味道幾好，但份量略嫌少左啲，如果係好肚餓想要個正餐既就一定唔夠食喇！食食下，有其他客人入黎，同老細打晒招呼咁。哦原來唔係黎食野，而係約左黎交收啲中古碟！有趣有趣！…查看更多

旺角有間新既車仔麵專門店價錢非常抵食，選料同製作都係好用心兩款配料一個麵底只賣＄３０，在旺角區來說非常便宜!每一款配料都係精挑細選製作而成就算用來貨既丸類都選擇最好的貨最出名有雞翼,咖哩魚蛋豬皮,牛腩,牛筋,手工餃子老闆每日都係親自新鮮包製既餃子係最好食豆漿仲好抵飲,5蚊支整體水準係中上,但價錢好抵食,淨配料3款都只係賣$30忍唔住買多盒外賣帶回家餃子餡料新鮮,飽滿羅白夠清甜多汁Shop A, G/F, Kin Wong Mansion Stage 2, 111-127 Sai Yee Street, Mong Kok…查看更多

旺角呢間車仔麵門面裝潢就無乜，但勝在價錢夠哂大眾化。平時想搵野醫肚係一流之選，唔使下下去食米線。入去坐低就見到牆上放滿好多game盒，原來老闆係賣開game嘅。食物方面用料都幾足，見到塊紫菜都嘛嚇一嚇😂咁鬼大塊，其他餸嘅份量都適中唔會好少。湯嘅味道亦唔會淡而無味，加埋佢個麻辣醬，食完成碗連湯都飲埋。最後加埋佢個支自家製豆漿，甜甜地幾好味。不過聽講就黎唔做，要食就襯早啦。四餸車仔麵$44自家製豆漿$5水$免費車仔餸款式多…查看更多

店内放滿Play Station嘅光碟盒 而且老闆會煮好多自家製嘅配料同豆漿 睇得出放左好多心機係店舖到😛.👉🏻兩餸車仔麵($30)配料選擇有好多 有牛肚、辣魷魚、自家製粟米豬肉餃等等👻.招牌韭菜餃 皮好薄 餡料都好足夠～.牛柏葉好爽口 想encore😽.老闆自家製嘅豬骨湯底好甜 味精一啲都冇 真材實料😼.👉🏻豆漿($5)$5真心平得濟 又自家製又用玻璃樽裝 定價可以高番啲！豆漿甜度適中 但豆味可以重番少少～————————————————火之鳥車仔麵之家旺角洗衣街111-127號建煌華廈2期地下A號舖…查看更多

呢間小店不得了，無論食物定係服務都認真一流。晚飯時間都有足夠位置，坐得好鬆動同舒服。本身以為車仔麵只係平民飽肚既食物，但食完呢一間之後，完完全全令我改觀。呢間車仔麵用料實在，好有住家感覺，味道天然健康好味，食得出係用心製作，唔會好似其他舖咁，用味精調味。我由於唔算太餓，所以無叫麵，叫左菜芯、牛腩同牛筋。其實我平時好少出外食菜芯，因為好多間都會煮得又老又苦，不過呢一間菜芯嫩口鮮甜。佢既牛腩同牛筋亦都煮得好腍同入味。唔好俾張圖呃到，以為份量少，其實超足料，d菜底下勁多牛腩同牛筋，真係唔洗食麵都食飽左。另外個豆漿更加係驚喜之作，淨係睇佢用玻璃樽，都知佢夠環保。店主仲會叮囑店員拎入面凍d既俾客人，真係超細心。味道方面亦都係值得一飲再飲，唔會太甜加上有豆味，好健康，曰曰飲都唔驚肥呀。價錢都只係30蚊，加5蚊有豆漿，成餐飯只係35蚊，抵食指數爆哂錶呀！臨走果陣店主仲特登免費送支水俾我，好有愛。其實佢本身都擺左水出黎俾人任拎，宜家呢個時勢，佢都咁抵得諗，真係難得既良心小店。希望呢間小店好好撐下去，永遠繁榮興盛。…查看更多