瀛風 (啟田市場) (已結業)

今日返去婆婆到食飯，路經啟田街市美食街，當然要買d小食返去加餸啦！今次就簡左瀛風，佢地係日式外賣店，有壽司、刺身、丼飯、小食等等，價錢都大眾化，而且有我最愛食既軟殼蟹當然要試下啦！我就叫左瀛風卷、珍寶軟殼蟹同芝士蟹肉甲羅燒。食物都係即叫即整，大約等候15分鐘左右。瀛風卷 用上秘製辣醬料配上炙燒三文魚，三文魚燒得剛好，食落少少辣，口感嫩滑加上魚油香，再包著三文魚刺身同青瓜增加清爽，好味珍寶軟殼蟹好大隻好多肉外面脆卜卜，入面d肉仲好嫩，而且仲有膏，好滿足呀！仔仔自己都食左半隻，下次要叫多隻先！芝士蟹肉甲羅燒面頭有芝士、蟹肉、蟹子、蘑菇，而底層仲有通粉，蟹肉份量都不少，食落口感豐富，放耐左都好味

宜家都會了解下屋企附近嘅外賣選擇，瀛風嘅位置就係啟田街市出面嘅食街，外賣單超多，好受歡迎，咁我又試下先。呢度嘅餐都幾抵食，一個咖哩流心芝士豬扒丼（$60），加$15就有蟹肉忌廉餅，加$8有迷你泡芙，跟餐仲有飲品，我就揀左黑糖薑蜜。另外揀左日式炒雜菜（$28）同芝士年糕（$28）。首先個飯都幾大份，米係我最鍾意嘅珍珠米，豬扒真係夾左芝士，加啲咖哩更重味。蟹肉忌廉夠creamy。芝士年糕嘅芝士好豐富而且濃郁。甜品泡芙有兩款味，我揀朱古力味，的確正。炒野菜夠多款式，好健康。

今日喺藍田做嘢有朋友介紹咗一間任食嘅外賣店佢話呢間都係平靚正🔅 鮪魚丼最近佢哋新出左呢一個吞拿魚三色丼入邊有赤身中拖羅同埋吞拿魚蓉赤身魚味好重中拖來都有份好充足好肥美吞拿魚蓉你未好龍加少少豉油撈飯一流🔅吉列蝦卷即叫即整外賣返到去都仍然係暖嘅兩隻蝦都揸得非常之香脆成個炸蝦卷都鋪滿咗蟹子呢個炸蝦一定要試👍🏻所有丼飯都贈送飲品加$8可以轉梳打加$15追加蟹子沙律加$20追加三文魚刺身加$8追加泡芙

店鋪外賣為主，食物係即叫即整，所以大概需要十分鐘等候時間。不過咁樣先夠新鮮。 跟餐有送飲品，凍飲揀咗薄荷茘枝綠茶同菠萝草莓绿茶，意外地幾好飲，而且唔太甜。 雜錦刺身丼 $58份量好足，刺身有三文魚粒、吞拿魚粒、青瓜片、帶子粒，食落啖啖魚生，好正呀！  四色丼 $56魚生好大份，睇落好新鮮，三文魚、油甘魚、赤海蝦同甜蛋，仲有好多蟹籽。  芝士飛魚子豬扒卷$32 豬扒炸到又脆而且又有咬口，拎返屋企都唔會淋，芝士都落好多，撈埋d魚子食落口感好正！ 

去街去到好攰 喺藍田附近諗唔到食咩就去咗喺大馬路旁邊藍田啟田商場外面巴士站🚏就有一間好方便又起眼嘅日式外賣店由於好肚餓嘅關係 就叫d飽肚嘅嘢😬😬😬咖喱流心芝士豬扒丼 🍛$60 包飲品 揀咗黑糖薑蜜 ☕️超夠味 🤤🤤🤤最鐘意嘅流心芝士大大塊 好味 仲有D紫薑配埋另外仲叫咗鰻魚卷$48同埋𤅗風卷$54🌝大件夾抵食 好飽肚 又足料🌝喺繁忙時間等左10分鐘左右 ⏰都算非常之快我見佢地好忙 order做唔停手 🤗

今日嚟藍田攞快遞，經過啟田街市附近，見到呢間日式外賣店好似幾多選擇，望落都幾吸引，而且價錢唔係好貴，所以決定買啲外賣返屋企食😆雜錦刺身丼 ($58)- 份量好足，食得好滿足- 刺身都幾多，有三文魚粒、吞拿魚粒、青瓜片、帶子粒，所有嘢夾埋一齊食，口感十足青蘋果荔枝綠茶 (跟飯餐)- 味道幾清甜，飲落好refreshing 四色丼 ($56)- 一打開蓋超吸引，魚生片睇落好新鮮- 刺身蝦好大隻，食落好鮮甜- 有好多蟹籽，食落卜卜脆- 仲有兩塊玉子同埋姜片，整體來講都幾豐富，食到好滋味菠蘿草莓綠茶 (跟飯餐)- 味道甜甜地，微微酸，飲落幾開胃，同魚生幾夾三文魚手卷 ($16)- 三文魚厚薄適中，都幾有鮮味- 紫菜都幾脆身，幾啱我口味三文魚腩手卷 ($20)- 三文魚腩幾肥美，一啖食落好滿足整體來講食物質素幾好， CP值超高，遲啲經過藍田會再幫襯😄

已經唔知第幾次幫襯呢間日式外賣專門店非常高質我係喺foodpanda訂購芝士飛魚子豬扒卷豬扒炸得好脆而且有咬口，返到屋企都唔會話淋晒，芝士方面唔係平時一pat芝士醬，而係會有粒粒芝士，混合埋飛魚子口感非常好芝士蟹肉甲羅燒呢款略嫌蟹肉有啲少，底部係粟米、通心粉、火腿，所以呢個有啲普通，而且冇咩蟹肉嘅鮮味紫薯甘栗餅呢個值得推介每次我都會嗌呢個就算隔咗30分鐘都依然好脆，而且有粒粒粟子咬口，比起平時嘅紫薯餅冇咁單調，甜度啱啱好非常好食照燒雞扒丼呢個就普普通通，雞扒有啲太硬肉唔夠嫩，呢度扣咗啲分，不過隻流心蛋就幾好食。整體來講都算唔錯，價錢亦都比起出邊平，但係個飯就有啲失望，下次都應該帶返壽司同埋炸物嗰類

之前試過喺OpenRice外賣自取 明明講咗話12點攞但係最後起碼遲咗半個鐘有多 不過外賣壽司來講都幾好食 嗌咗個魚生飯同埋散叫咗啲壽司 推介啲卷物 不過個炸雞就好乾 唔推介

用家個人感受，不是打手！8️⃣0️⃣位置，藍田地鐵站出，啓田扶手電梯直上，唔難揾。7️⃣0️⃣舖面，只做外賣，感覺乾淨。8️⃣0️⃣招呼，全部foodpanda外送，包裝企理。8️⃣0️⃣四色丼$56，新鮮，份量足。跟送1杯蘋果冰茶。8️⃣0️⃣雜錦刺身丼$58，跟送1杯薄荷冰茶，同樣新鮮份量足。比多2包豉油就更加好。7️⃣0️⃣跟餐加$20有4件三文魚刺身，正常。❣️8️⃣5️⃣CP值，下午大約14:00叫FoodPanda，大約14:40收到，2個人合共$154，平均每人$77送埋上門，又夠飽，個人覺得非常抵食，已經叫過幾次，今次的起心肝寫下食評讚下佢先。

一支公晚餐好選擇～～～今晚阿媽唔得閒煮飯收工就一個人去屋企附近睇吓有咩外賣買返屋企食見到呢間藍色嘅壽司店望落啲嘢幾光猛新鮮咁就揀咗佢黎做我今日嘅晚餐～～～睇完餐牌之後我叫咗：極上刺身丼柚子蜜蒲燒鰻魚手卷燒帆立貝壽司～～～大概百5蚊到分量啱啱好一個人食 刺身丼入邊有吞拿魚 三文魚 帶子 甜蛋 大蝦 同飛魚子等望落去個樣好卡通幾靚幾精緻食落去味道還不錯～～～叫完之後發覺蒲燒鰻魚卷冇晒最後就叫咗京蔥吞拿魚卷🐟入口幾軟滑 紫菜亦都好趣脆身～～～最後就係我最鍾意嘅燒帆立貝壽司大大舊嘅帆立貝上面有啲芝士醬入口幾惹味 帶子都幾厚身作為一人晚餐來講 份量同味道都ok~得閒路過可以再買黎食下

本身我自己都幾鐘意食日本野，呢排又無得去旅行止癮，所以成日周圍留意有乜壽司、丼飯好食。我留意到係我住附近叫間叫瀛風既小店，佢啲壽司好新鮮，好肥美，雖然價錢唔係話好平，但絕對值得比。今次經過又買左啲壽司黎食，三文魚腩壽司、芝士飛魚豬扒卷、彩虹卷同吉烈蝦卷！買完先見到全部都差唔多顏色🤣🤣🤣4款壽司高水準，唔會令人失望！佢d壽司都算大件，飽肚！三文魚腩肥美、囗感飽滿。豬扒卷同吉烈蝦卷，係飯入面依然好香脆。彩虹卷用上三款魚刺身，新鮮、一次試三個口味！

今日Happy Friday要食餐好味嘅開心一下，但作為精明消費者，緊係要平靚正，於是我去咗 #瀛風 買外賣返屋企歎。瀛風雖然係專做日式外賣，但食物品質並不止一般外賣質素。#北海丼 $92有4款刺身（赤海蝦x2、帶子x3、油甘魚x3、三文魚X2)，赤海蝦有半對筷子咁長，口感十足。帶子刺身和魚生都好新鮮，係食得出嘅鮮味，用料十足。米飯採用日本米，口感煙韌，飯味十足，超滿足跟套配柚子蜜# 瀛風卷 （6件）$54外層為炙燒三文魚，三文魚燒得啱啱好，將三文魚嘅香味帶出，裏面包着三文魚刺身、青瓜等，口感豐富。燒三文魚外層上仲配咗秘製辣醬料，口感有點似xo 醬，滋味又惹味，將口感再提升

又是返工收早的日子，原先打算買餸煮飯仔食！去到街市，見到街市出面呢間壽司舖"瀛風"，心郁郁改變主意。睇下瀛風有咩食先，呢度又幾多野，熟食丼又有，刺身丼又有，壽司手卷就唔洗多講一定有啦！越睇越餓，就決定食壽司啦。我地叫左咗瀛風卷，三色海鮮卷及雜錦刺身丼，賣相幾靚仔。瀛風卷，做得招牌壽司卷，一定有睇頭。壽司面加有沙律醬同麻辣醬幾新奇，估唔到食落可以甘夾，口感好豐富。三色海鮮卷都一樣好味，大大件。而丼飯分量足，有三文魚、吞拿魚、帶子粒，滿足。整體不錯！會再回購！

【瀛風】 呢間日式小店開係藍田啟田食街，由丼飯、烏冬、魚生、即製壽司手卷到炸物小食都一應俱全，想嘆返個和風晚餐話都無咁易！😎四色丼 $56魚生包括三文魚、油甘魚、赤海蝦同甜蛋，仲有勁多蟹子係面😙魚生係厚切既質感，而且新鮮鮮甜；赤海蝦亦大大隻😆。咖哩吉列豬扒丼 $54吉列豬扒炸得薄脆，裹面好Juicy😋；咖哩係香辣味道，用黎撈飯都夠惹味(店家仲好細心咁將吉列豬扒同咖哩汁分開上，所以豬扒拎到返屋企仲保持到卜卜脆🤘忌廉蟹肉餅 $15吉列脆皮包住蟹肉口感好Creamy雞唐揚$20雞唐揚大大件，外皮鹹酥香脆，雞肉好細嫩；點啲沙律醬更有風味😆

黎到藍田探朋友，見到樓下開左好多小店，仲見到有哩間日本🇯🇵野，我大愛呀💕💕嗌左三嗰餐😍😍😍泡菜豚肉飯🌟送飯一流，薄切既豚肉同泡菜組盒好match☺️珍珠米飯上舖了豚肉片、泡菜，豚肉片薄薄的一片，再加上醬汁，入口香口🤓整個酸酸辣辣嘅蓋飯😚 香辣惹味😊滑蛋牛肉丼，好擔住日本呀，日本非常普遍的家常料理😍 肉量超多😊很喜歡洋蔥的甜香，配埋牛肉片，吸收哂啲精華，最後再配埋滑蛋，一啖牛肉一啖滑蛋，好幸福喔🤩炙燒三文魚丼，我本身是超喜歡炙燒三文魚的，唔係每間日本餐廳都做得好食架，三文魚好肥美😊非常新鮮，用火槍燒過既三文魚，入口即溶，充滿油香☺️配埋沙律醬，yummy😄最後嗌左三杯飲品，黑糖薑蜜🤩柚子蜜🌟雪梨蜜💕啱晒而家秋冬季節飲，好潤呀