濃記車仔麵

營業中

休息中

A traditional noodle stall with a variety of noodles, meat and vegetables to choose. The radish was very flavourful, the meat as well, and the soup had a deep umami flavour. The spicy sauce is also recommended.The peoples working here are very nice and they helped us arranging our dish in English, which was great for us as non-Cantonese speakers.The dining area itself is small but cozy and nicely decorated. The restrooms were clean and comfortable.

當自己一個人吃飯時，就愛吃車仔麵。一個人容易搵位，一個人匆匆趕趕地吃，但卻是一種享受。呢一間店，睇住佢喺小舖做、堂食只有數個位置，到而家搬去大店，堂食有3、40個位置。味道保持水準，確實難得。每次都喜歡嗌冬菇，醃得夠入味；甜酸菜，好多車仔麵檔都沒有的選擇，加少少辣，開胃 ；滷水豬腸，入味，其實佢仲有一隻白色豬腸揀，但係從來冇揀過，可能覺得滷水顏色嘅豬腸先至係最正宗😬；麻辣雞翼尖，確實是有點辣，但是還可以接受，味道當然是好足夠的。其實佢仲有一個招牌吸引點，就係佢嘅麻辣菜脯，佢有落一啲櫻花蝦炒香，但係其實每次我都食唔到幾多，因為真係幾辣。如果食得辣嘅人，加埋落去，確實是一個大享受。湯底係豬骨湯底，未至於好濃，但是好夾到d 入味嘅餸。佢地係家庭式作業, 個個都好好禮貌, 都係街坊了。

今天去了這店叫了幼麵，紅腸，清湯豬大腸(有清湯和鹵水2款可選)，魚蛋，羅白和尤魚，加葱和沙嗲醬，還有汽水1罐，麵質爽口彈牙好食，羅白夠淋無渣，可惜唔甜，魚蛋幾彈牙好味，紅腸正常，尤魚麻麻可以不食，豬大腸夠淋重有彈性，口感非常好，但香味差些，下次試鹵水味，湯底一般，沙爹醬麻麻，整體中上，可以一試

慈雲山黃大仙嘅車仔麵其實都好出名，有好多間都係令人遠道以來食嘅餐廳。呢一間係新開嘅，估唔到都係驚喜萬分。唔通係其他車仔麵檔嘅廚師過咗去？暫時食過兩次，質素10分高質，而且員工都好有線，我本來唔係好明白點樣叫餸，佢都慢慢教我。你見到我碗入面嘅所有餸，我都覺得係好好食，每一個餸嘅味道都好獨特，同你期望想食係一樣，唔會所有餸菜嘅味道都煮到一模一樣味。特別嘅係佢嘅菜譜，雖然好辣，但係令你生色不少。$40可以有三餸一杯嘢飲，又抵食又好食，應該會成為我嘅飯堂。

真心推介，佢好味到我願意朝頭早返工前買定外賣，啲湯分開裝，返到公司食晏嘅時候整返熱啲湯倒落碗麵度。就算係咁，都仲好好味，首先湯底濃郁，唔係味精，醬汁可以選擇沙嗲或者咖喱甚至兩溝都得，兩個醬汁都咁好味。如果食得辣，加埋菜甫仲好味。暫時食過每一種菜都係新鮮嫩口，每一樣食物都用心製作，唔會話樣樣野都同一種味，或者就咁用水白烚剩係得湯底味，而係湯底有湯底嘅味，每一樣餸又有返自己嘅味道。特別推介餃子、牛筋、麻辣雞丁、豬頸肉，港式奶茶。

最近喜歡行早巿場今日就來到黃大仙還發現一家 7：00就已經開了門的車仔麵店好原始的配套在門口先點麵 之後點菜 再加湯底餸菜都放在你面前任你點點好餐帶著你的麵自己找位置坐好再好好品嚐在下就點了幼麵因為後面有好幾個人在排隊在下沒多想 隨便點了些豬腸 豬紅 豬皮 鮮枝竹本日食豬宴點了4餸後當在下還在想要加些什麼店員就說“4餸夠不夠 好多”在下回一回魂對啊 要控制食量..也現在因為要戒辣 所以是什麼都不加的清湯底上面放上蔥粒無辣不歡的在下對這碗清湯底當有萬般的不願意不過還是乖乖吃麵底幾大的 吃極都有有點被偷偷加底的感覺加上清湯底怎麼在下覺得吞不下😶也沒想到一碗車仔麵在下用了接近半小時才吃完飽..滿足的第二次早餐接著繼續去逛我的街市 😅

當有一間食肆成為生活一部份，成為習慣，其實好成功，濃記係其中一間，雖然坐得迫，仲要唔太就腳專登搭車去，但真心好食又抵所以久唔久就食。早期食係36蚊3個菜配飲品，三年後嘅今日都只係加咗2蚊，應該全日都係同一個價錢，食晚餐就最抵，街坊生意就係有呢種人情味。我多數都揀菜芯苗，因為鍾意食菜，呢度入貨又新鮮而且真係苗，係嫩嘅，另外揀咗雞翼，雖然要加3蚊，但係值嘅，因為煎香過，好好味，平時少食紅腸，今日突然好想食，其實我地2個人2碗total係有6款，所以好豐富，另再加豬油渣，以前好似係無嘅，最近先有，又多個選擇。加咗少少沙嗲醬，其實對我嚟講有啲辣，不過咁先惹味，另外多蔥，正...

A traditional taste of Cart noodles. The taste can recall my childhood when the first time I ate with my parents. I was lucky enough to have a meeting with my client in Wong tai sin. My client introduced me to go to this shop. At first , I wondered is that really a traditional taste of Hong Kong. Once I had tried the chicken wing , beef brisket, pork blood. It could recall the long lost taste that disappeared in Hong Kong . Luckily I could eat spicy, I could try their chill sauce, curry sauce an

湯底味鮮、食物有質素、有創意，其中蝦子魚滑、蝦條、自家製辣菜脯、豬頸肉都非常出色，店舖面積不大，但枱櫈安排規劃工整、舒服，有異於其他附近車仔檔，員工會為客戶安排座位，及把飲品送到枱上，連洗手間也非常乾淨及沒有異味，值得推薦的街坊食店👍

黃大仙區有幾間車仔麵店，計名氣來說，濃記同味源來說，價錢接近，三餸包凍飲，各有所好。而推薦濃記的原因，絕對是由於出色湯底胡椒豬骨湯，飲落好順口帶少少胡椒香。偏愛重口味人士可加沙嗲汁或咖哩汁，菜莆較辣但好食😂今次叫左鹵汁豬腸，牛腩（份量較小）油麵，西洋菜好大份好嫩，浸左湯好香。食碗麵不用15分鐘，成碗麵清晒，湯都飲晒，好好味呀😋湯底絕對係吸引回頭率，仲有老闆娘對住每個客人都好親切

朋友介紹了多個月，今天終於有時間下山，試試傳說中的有名黃大仙車仔麵濃記。點了油麵、豬扒、大腸、韭菜餃，沙嗲醬($28三餸+$3豬扒額外加)。這店有名的是它的湯底，為老火煲的胡椒豬骨湯，湯底不多太嗆太辣。豬扒炸香，但厚切關係，肉質鬆軟。大腸很出色，爽口彈牙，洗得乾淨，沒有內臟味，也沒甚肥膏。韭菜餃味濃，菜多肉少，勝在人手親自包。沙嗲醬調味有畫龍點睛之效，就像熟食小販檔的醬汁，與配料混合得天衣無縫。每枱還有帶麻香的自家辣菜甫，送麵一流。路過這小區，我會評為午餐的首選。

濃記係鳳凰村已經開左好多年，以前開係上面公園仔既。。。。食客都要坐出面上年搬左落近街市附近，仲要大左好多，又有冷氣環境比以前好左好多，感覺乾淨左超多，野食種類亦比之前多好多我今次叫左粗面， 韮菜餃，辣雞翼尖同埋豬扒 加凍檸茶，加埋39蚊。。。以車仔面黎講算好抵食呢度呢係排隊叫面，再選餸。。。 然後佢會問你要辣定唔辣， 辣嘅就會係咖哩汁， 而唔辣嘅就係沙爹汁。。。當然你可以要清湯。。。佢呢度嘅清湯係胡椒豬肚湯， 我個人會推薦咖哩汁個人認為呢度車仔麵係幾好食，但嘢飲就好普通檯面上仲有一兜辣菜脯任你用

又一車仔麵超級推介🤩真係好好好好味，仲要見到成家人一齊落手落腳做，果份味道除左野食既好味，仲有一份人情味👍🏿👍🏿尼到舖頭先叫麵底，之後就會揀餸，超級花多眼亂，係因為好多同樣樣都好想食🤤之後就加醬（沙嗲或者咖哩）最後就叫野飲坐低就食啦😇先飲湯，尼度講明係用老火湯，有用蝦米去淆既，好清再加醬料，已經非常入味🤤相入面有豬頸肉、豬紅、螺肉同魷魚🤤豬頸肉同螺肉就係星級推介既，真係好淋好入味，樣樣餸都好食呀真係，非常地道既味道🤩平均4個餸大概係40幾蚊真係超級抵呀🤗

去開黃大仙探朋友，到下午茶時間又唔知食乜好…見到有間車仔麵，寫住話用老火湯底，咁特別即刻試吓。叫咗豬大腸豬手蘿蔔油麵，豬大腸仲可以揀肥腸，夠邪惡！先試下佢個湯底，一啲味精都冇嘅豬骨湯，正喎！可以當湯飲晒，汽水都唔使叫🤣不過我自己食開重口味嘅就加左佢嘅辣菜莆，夠辣又夠惹味！餸方面，豬大腸夠肥美，入口甘香十足，而且洗得乾淨，一d羶味都冇，出色！豬手炆得夠時間，又冧又入味，充滿骨膠原！蘿蔔清甜冇渣。好可惜想影相嘅時候手機已經冇電，又唔記得帶尿袋🤦🏻‍♀️咁唯有下次再食過先影啦！

呢間食過幾次，其實價錢都偏貴，一個餸$7，最近有D餸話要加多$3，姐係$10一個餸。同埋俾餸個個逐粒計住，飲埋野基本上四五十蚊落樓。拍得住食碗日本拉麵。不過唔緊要，好食嘅就貴都無所謂。但今日食完就真係想嘔，豬腸入面個屎仲有條毛，我都唔知咩毛。如果呢碗係30蚊嘅車仔面可能都算，但你收咁貴，係咪應該基本食材都要處理好。