澳門台山水佬榮火鍋專家 (已結業)

睇咗 木多Facebook page 推戒佢個海鮮潛艇專登滿心歡喜去試，本人好愛食海鮮，吃貨，但呢間係我食過質素最差既一間餐廳，巨巨巨伏，極難食😭😭好可憐俾錢買難食既野，點解咁負面呢，因為期望太大，入去坐，services 幾好既，好快拎個大大大窩出黎一睇就知好似好正好好食喇，點知....海鮮極不新鮮，蟹冇肉好梅既肉，青口極污糟連草都冇蚊走，魷魚噴哂墨汁🙈😭😭蜆勁多沙🙄🙄🙄最正常係蝦同栗米😭😭後加配料都正常，但海鮮真係好劣質，埋單一人$350，茶錢醬料同加一可一不可在，極度失望，希望佢睇到呢篇食評可以改善下喇，共勉之。廣告真係呃到唔少人

到過佐敦的澳門台山水佬榮火鍋專家 3 次, 主要是覺得它的火煱餸菜夠華麗,  如必吃的有招牌菜之一的"牛星拱照", 將牛的不同部分放在如 High Tea 的盆架上, 視覺效果一流, 最上層有爽口的牛仔粒, 中層有牛舌, 最下層有油脂分佈得很平均的雪花肥牛,  另外再 order 了羊肉及響鈴等菜, 份量已足夠 3 人吃, 但以火煱店來說, 價錢實在有點偏貴, 而且雖然每張枱之間的距離尚算寬敞, 但仍是覺得周遭環境有點嘈吵, 所以可能暫時不會再光顧了!  

我上網揀咗好耐，諗住同朋友食餐好，點知搵着一間咁差既，價錢方便比較貴，服務態度一般，食物方便唔太新鮮，唔可以再去試，好失望！！地方位置有d窄坐得不是太舒服了，都唔明點解咁多人話好食？

廣告效應，加上屋企人試過話唔錯，於是就約埋朋友一齊去試。知道佢咁旺場，一於食頭輪。book枱順利，當日下晝亦有確認人數。點知坐底就出事了，我地一行三人坐底就點菜，侍應姐姐話你地3個要收4位嘅錢，我問佢點解，佢話最少4位起；訂位時你唔講嘅，到confirm booking 亦無講。姐姐連聲唔好意思，隔離有件阿叔就插咀，我地都係做野啫，態度唔係好差但絕對稱不上有禮。阿叔話我同你問啦。轉頭同我地講，以為我地係散叫。咁算數啦，我地起身走人。酒樓訂位，都會問你小菜定火鍋啦，你地海鮮航母大熱，聽電話嗰位職員多口講多句4位起唔會嘥你好多時間啫。所以我認輸，怪自己無主動問清楚佢地點收費。搭走人時，係一睇再睇都見唔倒4位起，算啦～

原本諗住食放題火鍋 點知即刻畀老死阻止 與其食啲任食嘅嘢 不如食啲新鮮嘅 又夠飽嘅火鍋 聽聞《 水佬榮》出咗一個超級大的火鍋叫 《航母盛宴 》 所以老死就話一定要試下 點知原來真係好鬼正 尤其是係個湯底 出面冇一間火鍋可以食得到 又正又鮮味嘅湯底 辣汁加埋啲海鮮真係無敵 真係有超多海鮮 連八爪魚 扇貝 鮑魚都有 先係二百幾蚊一位 好過食三百幾蚊放題 點解會覺得咁飽 係因為二百幾蚊一位 仲有埋配料 仲有個公仔麵添 公仔麵餸嗰個湯底 真係 “姨芝班” ！！！

見到Facebook 連續幾日都介紹緊呢個水佬榮(航母盛宴)，都係抵受唔住誘惑去試，至少四位起，先2百幾蚊位， 真係出乎意料之外，估唔到咁平都有好嘢，一上菜當然相機食先，大大嘅一個鍋，啲蟹好得意，有幾隻顏色，點解要綁住係因為啲蟹太新鮮，如果唔係會走甩，除咗啲蟹其他都食郁，食落口真係非常鮮甜，最重要係食到一半嘅時候，個湯底係非常之美味，微辣帶出海鮮既鮮味，我哋仲飲咗幾碗湯添買單嘅時候仲有雪米滋送，真係好過食放題。

朋友生日，之前見到廣告，個海鮮航母好吸引所以去試下，上檯既時候，大家都要相機食先，好啦，開始食啦，叫我地先食蝦，一入口，真係好睇唔好食，本諗住都係一隻隻姐，海鮮既野都話唔埋既，試下其他，d螺同蜆仲可以既，d蟹上檯既時候叫識郁，應該無問題既，點知食落口真係霉既，d八爪魚仲難食過出面個d雜錦海鮮，最後我地成檯人都決定唔會再去我算係非常好海鮮既人，食話唔少海鮮，但係真咁難食真係好少。 估唔到佢難食到成為我第一篇食評

今次聞見此店有出名航母海鮮火煱，而且朋友試過，所以親臨一試，當然仲有那個牛星拱照啦。一上枱當然要照一張相啦，食材仲會動的，新鮮混醬，有侍應介紹的黃辣椒，不過小弟唔食辣，所以無食。部分食材是另上的。牛星拱照是上面的牛仔肉粒，牛舌心和手切肥牛，三 款都有牛味，而且唔韌，值得一試。主菜熟了，選了水佬榮辣汁湯底（走辣），食材新鮮已經十分好食，湯底特別，唔大食的相信唔加料都夠飽。我們仲叫了竹蔗水，可惜唔夠凍。今次一試滿意，服務員有同客人交流，海鮮同牛肉新鮮，今次5人，價錢約四百元，食海鮮同牛是合理價，環境唔錯，航母設計是值得一睇。不過竹蔗水唔夠凍，食完後有口渴感，同因為怕走蟹而要用膠繩綁蟹來煮，當然仲有所有的貝類同螺類會連殼熟而擔心清潔問題，都是要改善的地方。

呢期好多人推介……見佢個航母海鮮艦好似好堅……一於約班朋友去試……一行25人book左兩張大枱……去到環境算ok不太迫……之後就點野……268一位加18蚊醬油後加一……除海鲜艦外另選5款料(太小)....主菜到場……果然有氣勢……影相一定可以呃like.....但食落真係一般過一般……蟹同鮑魚都好细……其他款海鲜都只是平平無期……之後個5款料上場(牛、豬、雞、牛柳粒、魚皮餃)份量小小小……所以我地都要另外比錢叫一d丸類先夠食……重點係吾包嘢飲😫問有無茶……竟然話要加每位茶錢10蚊……總括來講……可以不試

之前看到Facebook介紹同OpenRice食評一直好想試，4位起計，齊腳就訂枱，要book到一星期後，為左食好野在所不辭。湯底有清湯、辣味可選，想食出海鮮既鮮味，選了清湯，嘩.....清湯都好咸下。各款海鮮普普通通，無咩驚喜，貴價野每人一件，其餘既份量都ok。蝦比較梅，唔知係煲耐左定本身quality問題，to be fair，當我自己問題。另可配5款火鍋料，牛肉同牛肉粒都唔錯，其他野都正常，整體ok。但之前期望過高左，都係我自己問題。

完全唔明 ，點解咁多食，其實想影張相炫耀，無乜特別，又唔好食，大概300蚊一位，不是任食，你抱住係影相曬命食好西親可以了。****是日友人生日，我們一行四人看見「港生活」facebook page賣得好熱門的航空母艦火鍋，於是來即管一試，順便買了蛋糕來慶祝。其實一到大廈門口，已經感覺到員工做到一頭煙，忙著對著身上的對講機向樓上伙計安排座位，我們來到，聽到帶位伙計很有霸氣對對講機說: 叫個檯起身 ! 夠鐘啦，有人!此刻我感到座位供應很緊張。莫名奇秒感到這間店的員工，每天都是這樣的工作狀態，應該很時常很「燥」，員工做得不會開心，難怪其後的我所見所聞都給我猜中。上到樓上，已經安排了一張檯給我們，一行四人，檯有點細，非卡位，坐得很迫。於是，未落單，我們要求經理可否要卡位，經理說:「唔調啦，有人上緊黎」，但我們坐了半小時，都未有客人上來。當有客人到，三個人坐六人卡位，反而我們4個人，坐細檯，心有不甘，唯有經一事，長一智，下次電話預約時，主動要求卡位吧！我們還未點食物，先向伙計問: 可否給我把生日蛋糕放雪櫃? 順道問，切餅費如何計算? 該伙計說: 要收要收! 五十蚊我:係每位五十蚊? 伙計:係係我

某晚將猫兒的照片上載到面書的時候，看見一個朋友晒了一張巨型海鮮鍋的照片，甚是吸睛，呃了小人一個like。問及在那兒吃之後，翌晚即拉著友人去。航母海鮮盛宴是何其的壯觀，二人坐著並在一起都不及這個鍋的長度，更要用兩個爐承托著，是一個超級加大碼的海鮮火鍋。海鮮種類及數量都很多，以蟹和貝類為主，不過更多的是蔬菜和菇類。那麼多的海鮮，湯底怎可能不甜，但感覺就只是多多多，無甚特別。客人可選五樣打邊爐的配料，都是肥牛、丸丸之類，塞滿了胃的空間。教人激飽，食完漲爆。

話說見到網上催得咁行 咪約埋朋友試下航母海鮮盛宴 可以1次過試曬8款海鮮。首先俾左張枱好鬼闊 完全聽唔到對面朋友講咩。現場又唔係靜。 另外個海鮮鍋都好大。有d難撈起食物 個湯底揀左微辣。但都好辣。海鮮有齊花甲 蝦 蟹 鮑魚 扇貝 青口 螺 除左蟹肉鮮甜 比較新鮮 其他都唔好食。無鮮味。而且咁多種海鮮一次過一鑊熟 會過曬火 有d 走味 湯底亦愈食愈咸 4種蔬菜最後食唔落 因為熟到爛 反而肥牛好食 總括味道好一般 環境亦比較窄 我跟友人常撞手臂 枱邊跟旁邊食客距離只夠1個人打橫行 唔會再試 飲品一jar 只夠5個人一人一杯

水佬榮巨型航母盛宴，比起放題抵食得多，因為巨鍋中堆滿8款超新鮮海鮮，有蝦、八瓜魚、花蛤、鮑魚、蟹等海產，加五款自選配料，相當之豐富，又飽抵食！巨型航母盛宴，每位收費由$208-$268 每枱4位起，我地六位，加埋一再加其他費用每位都不超過三百蚊，落單選定喜愛的湯底，我們就挑戰介招牌辣汁，分微辣、小辣、中辣、同大辣四種度，中辣惹味但不會掩蓋海鮮的鮮味，非常喜歡！下一次可試試大辣，這辣汁只有這裡才吃到，上鍋的時候職員很細心講解，教我地點樣食用，這價錢還吃到服務質素真難得！

在網上看到網紅介紹，水佬榮最新推出這個，「航母海鮮盛宴」，就打電話預約試一下，航母海鮮盛宴一到就不忙 ，拿手機拍照 呃下Like，因為真的超多海鮮和配料 ，有八款那麼多魷魚，蟹，蝦，鮑魚，帶子，等等 。重點是海鮮都是新鮮的！還有它們自家的辣汁湯底 ，開始的時候覺得完全吃不完 ，不過經過一個半小時的戰鬥 ，終於吃得一乾二淨 而且價格非常抵 ，除了有一大鍋海鮮之外，還可以選幾款配料，配料是用吃下午茶的架放，好像在High tea 一樣，我們四人平均只吃了二百五 ，這個「航母海鮮盛宴」，吃得我超撐的 ！