澤記快餐飯店 (已結業)

平時食大排擋摺枱加摺凳， 叫風味. 柴灣中午都有大排擋，我去朝聖傳聞中的超超超超超巨型魚柳包。魚柳係龍利柳，即叫即炸，份量大得誇張。用上了原個烘焗的豬仔包，夾着大大塊，質感十分厚實的魚柳、生菜和沙律醬，製成一個面積凸出餐碟，份量大得我想像的超超超超巨型魚柳包。魚肉實際份量十分豐盛，炸粉薄薄一層包住塊龍利柳，啖啖肉好滿足，每一口，都吃到質感厚實的魚肉。沙律醬酸酸地好開胃。非常抵食！希望良心小店可以一直做。

Yeah🎉bookmark左咁耐終於今日黎到試啦！本身有朋友住呢邊，我影左魚柳包相比佢，佢已經估到係柴灣澤記🤣🤣真係厲害喇～我同男朋友兩點幾黎到呢邊，係後巷入，環境唔係好好，無冷氣，怕熱既朋友可能會辛苦啲😌見到meru好快手就揀左下午茶巨型魚柳包+海鮮炒烏冬😙😙唔洗十分鐘，兩大碟既野就到齊😂😂😂真係呆左陣先識得笑😂😂😂好擔心食唔晒！首先講講無咁好食既炒烏冬🤭真心麻麻，烏冬硬既，一啲鍋氣惹味都無😌海鮮有炸魚塊，幾粒蝦仁，仲有一堆配料如芽菜呀蔥呀栗米等，炒得又油淋淋，我地都覺得一般😅重頭戲係XXL既魚柳bell😆大大條炸魚柳，長過筷子架！！影相打卡夠晒霸道😌魚柳炸粉好薄又脆口😆炸得juicy好好味，唔止魚柳岩岩炸起熱辣辣，個包都暖暖地架，好貼心囉🥰🥰如果蕃茄生菜多啲啲會更加fresh😋配埋千島醬真係好完美～～～👍🏻👍🏻

呢個下午茶餐只係廿幾蚊，仲要連凍飲。外賣自取翻到屋企食大概半個鐘内，塊魚柳依然好脆，因為係即叫即整。包入面有少量生菜同一塊蕃茄，加上沙律醬，食落去有清新嘅感覺。至於塊魚柳我個人認為太乾，無沙律醬嘅部分有d難入口。當然最誇張嘅係個size，足足有兩個廁紙筒咁長。正常人食落都夠飽，細食嘅人仲可以分嚟當晚餐食。至於杯凍奶茶就略嫌苦澀咗少少，相信係茶底煮耐左。不過，下午茶嚟講，又平又夠飽，仲要好食，呢間真係性價比最高

澤記因為個超長魚柳包係柴灣出左名，其實澤記都真係平靚正，味道黎講絕對係中上既茶記，只要你唔介意衛生，同埋要坐係街邊食，澤記絕對係蔗渣價錢，燒鵝味道。今日就同朋友去食佢個茶餐，係Office坐，嘆左冷氣成日，係室外食飯其實仲好。唔洗凍親。下午茶28$-33$不等。朋友就叫左一個火腿通粉+煙肉+腸仔+方包+熱奶茶($28)我就叫左沙牛麵+雙炒蛋+方包+熱奶茶($33)澤記有樣好係份量多，用料足，例如沙牛麵既汁好濃，多牛肉，麵都好多，食得飽，再食埋方包真係超飽。另外，最想讚佢杯奶茶，茶味好足，非常好飲!

呢日晏晝好肚餓 想搵大份量又唔費既午餐然後醒起以巨型魚柳包出左名既澤記🤣由於係lunch ge關係想有飯落肚於是放棄左魚柳包揀左鴛鴦扒飯加熱奶茶外賣等左5-10分鐘就拎得店員都好快手但有個60幾歲既阿嬸態度好差☹️嗌完鴛鴦扒飯3秒內冇應佢就勁唔耐煩咁大嗌多次心諗 我就企你附近已經行緊過黎嗌 使唔使咁😂飯同餸既份量都一如既往咁大豬扒有兩大塊 牛扒一大塊再加塊午餐肉 肥死味道冇咩特別 但絕對滿足到我個胃😂奶茶佢default係茶走唔就記得嗌少甜 結果甜得濟

小店在網絡社交媒體經常熱烈的討論，終吸引到Pooh姐到此拜會一下小店位於工廠區的熟食市場內，店舖同座位的裝修都比較地道的大排檔，夏天到來的確會較熱，所以建議秋冬到來進食而且接近工廠區，午膳的時間都會較多人同繁忙，會食得較急趕小編今次趁下午茶人少d來幫襯下午茶一個大塊過你個面既魚柳同熱飲都係$27，好抵食呀一上枱見到塊魚柳長過我隻手表示好震驚而且魚柳好厚身，好足料食落炸漿不厚，魚肉嫩滑麵包烘得外脆內軟，不過魚柳大塊過個包，食落會有d論盡醬汁係千島醬，酸酸甜甜十分惹味，份量亦好足夠，食到尾都仲有千島醬配埋蕃茄生菜，口感豐富餐牌⬇⬇總括黎講:大排檔風味下的茶記，抵食夾大件🍳🍴味道: 8/10👩👨服務: 7/10🏠💺環境: 4/10💰💸抵食: 8/10總消費: $27 (1人)

提起澤記，必定想起佢地嘅超級大塊魚柳的魚柳包，每天很快便沽清，今早慶幸還有得食🤭，超大塊的魚柳比熱狗包還大😂，魚柳又香又脆，夠嫩滑，配埋杯凍奶茶，已經很滿足了🤭

聞名柴灣既魚柳包，小妹跨區黎一試究竟，是日嗌左一個魚柳包同雞排包，雖然做好晒心理準備知道個包都幾大份，但黎到都不自主嘩～左一聲因爲真系好大份啊～兩塊扒都大過塊iphone 7plus ,個魚柳包真系超新鮮，由頭食到尾都仲系熱嫁！包面底都經過小烘，但唔硬！包入面既千島醬睇落唔多 ，但一啲都唔乾仲有肉汁超juice 添，而塊雞排都好夠味食食下仲見到啲汁咇緊出黎，性價比超高！溫馨提示：塊魚柳真系好熱，千企唔好咁心急大啖食落肚，唔系會辣親o~

住柴灣廿幾年都未試過，見網上講到咁正就試試佢！必試嘅魚柳包魚柳即炸 size仲大過部iphone配蕃茄 醬汁 生菜下午茶時段仲包杯飲品常餐 (自由配搭)雞扒公仔麵+火腿奄列+烘底多士包飲品 味道中上 兩大塊雞扒 非常抵食！

有無人同我一樣鐘意坐街食大排擋？🙋🏻摺枱加摺凳，馬路邊飲杯熱奶茶，順便茶走呀唔該💁🏻尼啲咪叫風味☺️-----走入平民熟食街邊大排檔朝聖，就係為左去拜訪傳聞中的#超巨型魚柳包果然要講一句「聞.名.不.如.見.面」即叫即炸即烘，魚柳🐟係龍利柳，份量大得誇張，長過筷子闊過手掌😱外皮炸得香脆又不油膩，魚肉嫩滑一點都不乾，麵包烘得外脆內嫩熟，夾上蕃茄、生菜絲和千島醬，好正啊喂😭留意番，價錢都係$26蚊炸‼️$26蚊炸‼️$26蚊炸‼️2pm後下午茶仲送熱飲，咁癲，真係連麥x勞🍟都要彈埋一邊呀😂👊🏻

澤記的特大魚柳包，早在fb 群組 「柴灣人柴灣事」內打響名堂。魚柳包固然美味，其實其他的早餐/下午茶餐，CP值亦很高。祖利安點了D餐，而歌利亞點了雞扒美式早餐。隨餐附送熱飲，我們選了茶走，味道不過不失。歌利亞點的雞扒雖然有點焦，但香口美味，是次醬汁是粟米汁，較上次吃的咖喱汁遜一籌。多士依舊塗滿牛油，正。上次點的美式早餐(雞扒、吉烈豬扒)無論賣相及味道都較佳：祖利安點的沙嗲牛麵餐，量多，但肉淋欠肉咪，可是祖利安十分喜歡。歌利亞則覺得民華常餐的沙嗲牛麵較佳。

有飯友在臨時在柴灣上班，同樣是喜歡周圍搵食的他發現了好地方，於是他找了一個中午，叫我過來柴灣一起午飯。說柴灣，我的確是人生路不熟，最多都是知道有間很出名的燒臘店同漁灣邨及去過位於小西灣的食肆。從來從來都沒有留意過地鐵站周邊及工業區的一帶，而我亦沒想過，這兒有又大份，又好食，又有風味的食肆群。是日朋友帶我來的，是其中一間表表者，叫《澤記快餐飯店》。 這店，是一列後巷大排檔的頭舖，有在馬路旁的雅座，所以有點光猛，坐得也比較舒服。說真，後巷內的幾間舖，的確是光線不足的。 朋友說，這兒的午餐好大碟架。所以，一定要要求少飯。當日，坐我們鄰檯的地盤大哥，更出人意表地大叫，好少飯。我們的其中一個飯，是椒鹽豬扒飯。我們已經叫了少飯，出來的東西依然咁大碟。原來大碟的，不只是飯，份椒鹽豬扒同樣是大大份，而且味到又濃又香，再加上既美味又邪惡的豉油，肚不肚餓都好，食唔食得晒都好，都可以用一個爽字來形容。 另一份午餐是雞扒拼腸仔燴飯。好多汁的飯永遠是令人喜歡的。當然，也很頹。扒絕對是超大份，單是食晒個扒，已經可以令你我飽到上心口。 來前，朋友把早餐的照片傳給我看。發覺這兒的早餐是更加之 tempting 的。朋

一直都唔知原來柴灣有個熟食市場，仲要非常近柴灣地鐵站。今次去係為咗呢個好似手臂咁長嘅巨型魚柳包，只賣＄26！麵包有烘過，魚柳即叫即炸，炸粉薄薄地一層咁包住塊魚肉，啖啖肉好滿足。千島醬酸酸地非常開胃。總括來講，非常抵食！希望呢間良心小店可以一直做落去。

我的開飯網美食之旅，香港島四大區基本上已經都去過兼試食過，但是如果再細分區內的小區的話，那麼還只差幾個小區未見識過，包括「離島區」、「北區」的上水、「中西區」的香港大學附近、山頂、「灣仔區」的跑馬地、「東區」的北角、柴灣，還有「南區」的香港仔和赤柱。今次我先講講柴灣，柴灣幾乎是香港島最東邊的地區，而且對我來說是有點集體回憶的地區之一，因為二十年前，我第一次考公開試，考英語口試的試場「張振興伉儷書院」，正正就是開在柴灣裡面。之後我在珠海學院畢業出來後，曾經找過不少工作，亦曾經來過柴灣面試見工。但是我跟柴灣的緣份似乎只是一般，未曾成功在柴灣找到工作和上班過，所以今時今日我重回柴灣，柴灣的景物已經變得令我有點陌生。我在前往光顧「澤記快餐飯店」之前，我曾經收集「澤記」在開飯網的相關資料，以便作出事先準備，計算由「柴灣港鐵站」出口出發開始，究竟我要步行多久，才能找到「吉勝街」以及「澤記快餐飯店」。結果我根據開飯網相關資料，以及手機地圖上有關「澤記」位置，我一路看着地圖，穿梭柴灣的商場和工業大廈之後，最後終於給我找到，開在「吉勝街」路邊，近乎大排檔規格的「澤記」。我說「澤記」是「大排檔規格」，是因

早前係網上見到柴灣有巨型特色魚柳包食，連飲品都只係26蚊，今日趁要過黎柴灣探朋友，一於黎呢到試下呢個傳說中勁有霸氣既魚柳包啦。快餐店位於柴灣吉勝街，地鐵站行過去都係幾步路，非常方便。呢到既魚柳包係即叫即整既。阿拉斯加龍脷柳沾過麵包糠後拎去炸後，賣相呈金黃色，個皮唔會過厚，入口外脆內軟。魚柳有成20cm 長，用烘過既熱狗長包夾著後，仲長過個包本身，非常誇張，配埋千島醬，生菜同蕃茄，入口唔會好油，對於下午茶黎講算係份量十足，兩個人share食已經非常滿足架啦。