澐

營業中

休息中

🐑蝦餃好鮮味嘅，佢唔會好似阿一鮑魚嘅蝦餃咁有啖汁，但入口都有一啖仔好油潤嘅可能係豬油嘅嘢，所以多咗一份香味🐑蟹肉餃嘅蟹肉味都感覺到嘅，不過一入口，口感上及味道上更為突出嘅，反而係有一段仔蝦喎😂。味道上好似比蝦餃好啲，但乾Mun Mun 得滯🐑帶子芋泥酥，炸得幾酥脆，不過瓊油功夫麻麻地，基本上味道調配幾好，如果帶子可以厚身番啲就更加正，因為而家唔係好食到帶子味，同埋帶子有少少炸老咗，另外又係同一問題，就係入口又係乾Mun Mun咁😂🐑韭黃蝦腸粉，腸粉夠滑，帶米香，蝦又大隻又爽口，每件腸粉有有一、兩條韭黃，味道夠晒發揮，豉油方面，鹹甜均稱，味道調配得好好🐑叉燒，脢頭肉，叫到盡肥都不過如此，好彩肉質本身夠鬆化，幾有豬肉香，蜜糖味突出，好似比灣仔明閣勝一籌🐑蠔油水耕菜，係生菜嚟嘅，非常爽脆清甜，用油同上湯輕輕喂過，唔點蠔油就咁食已經好好味。至於個蠔油，李錦記嚟嘅，得個甜字，唔好味嘅，不點也罷🐑滑蛋蝦仁炒河，上枱時已經聞到好有蛋香，食落都係好有蛋香，蛋花獻汁打得好靚、好掛身，河粉條條都有焫過，所以變得好香米味，蝦球大大隻，又爽彈，輕輕調過味先攞去煮，炒得好，有心機👍🏻

今次被餐廳推廣的套餐吸引，一行8人老友記再來澐試菜。餐廳的招待和環境氣氛仍保持高質水準，餸菜品質也幾特別。作為前菜的“酒香凍聖子‘’是第一次吃到的味道，讚！咕嚕肉用“冰碟”上菜，隻碟的價值比咕嚕肉名貴，心想如果不憤打爛碟，吾知使吾使賠錢呢？最後甜品“紫雲夢境”是打咭位，單價都要80幾蚊。減除會員8折，人均也要550蚊。如果想靜靜地與老友聚會，吾使早早比侍應催離場，再加上面對無敵海景下用餐，這餐廳確實是好的選擇。

今日嚟機場AWE澐食個Menu B午市套餐：🐑XO醬有蝦籽、瑤柱、蝦乾、辣椒，味道調配得宜，飯餸未上枱之前已經空口食咗大半碟，確係好味🐑天府麻辣雞，雞胸肉起晒骨，有少少煮老咗，好在有麻辣汁嘅香辣味搭夠，可以補番啲分數🐑玫瑰香燻鱈魚，鱈魚十分肥美，上薄粉炸脆表面，玫瑰味就唔係好覺，但個燒汁酸酸甜甜咁，都幾開胃🐑話梅涼拌萵筍，切晒薄片，片片一樣厚薄，盡顯刀功，入口夠爽脆，話梅味入味十足，好醒晨🐑芙蓉金沙蝦球，芙蓉即係蛋白，加咗少許上湯去推，算幾滑溜；明蝦球夠大隻，可惜炸老咗少少，鹹蛋黃份量足，包住晒成個炸蝦球，鹹香味足🐑紅燒美國安格斯牛肋骨肉伴翡翠 ，牛肋肉炆到好夠身，有肥、有筋、有瘦肉，肥肉、筋位柔軟甘香，瘦肉夠肉味唔黐牙，紅燒汁醬香味濃，用嚟點西蘭花食夠晒搭檔🐑瑤柱桂花炒新竹米粉，咪睇佢白瀨晒，用上湯喂過，好入味，米香、蛋香、上湯香，共冶一爐，就係和味🐑芋香椰汁西米露，椰香、芋香都足夠，不過西米就過腍🐑椰汁紅豆糕，糕身軟滑，紅豆味足，幾有驚喜

午餐有套餐選擇，人均消費約350元，雖然食物都算是精緻，環境裝修是很得體，現場食客約有兩至三枱客人，空間感十分大，味道尚算可以，但套餐的食物份量卻不多，服務體驗亦很一般，整體來說不會有下次，失望。

儀式感滿滿的中菜🥰🥰🥰🥰🥰🥰點心精緻，打卡一流😍😍😍😍連餐具、食物擺盤好有心思，抵讚👍🏼環境靚，窗口座位全海景，邊食邊望風景食慾大增😍😍推介煙霧鮑魚，非常仙氣😆😆

是日各項菜餚十分出色，味道賣相均有水準！👍🏼最喜歡梨香燴美國安格斯牛肋肉，估唔到兩者味道相配合下十分夾，感覺不太肥膩👍🏼👍🏼！亞博會員還有八折優惠，值得一試！

從疫情開始食澐，水準一直保持好好，服務質素一流。冰鎮咕嚕肉一試難忘；叉燒上佳之作；椒鹽鮑魚必食；就算午市嘅點心亦從未令我失望過。利申：本人喺機場工作，所以已經食過超過10次

「澐」著名嘅叉燒一如以往地好食！🥰之前午餐已經食過幾次，幫襯咗起碼兩至三年。今次因為嚟睇Katch the POP 第一次晚飯時間嚟。即使係繁忙時間嚟食都一樣咁好味，食物亦都保持到質素。👍🏻👍🏻只係普通一碟叉燒，加一個白飯已經好吸引！今次亦食咗個二人套餐，都一樣咁好味！😋😋再加上餐廳位於亞博，近窗邊位置可以望到海景，傍晚來的時候更可以看到日落。職員亦會主動詢問顧客使唔使一齊同日落影張相，服務態度十分好。

去亞博睇show最難諗食咩，記得某林姓男歌手曾經講過澐叉燒好好食，終於有機會試。🤣叉燒真係名不虛傳，大大塊但好香。🥰但另一個驚喜係金錢雞，好多層次，同埋真係有一嚿雲～

父女生日，適逢嫁女滿月，按傳統外父宴請新婿，襯家賞面齊齊慶祝。一行8位遠赴到亞博館的澐•NUVA晚宴。餐廳裝修清幽雅緻，座位濶落舒適。可能因為早兩星期完結慶祝母親節，是晚食客不多，近乎包場。澐的招呼一流，有專責侍應全程服侍，不停代客添茶換骨碟，吃剩的小菜主動協助打包。其次，餸菜賣相亦精緻，尤其是最後甜品《紫澐夢境》，仙氣十足，帶出晚宴高潮，連翻打咭留念。再加上生日會員有75折優惠，性價比高，值得推薦。

環境好 性價比高👍🏻👍🏻👍🏻 服務一流❤️❤️❤️一家位於市中心的優質中餐廳,其精緻的口味和高度設計的用餐環境備受好評。餐廳致力於提供正宗的中式烹飪風味,食材新鮮,菜品搭配巧妙,營造出悠然的用餐氛圍。服務親切周到,價格也相當合理。無論是商務宴請還是家庭聚會,這家中餐廳都能滿足不同客群的需求,是不容錯過的美食佳地。

環境食物非常好，店員細心服務好，食物質素滿意，茶香味俱全！整體而言，澐中菜廳提供了一場非凡的中國美食體驗。他們的菜單展示了中國傳統美食的精髓，每一道菜都散發出濃郁的風味和獨特的魅力。此外，餐廳的用餐環境優雅，服務周到，為整個用餐體驗增添了一份愉悅感。如果你想品味中國傳統美食並享受優雅的用餐環境，澐中菜廳絕對是一個值得推薦的地方。無論是商務宴請、家庭聚餐還是與朋友共享美食，這裡都能帶給你一場難忘的美食體驗。

一家優質中餐廳,其精緻的口味和高度設計的用餐環境備受好評。餐廳致力於提供正宗的中式烹飪風味,食材新鮮,菜品搭配巧妙,營造出悠然的用餐氛圍。服務親切周到,價格也相當合理。無論是商務宴請還是家庭聚會,這家中餐廳都能滿足不同客群的需求,是不容錯過的美食佳地。

叫左lunch set 298一位，好好食！對得住價格。乳鴿好好食，點心都好正，另外服務好好，好貼心，有禮貌，絕對值得再黎。另外，推薦大家試試下佢個湯，冇味精，好好飲，家的感覺

我們兩人去到待應自動安排坐窗口位，環境寬敞非常舒適！食物精緻有驚喜！炭燒叉燒半肥瘦，好味！春卷設計特別！帶子餃鮮味！鮮淮山百合甜粟米是心機菜，非常特別！值得再來！