潮館 (創紀之城五期(apm)) (已結業)

之前試過幾次晚飯 都覺得尼道價錢合理:免加一 免茶介 食物又做得唔差今晚約埋成班老友聚餐 潮州菜 必點潮州炒麵 好多料 味夠香 大大碟 全晚最得5*****其他 川椒雞球 糯米大腸 九菜豬紅(大碗) 滷水併盤 豉油大蝦碌 糖醋麵 上湯浸菜苗.. 水準合格全晚最差 蠔仔餅 粉厚蠔仔少 水晶飽 皮硬餡唔夠甜 一提 開餐半途 伙計小姐殷勤地換碟數次 而實際上無必要換既都換 多次一舉

101020 星期三 | 工作過後，跟同事食個晚飯，記得上次到潮館食飯，餸菜不錯又經濟，就提議來這裡，大概7點來到，不用等候，隨即入座，原來個主要餐牌已轉換，今期推出的都是秋季時令菜式，我們最後點了三個菜和一個小食。鴨舌拼海蜇($28)，跟上次的一樣，鴨舌入味，海蜇不韌，保持水準，不枉我再點選這個小食。梨山醬汁骨($68)，賣相不錯，肉排夠腍有肉汁，顧名思義，這個醬汁骨的調味料，是用了鳳梨(菠蘿)和山楂調較而成，所以味道是甜甜酸酸很開胃，但略嫌個醬汁杰了些。石窩蘿蔔煮膏蟹($78)，上枱時還滾著的，正一新鮮滾熱辣，膏蟹都幾多肉又多膏，如果大隻啲就好喇(是貪心了些)，蘿蔔本身清甜，索埋膏蟹的味道，更是好味。象拔蚌海鮮爐($98)，這個成個爐上，有打邊爐的感覺，不同的是材料已分配好放在湯裡頭，我們只是等它滾起來就可以食，材料都好豐富的，有象拔蚌、龍蝦球、鮮魷、貢丸、魚蛋、靈芝菇、金菇、蘿蔔條、紹菜和中芹，總共十樣，其中的五種主要材料都各有四件，四個人分享就剛剛好，不用爭食或讓食了，特別一提那個龍蝦球是真的龍蝦肉，不是仿製品的呢，湯底本身清甜夠味，所以那些海鮮、肉類和菜都不用蘸豉油都好味。這

其實一早PLAN好去APM４樓既【御Ｘ坊】食晚飯，由於有個朋友腸胃炎，我地就返佢搵Ｄ有得食粥既餐廳，最後就改為上多一層５樓【潮館】。好在即日打電話訂台都有位，如果唔係真係唔知食咩好！我同小朋友早左１０分鐘已經到左【潮館】，即刻去拎返個窗邊位先，大家都可以坐得舒服Ｄ，同埋望街感覺冇咁侷促！朋友到齊就點菜，４個大人１個小朋友叫左６樣野，埋單都係位位８０蚊，抵食呀！海蜇拼鴨舌：２樣都好夠味，必食小食。沙薑雞腳：入哂味，好lam呀，食左好多隻。 炸魷魚鬚：太硬，食左１－２條就停左手。通菜煲：炒到熱鬧鬧，不過炒到過左小小火，老左ｄ。半隻炸子雞：我厭太肥，不過味道就真係唔錯。方魚肉碎粥：好大窩，好好味，我應該食左３－４碗！

昨晚（星期二）未到7點便到潮館覓食，人客不多，所以無需等候，便即時安頓好我們五人。費煞思量一番，決定了這樣的餐單：冷盤海蜇拼鴨舌，味道不錯，其實有多款冷盤，全是$28，不知是否這個是最受歡迎，所以列印在點菜紙上第一位呢。主菜潮式凍花蟹，因從未食過，只見過好些潮式食肆掛起一隻隻大大隻的凍花蟹以作招來，今次見有優惠，便叫了一客，可是比預期的細隻，尚算多肉多膏，不過還是喜歡熱食。杞子上湯浸菜苗，健康好味，如果換上魚湯就更加好味啦。清蒸青斑仔，加多$20，就可以多碟川椒鷄球，雖有「川椒」二字，但不辣的，對於嗜辣的朋友會很失望，但怕辣的我就覺得不錯，分量也算多，青斑仔也不細小，足夠5－6人分享，魚肉都幾嫩滑，只是魚身較厚的部分有點‘諧’。上菜時間都很快速，只是條魚要等半個鐘有多。溫馨提示：那些優惠價和推廣價的菜式，應該是有時間性的，相信會維持一段時間，大概1至3個月吧。

宵夜時段指定食品半價，用料新鮮，份量十足，非常抵食。咸肉煮春菜：春菜好淰好嫩，個湯都可以飲。烏頭：魚肉好新鮮，好耐無係潮州店食到甘新鮮既烏頭，呢個價錢真係好抵好抵。黃豆苦瓜湯：好甘甜，雖然我唔鍾意食苦瓜，但個湯真係好好飲。牙帶魚：比起烏頭，牙帶魚無甘新鮮，有點咸左些。鹵水拚盤：鹵水汁唔算好香，但鵝片好味，如果有埋豆腐底就最正。甘多野食唔使二百蚊，真係好抵。

潮館，從第一次光顧開始，到現在，差不多食了50、60次。餐牌上看得見都食過，看不見的也食過，合上眼都背得出他們的菜式。看見樓下的食家，都愛點蠔餅，這個非必要也不要點，他們用普通的煎PAN弄的，不大好食。推薦凍烏頭，但很少人會點，覺得它很噁，其實它味道很鮮。另外還可試試他們的糖醋麵和香酥鴨。甜品要試試芋泥，很潮式的甜品。想食得平點，就九點後來吧，有折。

與公司同事食lunch (1點), book檯廿個人, 都會比2張大檯我地, 而且唔洗落訂, 晌apm係好難得.想話同同事一齊喪食點心開心下, 點知坐低已經好唔alright...我地點菜張紙, 同隔離檯係唔同, 點解既?! 哦, 因為唔齊!咁咪叫佢攞d比我地張檯囉, 冇黎反應, 又遲遲唔攞, 咁我叫少d野食囉.點好菜, 例遲, 例漏單...叫5個碗仔翅, 一黎2個, 另外3個冇左, 不過好味.煎薄罉, 點咸的, 上左個甜. 唔咬唔知, 冇得追, 一換又唔知等幾耐. 算吧..xo醬炒蘿蔔糕, 很散很爛.灌湯餃好味, 鹵水拼盤還ok.其他點心冇咩特別,最緊要係, 全程冇人飲茶/ 飲水, 點解?因為有陣濃烈漂白水味! 唔知係d碗筷定係d水有問題,冇水/茶, 點食野呀~~~!

下午茶時間食lunch，剛好有朋友等位所以才來這兒。老實講，這裏的質素比前幾年差真的太遠，所以我才不想來連食評也懶得寫。但今日這餐下午茶比街坊酒家更差，我忍不住要動手。柚皮鴨掌: 鴨掌煮至入味但未至於太諗仍有點爽身，柚皮諗身不苦澀，本身已合格。但因為師傅加太多油而令柚皮吸過量油，柚皮變得好重油溢味。鴨掌上的獻汁也是。草菇魚肚: 賣相差...還以為豬皮...魚肚同獻汁無味....煎蝦米腸粉:味道很普通較淡。蝦米得幾粒。腸粉水份太多，太軟，煎得都不夠，因此亦不香。煎薄撐: 料只有青豆、紅蘿蔔、粟米和很少菜脯&蔥。蝦米一粒都無，蛋香亦欠奉。完全似食煎麵粉餅，又是無味道。後話: 服務態度值得一提。我們沒有下午茶點心紙，唯有叫侍者拿一張給我們。她竟在我們檯上左翻右翻也不願意幫我們拿! 難道我們只有兩個人也會多要幾張下午茶紙嗎? 她悔氣地去拿，然後隔著我旁邊的雙人檯遞給我，我身邊的小姐也傻眼了....可能勞動得多會累，但連多走一步也這麼困難嗎?這餐...吃得似虐待自己。填飽肚子便算了。

放假前夕, 怕如到旺角的潮樓人多的關係, 所以今次改了地點到 APM 的潮館一試,而且方便當晚約的朋友在附近放工.店內的坐位真的比旺角的寬闊, 不用有擠迫的感覺晚市孖寶 :1) 菠蘿盎糖醋骨 - 正2) 上湯菜膽雞 (半隻) - 原本菜單是 "炸雞" 因點菜的時間已經沽清" 改為上湯 - 超差潮式金瓜酩 - 正 (不會有很油的感覺)家鄉炒麵線 - 不過不失清蒸多寶魚 (當晚優惠價 : $48.00)飯後生果 : 小型半個菠蘿 (大約 4 片)好像與 "旺角" 的潮樓有點不同

假期尾聲, 一覺訓到12點, 前一晚決定去返我最愛既利苑飲茶, 但臨時男朋友既媽媽提議我地去試同樣係APM 5/F 既潮館, 原因係既免茶錢又好味! 潮館位於APM 5/F既一角, 2點鬆少少去到, 已見長龍, 本來唔搭枱可以即時入座, 但係難得放假我地唔趕時間, 所以都係決定等位啦… 等位既時候, 我留意潮館既裝潢: 此處裝修雅致新穎, 門口有卡位, 感覺幾舒服! 15分鐘左右, 知客嬸嬸帶左我地去中間既枱, 尚算寬闊既! 等位期間我同男朋友已經揀好左食乜, 見到有好多客, 所以都係快快手劃完交俾侍應先慢慢洗杯! 首先要一讚呢度係水滾茶靚 (相對地)! 鐵觀音唔碎唔澀唔苦唔臭, 水夠熱沖既茶都好! 但另一邊廂可能客太多做唔切, 等左成20分鐘先有野食! 粗略講下我地今餐既食物: XO醬炒蘿蔔糕: 男朋友媽咪推介! 蘿蔔糕切成一口大小, 炒完都冇散哂依然好完整靚仔, 但食落又唔會太實! 但略嫌唔夠XO醬唔夠辣, 問侍應拎辣椒醬佢又俾左辣椒油我地… 醬汁蒸鳳爪: 呢個真係唔掂! 雖然醬汁面濃, 但依家難掩鳳瓜既雪味! 雪味真係惡頂! 不過墊底既芋頭相反吸哂D味同埋夠稔! 炸兩腸粉: 好耐

一年一度嘅新年將來臨,又係同班親友們出動飯叙的日子今晚第一回就選點這裡, 因為之前食過覺得不錯 我們要預先BOOK位還要分兩個時段!我們有六人,順利成章點半席試試...滷水拼盤 - 覺得味道唔錯,好快比我地消滅了炸豆腐卷 - 炸得幾脆,味道也可以花枝珊瑚蚌 - 炒得太油膩,味道一般翅 - 有少量翅,材料不太多,味道普通蒸魚 - 肉質比較鞋,無鮮味龍蝦伊面 - 騙人的龍蝦,只係蝦球,回水富貴鮑 - 只是普通的螺片,失望炸子雞 - 一般貨色...糯米飯- 飯質比較硬,味道還可接受桃包 - 侍應問我地要水晶包定桃包,我地唸耐少少就即刻黑面! 味道一般,不熱可能太多人了,感覺不夠人手,服務自然差, 我們變成比人忽略了!!!食物水準比以前差了很多,而且又唔太抵食,不明白為何還有這麼多人等位??我估我們短期內都不會再來了

今次一家人慶祝呀爸生日，大前題係中菜。我之前食過家傳滬曉，覺得唔錯，可以再去，不過去到APM，呀媽提議去潮館，話好耐之前食過幾好我諗住既然未試過，就去試下啦！結果．．．我地大失所望，最後呀媽話冇諗過潮館竟然退步左咁多，話以後都唔會再去首先，我地點菜既時候，竟然樣樣野都話冇，最後退而求其次，只係叫左６樣野：１）滷水併盤　（欠相）不過不失啦，冇咩特別。２）椒鹽鮮魷　（欠相）算係幾好食，炸得剛剛好，而且ｄ脆粉又唔太厚，亦唔會有甩出黎既情況。３）煎蠔餅個賣相唔差，但係食之無味（味道非常清淡），仲要帶點腥味（我最怕！）平時炒蛋都要落d鹽，蠔理論上冇咸味，所以蠔餅照道理都應該落d鹽，但係個蠔餅食落好似唔記得左落鹽咁。４）川椒雞同樣地，個賣相唔太差，但係食落就覺得不好，首先，我食唔出任何川椒雞應有既味道，感覺上，只係食緊好咸既雞，極其量只係食到雞味，毫無特色！而且落鹽似乎重手得滯（同煎蠔餅相反）５）黃金蝦仁豆腐呢個賣相已經夠差，點知食落仲差！ｄ蝦有陣洗潔精味．．．不予置評。６）南瓜酪意外地係最好食果一味，本身南瓜帶有甜味，但個南瓜酪底又咸咸地，理論上，又甜又咸既野係好難會好味，但係呢個南瓜酪食落又幾

7:00am 同一大班人去左飲早茶,去左apm咁耐,依家先知有間有質素0既中茶館.好食0既食物推介:燒賣-蝦夠鮮煎腐皮卷-皮薄又脆馬拉卷-細件易入口,唔會太漏叉燒腸粉燉雞飯-d 雞肉好滑菠蘿叉燒包-配搭新穎,多變化,不過!漏左少少,好0既係包唔大,約一個拳頭咁大啦!

睇完戲已經9點, 朋友霸左位o係潮館食晚飯真係冇幾可9點先黎食飯. 食到半價既小菜.首先叫左韭菜豬紅, 韭菜顫底. 豬紅好盪口. 有點紅油在面, 但放心, 唔辣既.炸魷魚, 份量睇落唔多, 因為炸粉丫晒d 位. 魷魚冇乜味.鹵水雙拼. 豆付拼豬耳. 真係好奇怪既配搭, 兩樣都係廉價貨. 本身有豆付顫底, 但再叫豆付.豬耳又林又爽, 個邊有d 膠質, 中間軟骨位就爽脆. 好正!唔知咩粿肉. 係一團肉碎炸左, 好似咕嚕肉咁. 肉食得出醃料既香味但都係鍾意咕嚕肉多d. 粿肉質感比較散.潮州粥. 之前黎食過好大煲, 但今次好似細左好多. 上次食極都食唔完, 哩次食兩碗就冇晒.飯又唔多, 所以都唔太飽肚.叫佢芫茜分開上, 最後只係少左芫茜, 但冇另上. 冇左芫茜成個粥都冇左一點生息.炸多春魚, 好厚炸粉, 成圈麵粉都睇到. 多春魚大條, 但有點苦另外再叫左個沙茶牛肉河, 沙茶汁唔錯, 令我聯想起筷子記. 仲有點辣.半價左之後都唔算特別平, 其實只係未半價前特別貴.埋單每人只係$37, 算係咁. 始終對大集團既評價麻麻.

APM6樓買左飛睇戲，唔敢行甘遠所以就近近地在下面5樓試下呢間餐廳裝修幾好.坐窗口位,都叫做有D景睇添坐得好舒服.其食物不算太出色，也不會難吃.豐儉由人滷水鵝片拼滷蛋---:這個比較入味, 鵝片肉也算鬆化。略油膩沙茶牛炒河--- 好入味, 炒得好香, 不錯不錯, 可以一試值得一讚的是煎蠔餅, 蠔的份量亦多.吃得出蠔的味道.極少油服務好一般，唔多夠侍應，叫order都要搵好耐至有人黎.埋單唔貴都唔駛$150. 全日唔收茶錢加一, 抵呀!