潮豐打冷

營業中

休息中

成日搭車經過觀塘嘅時候，都會見到潮豐打冷門口有一台又一台嘅凳擺曬出路邊， 一直排到街尾，成條路都係人。而且門口總有一陣陣嘅煲仔飯香味飄出嚟， 有個阿叔係咁煮煲仔飯，似乎非常好賣， 有唔少捧場客。 同埋玻璃櫃入面總會掛住唔同嘅滷水食品，例如鮮橙色嘅大墨魚、大大隻鹵水鵝、豬頭肉、豬耳等等。終於的起心肝去試下，由於唔想坐出街嘅關係，阿姐安排咗我哋喺入面同人搭枱，環境都幾逼，背脊頂背脊咁坐，同埋地下都會有唔同嘅垃圾，例如碎骨同埋紙巾咁，而且檯面都唔係好乾淨，有潔癖嘅朋友就可能要諗諗了。首先嗌咗一個墨魚拼鵝腸， 墨魚有幾塊切片，其他都係一啲頭頭尾尾嘅碎， 而鵝腸就好少少，不過都有啲碎， 同埋都幾多大豆芽墊底，唯一可取嘅係鹵水汁都算入味，而且淋咗少少油都幾香。至於窩蛋牛肉飯，個蛋就畀我一早忍唔住偷偷哋食咗，淨番啲滑牛撈飯， 個飯都算幾乾身，而且配埋啲自家製嘅煲仔飯豉油非常夾，個豉油又唔會太甜亦唔會太鹹， 主要係攞個色， 而牛肉亦都有滲出少少油，令煲仔飯有啲油香。同埋最緊要嘅係呢個煲仔飯個鑊底有飯焦，食到最底嘅時候，就可以用匙羹刮走啲飯焦，夾起來食，非常脆卜卜， 但煲中心嘅飯焦就比較燶， 只能食碗側

潮豐已有多年歷史由格離舊店食到來新店由早餐，午餐，下午茶晚餐，甚至宵夜全年都咁旺經常晚上行過都爆無它，幫襯過此店就知無論煲仔小菜樣樣用料新鮮再加上火氣十足行過被在門口的煲仔飯香味吸引今天六點多店內已經高朋滿坐只有坐在門外，亦有一番風味秋風起叫個煲仔飯暖暖個胃十五分鐘睇住阿叔由爐直接帶來未開蓋已經聞到香味仲聽到茲茲聲響立即開蓋放點鼔油再焗多陣再打開蓋熱辣辣香噴噴簡直係香溢四射排骨本身是已經有味加埋鼓油味啱啱好油份吾多，肉質結實爽口鳯爪吾係多，有咬口飯焦吾算多，剛剛好特別我喜歡吃飯焦的人加埋鼔油食就更加好味

是晚放工後到觀塘找友人吃飯，他提議吃打冷，因為獲推介呢間好食，平時食開元朗多間打冷店，今次就試下觀塘嘅。兩人共吃了$280+，約$140/Pax鹵水拼盤第一次食打冷拼盤🙈 呢個最好味！每樣野都好入味，正！椒鹽九肚魚這味略嫌炸得未夠透，沒有脆的效果，和另一舊魚痴埋左一齊而家諗返係咪當時應該要叫佢返炸🤔🤔蠔餅（細）蠔仔夠大粒，火喉亦剛剛好，都好味嘅唯一是⋯加了西芹粒黎炸⋯本人係最唔鐘意食西芹😞😞😞 唯有蘸點多點魚露掩蓋西芹味總括來說，價錢沒有太實惠，下次要再去想試下佢個煲仔飯。

每次到觀塘，大多只會到這裡的大型商場吃喝，今次想到附近的舊區看看有什麼值得去試試的小店，行到牛頭角道，見到一間打冷店，舖外還看到即叫即煲的煲仔飯。天氣這麼熱，阿姐還要在十個爐頭的室外煲飯，敬業樂業，值得一讃！滷水鵝片（$98)到潮式「打冷」店，每次都會點滷水鵝片，喜歡它啖啖肉，而且滷水是潮式食店的靈魂，一定要試。這𥚃的鵝片不太肥，鵝肉嫩滑，散發著滷水香料的味道，鵝片下則伴有滷水豆腐和花生。大眼雞（$160）大眼雞是時價，要問店員，價錢通常分大中小價，那天的時價是$140-$180，我們三人選了中型。大眼雞另一名稱是「剝皮魚」，但這條魚的肉卻與魚皮黏在一起，很難分離，但魚肉味道都很鮮甜。黃鱔飯（$70）即叫即煲的黃鱔飯，一開煲蓋，已聞到香氣，爽脆的黃鱔加上薑絲和煲仔飯豉油，配合有微焦香的白飯，雖然不是什麼名貴菜式，但真的不錯。吃完煲內的飯，可以看到煲內的飯焦。鳯爪排骨飯($55)排骨很新鮮，調味恰到好處，飯粒分明。煲仔飯豉油可自行添加

OT 到成十點，同同事兩丁友由鰂魚涌搵食搵到觀塘觀塘友話呢間打冷出名，咁就不如try try佢二人點了一碗蠔仔粥，鹵水拼盤同XO醬絲瓜炒魷魚蠔仔粥份量多，蠔仔數量亦多味道啱啱好，唔會太淡，我一個都食咗起碼半窩鹵水拼盤份量十足有大量我最愛嘅生腸同墨魚鹵水汁較得好好，有鹵水香仲食得出有甜味，唔會太咸真心推介XO醬炒魷魚叫呢個餸嘅原因係呢會組合比較少見同埋夏日炎炎最好食瓜類唔知係咪XO醬太多，勁辣同埋呢個用急凍魷魚，略嫌欠鮮味

是晚收工與家人食飯，家人說要到觀塘食打冷。打冷唔係應該要去九龍城咩⋯⋯好不明白但都跟來了。凍魚-200$好細條，有點貴但唔緊要啦最緊要味道唧，點知，味道都唔太值。第一 魚太細肉好痴魚皮，夾到一係散晒一係夾唔到 可能我要再練下啲筷子功夫。魚肉好硬，感覺擺左好耐，媽媽話下次會整條大啲，好食嘅比我食，唯有期待下啦叫左個拉盤，好似88。勁多肥肉係底，3件紅腸，少量鵝腸、魷魚，豬耳，好彩有芽菜，不然就太油了。呢個係三寶，我太蠢了叫錯野，不過係全晚最好食嘅，兩人都各叫一碗粥黎送佢，好味呀！花生好脆，反而最簡單的最好味，最平的最好味下次食三寶加粥就夠了

加班後同事約去打冷，話呢間打冷好正的說，收工前訂左枱，到步就有室內位，唔使出面食2手煙，食物叫左滷水鵝片上庄，份量好多，鵝肉香嫩，下面有大量滷水花生同滷水豆腐，會吃上癮。 大蠔餅即炸上碟，熱辣辣夠鬆脆，蠔仔味濃，有蛋香。凍烏頭來自元朗，肉厚帶魚香，無泥味。豬紅夠滑，無渣。蠔仔粥是潮州式，所以比較似泡飯，加方魚脆脆夠咸香，蠔肉新鮮。窩蛋牛肉煲仔飯，用醃過既牛肉片，肉質不算好特別，唔韌，有香脆飯焦，煮得剛好。整體來說是打冷好選擇。

平安夜唔想比餐廳掠水，食打冷就最好不過，因為唔會坐地起價！同友人叫左條凍烏頭，超大條！黃油又夠多！而且仲係元朗出品，夠新鮮蠔仔肉碎泡飯，蠔仔超飽滿大粒！滷水鵝片，夠入味！老闆娘態度唔錯，值得一讚！

OT後同同事食埋飯先走，去左公司附近打冷。叫左個大鹵水拼盤，拼盤個汁好入味，有紅腸、大腸、魷魚之類，好足料叫左個大蠔仔粥，蠔仔大大隻好夠味，最鍾意佢d芫茜味好足蒜蓉炒菜心，又係炒得好入味，d菜好新鮮大蠔餅，失色左少少，炸得唔油，但冇咩蛋香同蠔味...凍鵝片，薄切、煮得岩岩好，嫩口又有味，好食另外點左d飯同汽水，埋單$100/位左右都抵食。

成日行過聞到陣陣炭爐味，趁天氣凍凍地，有籍口試一試觀塘呢間煲仔飯。叫左一個上海大亨煲仔飯，唔係幾明點解叫呢個名，但勝在材料豐富，材料有鮮排骨、臘腸、瑤柱、班片。咬一口班片先，口感偏硬，煮過火，應是急凍貨色。臘腸正常，排骨新鮮好食，瑤柱送飯提升層次，煲仔飯豉油甜度杰度剛剛好，食到尾食埋飯焦，幾滿足，日後觀塘區多一間餐廳選擇。

官塘區有好多地方被收回，好多食肆結業，商場食肆普遍收得早深夜十一點牛頭角道食宵夜嚟到已經滿座,只好坐在店舖外成條街坐滿客人,三個人叫左兩個煲仔飯飲品叫三杯咸魚肉餅煲仔飯咸魚香味撲鼻肉餅淋身好餸飯豉油放在枱多少是隨我們喜好自己落北菇滑雞煲仔飯雞件份量挺多，啖啖肉而且很滑, 加D鼓油, 簡簡單單已經係好, 底仲有D飯焦真不錯!菜好似一早灼定再放上去的绍菜，完全無味坐在路邊食.好有廟街風味傾一陣計見到咁多人等位，識做埋單去附近食糖水

雖已過了吃煲仔飯的高峰季節，舊區如觀塘通常還能看到師傅在店外擺滿爐具弄各式煲仔飯。此店雖是潮州打冷，這次還是想嚐嚐煲仔飯和小菜。奉送的例湯是蓮耦湯，味道很濃，也有不少可入口的湯渣。煲仔飯製作需時，先來的是沙嗲粉絲肥牛煲，沙嗲汁很香口美味，咸淡適中，加上沾滿了汁的粉絲，光吃它便幾乎把白飯都吞下了。肥牛一點不肥，且份量多得我們兩人都吃不完，配菜青椒也很醒胃，減低吃了數塊牛肉後的飽滯感。煲仔飯來時，我們已飽足了七成多，但還是很渴望嚐嚐這款名為上海大亨的煲仔飯。配料包括排骨、腊腸及瑤柱等，可是每款的份量都不多，味道也不算突出，最失望的是鍋中的飯似乎並未能吸收配料的味道，也沒有煲仔飯應有的飯香。故此只吃了一半便不想再吃下去，上海大亨還是不外如是。

因為開會，所以遲了些才吃午飯。又想嘗試新的餐廳，所以走到牛頭角與觀塘交界的裕民坊，試一下這裡的茶餐廳。雖然已到下午茶時段，但肚餓關係仍是叫了一個午餐：鴛鴦扒飯。這個飯真的很夠誠意，飯多之餘，雞扒和豬扒也夠大塊，醬汁的份量也很好，味道也不錯。更開心是有一碗例湯。雖然不能說是老火，但總算是有湯水入口。

每日放工係宜安街落車之後都會經過潮豐，開滿一街既枱櫈、烘烘聲既煲仔飯爐、各方食客品嘗緊既蠔仔粥同滷水鵝令我心郁郁想試下。星期五晚同男友睇完「清明上河圖」返到觀塘已經十點，啱哂時間去試下依間打冷。潮豐有兩間舖位，室內位唔多，不過就係街邊開多左十零張枱；同門口既大叔嗌左兩次都冇理，於是算已搵張吉枱坐。呵，兩個霸左張大枱。餐牌其實睇唔睇都罷，去打冷都係食果D…兩個人叫左三樣加啤酒一支﹕ 日月煲仔飯 $4X 蠔餅 $48 滷水拼盤 $55等左差唔多十五分鐘，先上滷水拼盤，份量OK，不過唔係咁入味，大腸都仲好D，但係墨魚同豆腐就唔係咁夠味…加上男友唔食大腸，搞到一個人食哂，膩左。食到一半就上蠔餅，可能真係見識少…我未見過蠔餅係咁既樣 份量係就係好多，但係深啡色一大塊，賣相唔討好；篤隻筷子落去會聽到「咯咯」咁既聲，感覺上好似係成塊蠔餅攞左去炸，仲要係炸到過哂籠、乾哂…咬落亦係得個油字，完全果種鬆鬆軟軟既質感…好失望、都係廟街既好食d本住唔好浪費既原則，終於清左個蠔餅；好彩之後既煲仔飯冇令我失望。依個日月煲仔飯可算係大包圍，基本既配料到有齊﹕臘味、排骨、雞件、咸蛋都有，上枱非常香，而且份量十足，每人