潮盛館

營業中

休息中

今次在觀塘區聚會時，發現新開張的「潮盛館」。晚市有優惠，決定一試新滋味。⭐️招牌菜滷水鵝片，肉質細嫩，滷水的香氣混合著各種香料，讓人回味無窮。⭐️墨魚片與牛腱滷水雙拼同樣出色，入口滷味鮮美，墨魚片醬汁滑順，仍帶有少許嚼勁，配上滷水豆腐，令人一食再食。⭐️啫啫煲：白鱔肉厚實鮮美，啫啫蝦醬鮮魷炒通菜及芥蘭煲惹味十足；通菜加蝦醬的鮮味，芥蘭清脆口感。⭐️鹽香雞的賣相吸引眼球，皮脆肉嫩，肉汁鮮甜，令人回味無窮。⭐️方魚肉碎粥，濃粥香氣四溢，每口都充滿豐富的餡料，配上香脆炸蠔餅，口感極佳，蠔肉飽滿多汁，真是美味。最後，「拔絲咕嚕肉」，那份香脆的咕嚕肉裹著濃郁的拔絲醬，甜而不膩，每一口都嘗到爽脆滋味，口感豐富又特別。

今日同朋友到觀塘食潮州菜。入到去好快店員安排好座位，整左壺鐵觀音飲住黎睇下食咩野好先。餐牌上一人選一兩樣野，結果我哋選左潮盛滷水鵝片，招牌鹹魚生煎肉餅，豉椒炒鵝腸，睹睹水庫白鱔煲，順德炒米麵，睹睹炒芥蘭，冰雪芒果梳打（椰子雪糕）,熱檸檬水，凍檸檬茶。潮盛滷水鵝片-滷水汁個底都幾香口。鵝片肉質良好，都好香鵝味道。招牌鹹魚生煎肉餅-鹹魚味香，煎肉餅肉質好口感一流。豉椒炒鵝腸-豉椒洋蔥黃椒紅椒爆炒真係香口。鵝腸有咬口夠入面。睹睹水庫白鱔煲-白鱔鱔香味在睹睹煲上更加香。爆到香口再上桌，煲仔一路保持住熱辣辣更加好味道 。順德炒米麵-米粉軟硬度岩岩好，材料都好多有魷魚，蛋絲，紅蘿蔔絲，蝦仁，芹菜。炒得夠乾身，米香味完全炒出黎。睹睹炒芥蘭-熱辣辣煲滾住上黎夠晒香，蝦乾香芥蘭嫩。芥蘭新鮮嫩口，配合睹睹煲非常香口。冰雪芒果梳打（椰子雪糕）-芒果梳打唔會太甜，椰子雪糕都幾香椰子味道。熱檸檬水，凍檸檬茶-檸檬都正常，厚切檸檬。

同朋友🧒👧🏻一齊嚟咗呢間潮州菜菜館食晚餐🤣$108「酒香鮑魚」：鮑魚爽滑有花雕酒香，係一個好開胃嘅前菜🤣$228「潮盛滷水鵝片」：鵝片滷得入味兼好好鵝味，而且完全冇骨，塊塊都切到大約係長方形，食得好方便😋；仲有好多滷水豆腐可以食😋$238「豉汁蒸新鮮水庫白鱔」：白鱔肉質軟熟味道鮮甜，豉汁蒸更加提升味道😋$108「椒絲腐乳炒通菜」：通菜新鮮，菜梗爽脆菜葉軟熟，用腐乳炒簡單好食😋$98「花膠魚翅燉老雞（位）」：熱辣辣大大盅，仲見有幾多材料🤣$128「土魷蒸手剁肉」：手剁肉比起機器絞碎嘅肉食落口當然更加有口感，再加埋有少少咬頭嘅土魷，更加好食😋，仲叫咗「白飯」撈埋「土魷蒸手剁肉」一齊食🤣

近排常因工作關係，經常出沒在觀塘區，自然對開餐需求大增，今晚跟同事收工後，一同在潮盛館開餐！雖然在工廈內，但裝修環境尚算高雅，感覺良好！晚市堂食有85折，還有優惠套餐！超值抵食！😍😍😍鹽香海蜇手撕雞 $118，無骨手撕雞，肉質彈牙，啖啖淨肉 👍👍；單用鹽醃已經非常夠味。海蜇爽口，滿滿麻油香味，好好食 😋潮盛拔絲咕嚕肉 $138咕嚕肉酸甜開胃，有脆皮效果；伴碟的鮮菠蘿🍍，清甜開胃，不遜主角。黄金蝦球 $158，蝦🦐球基本去殼，只留鳯尾；咸蛋黃炸醬皮，夠香脆，不過不失！咸骨潮式春菜煲 $108，煲仔上夠熱度，湯底胡椒味濃郁。咸骨大大件，有質量；春菜翠綠，好睇好食！蠔仔粥 $68蠔仔肥美，用勝瓜作配菜，樣子討好。湯底鮮甜滿有蠔仔味道，加點胡椒粉，完美！小碗的已夠4人食，超值！味道出色，環境不錯，值得再次光顧！

因為去開觀塘做嘢，但做到好晏，又費事諗返去食咩，所以就同同事周圍睇吓有咩食，喺我哋搭巴士附近見到有一間新開嘅潮州嘢，叫做朝盛苑，好似幾靚，所以我哋就去試吓一入到去已經見到好多人食緊，睇嚟就算喺而家香港餐飲寒冬嘅時間，有心做嘅餐廳依然係好多人去食，入面環境都幾好，我哋坐得好舒服鹽香雞-半隻 ($98)鹽香雞皮香肉嫩，色澤金黃, 鹽味適中，雞肉軟滑多汁椒鹽鮮魷 ($138)鮮魷炸至金黃，椒鹽香氣四溢，口感彈牙，外脆內嫩，而且魷魚大大條, 十分足料, 適合和朋友分享，十分過癮。潮盛炸蠔餅 ($128)炸蠔餅同平時的有點不同, 特別的香酥外脆，蠔仔都幾多下, 唔會好細粒, 蠔香濃郁，配上醬汁更添風味，口感層次豐富，是潮州小吃中的經典之選。豉油王龍鬚炒麵 ($138)炒麵炒至條條分明，豉油醬汁均勻入味，配料新鮮豐富, 竟然有不少的魷魚鬚, 加上夾口的芽菜，我最喜歡加少許辣椒醬, 讓人一口接著一口，實在美味。整體意見，我覺得呢間餐廳性價比好高，每款菜式都唔錯, 我同同事都食到讚不絕口

返工附近嘅呢間潮洲菜餐廳性價比高，小菜多款，份量十足，平時經常食lunch，今日同埋家人試下dinner～潮盛滷水鵝片厚度適中，俐落去骨，肉質軟嫩，滷得入味，鵝香滿溢。潮盛酸菜原條桂花魚賣相美美的，色彩繽紛~選用桂花魚，鮮美豐厚。湯底不算好辣，酸辣平衡，調製得好👍配料都落足料，有雲耳、萵苣等，好豐富。柚子蜜蝦球每粒蝦球都比帶柚子蜜炸皮包住，咬下去甜甜的滋味花膠螺頭爵土湯&姬茸菇螺頭燉花膠兩款湯都係即叫即燉，滋補養顏，香甜清潤，充滿骨膠原，男女老少都適合飲用的湯水。金銀蒜蒸-勝瓜勝瓜入口juicy，又夠較稔，用金銀蒜(生蒜蓉及炒過的蒜蓉)調味特別美味~

今天在觀塘工作的舊同學帶我到一間藏在工業大廈內的潮州菜館午膳。我們選了一個商務2人套餐和一些小食，這店全日免收加一服務費，性價比甚高。*午市商務2人套餐（$198）～花膠螺頭魚翅煲雞湯（2位用）盅上熱騰騰的雞湯用料豐富，用上花膠、螺頭、魚翅和雞腳等熬製而成，入口味道清甜，感覺可口又滋潤。～潮盛滷水鵝件拼盤滷水鵝件肉質腍滑，味道鮮美。軟滑滷水豆腐和質感軟中帶韌的大腸同樣滷得可口入味。～雲耳勝瓜炒鮮魷這小菜用料豐富又吸睛，爽口雲耳，紫洋蔥、黃紅椒與有咬口的鮮魷配合得宜；入口感覺味道較清淡，保留了食材的原汁原味，加上色彩繽紛的賣相，十分吸引。以上餸菜還跟白飯2和汽水2罐，非常豐富。*午市滋味小食～醉香鴨舌（$42）酒香撲鼻的鴨舌入口感覺清香，鴨舌做得相當入味，質感飽滿又爽口，別有一番風味。～爽脆海蜇（$28）賣相吸睛的涼伴海蜇造得彈牙爽滑，配上微微帶辣的醬汁入口感覺甚佳，作為前菜是最好不過。～脆炸鮮奶卷2件（$18）新鮮炸起的鮮奶卷外脆內軟，味道微甜充滿奶香，非常吸引。這店的食品有不錯的水準，在不同的時段更設有折扣優惠，取價吸引。舊同學果然好介紹，讓我品嚐了一頓既豐富又經濟實惠的午餐。

觀塘一向食肆林立，今次Duck哥🦆去試咗間位於時運工業大廈。但入口係觀塘道大馬路加嘅潮盛館。餐廳地方闊落，坐得十分舒服🥰。鵝片拼盤三拼 $248鵝片、墨魚拼豬大腸，無骨鵝片食落啖啖肉😋，肉質柔軟，加上邊位帶油脂的皮層，令味道更香🥰。墨魚片🦑口感爽滑彈牙，豬大腸質感軟腍，有陣陣油脂香味。碟底仲有滑捋捋的鹵豆腐，同樣鹵得入味😍。潮盛炸蠔餅 $128蠔仔脹卜卜，口感嫩滑多汁，味道鮮美，配合炸得非常香脆嘅餅底及芫茜一齊食，香口又惹味😋。黑松露金沙蝦多士 $98一碟4️⃣件，多士炸得勁香脆，原隻蝦仁🦐質感彈牙，配上黑松露醬🍄及金沙醬，味道鹹鮮，香味倍增😋。蜜椒薯仔牛柳粒 $138牛柳粒🐂一口一粒，肉質軟淋有牛味，薯仔粒🥔口感粉糯，帶陣陣蜜糖及黑胡椒味，味道香甜結微辣😋。鹵水牛腱 $88牛腱片切得非常薄，滷得入味，口感軟腍，入口化開🥰。招牌鹹魚生煎肉餅 $168肉餅半煎半炸後，變得十分焦香😍，加入鹹魚肉，味道鮮甜鹹香，好香口😋。

觀塘新開咗一間高質潮汕菜係時運工業大廈裡面，食過真係翻尋味😋 首先試咗佢哋嘅胡椒豬肚湯，上台見到勁大份，夠3-4人飲。湯底濃濃有胡椒香味，令整碗湯更加提味。🥣 豬肚煮得剛好，咬落去唔韌。椒鹽海蜇手撕雞，海蜇爽脆感配上鮮嫩的雞肉，椒鹽味道恰到好處，唔會過鹹。炸乳鴿外脆內嫩，肉質鮮美，咬落去勁滿足！本身係被佢地嘅滷水吸引黎🤩心裡邊諗緊一定要試試佢地嘅滷水，拼盤可以自選，我地揀咗鵝片拼盤三拼，本身默認有鵝片仲就可以自選兩樣，揀咗鵝腎同鵝腸。三款都切到勁薄，食落去勁滑😋😋嫩滑，鵝腎同鵝腸亦都處理得一流，搭配醬油更添風味，真係好味到爆！🍽️ 呢度無論係湯定係小菜，都真心唔馬虎，值得一試！✨ #美食 #私房菜 #廣東美食 #食評 #美味佳餚

今晚跟好友約了在聚餐，位置在觀塘工廠大廈地下，餐廳地點闊落，座得都幾舒適。話梅涼瓜，呢款前菜微甘帶酸，很適合呢個天時食用，令人開胃呀。宮廷蘿蔔 ，蘿蔔醃製得酸辣，入口清甜爽口，亦是一道開胃前菜。蠔仔粥，我哋叫左一碗2份分，大碗夾抵食，蠔仔🦪新鮮份量多，飽滿鮮甜。潮盛小炒皇，食材有魷魚🦑、🍤蝦干、腰果，韮菜份量好多，惹味嘅小菜。豉汁蒸新鮮水庫白鱔，魚嘅肉質爽口彈牙，豉汁蒸十分之惹味，墊底仲有索晒汁嘅南瓜🎃添架。

今次同朋友去做野既附近觀塘食野，呢排咩菜都有食下，但係我呢排想食下潮洲菜，朋友就介紹左一間我自己都唔知既潮洲菜餐廳！呢間餐廳唔算容易搵到，喺觀塘嘅時運工業大廈地下！店舖座位好寬闊同埋舒服，再加上空間感都幾大、同埋呢度出名潮州嘅滷水冷盤，仲有好多中國菜出面都未必食到㗎！重點係佢哋嘅食物質素都係好高質！但係又唔點樣去做宣傳都可以吸引到好多食客！潮盛特色醉鵝肝-半份首先講吓佢個份量、平時西餐我覺得食一兩塊鵝肝都已經好正好滋味、今次半分竟然有十幾塊！除咗食回本之外，佢仲用咗清早去煮呢個鵝肝味道超香濃！質感亦都好或唔好特別！蜜汁燒大鱔：本身都好鍾意食白鱔、呢個仲要用蜜汁去燒更加開胃！白鱔肉質彈牙！份量亦都好大碟！潮盛炸蠔餅：蠔餅好大個，再加上亦都好多蠔肉，好香！新鮮即炸香口！最後當然唔可以錯過蜜椒牛柳粒薯仔粒、最鍾意就係食黑椒蜜椒薯仔！真係超鍾意薯仔咋嗰種質感！再配合埋黃椒紅椒炒更加香甜！茶方面今次份鐵觀音！除咗好香之外茶味亦都好夠！估唔到咁樣買單都係六百零蚊兩個人超抵食！我最推介食就係醉鵝肝！觀塘道404號時運工業大廈地下ABC舖潮盛館

約朋友食飯，佢喺觀塘返工，原本諗住去食好出名嘅大盛，但朋友同我講原來佢分拆開做潮州嘢，聽完就好有興趣去試吓，所以我哋就去試新野入面環境因為新裝修，所以好新淨，環境舒服，光猛，好適合傾偈鵝片拼盤三拼 ($248)鵝片鮮嫩滑口，墨魚彈牙入味，大腸香軟可口，三者搭配恰到好處，令人一試難忘。潮盛小炒皇 ($128)小炒皇色香味俱全，有很多不同的海鮮, 例如銀魚仔、八爪魚、鮮蝦等等，配料豐富，炒至香脆，口感層次分明，口感十足。爽脆海蜇 ($68)海蜇爽脆可口，搭配特製醬汁，清新開胃，口感獨特，夏天食用最為合適，令人神清氣爽。柚子蜜蝦球 ($158)蝦球首先拎去炸，外脆內嫩，柚子蜜的香甜味道令人驚喜，完美融合，讓人一口接著一口，回味無窮。凍蜂蜜柚子 ($24)凍蜂蜜柚子清甜可口，口感滑順，蜜糖的香氣與柚子的酸爽完美平衡，適合炎夏消暑。總結，呢間朝盛苑，好有驚喜，尤其是嗰個鵝片三拼好正宗，冇得輸！

  今晚兩兄弟在觀塘道打算搭巴士返元朗，在等巴士期間發現付近有一間新開張的中菜館，主打滷水及廣東小菜等。除全日免加一外，晚市堂食仲有85折。幾吸引！都好耐冇食潮洲菜了，於是決定先食個晚飯才返元朗。   坐低看過餐牌都好多小菜款式選擇，滷水菜式及小食也十分多配搭。海鮮，前菜，冷盤，家常小菜，粉麵飯等。  我們點了滷水鵝片拼盤(三拼) 248元墨魚，豬腩肉，滷水鵝片首先滷水汁好香，惹味！鵝片肉嫩入味，鹹甜味道適中，腩肉皮層煙韌中帶爽，肥而不膩的肉彈口甘香。墨魚口感煙韌得來帶軟熟啖啖鮮香。 塩香海蜇手撕雞 118元好大碟！足料！(睇份量足有半隻雞)海哲質感爽脆，芝麻，花生好香口，蔥，香菜麻油和醬汁混合帶出豐富味道層次。冰冰涼口感怡神！招牌菜～潮盛拔絲咕嚕肉  138 元堅係好味！ 擺盤又靚！色澤鮮明閃閃令，賣相好吸引！咕嚕肉表面的脆漿 好鬆脆，中間的肉軟彈嫩滑， 芡汁味道調得酸甜度適中 好醒胃。新鮮 菠蘿夠爽甜。蠔仔粥 68元 (碗)潮洲粥底好清爽好大碗，有蠔仔和肉碎蠔肉新鮮爽彈扎實大粒而且份量好多！成碗粥充滿鮮味，還有香口的卜卜脆米，又鮮又香！一流！埋單免加一仲有折扣！好味道又抵食！

「香港大盛日本料理」在2023年創立了新派潮洲菜「潮盛館」，把多年做日本料理的經驗注入潮州菜，務求創造出最符合大眾口味而又「獨一無二」的「新派潮州菜」。在觀塘開設了第二家分店。 餐廳地理位置非常方便，近地鐵站和巴士站。餐廳環境優美，座位闊落，舒適餐牌種類非常豐富有多款特色的潮州小食和新創小菜。最後我們叫了以下食品。1.小食拼盤（雙拼）（$88）            脆爽海蜇：海蜇非常爽口彈牙，醬汁非常濃郁。        鴨舌：第一次食鴨舌，非常喜愛，帶點走香味醃製鴨舌，非常爽口，開胃。2.鹽香雞（半隻）（$98）這一道街非非常重雞味，且嫩滑，帶點鹹鹹香香，助飯一流。3.潮盛炸蠔餅（$128）潮州菜不能錯過是炸蠔餅。這一款蠔餅內充滿粒粒的蠔仔，配上大量的蛋漿，煎炸而成，外層非常酥脆，且金黃，內裏非常軟及鮮味十足。4.黑松露金沙蝦多士（4件）（$98）這一道金沙蝦多士賣相100分。多士炸汁酥脆，且配上鹹蛋黃的金沙醬汁，不會蓋過蝦的鮮味，更能得出鹹蛋黃的鹹鹹香香。整個配搭一流。5.話梅涼瓜（$68）這一道涼瓜非常有驚喜，話梅的醬汁熱門每一條的涼瓜，非常開胃，有酸酸甜甜的味道更能帶出苦瓜的

餐廳喺觀塘新開張，鄰近地鐵站同巴士站，地點非常便利，適逢開張優惠仲有八五折。柚子蜜蝦球 $158蝦球色澤金黃，外皮炸得酥脆，輕輕一咬，鮮嫩的蝦肉非常彈牙，外層沾滿著清新的柚子蜜，甜而不膩。柚子的清香與蝦肉的鮮甜相互交融配合，口感豐富。鵝件拼盤 (雙拼) - 元蹄 $188拼盤中的鵝肉色澤誘人，肉質緊實，滷水香氣四溢，入味十足。另外元蹄肉質滑嫩，膠質豐富。搭配上特製的滷水醬油，令整道菜的味道更加豐富。豉汁蒸新鮮水庫白鱔 $238白鱔肉質鮮嫩，經過豉汁蒸煮後，香氣四溢。豉汁的濃郁味道完全浸透了白鱔，口感爽脆，非常惹味，一定要配白飯撈飯食。