潮州鹵漢大飯店 (已結業)

終於都放暑假喇，😜好耐沒黎旺角站附近呢間潮州鹵漢大飯店茶，今次又BOOK左, 四人同行一人免費，店內相當大, 店內採用輕奢簡約風，比人感覺乾淨舒服。👌湯底：招牌滷水。安格斯牛小排：🐮真系好新鮮，肉質鮮紅亮澤，牛切得非常薄，涮10幾秒拎上來岩岩好，肥瘦均勻，好好味！魷魚&牛百葉：🦑比較有鮮味，好爽脆，浸落個湯底超野味。🥣仲食左好多魚蛋，🍡牛丸等等，全部都肉質結實有彈性，食落有口感而且好香的鮮味。魚蛋充斥無限鮮味並且沒有太腥的味道，真系食得好飽。呢度既鹵水真系遠近馳名，好多人都系冒名而來，D 服務姐姐都好有禮周到，想試好快D訂位啦！

第一次去食打邊爐任食，仲可以食到潮州滷水同埋汁醃，非常特別！當然要試吓佢哋最招牌嘅滷水湯底潮州滷水湯底味道好香，但係唔會太咸，入面仲有啲朔晒啲湯嘅豆腐。汁醃好特別，估唔到有三文魚，刺身類別，仲有好多海鮮，例如花甲，蟹等，比想像中更加鮮味，味道亦都不會過濃，第一次體驗！B餐都有好多唔同嘅牛食，如澳洲和牛胸爽+安格斯牛小排+精選和牛 ，難得有得食牛胸爽，另外牛小排花紋分佈靚靚，吸引！滑滑鴨血真係好滑，仲有彈性，有啲鹹香。生根炸響鈴呢啲就好適合朔晒個湯底，香氣十足。爽脆白鱔片比較薄身，冇骨！出面亦都有好多菜同小食，可以自由選擇。另外飲品都有驚喜，有特別嘅氣泡檸檬茶同蜜桃茶，也有啤酒！甜品都有特別嘅西瓜雪條等。

平時鍾意食醬油蟹嘅話，好推薦揀有任食「潮汕汁醃」嘅套餐（即C餐同D餐）。「潮汕汁醃」有蟶子、鮮花甲、海蝦同海鮮雜薈等，而家仲有限定凍蟹呀！潮州鹵漢採用新派生醃海鮮嘅做法，先輕灼海鮮，再以醬油、辣椒、薑蔥蒜同魚露等醃至入味，味道好似韓式醬油蟹咁鹹香惹味🤤而且又食得安全👍🏻重點係有蟹膏，因為用酒浸過，鮮中帶有陣陣甜味，比熟嘅蟹好食好多！炸魚皮非常鬆脆，好食到飽都要encore😝千張（豆腐皮）淥個一兩秒就食得，吸收晒清雞湯嘅鮮甜，口感軟綿綿。豆卜冇得輸，氣孔吸滿湯底精華。炸豆腐串竟然唔油膩，豆香濃郁👍🏻娃娃菜同清雞湯相輔相成，口感細嫩味道甘甜😋總結：坊間食醬油蟹閒閒哋都五六百蚊埋單！呢度最平$338/位（成人）已經任食，輕鬆食回本。佢哋嘅食完真係念念不忘，估唔到前菜比主食更驚艷🤣一改我以往對潮汕汁醃製料理嘅印象！

喺旺角嘅潮州鹵漢大飯店 睇到介紹好耐 終於自己都嚟咗試 滷水火鍋湯底真係好特別 好好食👍🏻仲好抵食添裝修好特別 係中式嘅風格 火鍋放題有幾個選擇 我哋揀咗極品澳洲和牛餐 首先個滷水湯底真係好濃郁 又唔會太鹹食物方面都有幾款特別推薦 美國安格斯牛肩胛 牛味最濃 沙茶滑牛肉口感真係好嫩滑 紐西蘭羊卷肉羊羶味啱啱好 花雕雞片好滑好嫩 呢度有自助區可以自取唔同嘅蔬菜同丸類 一定要食潮州牛丸 彈牙重牛味服務都唔錯 整體來講性價比真係超高👍🏻

心血來潮想食牛肉火鍋，於是乎就搵到呢間放題。💁🏻‍♀️湯底方面，有招牌鹵水鍋、特色麻辣鍋、秘製沙嗲鍋、皮蛋芫茜鍋、清雞湯鍋、豬肚金湯花膠雞鍋、胡椒豬骨煲、鹵水牛雜煲同火焰麻辣雞煲。最後決定要特色麻辣湯底，真心有驚喜🤩麻香帶勁，辣而不嗆。識食一定會落嫩滑鴨血！鴨血夠大塊且厚薄一致，絲滑有彈性。吸滿湯汁後咬落Juicy💦煙韌度十足，頗有嚼勁。令我印象較深刻嘅係特級封門柳同美國安格斯牛肩胛。特級封門柳係稀有部位，因為近內臟，牛味極為濃郁，各位牛魔王唔好錯過。色澤赤紅，中間嘅纖維十分幼細😍放入口好滑溜，嚼落鮮甜。美國安格斯牛肩胛肉質柔嫩油脂豐富，掛上麻辣湯汁食完回味無窮！🤤🤤熱葷嘅韭菜豬紅好入味，有入口即溶嘅感覺🤩配料方面，拎咗啲竹輪卷、墨魚丸、白魚蛋同午餐肉，全部都彈牙又索汁。

今餐有口福了，朋友升職請食放題🥳我哋四個去到先知原來咁啱有優惠，係4人同行1人免費🤩超surprised！店員話優惠去到9月30日咋，想食快啲訂座喇😝其實開頭都有少少擔心，因為大部分放題質素都係比較參差。但呢間放題令我改觀了，可能係我食過最高汁嘅放題！A餐（$218/位—19:30前離座）包：🥩特級封門柳🥩美國安格斯牛肩胛🥩西班牙黑豚肉片🥩紐西蘭羊肉卷🦐鮮甜海蝦🐟是日海鮮豬肚金湯花膠雞湯比預期中香濃，自家熬製真材實料，飲落滋潤養胃。西班牙黑豚肉片油脂分佈均勻😍第一次食，唔知道原來豬肉味竟可以如此澎湃，食落滑潤唔澀。炸魚皮十分香脆，個人鍾意浸少少湯汁，享受雙重口感。魚肉肉質肥潤，清爽無骨，襯豬肚金湯花膠雞湯更加係鮮味十足！海蝦肉質唔霉，甘甜又彈牙，蘸少許豉油食超滿足🥰

夏天最適合就系去游水，🏊‍♀️果日游水之後，又唔想喺屋企煮咁麻煩，就揀咗嚟屋企附近嘅潮州鹵漢大飯店。🍽🦑有海鮮果個set 有好多唔同種類的食物，可以讓我地一家人都選擇自己喜歡的食物，🫶🏻我選擇左特色麻辣鍋。其中比較特別的就系爽脆脆皖骨腩，🍡魚肉好彈牙，唔會甘容易散，好有咬口。魚皮餃個皮滑溜溜，我仔仔好中意食。仲有嫩滑鴨血，都好入味。🤤🤤🤤重點推介呢個豬手🐷，非常入味，D肉好Q好彈，感覺到滿滿既骨膠原。呢餐真系食得好滿足，工作人員態度有禮，仲有其他海鮮都好贊，絕對系一家人聚餐的好選擇！😆

港式邊爐同台式火鍋就食得多🍲 潮式火鍋仲要有鹵水湯底就真係未試過 呢間位於旺角嘅潮州鹵漢大飯店 就主打招牌鹵水鍋 仲有潮式生醃海鮮 就連特色甜品反沙芋都有 係咪好特別呢 宜家仲做緊2人同行 1人半價優惠㖭👯‍♀️呢到嘅套餐分為四款 極品和牛套餐B ($298) 已經包括羊🐑 豬🐷 牛🐮 白鱔海蝦比較特別嘅海鮮都有🦐 仲有我好喜歡嘅牛胸油同封門牛柳🌟 非常豐富 而海鮮初體驗套餐C($378)同鹵漢全席套餐D($398)仲有特色潮汕汁醃 包括蟶子 花甲 海蝦 三文魚片 螃蟹 同海鮮雜薈 仲有花尾龍躉片🐟 喜歡潮式凍海鮮嘅朋友就啱晒啦👏🏻唔好以為剩係得咁多野食啊 出面仲放有好多款熟食小菜 燒味 鹵水鵝髀 炸物等等 咁多食物種類咁豐富得唔得㗎我就推介招牌鹵水鍋🍲 甜甜地嘅鹵水味道濃郁豉油都唔洗點已經夠鹹 入面仲有厚切鹵豆腐角 火鍋配料方面推介牛胸油夠晒爽口🐮 潮州伊面索晒啲鹵水汁亦非常惹味🍜小菜方面推介辣煮東風螺🐚 唔係一般放題見得到 夠晒特別 用竹籤續粒續粒篤出黎食 點埋辣椒豉油真係夠晒過癮吖🌶️仲有熱辣辣鹹菜胡椒豬肚湯🔥 夠晒胡椒辛辣又足料 👍🏻⭕️ 潮州鹵漢大飯店 (旺角)旺角彌敦道620-6

香港人一年四季都打邊爐但係食來食去都係嗰幾個湯底,有冇諗過用滷水湯做湯底呢?最近去咗一間潮洲火鍋,除咗湯底夠晒特別，仲有好多唔同款式嘅生醃海鮮🦀幾有水準👍🏻我同青蛙試吓佢哋嘅招牌滷水鍋：想讚下佢個湯底真係好濃郁我好少何唔需要點豉油😝已經夠晒入味牛推介封門柳，肉質鬆軟，不會韌，肉味香濃醃海鮮：包括蟶子/三文魚/蝦/花甲/蟹/本身好怕食生嘢但係食落口有幾好味，充滿鹹香味，而且又鮮甜！另外推介大家叫爽脆白鱔片、海蝦等，青蛙超鍾意食鱔片🤣食落魚油脂香，口感嚼勁

📍潮州鹵漢大飯店 (旺角)啱啱開張嚟過一次，當時除咗火鍋(非任食)仲有小菜。原來而家變咗火鍋放題。🌟2人同行 1人半價🌟4人同行 1人免費✨放題餐B - 極品和牛 ($298/ 位）⭐️招牌鹵水鍋味道夠濃味又唔會死鹹，不過幾條辣椒會令湯底越煮越辣。雖然總共有六款湯底，不過目測全場都係食佢。潮汕汁醃：蟶子、鮮花甲、海蝦、海鮮雜薈、生魚片、時令海鮮C餐可以任食，不過A,B餐入座都會每樣有一份。除非極鐘意汁醃海鮮，否則絕對夠食。佢哋有兩個超大嘅自助corner。一個係火鍋生料，另一個係熟食。熟食種類超級多，連鵝片、燻蹄都有。QR code可以叫到啲靚少少嘅火鍋料。大推安格斯牛小扒，肉味濃郁又唔會太肥。墨魚滑、蝦滑足料鮮甜。海蝦夠鮮甜。是日海鮮係活蜆，全部都大大隻，幾甜又唔會有泥味。🌟有啤酒任飲，連Hoeggarden都有📍潮州鹵漢大飯店 (旺角)旺角彌敦道620-628號瓊華中心8樓

C餐海鮮初體驗超豐富😍不單有海鮮同肉類，更有店家特色涼拌小菜（潮汕汁醃），較市面普通牛肉火鍋特別，值得一試。套餐有齊蟶子（時令）、花甲、海蝦、海鮮雜薈、生魚片、時令海鮮、花尾龍躉片、特級封門柳、美國安格斯牛肩胛、西班牙黑豚肉片、紐西蘭羊肉卷、鮮甜海蝦同是日海鮮。🤩當中最難忘嘅係特級封門柳牛味特別濃重。美國安格斯牛肩胛較多肥膏，肉汁豐腴。全部都唔會太薄切，食到肉嘅質感👏🏻👏🏻特色麻辣湯底冇想像中咁刺激同油膩👍🏻香料味道層次鮮明而唔係死辣，且唔會蓋過食材本身鮮味。食得麻辣湯底，就梗係要出去自助吧拎啲配料自製麻辣燙啦🤣鴨血嫩滑，牛柏葉爽口，海帶脆嫩，魷魚有嚼勁，全部都索盡麻辣汁好惹味！

潮州鹵漢人氣都幾旺，晚飯時間超多人等位，入到去都係座無虛席😱建議大家book定位就最穩陣喇！除咗餐廳名玩食字外，裝修亦頗具玩味，以紅色同古典風作主題，店內掛咗唔少傳統燈籠🏮亦有較為現代感嘅霓虹燈招牌。🔥《豬肚金湯花膠雞湯》🔥好滋補嘅感覺，飲落啖啖豬肚鮮味同花膠精華，加入肉質嫩滑嘅雞件，雞味更得以昇華🐔😋😋因為選咗C餐，有好多碟冷盤😍包括醃蝦、蟶子、花甲、三文魚、八爪魚同海鮮拼盤。全部都上晒色燘到超入味，估唔到潮汕汁完全唔會過鹹，比一般滷水汁甜且辣辣哋。呢種生醃做法不但可殺菌，更有效鎖住海鮮最原始嘅鮮甜😋最正嘅我會話係花甲！隻隻都脹卜卜😍連殼飲埋啲汁真係食完一隻又一隻！

一般火鍋的湯底，離不開幾款。但今次去了這間火鍋店，竟然有這款較少見的湯底-鹵水湯底。看到第一眼的感覺，就已經知道重口味。所以一向會調配醬汁的我，直接放棄自己調配，因為湯底的味道已經很足夠。大部份食材放下去也會被浸上濃濃的顏色，吃下去的感覺其實也沒有想像中偏咸，有點像壽喜燒的感覺，略帶一點甜味。至於放題的配菜其實都差不多但較為吸引的是生醃的海鮮吃起上來像吃日式刺身但是中式口味味道偏辣吃起上來十分過癮

平時都好鐘意食潮州野 今日發現新大陸 🤩原來潮州滷水都可以打邊爐！😋呢間潮州鹵漢大飯店用十分傳統既鮮紅色做主調，店內設計特別，好多擺設用上古時代朝延特色，比人一個皇朝時代既飯店既感覺👍🏼黎到呢到當然要試下佢既招牌湯底 — 鹵水火鍋！ 將鹵水既精髓融入火鍋當中，鹵水既香味撲鼻而來，藥材味唔算重，鹵水湯底味道調得合宜，估唔到鹵水火鍋又幾好味喎！🤤今次試左個放題餐B 極品和牛套餐，中等價錢但就可以食到極品和牛、安格斯牛小排、特級封門柳、美國安格斯牛肩胛、西班牙黑豚肉、紐西蘭羊肉片等等，十分超值😋 另外店內亦有極多選擇嘅配料包括手打墨魚滑、潮州魚蛋、蟹籽鮮蝦滑、各式水餃、蔬菜同埋烏冬等等，仲有潮州特色冷盤可以係出面自己拎，太多野食真係一次試唔哂呀😆😆特別要讚下呢到既潮汕汁醃海鮮冷盤，好有驚喜！每樣都好好食！去到一定要點黎食，當前菜食十分開胃😋 最鐘意係醃蟶子、海蝦同埋醃墨魚仔，海鮮都好新鮮，身為潮州人食到故鄉風味真係好正😍😍呢間已經登上我既bookmark list 上頭十🤣🤣依家去到9月30日都仲有優惠：2人同行 1人半價4人同行 1人免費超抵食！ 😋 即刻諗住下次同屋企人再去食！

餐廳做緊推廣，放題人頭費買四送一‼️喺社交平台見到即刻腥俾媽、爸同家姐，做搞手嘅我亦好有效率咁訂好位😎呢度嘅放題有四個餐，A餐係特級安格斯，B餐係極品和牛，C餐係潮汕汁醃＋特級安格斯，而D餐就係潮汕汁醃＋極品和牛。潮汕汁醃我哋全家都未試過🤔所以我哋嗌咗C餐！店員先上潮式醃蝦、蟶子、花甲、三文魚、八爪魚同海鮮拼盤。以滷水、蒜、辣椒等香料醃製，花甲肉質飽滿鮮香入味，蝦肉爽甜彈牙，八爪魚鮮嫩可口😋作為一班辣迷，湯底當然係揀特色麻辣鍋🌶辣勁十足，嘴唇麻得嚟好爽，令人越食越上癮！肉類方面最愛美國安格斯牛肩胛，淥幾秒啱啱好一啲都唔乾柴，吸埋啲麻辣湯汁真係成家人爭住食🤣