影片
我中午去叫外賣，見到Menu我就話雞翅米線（其實個menu得滷水雞翅），之後卑40蚊個姐姐找，佢話外賣32。之後廚房姐姐話要38，套餐來，要補錢。我即刻補左，佢仲問兩次卑夠錢未，飲乜嘢（態度好差）。之後我都少少嬲話卑曬啦，佢先開始拎雞翅卑我⋯之後我話我要凍奶茶，佢居然話冇啊退1蚊卑你（下姐係1蚊一杯奶茶？）我見到佢拎雞翅去炸，我話我要滷水雞翅⋯佢話下你冇講，之後都係卑炸雞翅我⋯個態度我唔會再幫襯，雞翅好難食（我見到佢揀咗好耐，我都幾肯定係特登揀比較細隻卑我⋯不過樓面姐姐態度好好。
繼續閱讀
上手聯發做得太好，食客自然會做比較，新店接手後食過一次，感覺不似預期，就再冇去幫襯。買餸途經，見佢哋減價，之後又送飲品，空位總是比食客多，不禁感慨業主為何加租迫走聯發。今天返馬鞍山屋企睇完裝修，一支公食埋晚餐先歸家，選擇再試一次潮麗園。牛腩河腐乳通凍檸茶，所有嘢都對版👍🏼，食品質素跟之前有明顯進步，初時仲擔心佢哋做各種優惠會影響質素，齋講今日水準值得再來光顧！牛腩河正正常常，通菜隔水夠乾淨唔會溝稀D腐乳醬，檸茶亦唔會因為係免費，而比好多冰，抵讃！雖然同之前聯發有距離，但人總要向前望，能夠保持呢種水準，必定會再幫襯！是日消費：牛腩河$35 腐乳通$10 凍檸檬茶$0共 $45
繼續閱讀
早上，若是很早很早出到馬鞍山，總會心郁郁，找個地方食個早餐才會覺得安樂。其中的一天，我又決定入街市間粉麵茶檔食早餐了。來到，才發現這兒人物依舊，但冠上《潮麗園正宗手打魚蛋大王》的新名字。既然冠了新名字，似乎是新瓶舊酒，又吸引到我去撰文，看看需不需要表揚一下。雖說是正宗手打魚蛋大王，但我鍾情的，始終是麵檔長期掛著的牛腩牛雜。所以，我的粉麵早餐，就是一碗牛腩雲吞麵。這兒做的，算是清湯牛腩，一咬入口，就是濃濃的原牛肉香味。而牛腩清湯的麵湯底，也是令這麵的味道出眾之原由。雲吞就夠大隻，但我覺得不夠香口，麵條就一般啦。整體上，是滿意的一個粵式粉麵。早餐，我搭配了一杯奶茶。入口不滑，但奶味卻是十足十的。茶夠濃香，絕對是一杯有足夠咖啡因，能令大家醒神的一杯妙品。的確，這《潮麗園正宗手打魚蛋大王》是舊酒新瓶。一切都同以前間麵店差不多，味道沒有大變，食品也沒有大變。總之，一模一樣啦。
繼續閱讀
您可能會有興趣的...