漲格重慶老火鍋 (已結業)

生日之星有折，好味喎！小辣都標哂鼻水🤣 睇上幾篇食評以為服務真係咁差，不過好想試九宮，所以都來左。真心，服務唔係早幾篇咁，小鮮肉教我地點先食得夠好味，又主動夾走鼻涕紙巾🤦🏻‍♀️ 到埋單時另一個大隻靚仔問我地好唔好食

一早已訂座，但有時間限制，得一個半小時。Order左招牌重慶麻辣鍋($128), 中辣付送小熊造型牛油，放落去鍋後即刻變得好油膩，但又好香濃。漲格牛摩皇拼盤有本地手切肥牛，安格斯牛肉，安格斯牛柳粒，牛肋條，牛舌心同牛胸肉樣樣都好好食，好新鮮，平時打邊爐食牛舌好嚡，但今次牛舌心真係好好食。另外冇影到相有叫到冰鎮肥鵝腸 - 平時怕肥唔敢食，依度鵝腸好正，錄一陣就食得仲好爽脆。午餐肉- 好大塊羊肉片 - 比起牛肉差d手打蝦丸同墨丸 - 彈牙包仔豆腐 - 連埋d辣湯食好味紅薯粉 - 粗身既，又係索晒d辣湯一齊食好野味小食：脆炸小鮮肉，係豬肉黎，有好香脆既麻味總結：友人有生日優惠，所以全單８折。唔平而且分量唔多，不過食物質素算高質。

其實打邊爐黎黎去去都係嗰幾樣食材，呢間火鍋店食材都叫新鮮，須然款就少啲選擇，不過品質好少啲啲選舉都無乜所謂嘅，反正都唔會食晒成個list 而個人覺得湯底都係一間火鍋店嘅賣點，呢間嘅花膠湯底好好飲試咗反而唔想食麻辣鍋添不過我地多人開兩個爐可以試晒而且服務態度好，值得比個佢坐位較少，但又唔會逼喎，唔似有啲場尺半一個人，不過無辦法，香港地寸金尺土，如果一大班人去就見議早啲book位，等店員有個預算另外佢有隻羅漢果涼茶，一渣渣叫，味道濃，朋友覺得好飲，個人就有啲抗拒嘞，寧願飲加多寶

漲格重慶老火鍋一入門口，已經都大陣騷味，應該係牛油牛脂嘅騷，感覺麻麻。我哋叫咗麻辣拼黑松露野菌湯底！只可以說，今次豬骨湯，比麻辣湯底受歡迎。。。因為，每食一啖，都成口騷味。。。不過，個黑松露野菌豬骨湯，就好OK嘅。（有睇開我食評，就知我幾鍾意食麻辣火鍋，不過今次個麻辣湯底真係好一般）點解個湯底咁騷，可能係因為呢隻bear bear非常可愛，食之前要成隻丟落去浸浴，原來成舊都係油脂。。。好肥呀。。。其他食材多數幾好，手切肥牛夠新鮮，我最鍾意個寬粉，索左啲湯底，真係幾好食，而且好彈牙。不過魚皮就麻麻哋，有啲厚同硬。海鮮類我哋叫咗蠔同埋帶子，雖然我冇食到蠔，但見到隻隻都好肥，帶子都算鮮甜。鴨血都唔錯，有啲似台灣嗰啲。最後老闆仲送咗個甜品俾我哋，炸出嚟，煙煙unun幾好食。

鐘意食辣嘅朋友, 可以試下挑戰呢一間!! 漲格食嘅係正宗嘅重慶鍋, 比一般嘅四川麻辣鍋更加辣🔥🔥🔥我地第一次食都唔敢試太辣, 叫左小辣, 哈哈!! 不過食第一啖已經覺得太辣, 侍應幫我地撈起左一部份花椒, 原來佢地用原粒花椒, 仲會愈煮愈辣🙈🙈 不過食食下, 好似慢慢習慣左, 我又加返一半花椒及辣椒落去😆同埋佢地有一罐特製麻油, 同個辣味非常夾, 令食物更香口, 原來食重慶鍋係點麻油, 我地第一次食, 真係唔知🤣🤣呢個熊仔係牛油黎㗎😛勁大舊, 用黎放入鍋中, 令食物充滿牛油香, 又可以影相呃下like😛呢度嘅食物都好新鮮, 特別喜歡串串牛油!! 雖然漲格價錢唔平, 不過話曬香港都少正宗重慶菜, 所以我都推介嘅~!

被問到麻辣湯底要咩辣，諗都冇諗就叫大辣，不過一班食辣同食肉獸，當然就冇問題啦，仲想加辣。邪惡既熊仔原來係麻辣火鍋本身要落既牛油，心諗：「死就死啦！」仲加埋罐麻油，真係要跑好多個10K。除咗麻辣湯底，個蕃茄牛腩湯底都冇得彈，蕃茄汁爆出黎，牛腩唔「鞋」仲幾爽。個黑柏葉、三色丸，手切牛都不得之了。整體非常滿意，係懷疑呢個真係大辣？定係我地道行實在太高😅 每人埋單$400，間唔事食一次啦，食得多就荷包消瘦、體形見增長😂 朋友聚會黎呢度都唔錯，地點方便，坐位唔算多，最好預先book位，靜靜地傾下計都唔錯，又唔會趕你走。

上星期夜晚去食 竟然見到隻bb老鼠 證明一家大細都係度 有隻細實有幾隻大 同職員講有個話驚跑走左 另一個只係講哦好細隻姐 米奇老鼠咁大 完全無講唔好意思同去趕老鼠 只係講可以換位 請問老鼠係咪唔會走來走去 亦來好多烏蠅飛來飛去 最後成餐食得好驚 無講對唔住無去處理張單亦無打折 食物係唔差 但唔會再來!!!!!!

除左個舊熊仔牛油，玫瑰牛油比較特別可以影張相，食物一般，份量少。麻辣湯冇乜特別，中辣都唔太辣。每人400幾。。。 冇叫海鮮，都係食下丸，午餐肉，牛肉 （都係一般），冇其他特別嘅食物。。。價錢比較貴！職員態度一般， 明明冇客，都催我地埋單。。。講緊係9:30PM!

近來過江龍的火鍋店真係越開越多，尤其係重慶/四川麻辣火鍋！漲格特別在於好多唔同款式既牛油～ 今次醒目早少少打黎話想要麻雀形狀，因為屋企人喜歡打麻雀哈哈～～湯底：野菌豬骨湯（$138）+拼麻辣鍋（$50）～ 牛油唔需要額外收費㗎！菌味好足！！！！不過老實講麻辣都頗失望，唔明點解好似得個死辣，完全唔香唔惹味⋯ 黑栢葉聽聞都係必食（$108），份量唔算好多，不過大大塊又夠爽！手打三色丸（$68）每樣三粒份量都可接受既，蝦丸比較有驚喜。老闆娘串串牛肉（$88），牛肉卷住泡椒，又幾過癮一串串不過頗辣！羊肉片（$98）/ 響鈴（$48）一定唔少得！！羊肉都幾薄，不過好彩唔係好碎。整體，配料都正常，標價點都係唔平㗎啦，不過標明係食麻辣火鍋反而麻辣湯底最失望，真係幾失拆⋯ 😭😭

天氣左D凍諗住去食火鍋. 一入到去有好大陣羊肉味已經好肚餓食物同賣相都唔錯，諗住食過夠本。但有不愉快既經歷。坐底左就即刻叫我落左個湯底好快咁黎到啦. 嘩. 紅當當，正。呢個係普通辣，打邊爐呢個辣岩岩好! 唔洗係咁飲野飲飽左食唔到野，又可以KEEP住食!佢個牛好入味，浸熱左入晒味就一流。見有個牛，就叫左羊肉片。羊肉好有味，但唔夠羶。呢個3色丸都好精緻，但味道一般般。冇左個雜菜拼盤，佢推介雜菇拼盤。啲湯入晒味，正! 

又涷又濕既天氣，令人好想食麻辣邊爐🌶上網關鍵字《重慶火鍋》一search 就搵到漲格於是星期日下午2時即刻打去訂當晚兩位幸好非常順利訂位成功！佢得兩節 6點至8半 同8半之後上到去 餐廳已經有陣麻辣香味有一罐麻油 同4種調味料等你自己配搭你想要既醬汁叫左9宮格麻辣火鍋, 一黎就好香好香既牛油味串串牛肉薄牛肉卷住粒酸椒(唔辣), 幾特別一咬, 好開胃既酸汁同牛肉加埋一齊既味道幾正薯粉一定要點!! 口感勁煙韌麻辣鮮肉餃麻辣餃加麻辣湯底...好麻辣!!!但好惹味窩荀都係一定要叫! 麻辣湯底突顯到佢既甜味!但係唔好煮咁耐呀 會溶哂 黑柏葉好大塊, 如果細塊D就好食落都幾新鮮, 又爽脆不過好考你煮既秒數!鵝腸新鮮! 熟左後好爽!黑糖糍粑味道幾好, 但唔夠煙韌而且唔係太正宗最後埋單兩位差不多$1000雖然好食 但真係好貴好貴唔係太抵食。我會再搵下其他好食又正宗又唔太貴既重慶火鍋...

五個女生去吃這間麻辣火鍋其中一個目的也是為了拍這隻小熊據說把小熊牛油加到湯底會令火鍋很香但是我們都覺得不加牛油好像更加好吃覺得那個甜點超好吃我們5個人共吃了$1700左右

Went to this newly opened Sichuan spicy hotpot restaurant in Tsim Sha Tsui, and realised it was surprisingly good quality.The restaurant is well renovated, clean and spacious. Their hotpot soup was special and just spicy enough to me. They provided various food choices. Also, they offered different sauces and spices as well. My favourite dish was the beef, which was very juicy and tasty. The price was reasonable and we all enjoyed the dinner very much.

漲格呢個名聽落很特別，是剛開的川式火鍋館，位於有眾多樓上火鍋餐廳的尖沙咀厚福街，名副其實是一條食街黎。整體來說地方乾淨舒服，食物不錯夠新鮮，價錢雖然偏貴，但想要比較正宗的四川火鍋的話這裡可說是個新嘗試。這裡沒有豉油的 --- 他們跟足四川當地人的習慣給一大罐香麻油你點食物。唔油膩，幾香。重慶酸菜魚頭鍋裡面的魚頭特別新鮮甜美，牛腩鍋水準正常。極上本地手切肥牛比較細，偏貴，但都鮮鮮地，都有牛味，288元。秘製巴蜀牛肋骨好正宗四川level地辣(超辣)，牛肉都是新鮮的，可惜辣味蓋過牛肉香,88元。羅漢果茶水準好好，甘甜，一瓶正常size 78元。地方好乾淨，好多內地人慕名而來。

冷鋒殺到! 天寒地凍正好去吃個火煱，但午市期間可以於哪裡吃火鍋呢? 最近見網上介紹這間內地過江龍麻辣火鍋店，於是便與友人一試。 甫坐下便被那黑色小罐所吸引，正想打開之際便被侍應取笑了。原來那一罐是留待稍後“混醬”用的，可以將蔥，蒜，芫荽，辣椒混和在一起。我倆點了招牌重慶麻辣鍋($128)，侍應端上火鍋後便被湯底的辣香所吸引。湯底十分足料，辣椒與花椒的數量絕不欺場，用湯灼一灼，不會只得辣油而缺少湯料，令湯底夠辣之餘亦夠麻，為名副其實的麻辣火鍋。店長還送了一隻牛油小熊給我們，將小熊放進湯底中像替牠洗澡一樣，而這隻小熊亦令湯底更滑更濃厚。 身為牛魔王，吃火鍋當然要點牛肉吧! 頂級安格斯牛肉($228)份量多，舖滿一整碟，也不像一般任吃火鍋的肥牛般脂肪多過肉且每碟只有超薄的數片。 牛肉軟腍，有牛味，好吃得被我們搶清光。 另外再叫了頂級內蒙羊肉片($98)，羊肉不會一夾就散開，入口亦頗軟腍，美中不足是羊肉不夠羶味，但對怕羶的朋友來說，這裡的羊肉是值得一試的。 冰鎮肥鵝腸($72)是驚喜的選擇! 看到鵝腸被冰鎮著便知道這碟鵝腸十分新鮮! 本來會擔心附著鵝腸的脂肪會令鵝腸很膩，但放進嘴巴的一刻這個擔