漫•威尼斯烘焙

營業中

休息中

好貴，真心好貴$98約有11-12粒左右我買左朱古力胡核味醜陋其實又不太，我覺得還好，但美味就……又不是美味到用$9-$10買一啖size既糖餅。第一粒食落唔太甜覺得幾好喎，食第二粒就開始覺得甜啦，合核味有既仲幾鬆脆，朱古力味就食唔到。雖然係咁，都想試埋個香草包先，但li個餅都想出一出評一評先，到我試埋個包再講多篇囉對我一個係貧窮線遊走既打工仔黎講 真係好貴，原先未知個時仲諗住下次試原味😢值唔值就….我唔識欣賞差唔多十蚊一粒仔既蛋白餅，去剧個扒先

喺佢社交平台問咗三次開工收工時間，終於夾到時間買到～呢間小店唔早開，有次諗住買早餐，要中午12點先開，願意等；有次喺外區趕返嚟荔枝角，不過佢話收7:30我趕唔切，又試唔到。終於今日又嚟荔枝角辦事，夾到時間試到第一次。結論：會再試其他嘢。原本諗住試吓開心果Tiramisu，店主突然推薦開心果芒果蛋糕，我就即管一試，正如佢所講唔太甜，幾好味，只係開心果味唔太濃郁～下次先再試開心果Tiramisu同埋傳統Tiramisu，可能要帶啲朋友嚟一齊揀⋯店主仲有話三文治，我份人係鍾意睇實物/ 圖落order，當其時睇到店面冇三文治，我就唔識得叫，之後send返社交平台叫佢俾幅相我睇佢頭先所推薦嘅三文治，下次鹹點就點店主推介。咖啡都OK。好開心荔枝角有意大利小店，近MTR，又響區內有名商場地舖，容易買，即使營業時間唔長，希望佢哋可以休息多啲，因為見店主太太（應該係除非唔係）好似唔係好笑得出😂明明今日陽光明媚☀️心情應該好好🤣Anyway, 值得再幫襯，希望佢生意好，繼續屹立荔枝角！

之前上網睇到介紹，係意大利人開嘅Bakery，原來就喺自己公司樓下附近，今日見冇乜胃口，搵啲輕食，所以試吓，點知好有驚喜，好難得喺香港食到咁好食嘅Foccacia，冇加其他材料轉sandwich，只係食Olive focaccia ，好鬆軟，有橄欖油嘅香，但油而不膩，一啲都唔會過喉，食完仲會有想食嘅感覺，正！$28一件，相比起Starbucks隨隨便便一件都要二三十蚊，呢個真係物超所值，下次一定會再嚟試吓其他口味