影片
港鐵尖沙咀/尖東站 B1 出口, 步行約5分鐘
繼續閱讀
開飯介紹
以漫畫、上網、聊天為主的漫畫王只提供飲料任飲與及曲奇餅($2/ 包) ，其他食品暫時欠奉。此外，由於顧客太多，最好每次光顧前先致電查詢有否座位提供。
繼續閱讀
附加資料
營業時間：24 小時營業
以上資料只供參考, 請與餐廳確認詳情
沿住加連威老道o既樓梯上去，就好似上在閣樓書室咁，呢... 就好似洪葉書店同田園書室咁o既款，而且樓底好矮，入到去就先見到有十幾張蓋住白色布o既沙發圍住張細台，過左手邊就會見到收銀台，再過去就見到兩排卡位，卡位可以坐到兩至三個人(是乎肥瘦，哈哈)，全部卡位都有電腦提供，行到盡頭會見到兩張吧檯，吧檯上面亦放o左幾部電腦，而廁所就係隔離。首先講下佢o既吧檯，我一去到無卡位就坐住係吧台先，坐得唔係好舒服，因為無得挨，過多陣有得去坐卡位，坐位比戰略高手o黎得闊，同埋有咕o臣提供，D 電腦似乎比人玩到幾殘下，個LCD Mon 竟然出現色點，即係無啦啦有幾點係個Mon 度出現，我呢卡仲要係部機無聲，後尾叫佢同我換第二個位先得，飲品方面款式同戰略高手差唔多，多o左豆漿，o野食方面就無熱食，只得一D 小食，亦無提供免費曲奇。漫畫書就比戰略高手多好多，分類亦較好，佢係用作者o黎分類o既，但電腦game 呢度則欠奉，但佢部電腦入面就有幾個demo game，唔怕無癮既話都可以玩下o既，最後要提o既就係佢o既廁所，我入到廁格入面可以見到係水浸o既!! 另外佢地o既員工服務態度都幾好，叫做有求必應，抵讚!! 講番轉頭佢o既收費，年費10 蚊，入會費亦都係10 蚊，即一入會就要交20 蚊，之後每分鐘計係5毫子(不過新張期間有八折)，即係4 毫子一分鐘，學生會員仲平，只係3 毫子一分鐘。比較起戰略高手，地方當然無戰略高手咁大，但漫畫書亦為佢爭回唔少分數，各有各好啦~~
繼續閱讀