漢陽苑韓國料理 (已結業)

都唔知點解,呢到無論d服務及食物質素都麻麻地,衛生又做得唔足,仍然晚晚都咁鬼多人去食,可能因為屯門無其他韓燒餐廳啦!!我自從幾年前,食過一次與"小強"同桌的燒烤後,就無再去食過啦,怕怕呀!呢到的價錢,去其他地方食都食到啦!

星期日去食lunch buffet, $58 + 10%食物款式ok 啦, 肉食都醃得唔錯有2 款湯, 4 款糖水, 2 款雪糕, 3款飲品本來見到有我最鍾意o既豬腳薑好開心, 但好油, d 薑又老, 完全唔好食.....好差係衛生環境: 擺糕點o個個盤竟然有好多類似蟻o既昆蟲爬o黎爬去, 好恐怖..... 我自己張檯都有....地方都有d 污糟, 地下有d 跣正如上一位網友comment, 去就求抵食好了, 唔好對食物質素及衛生環境有任何期望

好唔得law...自助餐, 感覺好差! 其實唔關d侍應事, 佢地都好好人, 叫佢換幾次鐵板都無怨言, 只係d野唔好食, 如果你抱著自助餐抵食o既心態去就ok, 只係佢d野比較dirty...夾食物o既夾就亂放, 又多烏蠅, 地下勁dirty...有d嘔心, 我去o既時候仲要唔係繁忙時間, 都搞成咁...自助雪糕好難"不", 間間都係咁, 用完就咁放o係個桶度浸水, d水又唔換, 結果d水變晒奶水都仲係照用, 可能我有小小潔癖, 我覺得d奶水黏住"不"雪糕個野再用黎"不"雪糕食好核突...至於食物款式o係自助餐黎講都算多o既, 不過呢間餐廳仍有改善空間.

hi~我上次去漢陽苑個陣,我覺得話任食,但食到中途,以飽到上心口啦!就算有雪糕,飲品,同熟食都吃吾到啦!細胃d 人吾好去食啦!D蜜桃柑桔汁有幾好飲!價錢不太貴值得一去!