漢陽苑韓國料理 (已結業)

第一次寫食評, 但真正原因是對沒有得到優惠而不滿想在這發表上星期六有朋友生日所以出來, 撰咗食韓橈但怕迫人所以黎咗佐敦依間食! 因見其他食評話地方較闊和沒有時間限制. 好過去旺角個邊.我預先打電話訂檯, BOOK咗8:00pm, 而且有指明用CITIBANK信用咭.8:00正到, 但也要等5分鐘先有檯.所有食物質數都OK! 我地羅咗D薯餅番黎, 放洛去燒, 塊皮煎香咗好脆真係好好味. 但羅野食個度D薯餅係放係熟食個邊, 而且正正係CORNER, 唔多人見到.而且我地都有羅烏冬加D 醬油黎炒, 好似日本鐵皮餐咁整法.本來好好一餐到最後發生D唔開心既事.結帳時佢地話冇信用咭有優惠, 所以冇得折. 但OPENRICE依度好明顯寫明話CITIBANK信用卡可有9折. 而且在BOOKING時有講明.但因我們免得破壞朋友生日既MOOD, 所以都沒有與他們理論. (而且個度D阿姐個個都大年紀,口音又唔係太正)只係少少錢本人不會介意, 但問題係有點被欺騙既感覺! 所有CITIBANK用户, 要諗下先....

中秋節時，同家人一齊食。我地有九折，但由於公眾假期，包括附加費，價錢去番原價……如果鍾意三文魚既朋友，呢間會令你失望。因為係極其少，要好運氣先碰岩時間佢拎出黎，而且每次拎出黎既份量都係好少…加上好多客人即刻拎住個鐵夾守候住，三個客人夾兩夾就夾晒…好鬼無癮……！選擇壽司，壽司Ｄ飯又硬過乜咁…所有肉類都係同一隻味，ＨＥＬＰ……食到中段，除左有骨定無骨係分得出，同埋羊肉之外，其他合埋眼咁食，根本就唔知係食緊咩肉…雪糕個個剷又烏糟得要死……來來去去都係浸響個Ｄ水……無人換水囉！

一入到去，地方幾闊落...食物就普普通通，燒的野ok，魷魚幾好味，牛羊雞都ok壽司唔得，差過__將熱盤、甜品款式幾多，蟹偏鹹飲品唔洗加錢，豆漿/西瓜汁ok，其他就......唔多得有雪糕食，唔錯。職員幾好禮貌，換左兩次板，無試第三次，唔知洗唔洗加錢同埋坐幾耐都得，由7:30-10:30，又有電視睇，環境幾舒適...埋單$142，如果一大班人想搵個地方食野，未嘗唔係一個選擇

不止一次黎幫襯，領佢唔係好嘈人比較少，唔使爭到煩。最喜歡依度的咖喱蟹，好好味，的汁撈飯食都好正。的糖水好多選擇，鐘意雪梨雪身同埋腐竹糖水。燒烤料好入味，種類也夠多。可能我唔鐘意同人逼啦，覺得依度真係可以慢慢食，好自在感覺。價錢都算合理。

今日有人生日.都有成11個大人又有小朋友安全起見所以包咗間房.真係好開心成班朋友一齊飲飲食食.好開心.房裡有三個爐. 最岩我哋大大聲講嘢既人係房. 唔洗嘈到其他人.食物方面都好多款.又好好食. 可能我本人比較鐘意bbq. 下次都會再去食過.價錢都好平...直得去試. 有點失色就係汽水唔夠凍. (這個要另外加錢的)其實有好多飲品都係免費的.例如: 豆漿.酸梅湯................總括一個字啦..................正.............

同成班中學同學唱完k食韓燒點解會選佐敦漢陽苑?因為貪地方夠大.....xdd"一行10人...8:30去到*最好之處是唔限時....想食幾耐就幾耐!!又預備左個電視位比我地~~電視lo飯xdd"另外~有個朋友整係坐低傾下計~個staff 話唔計錢~~nice service^^"食物方面...好多款色~~壽司方面~~唔知係未放得太耐..乾左d 不過三文魚普通啦....見佢不停refill熟食方面~~極力推薦chicken wing 同豬頸肉生野方面~~豬扒牛扒雞串...lee三樣調味不錯* 多春魚好味道!!!!水果方面~~可能個時已經10:30~~所以太小了*

Went there for lunch on Sunday (28/3/2010) with my little princess and the she who must be obeyed.Arrived at about 12:30pm, it is nearly empty. We have the all you can eat menu.Settle down and started to get food. The quality of the food was still good. We had lots of squid, beef, and chicken. My daughter liked the cooking experience. We also had cooked food. The vegetable was fresh and tasty. The dessert was great as well, though the choices are relatively few.The drinks were disappoint

剛剛今日食過, 11:45am到達. 無乜人, 食物多款色. 燒烤、前菜、熱盤、湯、熟食、壽司、甜品和飲品.....燒烤食物好入味. 我個人比較喜歡牛仔骨同羊肉, 不過其他都好好食.飲品有任飲 / 收費(都有大大隻字列明)壽司唔太吸引, 甜品都ok. 湯就已經再飲唔倒啦 !

其實這間店之前都去過,一直都覺得幾好.野食ok.又多野款式,任飲任食,係一個幾好的地方.但係昨晚去完....就改觀囉!!!一去到,就照舊去羅氣水飲,出面真係好多人...當小人啲的時候再行出去羅野食,才睇到,原來氣水係要5蚊一支咖!!! 還有原來換燒烤盤只有頭兩次係免費咖,之後就要10蚊一次.... 嘩...真係呀!!! 做生意唔係咁做咖囉!! 客人去到係食得開心! 回唔到本就加價囉!!!咁樣陰下陰下.....食得都唔開心啦!! 如果大家要去這一家食,就要小心, 一定要問清楚所有收費!!唔好去到有比人陰的感覺. 出來食都係想開心姐...可能下次....每人只可出去羅5次野食,第6次開始收費..... 哈哈....

早幾日去果度食午餐.老實講,位係好坐,食物比尖沙咀多.但我都絕不會幫襯下一次.門口明明貼了VISA/MASTER貼紙.個收銀話一定要過$200先收卡.消委會早就說明,如果店舖接受信用卡付款,就不可訂最低消費額.起碼尖沙咀果間會收卡先.我同佢講如果我無現金,咁你報定警都得.佢話,如果你無現金,都會收GE......咁都得!搗錯!

星期日嗰日，我見無聊，就同個friend兩條友貢左入去漢陽苑食飯。佢地午市自助燒烤11:00開始食到2點鐘，$68位加一服務費。呢間野都幾多野食，有燒烤、熱盤熟食、壽司、甜品和飲品任飲。一開始我地主攻壽司和熱盤熟食，款式雖然唔係好多，不過味道幾好。尤其是三文魚壽司，中間夾塊甜蛋，配搭不錯。之後我地開始燒烤，食左烤羊肉、牛肉、雞串、魷魚、墨魚仔、排骨和其他扒類，其中羊肉比較好食。我地飲左酸梅湯、豆漿，兩樣都好飲。最後甜品方面，我地食左豆腐花、西米露、啫喱、芒果布丁、涼粉、椰汁糕和芒果椰汁糯米飯，豆腐花味道最好，其他也不錯。如果要求不高，可以一試。總括而言對是次用餐滿意!

午飯時段, 不是太擠擁, 座位寛敞, 與同事都沒有選擇自助餐, 只選set lunch, 價錢算合理, $25 -40左右, 當天選擇石頭窩飯($40)和燒烤牛肉套餐($30), 埋單$70, 不用加一, 套餐包括前菜小碟三款(有白菜, 芽菜, 泡菜), 兩個餐就有六碟, 有例湯, 白飯及甜品...... 石頭窩飯 : 份量足夠燒烤肉類 : 味道ok, 不過肥膩一點例湯 : 有時有酸辣湯, 一般味道甜品 : 從自助餐裡選一款

同學們敍舊,想去BBQ,有朋友建議去佐敦漢陽苑試下 朋友見到雜誌講食物同環境都幾ok我第一次惠顧漢陽苑,去到一睇真係唔錯好光猛好乾淨 一入去就會有人招呼,並帶笑容對着我們,安排一張大枱比我們坐低即刻去拎野食 ,牛仔骨大大塊醃得唔錯食物款式唔算多,但勝在燒烤肉類味道夠野味,真係很入味仲有三文魚魚生都好,出左好幾次,質數梗無日本店咁靚.我都預左熟食都有很多款,值得推介既有咖喱蟹, 真係幾好味還有韓式配菜都唔錯,特別係泡菜最美味令人胃口大開碗仔翅同湯都太過咸,咪食囉甜品方面有涼粉豆腐花 又有水果換左三次燒烤板都好好服務態度$118都幾抵食 ,因為有飲品任飲成餐都算食得幾健康唔油膩,食完都唔會有油煙味一定會再去 難得見到呢間服務又好環境舒服

Came here on Sunday with the little princess and the She Who Must Be Obeyed.The price for adult was $118 and for kid is $88. On Sunday, they were other add-on charges. The quality of the food was good, fresh and well-seasoned. There were many varieties, both hot food, and food for BBQ. Unfortunately, my family did not have a big stomach and ate only a few rounds. We enjoyed the food though. Having said that, I think the price, especially on holiday, is on the high side. This was the first

星期五晚一家三口在佐敦揾食, 經過此地大招牌, 好耐無幫襯過, 儘管上去試試, 之前去旺角東大門太多無新意兼唔好坐 。上到去獨立一層, 去女廁就無問題, 去男廁就要上多一層, 等了不消10分鐘已有位。入到去, 好耐無見過咁大間, 設備齊全, 一行兩邊已有部大電視, 位置寬敞, 冷氣不太冷剛剛好, 附有筷子, 鉗 , 非常周到 。食品種類繁多, 甜品多選擇, 連最基本的菜都有好多選擇, 肉類有牛、豬外, 還有羊, 熟食品種亦多, 最緊要是西瓜汁, 檸茶、豆漿 (豆腐花唔夠滑, 但豆槳有返D荳味, 好耐無飲過)、酸梅湯任飲, 座位枱上還有一壺茶任飲, 非常方便 。一邊食, 一邊有人好快收起不用的碟, 出面的食品就不斷添, 絶不吝嗇, 服務OK, 好愉快好飽的一餐, 下次再會來。 最緊要是:話係韓燒, 但入去是幾乎 "無煙"狀態, 值得讚 。