漢堡王 (已結業)

今次第2次來這店食burger,上次給我的感覺是很差,可能上次吃的不是牛吧!今次點了個華堡套餐,包微熱,有很多配菜,那塊牛....比麥當勞有牛味...但是是乾巴巴的....很失望薯條和汽水就普通啦!還是最想試Triple O's 的burger和milkshake!

四月四日.去上海玩.我有機會試下香港的BURGER KING上次去NEW ZEALAND..食左一次就覺得佢超好味.可惜呢到毋那隻款式入左閘之後..拿拿聲搵BURGER KING..雖然仲早..但都成條龍等緊一個小華堡加一個雞柳CHICKEN STRIP可能多人淸貨..我唔覺個包唔熱..都熱哎..D牛都係乾左少少..但有牛味配菜都OKAY哎..可能NEW ZEALAND D材料好少少啦...FRENCH FRIES..好好好..熱氣唔講啦...炸野有咩唔熱氣哎...汽水好大杯..係未比錯我呢...叫左一個餐..兩份食..都OKAY哎..

上次吃小華堡, 印象唔錯. 其實今次想記鱈魚堡, 因為之前看過不才食評都話唔錯, at least好過mcdonald的. 但當日喉嚨有點乾, 唔想記熱氣嘢, 所以都係再叫小華堡, 但今次加$2.5要多片芝士.我order時叫走沙律醬, 所以個包是新鮮即時造的, 但那片芝士放得好求其, 走埋一邊, 而且好薄, 所以都食唔出有芝士味.下次都係淨叫小華堡可以了, 省回$2.5.其實burger king有double cheese burger, 但我都係鐘意華堡系列, 因為有生菜, 洋蔥, 蕃茄, 酸瓜.但double cheese burger 就只得酸瓜和茄汁罷了.P.S. 我想問, 機場的burger king 係唔係貴過出面的分店( e.g.尖沙咀)

上機前食左個MINI WHOPPER,個包唔熱,生菜唔脆,塊牛肉薄切切又乾爭爭...比19蚊食舊咁o既野? 究竟有咩咁好食呢? 麥當當起碼夠平丫...

雙層芝士煙肉漢堡包一個套餐連薯條及汽水$55.0個包好多醬汁不過d肉就好dry而且硬、煙肉又唔趣仲有麵包係凍ge都唔知點解咁都敢收咁貴，成個餐最好係d薯條又熱又趣，但係咁ge價錢我食TRIPLE O 好得多啦.

磨菇堡, 對我來講比較特別, 雙層牛肉, 雙層芝士, 再加上磨菇片, 好食炸薯條, 今次炸得過火, 唔多好食汽水, 無野好講間唔中試下都ok, 但價錢偏貴開係屋村的話, 一定唔夠麥當當爭

這天出發進行暴食之旅, 晨咁早去到機場, 雖說要留肚但都要醫肚先啦。小女子不吃牛, 故買了一個Tendergrill Chicken Burger ($27), 加一樽橙汁($14) --> 要套餐的價錢是$40, 但我又不好薯條, 無計。顧名思義, 包內有烤雞扒一件, 另有沙律醬、蕃茄一片以及生菜少許。雞扒烤的相當輕手, 如有點點炭燒味會更正。麵包不錯, 夠軟熟又沒有芝麻; 我覺得芝麻包是一定要配牛肉burger 的。沙律醬對我來說是多了一點, 吃的有點狼狽。橙汁是Tropicana, 不贅。

咁大個女除左細個鍾意M's double cheese同埋之前MOS BURGER既超難食珍珠堡冇食過任何BURGER今次難得去機場送機終於可以試下BURGERking (其實最想都係試下TRIPLE O....)之前食左野所以只係叫左WHOPPER JR. + CHEESE仲有ONION RINGS先講個包一D都唔熱最好食係塊漢堡扒叫做成餐比較熱既食物實實在在既牛肉味但係一D都唔JUICY個包超乾身因為我只係食過M記所以比較起上黎我鍾意後者好多,起碼都熱辣辣啦5分(for the beef)洋蔥圈更加係唔想提完全冇味又唔熱只係食左幾舊已經頂唔順偷食左朋友幾條薯條好食好多印象中(好耐之前食)OUTBACK D洋蔥條真係冇得歎又熱又正又有洋蔥味呢度果D真係唔掂,唔會再叫(應該話唔會再黎)0分我覺得既然收得人地三十幾四十蚊(雖然唔係多...)都好應該將D垃圾食物整得冇咁垃圾GWA至少都要整熱少少D食物扮新鮮啦咁既價錢食D成本只有售價5%既野不如去對面間餅店買10個8個新鮮出爐既葡撻好過!

無端受命出差更是與本業無關的辛苦團比平日更慘更要被人狂串有得去玩起飛前當然要吃點甚麼消消氣在閘內吃就不用和人迫whopper junior是餐單中最小的一款正合作早餐漢堡很有牛味但肉不夠爽其他料子如包呀菜呀都是水準之上芝士好像比街外其他同類都香一點美式作風連可樂都大過人正好可以醒醒提提神不要套餐飛走薯條費事加兩蚊仲要熱氣火上加油裏裏外外沒有一件事是順利的結果一連七天由朝做到凌晨四處撲更發生了令人至今也摸不著頭腦不明所以的衝突這一餐已算是此行的最大收穫唉..

以前最鍾意食MDD 既薯條不過食過burger king 既薯條之後........已經唔想食mdd 果d ~~~!!!不過香港得果幾間想食唔通去機場或者山頂咩.............-.-b 想食好味薯條姐...

離港前尚餘大把時間，一早已經plan定要試吓burger king。揀咗個Whopper Junior套餐，轉凍檸茶加三蚊，盛惠三十五元正。呢個set啱晒女仔食，個飽冇Triple O d飽咁大個，食晒成個剛好夠飽，個飽d醬汁幾惹味，塊牛肉漢堡又幾好食，炸薯條熱辣辣脆卜卜咁，好食過麥記果d好多。如果Burger King可以喺旺區開多幾間分店就最好嘞！

每次來，都只要一個Junior，都只要一杯可樂。「套餐同散嗌都只係差一蚊咋…「得得得，知架啦。」麵包太大，薯條太膩，汽水太多…無謂浪費。吃罷Spicy Junior 聯想到的，只是有辣版麥記BBQ 醬的Whooper Junior。味道尚算惹味，但新鮮程度不足，熱辣程度不足，軟熟程度又不足…暫時再找不到更貼切的形容詞了。都係事後個減到$5 兼多轉數的新地筒抵食。

補寫番上星期四去北京前黎左呢隻食個靚早餐先^^諗緊食大力水手定呢度,但係都係食呢度......因為想食番佢個洋蔥圈,睇下佢早餐有冇得轉!!!叫左呢個餐^^個牛角包好鬆軟呀...好新鮮,遠比我想像中好!唔會林哂~口感一流呀~~比左男朋友仔試下,佢都話好好食^^o個塊漢堡排都okay可能我地都唔係咁中意食漢堡排呢~個洋蔥圈正呀~~~haha~~我食唔停口呢~~overall,好過M記d悶早餐多多聲呀!!!不過佢只係o係機場同山頂先有得食,晨咁早仆出去食?!.......都係咪攪

係香港好似無乜幾間burger king...個名就真係嚇到下人...但係d食物...似乎都唔係太過取悅到我叫左一個mushroom burger meal...有一個mushroom burger...炸薯條同埋汽水...其實薯條係幾唔錯....炸得幾有口感...粗粗地咁食落都叫做好過麥記果d...至少唔會淋晒同埋好多油"益"味...個汽水就直程係做到junk food geh境界!!夠晒大杯...個人成日都認為食junk food一定要飲汽水先岩feel...仲一定要夠大杯...不過講到個包....就真係失望左少少...一個mushroom burger...size竟然係同麥記一個魚柳包咁上下大...仲要個餐賣成51蚊...唔通你真係想我食薯條同飲汽水飽??個名叫burger king...如果個包做得唔夠好就真係幾唔得...個包細都算...d汁又唔香口...講真磨菇汁都己經係叫己做...牛油加磨菇咋嘛...點知都係無乜香味...果兩塊牛肉...又係無乜味道...又無乜肉汁...可能叫唔岩包啦...如果食返佢招牌whopper可能會好d...不過如果burger領堿入面gehki

今日黎機場睇戲~順便試埋burger king唔知係咪睇完or 對lei道都有d期望所以...結果係失望我地叫左spicy whopper同埋一個whopper,兩個都加大要左洋蔥圈同埋薯條講個包先~個包真係好大@@~~同埋好熱,好軟熟,但係食落去...同麥記既巨無霸味道無分別...係就係好多汁...不過d汁係蕃茄同埋沙律醬漏出黎而唔係塊肉洋蔥圈見薯條成日食~咪試下lei個~但係...味道真係麻麻=.=無洋蔥味.,,,食落去淨係覺得好多粉包住條洋蔥,,,,薯條反而lei樣係最好食!熱辣辣~好脆~好香...下次黎我淨係買薯條算=0=食完真係飽到上五樓!!!杯汽水超~~~~~大!