漢堡王 (已結業)

寫開Triple O's，順便也寫寫Burger King吧；與前者一樣，BK的分店也是越開越多，連就近的屯門市廣場也開了一間，現在不方便遠行的大肚媽媽很多時也是幫襯此店。從來都是蘑菇牛肉堡的粉絲，既然Triple O's已經不能使我滿足，又來試試這裡的水準如何吧! 這個一個單層的蘑菇牛肉堡售$20，個子卻小得很，基本上只夠我當早餐包吃，作為午晚餐至少要兩個才夠飽；然而質素確是上佳的，漢堡牛肉層並不會乾爭爭，咬下去肉汁充盈，加上芝士與蘑菇片，的確幾美味!同樣地，個人覺得這裡的新地也比麥當勞的細，無論是新地筒還是新地杯。不愛吃淨軟雪糕，就要了$7.5朱古力新地，估計份量約是麥記的8-9成吧；雖然量是輸了，朱古力醬卻較為濃郁美味，在質素上卻勝一仗。最近看廣告知道BK新出了全新火烤豬柳堡，當中豬柳煎蛋那款深深吸引著我，因個人迷戀麥記豬柳蛋包已經多年，對這樣的組合就是不能抗拒! 這次點的是套餐($29.5)，才知道原來BK的飲品可選雀檸，對於不好汽水的我是個極好消息! 相比麥記的豬柳蛋，BK的豬柳煎蛋漢堡用的是軟包，除芝士外又會額外添加沙律醬及蕃茄醬，而且豬柳更加柔嫩而且多汁，配上醬汁那微甜香

今日出屯門之前已經諗好下午茶要食Burger King架啦..hahaaa*依家食任何一個小華堡餐又有雪糕送 裡面有OREO架~不過細杯左D...-O-'我唔係試左好多Burger King既包,暫時最鍾意都係小華堡,好味有d失望既係薯條竟然差左我都唔知咩問題..變左同M記個D一樣*轉熱咖啡+左$2我覺得冇問題,但因為個薯條咁樣..我覺得成$30個餐係唔抵囉雖然仲會繼續幫襯,但真係希望KEEP返水準...

成班fd去burger king食!雖然熱氣!但都唔理了!!26.5學生餐 食小華堡 送新地!hohohohoho都幾好食!興奮地用薯片點雪糕哈哈哈哈哈好多好多薯條!汽水又大!大家都食唔哂!將d薯條拿番學校食hahahhahaha雖然好熱氣!但感覺好抵XD

老實講, 我不是特別愛美式快餐, 如果一定要去吃的話, 我一定是選Burger King!是日下午茶:蘑菇芝士堡, Burger King的包裝都精致過其他家的, 看著心情都好一點. 蘑菇芝士堡其實味道還好, 裏面的餡少了點.其他店的薯條經常或者是剛炸出來太熱, 熱氣導致薯條軟掉, 或者放的時間久, 就軟掉了. 但是Burger King的薯條不管是熱的還是冷了, 都是好酥脆的!

那天走進burger king,便點了燒烤煙肉雙層漢堡的套餐.承惠$37.價錢相對比較貴。職員的服務態度十分好,相對於某M字頭連鎖快餐店那些態度極度惡劣的員工,那個burger king的員工很有禮貌亦有笑容。飲品要了雀巢檸檬茶,終於不用再飲可樂或芬達了!一坐下第一當然是試試薯條,薯條炸得很香脆,而且每條薯條裡的薯也滿滿的,份量也不吝嗇。之後就是試一試燒烤煙肉雙層漢堡,一打開包裝紙醬汁沒有漏出來,值得一讚!漢堡的味道也十分濃郁,而煙肉總共有三塊,不過不失。整體而言不錯,但價錢確實相對較貴,所以會較少光顧

我專喜歡吃雞鎚難得Burger King有辣既兼唔炸緊係試下有餐 $28.5喜歡杯咖啡 +$2因為本身已經同奶分開洋荵圈好少地方有得食所以寧願唔要薯條加$2轉洋荵圈不過D雞唔係幾夠熱味道ok另外服務幾好一入去未排隊就即刻比張餐版我睇見我排隊買就講多謝我揀Burger King食而且排隊安排好一條隊過先到先買公平過老麥

細佬我就最鍾意食漢堡, 平時一個人都食兩個M記double足三兩, 去旅行住酒店room service都要叫漢堡食, 幾年前有一次去台灣食過BURGER KING覺得幾好食, 咁岩早幾日同Angel行商場見到有BURGER KING, 咪即刻走去試下, 我呢隻食肉獸就叫左個雙層燒烤煙肉堡, 牛肉肉汁一般, 無太重燒烤味, 煙肉得果薄薄咁兩細塊, 一D都食唔到煙肉味, 感覺好寒酸, 因為個包唔熱, 所以D芝士都唔溶, 汁醬倒係幾重手, 至於Angel就叫左個香辣脆雞堡, 雞炸得過火有D乾, 麵包方面就比我個芝麻包香D, 汁醬亦重手, 小食方面叫左嫩雞柳同洋蔥圈, 嫩雞柳可吃不吃, 麥樂雞都好過佢, 洋蔥圈反而覺得唔錯, 炸漿厚薄適中, 洋蔥又甜, 但洋蔥圈size幾細, 有咁細個洋蔥架咩, 薯條就同M記無咩分別, 另外成個餐都有一個共通點, 就係凍冰冰, 今時今日M記都即叫即整啦, 點可以連薯條都係凍架, 總括黎講, 食物質素其實不俗, 有待改進

在特長堡推出沒多久後，我就和同學相約要到ｂｕｒｇｅｒ　ｋｉｎｇ進行挑戰。這次的目標，就是所謂的７吋長的特長堡。我點了的夏威夷特長雞排堡套餐，雞排堡跟薯條可樂，盛惠２９元５毫，這樣的價錢不算便宜，只算是個可接受的價錢。拿到了套餐，所謂的７吋長．．．這實在是沒想像中的驚豔，也只能說，廣告的威力實在太大了！！除了必有的雞排還有煙肉菠蘿和醬料。菠蘿是兩大片罐頭菠蘿，咬下去帶有那些甜得過份的糖水味．．唉值得一提的是，這裡的薯條水準下跌了很多。現在根本就和某ｍ字頭的大型連鎖店一樣．．．完全失去了我首次來的驚喜！難道這裡的水準要跟政府民望去走嗎？下跌下跌下跌啊．．．實在令我失去再來的慾望。整體來說，這個套餐只值１０分中的５分，價錢和水準下跌是扣分的主因。

假日下午未食晏，到Burger King試個夏威夷特長雞排堡~套餐價$29.5，包汽水薯條。夏威夷特長雞排堡，包包是長形的，裏面有炸雞排、煙肉片、菠蘿和沙律醬。雞排不是原塊雞扒肉，不過炸皮幾香脆。煙肉片是一貫地薄，不過吃起來可以少一點罪惡感~ 最正是大大片的菠蘿，酸酸甜甜中和油膩。加$5就有原價$10的香辣雞膇，比較細隻不過幾惹味~

最近Burger King有優惠，$25.5有一個餐+雪糕，好似好吸引呀!我和家人到Burger King食下午茶，(嘩，人山人海，好難得先搵到位!可能是新開張的緣故啦......)點了兩個餐share食，分別是小華堡餐和燒烤豬柳堡餐。兩個餐都一般，發現Burger King走的路線跟以前完全不一樣了，薯條同M記無異(以前都唔係咁ge!)，Mos Burger的薯條更好吃!總括而言，抵食係抵食ge，不過我對Burger King感到有點失望。懷念從前的Burger King。

阿媽話未食過 Burger King ，適逢今晚得我地兩母女食飯，就去一趟屯門市中心啦。今期加推燒烤豬柳堡餐都送雪糕新地，上次食過小華堡唔啱我口味，所以今次試豬柳堡餐，阿媽又跟我要一模一樣。晚上八點十五分，店內就坐滿人，店外的位都仲有既，揀好位，我就去排隊買野食。大約排咗五至六個人啦，都唔使等好耐，三四分鐘左右就到我啦，不過點咗食物俾咗錢，等拿食物就比較耐喇，而且無論負責落單或者執餐的職員都好似好新手咁，兩個餐，俾得一支飲管，茄汁唔記得俾，雪糕匙又唔記得俾…到我拿餐返埋位既時候，忽然間店內又空出咗好多位喇喎，所以我地又搬番入去坐四人座。 雪糕新地：本來想試下個杏桃味既，但係店員話剩番朱古力同埋雲呢拿味，咁我上次試過朱古力唔啱我口味，所以今次要雲呢拿算啦，果然好味得多﹗ 阿媽今次試過朱古力味之後，都話鐘意食麥記既朱古力味多 d ，同埋佢覺得偏甜咗。 豬柳堡： 其實我地一邊食雪糕一邊都覺得餐廳的冷氣好凍，可能係呢個原因，所以到我地食包既時候，個包已經係凍咗既，薯條亦係一邊食一邊覺得佢凍咗。雖然唔係熱辣辣咁食，我都覺得呢個包好好味﹗ 本身個包好軟，然後入面有兩款醬，沙律醬係塗在生菜上面

唔行屯門真係唔知開左間burger king...我次次食burger king都只係食小華堡...而家咁抵...有包,有薯條,有新地...仲有野飲...先係$25.5!!!杯新地真係好似正常你買咁,大大杯,唔會話因為咁抵所以細杯d~朱古力新地好味道...好味過麥記~~個小華堡乾左dd...大致上都幾好味~而薯條就比mos burgxx冇咁好味,本人鍾意大條d既薯條...而佢d可樂..一飲...以為百事...點知係可口可樂...但點解咁淡既??但呢個價錢...我唔可以咁嫌三嫌四啦~

見d廣告話小華堡餐$25.5 仲要送雪糕新地, 梗係仆到去買黎食啦, 屯門店唔似其他店咁有幾條龍俾人排, 係叫d客全部排晒一行, 跟住邊條行快第一個就去0個行買但係呢個安排超差, 因為好多人扮晒睇餐牌, 實質係打尖, 我只不過0係burger king短短5分鐘我都見到有2 group人係咁打尖, 個收銀仲要明知佢地係打尖都唔叫佢地去排隊 (因為後面排左差唔多10個人), 唔知係幫我收錢0個女仔係咁定係其他人都係咁啦, 我同佢講要小華堡套餐拎走, 之後問我飲咩, 再問我0係度食定拎走, 我諗可能頭先聽唔到, 咪同佢講多次係拎走, 找完錢俾我又唔俾張單我就打發我走, 又唔似其他burger king咁0係俾錢隔離0個行寫個牌註明等食物企呢度之後最火滾係個女仔示意我過去攞食物, 但原來佢都係以為堂食無幫我打包, 跟住我已經滾滾地同佢講"我都話我拎走囉", 佢仲要0係度發呆唔理我, 跟住佢後面個男仔見到我咁火, 即刻攞d紙袋出黎幫我打包d食物, 跟住個男仔同個女仔講"俾個蓋我come番杯雪糕", 個女仔就繼續遊魂咁, 到條仔叫佢第二聲先去食物就ok 0既, 但service真係要改改, 我會

以往獨個兒去襯機場接機/送機的話,必定會去burger king食餐先捨得走~這幾年全港開了很多分店,但逛街日子又不會吃漢堡包當一餐.所以繼續去機場店吃的習慣.估不到burger king都肯屯門開分店!!六月頭開始裝修,月尾就開幕了,很快啊~~~.開幕初期憑商場的打印電郵本去,套餐可以免費加大,但成個7月我都遇不到時機,此優惠我用不著了.今天去完銀行剛好一點正,就去burger king食個餐才回公司啦.因為暑假關係,加上位子不多,店內人頭湧湧,在場中轉了一圈,最後都要搭檯.見食客9成9都是年青人,我這等'阿姨'級則只有數位 XD我每次點都是小華堡(除了5月那次幫襯點錯漢堡包外)...今期優惠好正~小華堡餐加新地$25.50。同收銀點餐,她最後殺出一句'汽水飲可樂岩唔岩?'.預期不到有野問我,我當堂都卡住(我覺得咁樣問好得意,比起問"飲咩汽水?"來得親切).我說好,注明ZERO走冰.她再問'新地要咩味?',我問有什麼味,雖然她的樣子零笑容和COOL COOL地,但都照說出味道來,"有原味,朱古力,士多啤梨同杏桃",由於她說得勁細聲,我請她說多次,她都肯重覆多次,她的表現比麥當當和KF

今日一早收到朋友 call 問得唔得閒放工後一齊行屯門市中心。嘩﹗難得有朋友肯係屯門出沒，幾唔得閒都應承啦。問題又係 shopping 前唔好食貴嘢…哈哈哈。 所以記得廣告提過 Burger King 出咗 $25.5 全民價小華堡餐，仲有雪糕新地送，好啱我地去食。時間係下午兩點半左右，而且可能我地得兩個人既關係，比較易搵位，唔使等位，佢地收錢的 counter 又多，好似有四至五個都開齊，所以連叫嘢食都唔使等。大家一人一個小華堡餐：- 薯條熱辣辣唔錯﹗ 不過都係同 M 記一樣的幼身薯條。 汽水揀咗忌廉，好似甜咗少少。 小華堡：朋友話好似 M 記既至尊漢堡，佢覺得幾好食，不過我就唔鍾意食洋葱的，個飽好多洋葱，仲要係好大味果種，所以我唔多鍾意。食完個飽絕對要食番兩粒香口膠補飛。 雪糕新地有四種口味揀：雲呢拿、朱古力、士多啤梨同埋杏桃 - 我揀咗朱古力味，朋友揀杏桃味。雪糕既味道有少少似富豪雪糕，朱古力糖漿同 M 記唔同，個人偏好食 M 記，而朋友就話佢個杏桃味都幾好食。至於餐廳環境，始終都係快餐店，係迫夾 d 既，反正大家快來快去，可以接受吖。總括來講，呢餐都算唔錯的，$25.5 抵食份