漢和韓國料理 (已結業)

呢間餐廳都係我個同事推介我嫁渣, 佢都有同我講只可以食1.5hrs 任食! 我尋日同我bf 去食, 勁lucky, 一入去就有位(近門口), 我覺得個d位會好d, since 裡面d 位好似好迫禁~~of coz!馬上action la~~ 我見到都好多款式,best love 係佢d西冷牛肉.牛舌.三文魚.冬茹仲有d魚都好yummy!!熟食就比較少選擇, 但佢都整得ok 嫁!!我要推介佢既'豆腐花', 真係好好味, 熱熱既,至衰我食到好飽, 唔係我都想食多一碗r~~d service 都唔係差, ok wor !同埋因無咩人等位, 我地食左成2個幾鐘...^ u ^

去過咁多間韓燒,最抵應該係呢間啦!雖然時間有限個半鐘,但星期1-5去冇咁多人,可以坐耐d唔趕你走!食物方面:有任食3文魚..幾次去都拎成3,4碟架。熟食d款又多,有糕點,湯水,3種味道的雪糕;肉食好多揀.瓜菜亦有選擇服務:唔錯,你好禮貌佢都有禮貌GE,叫你埋單都係好聲好氣,出到聲換爐都好爽快.值得一試仲有值得一讚係地方好正,一入面感覺好乾淨舒服.好多卡坐.

i came here with 2 people for lunch buffet the other day, loads of yummy choices from bbq stuff to korean kimchi, noodles, and dessert...the green tea ice cream was quite nice, and also the beef and chicken wing (on bbq) are good too. for the price for lunch, i think this is a good place to go.. the place is not very smoky but cold so bring a jacket there! the toilet was very dirty though, and service is just ok ><

見到咁多好評同埋廣告話有網燒所以去試去到原來已經取消左網燒...食左個午市廣告入面的海鮮1樣都冇!! 冇得加打邊爐!!亦都冇牛仔骨熟食係白飯幾好囉得2-3個熱盤....好在有炸雞翼同薯條(熱果陣食都幾好)飲品唔掂所以買汽水飲算同佢d廣告差天共地仲要燒燒下全場熄晒火...唔會再去

我見到呢間野的評語唔錯先來的, 但最後失望而回.首先banner上的蝦, 蟹, 蠔都係冇得供應的. 如果冇就唔應該放咁大幅相0係度啦!2個人只可食1.5hr, 原本我同我bf都覺得應該唔夠時間的, 但食食下就覺得時間係足夠啦, 因為所有肉類都好油膩, 同埋腌得味道太濃, 我食左幾舊已經生厭. 可能我本身已經唔太鐘意食肉, 加上韓燒一定要落油先燒到, 冇得好講. 但我覺得燒冬菇係好味的.既然肉已經食厭, 唯有食甜品. 西瓜一dd甜一dd唔甜. 豆腐花開得太稀, 偷工減料, 成碗水咁. 最離譜係果個用葉包住的蒸紅豆糯米磁, 果舊粉跟本未熟, 仲係硬的. 我埋單時同經理投訴佢\d野未熟都拿出來比人食, 但佢\一野收左之後講聲唔好意思就算, 我5分鐘後去廁所時見到果碟野仲係放0係度比人拿.....完全唔覺自己有問題囉! 好嬲呀! 仲有佢\張banner寫住$108一位, 但原來下面有好細粒字寫住星期6,日加$10 =.= , 我聽到門外都有人以為係$108....

我地15個人係7月29日去漢和韓國料理到食野!一入去就有得坐(間野可以話係冇人架..之後就多D!)都有好多野食~又有湯~供燒烤嘅材料都好充足!雪糕都係!不過d野飲淨係得兩種--豆漿,酸梅湯(都充足)~~~不過d服務態度真係唔係好得!(淨係一部分人啫)有d叫佢換爐都制(仲識笑..)$48 for 小童$68 for 成人我個次由12:00食到4:30!!我呀哥重話要去多次~~!>0<

went there with my family tonight. the food was quite good.... but i would say the service was extremely bad!!! even the manager himself provided bad service!!!!!!!we booked a table and the receptionist told us it was $98/person, they didnt tell us in advance we have to check the bill b4 7.30pm, just tell us it was $98.... we arrived at 6pm, n then check the bill at 8pm, they said it was $118/person.... said it was our fault not to read the instructions carefully, and claimed that it wasnt their

我個人認為最掂的韓燒!掂在d三文魚作為一間韓燒竟然係好食的!當然冇食日本野o個d咁掂啦但起碼好過supermarket一packpack o個d架!差不多次次去親我只係為左個個三文魚=.=任食得唻佢唔會停出又唔會唔好食又平9:30後$100都唔洗除左三文魚佢燒o個d野就中規中矩啦我個friend好鍾意食佢d白魚...佢d羊都幾有羊味d豆漿幾好飲冇溝水!基本上都係好食的熟食就一ｄｄ可能係o個隻韓式野食根本係咁既味個碗仔次又好好食d湯水可能我有次係飲人參...有d苦=.=有個綠茶ice cream又係好好食最後d服務真係差d...d阿姐真係=.=

我本來已經訂0左0尋晚7點鐘6位的，點知有個朋友臨時甩底變0左得5個人去~一行4人，6:45pm 已經到達，入場前同佢0地個職員表明得5個人~~佢0地話冇問題~~等0左差不多10分鐘，佢0地終於「安排」好坐位俾我0地喇~~點知我0地5個人，佢0地竟然俾一張4人卡位我0地，仲要0係走廊度加張椅~~條走廊人來人往，而其他位置大都未有人坐，我0地當然叫佢換位俾我0地啦~~點知搵0左佢0地3個黑色衫既帶位同另一個男人，都冇人回覆我0地，有一個女人仲好冇禮貌咁叫我0地出返去等啦~~7點30分到先俾度位我0地喎~~真係好唔明囉~點解我明明訂6位都冇「6個位俾我」呢？同埋佢0地既服務態度真係好差囉~~我0地又唔係冇訂位，唔明點解有d咁既遭遇囉~坦白講，今時今日咁既服務態度，就算佢幾平，有幾好食，我都唔會再去囉~

今日朋友隊有隊員生日，因為隊中要員要工幹，又有要開會，所以今晚得我同佢慶祝，先去銅鑼灣行咗一陣，之後本來去食日本野，但有啲要等位，有啲就唔係咁想去，經過漢和韓國料理，好耐冇食過，所以去試吓！價錢係$108任飲任食，有韓燒、加18蚊就有埋火煱，但我哋只係要咗燒烤，店舖頗大，座位亦多，因為人多關係，所以拎野食要排隊，而大家都有秩序！食物種類亦算多，一般烤肉店食物都有，另外有三文魚生，壽司，但種類唔多！三文魚生都幾好食，我仲用嚟燒一燒，都幾好食架！另有一般前菜、炒飯、炒麵，好搞笑仲有一煲白飯比人任載！甜品有雪糕同豆腐花，朋友食雪糕話幾好味(綠茶)，豆腐花我食咗兩碗，因為熱辣辣，好好味，仲有生果，飲品就有豆漿同酸梅湯，如要汽水就另行花費啦，10/2支，所以都幾抵食！服務店員都快手快腳，食物頻頻添加。

估唔到都幾多野食但竟然有馬蹄糕、年糕、蘿蔔糕、豆沙窩餅、茶果@@真係幾驚喜仲有服務幾好,幾乾淨=]但D SUSHI麻麻地好食

上個星期6一行4人去食,8點半到,好鬼多人....好在一早book左位.等左15分鐘入場.第一時間睇下有乜食.燒烤都係普通料,冇乜驚喜.但奇在三文魚冇人排隊拎.....小弟即刻攞左碟先.之後先發現原來係不停refuel(唔似漢x苑).不過服務麻麻地,可能星期六晚同人多.攞台果陣仲未執台.同埋換燒烤盤等左成10分鐘.埋單$520.下次可以再去.

每人連加一$75 , 算是普普通通, 因為沒有sushi , 還給我發現了一隻‘小強’四處走

D食物都算OK ! 環境都可以, 冇物油煙味, 但係餐廳的地板就好唔得, 好滑, 全地油淋淋,失重心就好容易滑倒, 有待改善!

今次到M小姐話事食咩, 佢選左盛八, 但無BOOK位上到去先知限食個半小時, 唔想比時間限住就另選地方. 因到M小姐請唔想佢太破費, 想起OR呢間食評都唔錯, 就轉個灣試一試被安排坐卡位, 隔離就係取食物既地方都幾方便. 而平日無限時, 都唔錯壽司, 反卷, 三文魚魚生雖不算太肥美, 但勝在會不停供應熟食/韓式食品都有幾多, 白灼蝦同椒鹽瀨尿就輪流供應, 每樣味道都唔錯牛仔骨, 羊肉, 豬肉, 雞翼, 魷魚鬚, 咖哩雞塊, 龍蝦丸, 多春魚, 腸仔,冬菇, 粟米, 矮瓜, 墨魚等選擇都幾多, o岩晒心多既人飲品有任飲, 但見麒麟啤$50/3大支實在好抵, 照叫當清熱總括地方, 食物, 同服務以任食來講都唔錯, 起碼一定會好過同區既差勁首爾莊