漁樂軒 (已易手)

一向對於以掛著甚麼大獎得主banner以作招徠的食肆不以為然, 覺得總是雷聲大雨點小.但不知怎的對這間掛著"美食金奬得主- 雲吞麵"的漁樂軒甚有興趣, 原因可能是經營了一段日子, 由最初的$11一碗加到$15仍長賣長冇, 而且這邊食肆多的是, 如沒有實力的話應早被淘汰.下午茶時段, 麵套餐由$18起, 當然要一試主打的雲吞麵. 不到五分鐘麵已經端上來, 先喝一口湯, 大地魚味相當鮮甜, 但不會太濃郁, 而且湯底亦很厚, 應該是豬骨的功勞. 咬一口麵, 十分稱職, 彈牙爽口, 還有淡淡的鹼水味, 加一點點浙醋伴吃更覺可口. 至於主角雲吞雖未至於十分出色, 但亦非常有水準, 蝦和肉的比例大概是七/三, 是標準的比例, 蝦用上了傳統比較細隻的, 我覺得比大蝦的口感更佳, 而調味亦恰到好處, 唯一欠缺的是一點肥豬肉. 整體的配搭十分成功, 一口湯, 一著麵, 一啖雲吞, 可以吃個不亦樂乎.走的時候見到桂花糕($6)及炸魚皮($8), 打包了各一, 桂花糕十分清香不過略甜, 炸魚皮鬆化脆口十分出色.埋單共$33, 一定會再來.

「漁樂軒」個名跟佢賣ge菜色無大關係，實際係賣粉麵飯樽裝可樂，睇落係一間好普通的麵家。幫襯左佢好幾次，由頭幾次買甜品外賣到最近一次終於入去食，都發現佢不凡之處。每次外賣我都係買佢隻桂花糕，我好中意食桂花食品，食過甜品哥哥同甜品世家ge桂花糕，小甜甜（家陣變左滿江紅小甜甜）ge酒釀丸子，都各有特色。漁樂軒ge桂花糕，睇落好似好簡單，似係用魚膠粉制作，魚膠係晶瑩剔透ge黃金色，實在好討好，好似將d桂花香味暫時凝結住咁；食落口，桂花的清香就立即釋放出黎！呢下野真係不得了，連我唔食桂花ge屋企人都話香，而且又唔係好甜。8蚊3件。哎講得太多添…不如講返d野食。最近一次入舖食，叫左一個雜菌牛腩飯。飯係分碟上，飯有兩碗以上分量；ge分量都唔細，腩筋都齊，成八九件咁多，肥廋平均，腩汁鮮味，唔會過濃同黏稠食到個唇mang住。雜菇有秀珍、金菇、鮑魚菇片，圍住d腩，買相不俗。25蚊。叫粉麵飯加其他小食飲品都減兩蚊，油菜、例湯正價7蚊減左就5蚊。油菜好大碟同合時，係靚菜；例湯無味精。埋單見佢後面有兩幅相，好似係獎相，唔知呢間野有咩來頭呢…

下晝肚餓, 食碗麵.$14 雲吞麵+ $5 有凍奶茶等成六分鐘先有碗雲吞麵, 好似耐左dd, 果個時間冇乜人咋喎四粒雲吞, 普普通通的冇乜鮮味奶茶夠大杯, 解渴至上

上次路經此店, 比佢門口'$11起' 的字眼所吸引, 所以今日Lunch和同事試一試...貢丸河- 賣相一般! 比想像中大碗... 入面有4粒大大粒貢丸, 好香麻油及冬菇味, 以$11來講, 都幾抵食!

學校o係附近經常都有機會食呢間南乳雞球配米線超好食!仲有平時都有食開雲吞麵比出面ge更好食!不過米線比米粉好食!總括都幾好

同爸爸來吃午飯,二人點了這裡的招牌菜南乳鷄球麵,淨雲吞,炸墨魚餅,這裡環境幾好坐,地方夠光猛又清潔乾淨,阿姐都友善.鷄球麵先來,即刻飲啖湯,飲完我心知不妙,敏感的舌頭告訴我這個下午我一定會好口渴,我問爸爸湯是否好鹹,他說不會,之後試個招牌鷄球,聞到好香,取塊鷄球點了些少南乳,吃完感覺又是鹹,之後幾塊都不敢再點南乳醬.雲吞都有8粒,菜多肉少,但我不太喜歡它的味道,炸墨魚餅好味又夠彈牙,但全程都是給鹹味蓋過所有食物,最後差不多吃完時,爸爸才說好鹹呀!其實落完單最早奉上的是店舖送的小甜品,透明啫喱狀像似大菜糕,有問過阿姐是什麼甜品,但她答到含糊不清,我亦無再追問,估不到我將甜品留到最後吃是對的,雖然只得兩三啖,但清甜涼快的感覺暫可消減我舌頭之鹹味,不知道是師傅太重手還是味精作怪呢?

八喜屋吃不飽，轉戰食甜品，我要了芒果紫米，男朋友要了一個楊枝甘露，芒果紫米還不錯，但我覺得甜了一點，而楊枝甘露就好正，好多芒點和柚子，d西米仲好大粒好有口感﹗只係$15幾平希望他們會推出熱的糖水啦﹗

米線都幾平, 小食試過墨魚餅, 沙拉雞球, 都幾香脆, 而南乳雞球最好味!菜肉雲吞頗大粒, 牛根好腍,好有膠質! 什菌就係有蘑菇, 秀珍菇, 冬菇等, 好清新!最正就係全店非吸煙, 唔洗再四處尋覓, 左避右避!