漁屋日本料理 (荃新天地2) (已結業)

今日男朋友生日，一於食放題慶祝下！咁啱我地系荃新天地行完街，甘岩見到漁屋日本料理，所以就去拉。去到即刻叫刺身刺身有我最中意食既甜蝦同三文魚，甜蝦幾生鮮同埋幾大隻，而三文魚系厚切既！ 之後叫左牛肉鍋牛肉鍋既湯底好正，有少少甜，又吾會太味精，而d牛肉都幾嫩口，大概有3-4塊，入面仲有少少蔬菜羊架系我食過甘多次放題入面最嫩口既一次，值得一試呀炸物一黎到睇落好細件，原來系因爲佢既炸粉少，而且外表都幾白，證明佢d油都幾乾淨！最後叫左d甜品同出去拎左d雪米池

由中學開始已經食, 一直都都有水準, 價錢唔貴之餘味道好款式多, 裝修過後雖然貴左, 但提供的服務環境相應提升左, 魚生仍然KEEP到水準同新鮮. 唔似急凍咁無味道.上菜速度唔慢,下單後5分鐘左右就有送到,

荃灣放題多的是，不過我都係最中意漁屋，貪佢選擇多，質素又高，而且價錢又Okay。任食兩小時，小童100cm以下免費。星期一至四 (六位送一位) - 17:00 - 18:30 成人$248; 小童$148- 18:45 - 21:00 成人$268; 小童$148- 21:15 - 23:30 成人$248; 小童$148 星期五，六，日，公眾假期及前夕- 17:00 - 18:30 成人$258; 小童$148- 18:45 - 21:00 成人$278; 小童$148- 21:15 - 23:30 成人$258; 小童$148星期一至四，7個人嚟食，用埋六位送一位，真係好抵。呢度有沙律，前菜，刺身，壽司，軍艦，奇妙脆脆，火炙壽司，卷物，天婦羅，串揚，爐端燒，一品料理，手打烏冬，拉麵，鍋物，甜品同飲品，真係咩都有。刺身真係好新鮮好鮮味，有牡丹蝦，大甜蝦，赤貝，帶子。壽司種類好多，我最中意呢隻火炙三文魚。牛油粟米真係無得彈，鐵板熱辣辣，好香牛油味，又好香喎，每次都一定叫。另一的必叫嘅就係牛肉火鍋，壽喜燒湯底好甜，牛肉鮮嫩。甜品最開心係有Melona蜜瓜味雪條，好滿足!!!!

聽朋友講漁屋嘅質素相當好，身為大食港豬，今次就去到荃新天地試試啦！飲品種類除咗傳統嘅汽水，仲有好多自家製選擇，有種耳目一新的感覺！味付螺肉同芝麻八爪魚基本上係我每次食日本野嘅必食選擇，好開胃架！甜蝦當時新鮮鮮甜，細細隻點上芥末豉油，個甜味出曬；三文魚夠晒魚油，好juicy；希靈魚夠彈牙，確實唔錯！天婦羅的粉夠薄，直接食到裡面既材料，沒有吸到一身酒益味，還是食得挺放心....LAST就是甜品系列，今次就揀咗Movenpick！確實係回本呀！

好耐之前食過一次，果陣都幾抵食。今次本來想食大喜屋，不過太遲book所以冇位，咁就近近地食漁屋啦。其實佢星期六呢個價已經同大喜屋睇齊，就即管睇下質素如何。基於掛住傾計同食，影嘅相唔多。呢個係送嘅，鮑魚彈牙，龍蝦亦鮮。刺身都算新鮮，三文魚唔錯，甜蝦都幾好食嘅不過有啲會斷尾，帶子就細隻左啲，其他都還可以嘅。呢度嘅炸物唔錯，粉漿夠薄，拎出黎夠熱夠脆，好食。芝麻雞翼好正，好惹味，炸到皮脆肉嫩。串燒同其他肉食就一般啲。啲熟食都係普普通通。野飲都有啲特別啲嘅野飲，鹹檸7正。最後每人都可以揀返杯movenpick或者HD雪條，除左呢樣，甜品都冇乜吸引。整體黎講，其實唔錯，起碼好多野都算新鮮，但你話係款式或者味道上好滿意，又未係。星期六食埋單306蚊一位，講真呢個已經係大喜屋嘅價，但質素去唔到。

食日式任食最唔駛煩，一個價錢食到飽，唔擔心再收額外費用，食得安心，安全放心，哈哈！不過，論質素，任食餐廳難以跟散叫的日式餐廳比較，係我心目中質量難免總有差距，幸運的是，呢度熟食過了合格線，刺身係GOOD，服務是有些叫天不應、叫地不聞+少少黑臉，overall評價叫中上。呢度最大的優勝之處，刺身不臭肥美，即使你叫魚生飯、三文魚腩?、帶子、蟹腳等等都好食，更重要係選擇多，樣樣試d，包自己一定會滿足。清酒任飲、cocktail、梅酒任叫是難得之選，男朋友好鐘意飲酒架，唔駛加$就有呢個選擇，是加分了！簡簡單單的焗雜茹、粟米、前菜都keep到質素，我個人就簡單d，熟食搬到上檯一定要熱氣滿滿的，我就好滿意，同樣這是餐廳對食物的執著同誠意之舉。刺身飯、雜錦刺身都好受歡迎，檯檯客人都叫幾次架，我不貪心，就2round就夠了，原因是....大大份都夠哂飽Movenpick雪糕只限每位1個，好可惜，我竟然甘唔識食，食左雲里拿，人家話士多啤梨先最正！就當比個機會自己下次再黎~~~不得不提，我地成日要吹單架，有時miss單又要我地落過...有點煩，希望餐廳對呢點要有改善

荃新天地好鬼多食肆，又旺，相對競爭力都大，我地經過呢間餐廳，CHECK下OPENRICE，有九十幾個LIKE，都唔錯...睇埋餐牌，包羅萬有，甘我地就決定去挑戰它！一開波當然食刺身，回下本先，刺身選擇算多，三文魚同牡丹蝦絕不放過，新鮮，質量偏好，朋友們都點頭同意。不過，壽司類別就係普通，花之戀可以encore~~~食相都幾好架呢度都有一d得意的食譜試下架，如果個肚仲有空間，可以落單，但你問我跟手卷有什麼分別? 大家一樣都係脆身....沒特別熟食意外地有驚喜！燒紫薯、牛舌、雞軟骨都好香，仲有牛肉hotpot、清酒煮蜆、蟹子沙律等等都喜出望外，估唔到晚餐任食都可以將熟食keep到水準，唔止係填包個肚甘簡單頗可以最後當然要留少少位食甜品，呢個榴蓮糯米磁真係愛好者的必點之選，啖啖新鮮榴蓮，陣陣「香味」，榴槤忘返，記得要食！唯一有點嬲嬲豬係...唔知侍應他們係咪太忙，問多句都似厭你煩，最好要我地爽手唔好拖拖拉拉，有時我都頂唔順他們的語氣架，叫自己落單時醒定D啦，甘就相安無事其實...都係食餐飯jie........

門口嗰個帶位只系識講電話，全餐廳只係有兩台人，佢係要你安排坐埋去其他一台度，果兩位人客已經擺左三份二張抬，借問聲食放題我仲點會有位擺？我都係話食一個鐘左右，佢硬係要我坐嗰度，你同佢講話可唔可以轉弟張，佢直頭轉面費事理你，食得咁辛苦我不如唔食啦！

與好朋友相聚，相約於荃新天地食放題，錢比以前貴左，相對食物嘅裝飾靚咗，多左西式組合，例如裝天婦羅係用一個炸籃，亦都有雞尾酒，嘉菲，杯野係藍色嘅所以呢都問任飲得，好奇心驅使下叫咗來飲。我覺得刺身冇以前咁好食，所以食得唔多。最驚喜係雪糕有Haagen-Dazs綠茶味嘅雪條。選對左好好味。

我呢個大食怪最適合任飲任食，所以拍拖食放題係一種樂趣，呢間漁屋比如心廣場個間細，但靚好多！環境上環扣分就係張檯唔大，如果叫想試曬所有食物，記得分幾round，因為無位放！飲品竟然有酒！呢個巨峰提味cocktail其實唔錯，但都幾濃，唔飲得就唔好叫，細細杯飲得快，易上腦！呢杯fruit drink都ok！但我最愛鹹檸七！呢間壽司刺身一般，海膽手卷太少海膽，但賣相唔錯！反而熟食有驚喜！辣味硯味道濃但硯細隻，下面個清酒煮硯就好正，大隻又入味！而呢個牛油什菇食到我encore左兩次！好野味，牛油超香！呢個碗仔翅都好足料！而甜品都款色眾多，包括水炫餅、Jelly、Movenpick雪糕同賣haagan dizz最新綠茶雪條！後面兩樣只限1人叫1款當日仲送黑松露鮑魚！所以話$258我其實回左本！

第一次食日本放題的我好失望，呢間漁屋食物一般般，張檯勁細，貴價食品漏單嚴重，食2個鐘，一次order 竟要45min???叫刺身10片，竟然只有2片上枱，又不新鮮。職員無禮貎，我只是客人，又怎會知枱號是什麼？職員竟然埋怨我無寫枱號，我以為我係度打工。總結無下次。

本人和同事共5人，於2017年6月12號中午節時分，前往大埔安慈路1號海寶花園地下：日本漁屋料理食午餐，我們除了每人一個主餐和小食，還加了10元任食三文魚壽司。但從我們第一次 order 35件三文魚壽司後，便一直不能order第二次，就算經過兩次催單分別為12時30分及12時40分， 也未能提供。直至到12時50分，我們第三次要求服務員跟單，(提供第二次35件三文魚壽司)，但最終還是沒有送到。在我們詢問下，才有同事走來問我們是否需要再order。但因我們要趕上班故不能再等。本人認為你們的做法極之不妥當，若然加十元是任食壽司，便應該在客人點餐後提供，而不是客人多次提醒，甚至一個小時內只能享用一次10元任食三文魚壽司，這是非常不能接受的。再加上我們已非第一次光顧你們的日本料理，更不是第一次發生這樣的事情，前幾次光顧均以因繁忙間所以漏單或師傅太多單做不來為藉。但今天只有很小客人，但仍然漏單，而且在3次催單，快一小時，仍未能提供第2次order，這是什麼理由？若然不希望客人吃太多而虧本而減慢出單，那麼請你們不要叫：10元任食三文魚壽司好了，或者加入只能叫一次字眼吧！

為左慶祝埋放最後一日大假，番工前緊係同我的最愛食餐好，今日食lunch放題（影左部分相）整體滿意，好食，新鮮，一個字正，我個人認為冇伏野，我最鐘意花之戀，三文魚，芝麻雞翼，炸物好食，吉列蠔。最緊要係有哈根大師，第一次食放題有哈根大師食，正可能因為lunch關係，冇咩漏單，上菜快，而且唔覺同夜晚放題有分別，又平d，所以我如果之後再食，都唔介意食番lunch放題，平d.PS多謝我老闆今日請我食好野

成班同事去食lunch, 叫雞扒烏冬，check 單發現無落單，先發現原來無雞扒，但無人話我地知，只好點薄燒牛肉烏冬，點知肥牛全部係肥膏，同事叫金菇牛肉卷就無事，佢地話之前叫燒牛肉都係賴哂野。同事睇唔過眼，食完同經理反映，經理完全唔理，只話係咪收得餓左成個下晏！

星期三晚八點三到了漁屋，門外有數人等候，閒日的漁屋還是很有人氣的，幸好有預約位置。蟹子沙律和蜜桃沙律，幾新鮮爽口。右手面的是當日特別送上的，鮑魚刺身，比較硬身，沒有特別。刺身方面有很多選擇，下了單及上菜的數目一樣，讚！還算大件，非常新鮮, 大滿足呢😋清酒煮蜆， 太清淡了。炸物選擇都多！個人覺得香芋波波及餃子是非常出色的！很好吃！❤️左邊魚及日本和牛壽司非常美味！！壽司和手卷選擇都有不少，賣相和味道都比出面很多的放題做得好👍🏼巨峰果酒，不會太甜，酒味不突出，容易入口。這個美麗的藍色飲品也是另外送的，拍照一流，味道就是藍柑皮味，個人不太喜歡這個味道。總結而言，這家放題食物種類真的有很多，出餐速度算快，食物質素高，很多都是十分美的😋 店員服務態度不差，燈光充足，可以把照片拍得美美的💕