滿記甜品 (朗豪坊)

營業中

休息中

睇完齣好戲，搵甜品食，兩個愛榴槤既人第一時間諗起滿記！到達，隨即有二人檯，叫左醉心榴槤，雪山榴槤和榴槤pancake好快就送到，香味撲鼻，未食已經吞晒口水！醉心榴槤有兩大球榴槤，又新鮮，食落口又啖啖肉，仲有兩塊士多啤梨裝飾在白雪雪既vanilla sauce上，vanilla sauce是椰汁？？總之好好味！而雪山榴槤就一球綠茶雪糕、一球榴槤，友人亦非常滿足！吃光光就進攻pancake, 入面有cream，奶油味好豐富，榴槤肉新鮮，加上煙韌既外皮，夾埋食好正！

今日係元宵，中國既悄人節，為左應節，就緊係要食返個湯圓啦!叫左個芝麻湯圓 ($21) 有6粒大大粒，芝麻味好香，不過個薑水唔係好夠味，薑味同甜味都差小小黎到滿記，當然唔小得榴槤pancake，香濃既榴槤味，真係令人食過番尋味。

成日都食滿記, 都係為咗佢嘅榴蓮嘢. 乜榴蓮班戟, 醉心榴蓮etc......我次次都會食醉心榴蓮.今日上黎比上次個榴蓮球大個咗好開心哈哈.次次食榴蓮都揀佢係因為atleast佢嘅榴蓮嘢係新鮮榴蓮肉, 食起身真係好香.醉心榴蓮嘅底有椰汁碎冰. 奶奶地, 好香. 我會篤曬d榴蓮落去, 融埋一齊水返少少.好香. 另外椰汁黑糯米都好好食. 出邊食大多數都係黑糯米加少少椰奶. 呢個係主要椰汁再加兩個黑糯米球. 唔同嘅就係呢個會無咁'結'. 會水返d. 好食好多.總體都係幾鐘意. 唯獨是坐位可以改善一下.

今日接老公放工, 食完晚飯但突然好想食芝麻糊+湯圓><>< 大胃couple想食ge野就當然要即刻去食la最近有芝麻糊食ge地方就係滿記, 好彩唔洗等位, 一坐低我就比menu上面呢個湯圓加芝麻糊加紅豆沙吸引住!!一次過滿足3個願望呀!!湯圓可以選擇花生/芝麻, 我地要左芝麻芝麻湯圓好e un, 芝麻糊加紅豆沙好夾!!不過芝麻味唔夠濃, 但已經令人好滿足la!至於老公就要左雜果豆腐花(芒果汁底), 有好多生果,食落亦新鮮, 芒果汁底好濃好正, 不過豆腐花就無咩味, 可能比芒果汁蓋過哂, 我只係食左1啖,老公瞬間就KO左成碗.

不得不認同，滿記是一間十分成功的連鎖糖水舖。不論在香港或是海外都頗為受歡迎。在香港，更是受到年輕一輩喜愛。盡管不同形式的新興甜品糖水舖加入競爭，但它仍是不少人的選擇。當天正好距離晚飯有一段時間，所以先來了一份飯前甜品。五點半快要六點時，整間舖只有兩枱客，座位可隨意挑。一坐下，店員就有禮貌地遞來餐牌，兩杯溫水及紙巾。我點的那個我忘了叫什麼名字。有綠茶雪糕，有黑白珍珠，有桂圓，有芒果，有香蕉…非常豐富。我最喜歡是桂圓，因為桂圓一來清甜，二來有咬口。配上牛奶吃，令人一試難忘!呀肥點的, 他說ok。

跟朋友們吃過一間土耳其私房菜後，由於份量實在太少，即使吃過飯後甜品後，好像也不太夠飽，逛了一會商場後，忍不住到了「滿記」吃個甜品才回家椰汁蓮子雪耳炖雪蛤膏 $59［評分：8/10］天寒地凍當然要吃一碗又滋潤又暖意滿溢的炖品，由於早兩天已吃過炖椰皇，所以這天就選擇另一款吧～翻開餐牌，看到有數款燉品系列：木瓜燉雪耳、椰汁蓮子雪耳炖雪蛤膏、杏汁蓮子雪耳炖雪蛤膏、杏汁燉燕窩、薑汁蓮子雪耳炖雪蛤膏及椰汁燉燕窩～最後選了感覺最為滋潤，又有雪耳又有雪蛤膏的那款～等了10分鐘左右，我的椰汁蓮子雪耳炖雪蛤膏終於來到了～來到時熱辣辣的，份量不算太多，但材料蠻多的，大大舊的雪蛤膏，夾雜著碎碎的雪耳粒，口感既軟滑又帶點爽脆口感～另外還有數粒蓮子作伴，而椰汁則味道香濃，入口滑膩，甜度亦剛剛好～整體相當不錯呢～西瓜西米露 $25［評分：7/10］友人則點了西瓜西米露，在天寒地凍的日子還要吃這個透心涼的甜品，相當佩服他呢，西米露用了西瓜汁作汁底，就像喝西瓜汁似的，味道濃郁，不似一般的椰汁西米露，而西瓜粒，亦非常大粒，夠甜夠新鮮～不過真的比較適合夏天呢～滿記甜品 (旺角)旺角亞皆老街8號朗豪坊4樓409號～～～～～～

喺旺角食完個正餐我同朋友都意猶未盡，想食埋個糖水。見就腳所以就去左滿記喇一去到唔洗等直接入都幾開心，但入到去周圍坐滿哂人，安排左個角落仔俾我地，感覺似野草絕處逢生！又要面對咁多選擇... 好難揀呀！好彩朋友同我我三個都中意食榴蓮，見到D同榴蓮有關嘅甜品就已經bling bling眼我地發覺都幾多榴蓮的甜品。最後就要左榴蓮飄香～榴蓮飄香一嚟到已經好香榴蓮味，食落仲啖啖榴蓮肉，正！加上食落唔會太甜，食哂成碗都仲係覺得唔夠喉呀！另外朋友就要左雜果涼粉條，反而個涼粉就有d遜色因為除左幾重奶味就無其他特別，佢都話下次要食返榴蓮嘅甜品。哈哈甜水食完去埋單，每人都係三十幾，認真抵食，下次要帶其他朋友再嚟食。

行到攰要坐一坐補充體力，近近地去左滿記。肥妹食嘅甜品多數都係楊枝金露，今次亦不例外~滿記楊枝金露個汁真係好味啲，唔會太重奶味，又唔太酸；西米同芒果份量適中，沙田柚嘅份量如果多番啲就仲好~男友嘅芒果西米露，個汁比楊枝金露淡；舊芒果食落熟到好似快要爛咁，所以要求換左件芒果。換左件芒果好味好多~滿記嘅楊枝金露暫時係眾多甜品店選手中最好味嘅~

每次食滿記我都比佢d榴槤系列吸引住～當中最鐘意都係榴槤忘返～因為街外一般會用椰汁做底，但我麻麻地椰汁，而滿記係用雲尼拿味做糖水～入面重有少少冰碎～好冰涼紫米幾有口感～榴槤肉亦夠多～真係好喜歡衣個甜品～另外叫左芒果布甸，e個比較普通～但芒果味都幾重同滑～

啱啱行完街勁累就去食個甜品先!解解渴......叫咗芒果豆腐花同西瓜涼粉,重有一杯木瓜奶，芒果好甜好新鮮, 唔錯, 同豆腐花一起好夾。西瓜好夠沙好清甜,同涼粉一起是解喝之選。杯木瓜奶最正，好似成杯木瓜蓉咁，勁多料service唔錯，個waiter帶我地坐果張檯勁涼快。

這晚下班後路過朗豪坊，一於去滿記食份甜品輕鬆一下先。面對滿記種種甜品，我都很「專一」，幾乎每次都選擇與榴蓮有關的甜品。 這次我所選的，是雪山榴蓮配綠茶雪糕($41)。落單後不久，雪山榴蓮配綠茶雪糕已在面前出現。有頗大球的榴蓮肉和綠茶雪糕各一球，約半隻份量的士多啤梨及奶碎冰。 主角榴蓮肉十分香濃，味道甜中帶點回甘，可說是近來我在不同甜品店食到最喜歡的味道！綠茶雪糕食起來有點似H品牌的出品，綠茶味頗香，亦好食。至於士多啤梨就很硬又酸，不過反正是配角。至於奶碎冰，食起來冰冰涼涼，不太甜。雖然環境坐得逼，是那種食完就幾乎要立即起身埋單的格局，不過這小小一道榴蓮甜品已經讓我食得好滿足呢！

離開八月軒，之後當然是甜品，對於長居加拿大的K先生來說，滿記永遠是首選。5大2小，一坐下就紛紛研究menu，我也好幾年沒有來了，menu也變了很多。不知是否加拿大的榴蓮大都是雪藏貨，K先生前後點了兩道榴蓮甜品跟家人分享。榴蓮班戟 (7.5/10)多年沒吃這個榴蓮班戟，水準稍稍下降。榴蓮夠香，cream有點太多太甜，把班戟皮撐得漲卜卜的，但至少班戟皮很薄，有加分，但它太漲了，一戳就爆開不夠美觀。醉心榴蓮 $50 (8.5/10)兩大球榴蓮蓉，榴蓮遠遠已聞到入口亦夠濃，配上比較淡的椰汁，和一顆微酸的士多啤梨，很heavy的一道甜品但令迷戀者心醉的香氣久久不散，莫怪有此名字。芒果黑糯米甜甜 (6.5/10)始終不及地道泰國餐館，人家用的是椰奶，這裡的只是椰汁。黑糯米也不怎麼夠味也不夠黏，芒果soso吧，整體感覺只是把食材放在一起，沒有做到泰國芒果黑糯米飯的精髓。湯丸配杏仁茶芝麻糊加 $29 (6/10)杏仁茶稍嫌不夠香，芝麻糊亦沒有起沙，吃起來沒有太大感覺。湯丸皮太厚而且有煮得過腍之象，感覺我自己在家煮也能比這個好吃。雪山楊枝甘露涼粉 $47 (6.5/10)雪山選了綠茶雪糕，後來有點後悔，

記得陳年時曾跟朋友到過西貢的滿記吃甜品, 那時感覺他們的甜點跟布甸都十分不錯的. 不過事隔多年, 滿記越做越大, 分店開至十多家無論在旺角或銅鑼灣都總會找到其蹤影. 但同時間地質素每況愈下, 雖不至於難吃, 但每次吃完都覺得不太滿意, 所以近年巳比較少光顧了.這天剛好帶著幾位小朋友來朗豪坊遊玩, 大家玩得很累之際, 便貪方便的走到旁邊這家滿記坐坐吃個甜品.紅豆椰汁爽 (HKD$26)上來十分大杯, 內裡的涼粉也十分多. 喝一口, 奶味很重, 當中的紅豆雖然也多, 但不是很淋的, 吃起來較硬實, 不太入味. 整體只屬普通.雪山榴槤白雪涼粉 (HKD$47)原來現在這裡吃個甜品巳經要上四十多元一客, 感覺好貴呢....上來份量剛剛好一人享用, 涼粉非常多, 表面的綠茶雪糕十分大球, 另外也有一大球的榴槤肉. 最底下的便是椰汁碎冰了. 先吃底下的碎冰, 冰塊較大不過好薄所以也算容易弄碎來吃, 入口十分透心涼, 也能止止渴. 榴槤肉意想不到的吃起來十分甜美而且榴槤味十分重, 不錯. 綠茶雪糕其實本身也不錯的, 奶脂味濃厚, 不過個人覺得還是雲尼拿雪糕會比較搭配.原來現在滿記漲價得那麼利害, 感

同個朋友行朗豪坊，行得耐見諗住坐得食d野，點知成個朗豪坊既餐廳都爆曬棚，間間舖都有條人龍係出面。我地行到滿記門口，都係見到得番幾個位，我都仲唔即刻入去咩其實企係出面真係一眼望曬間舖，細就細d，但人手幾多，服務幾好！我地叫左個芒果西米路同雪糕芒果楊枝甘露滿記果然無慳料，份量幾大，芒果又甜又大片！正！最重要價錢適中，真係除左地方細之外，去滿記食下糖水係個唔錯既選擇

這天在樓上的「鈴木咖啡館」吃過午餐後，與友人大家都感到飲品喝得不夠喉，於是決定到下層的「滿記甜品」喝點東西解解渴，溝溝貨。其中一位友人揀了「雪糕芒果冰」，但我這天其實吃得蠻飽的，所以只是要了沒有下雪糕的「芒果冰」。這杯冰飲比先前在「鈴木」喝的「青瓜蘋果汁」大杯多了。大大杯的「芒果冰」，冰涼透心，爽極了。