滿記甜品 (將軍澳中心)

營業中

休息中

滿記甜品嘅位置都算方便，在popcorn同將軍澳中心中間，可能租金貴，所以都唔係平。首先係個雪山芒果西米露小丸子，＄57，入面材料係足嘅，又有西米、又有小丸子、又有芒果肉同埋芒果冰，但係成碗野就比較細，味道係幾好，個配搭亦好啱，但係入邊唔係一啲名貴嘅配料，所以真心有啲唔值。另外就係個雪山白雪黑珍珠，＄50，個名係好聽，又係叫做每樣材料有啲，但係個碗又係勁細，食完好似食咗陣風咁🤣值唔值$50就見仁見智。但係個味道係OK嘅！

滿記已經第二次來吃了第一次寫食評。點了個涼粉芒果楊枝甘露。相片和真實的確有點出入，相片賣相好看很多，但味道依舊好味，芒果香甜！吃完都很想吃多碗呢！味道好味指數：8.5/10

為左公平，所以搵多一間嚟食😤🍧<綠豆仙草芋圓 $42>綠豆的意思 原來是綠豆沙冰，味道就像綠豆沙沙冰，清涼不甜不膩新鮮的概念😂好彩仙草是仙草，沒有用涼粉欺場今次選配雲呢嗱雪糕感覺都是雀巢公司的藍盒雪糕😛<芒果白雪黑糯米 $44>芒果似呂宋芒的香甜，又夠熟搭上奶味白雪，雖然無椰漿的香醇，但有輕身冰涼的，不知不覺吃完全碗😅飽肚！<原味鮮奶麻糬 $34>同沙田站一樣！再次被「照」騙！主角麻糬？被騙的感覺，圖片只是概念圖‼️質感沒有一成相似，是一佗室溫、入口就融的輕粉團，完全不能拉起或煙韌。又無奶味😅出色的只有花生芝麻碎，炒得很香，贏在夠多。唯有把一佗 “麻糬” 用筷子分成小粒粒佔上花生芝麻碎，當它是沒糯米的糖不甩咁食

夏日炎炎屋企又唔會廿四小時冷氣長開，落去樓下商場行吓嘆吓冷氣，又未夠鐘食晚飯但又想食下野，食下午茶又怕食完食唔落飯，經過滿記食碗糖水消夏暑解下喝都唔錯我選了白雪黑珍珠，一上枱10分吸晴，顏色10分豐富，而且配料很多，上面有一球雲呢拿雪糕，配料10分多，包括芒果、香蕉、龍眼肉、海底椰、蘭香子、白雪汁底是由椰奶、糖加冰塊的打成的，椰香十足，而且還有小小的碎冰，完全是涼透心，這碗糖水簡直是夏天消暑的恩物，食完之後好想再食多一碗

嚟得滿記一定要食佢哋招牌嘅楊枝甘露，用新鮮芒果打汁再加入椰奶花奶，濃稠香滑。入面嘅西米煮得爽口，粒粒分明，加埋芒果蓉、粒粒芒果肉和柚子肉，散發果香。另外試左白雪仙草芋圓，仙草味道十分甘甜，手工芋圓有齊芋頭、地瓜同紫薯三款口味，大大粒有咬口，真係食到新鮮材料嘅味道。加埋紅豆同芋泥 (可以揀雪糕或芋泥)，真係好豐富！底下係椰汁沙冰，食完透心涼！

食完飯梗係要食甜品，經過滿記發現好耐無食，咁即管入去試下😙叫左3碗唔同既甜品，唔好睇佢哋碗仔細細，其實份量好多好足好夠飽！白雪仙草芋圓 ($42) 勁足料，有薏米，紅豆，仙草，睇餐牌見到中間嗰粒以為係雪糕，原來佢係芋泥😂配埋一齊食啱啱好芋圓好QQ煙韌有質感椰汁紫米露+芋圓 ($40) 暖暖地唔會太熱，黎到就啱食，紫米軟身得黎有嚼感，椰汁好香甜綠豆沙涼粉芋圓 ($41) 好啱消暑😂經典糖水加芋圓都毫無違和感

疫情持續無得去旅行真係好掛住台灣美食見到滿記有台灣芋圓食就當然幫襯下點了白雪仙草芋圓可揀要雪糕還是芋泥我就揀了芋泥不過呢,可能芋圓始終熱食好味點涷食始終好似無咩味道而且芋圓份量有點少如果多一點點就更好朋友則點了芝麻糊配腰果花生露原來現在點此類糖水仲可以揀少甜還是正常甜度上檯時芝麻花生的香氣挺濃友人說入口亦夠滑挺美味的

喺將軍澳中心食完夜晚飯，行過見到有糖水舖，就想食糖水，當時舖頭冇咩人，基本上可以直入坐低，我哋嗌左兩款糖水，一款係女人滋陰養顏嘅桃膠芋圓糖水，令一款係夏日推介嘅芒果糯米糍。呢個糖水唔太甜，啲桃膠又煮得好冧，同啲芋圓好夾，我覺得好好味，食完好滿足。唔知係唔係好啱季節食，啲芒果好甜，同啲cream嘅配搭分量剛剛好，大細正常。餐廳環境唔錯，不過冇小朋友座椅，服務員安排咗我哋喺沙發嗰邊坐，可以枱之間都有膠板相隔。

最近天氣真係真係反覆無常，可能真太熱啦，內心好想食雪糕個又想食埋芋圓，見咁耐無食過芋圓就搵下附近有無得坐底食，呀～又比我發現呢度有間滿記喎，重見到有雪糕，一次過滿足晒我想要既野，入去睇完個餐牌之後最終都係決定叫綠豆仙草芋圓食🤤⊹⊱【綠豆仙草芋圓】芋圓雖是台灣小吃，卻深受港人喜愛。港人愛煙煙韌韌(台式叫Q彈)的口感，簡樸紮實又美味，搭配仙草、薏仁、紅豆、雪糕等配料，口感超豐富🤤⊹⊱環境: 3/5服務: 3/5賣相: 4/5味道: 4/5性價比: 3.5/5回頭率: 95％

食完晚餐之後食甜品係常識吧，近近地梗係去滿記啦, 又唔哂排隊又冇人等, 唔知係咪因為個市差, 連帶食糖水都少左人，唔洗排隊。 一入到去, 侍應已馬上幫忙整理枱,。坐底冇耐就睇下食咩好, 樣樣都好似好吸引, 最後就揀左杏汁桃膠芋圓, 腐竹雞蛋糖水&白雪仙草芋圓。不消一會, 甜品已上枱, 芋圓帶淡淡芋香, 不太甜, 又煙韌, 真係食唔停, 最可惜係芋圓數量實在唔夠, 加多D就仲好。另一個白雪仙草芋圓都好食, 不過係凍食, 面個個唔係雪糕, 係芋蓉，都幾特別.,但仙草味就唔係好覺,  兩款糖水其實都差不多，前者係熱食，後者係凍食，當然杏汁桃膠芋圓好食好多啦。至於最後一款就係腐竹雞蛋糖水, 友人話味道不過不失，始終傳統糖水都係好食D。

去咗將軍澳商場行街，見到有間滿記啊，入咗去食芒果布甸呢度好在嗰啲花奶同芒果布甸係分開上嘅。但係可惜我問佢攞杯水，原來水係要買的五元一支，芒果布甸就23元，埋單總共28元。

飯後甜品：海鹽蜜糖優酪雪，超級值得推介。我唔係一個鐘意食yogurt嘅人，嫌佢陣怪酸味，但揀果陣無為意結果揀咗呢個。佢其實好多脆脆同埋芋圓，先一大舊芋圓連底嘅yogurt食，連埋少少脆脆啦，個口感真係超級正！！勁似早餐麥片嘅感覺，但無想像中咁酸，除咗有煙韌芋圓溝淡啲味外，脆脆口感特別又有啲啲甜，佢仲有海鹽味，結果成個package勁夾勁好味，食完即時再食第二啖。由於多脆脆，我食到最後一刻都仲係有脆脆嘅，打破咗平時我覺得食yogurt怪味嘅概念，值得一讚。唔鐘意yogurt嘅我都覺得勁正，唔知鐘意yogurt嘅食會係點呢？希望唔係我少見多怪...

行行下街，見到佢個特價招牌寫住$29一碗既芋圓甜品，心諗都幾平喎，原價好似要$42，所以就同朋友入去試一試！入到去每人叫左一碗黎食睇到碗甜品，第一個反應係有啲細碗...我以為佢都會用返平時上糖水果啲碗咁大，點知細一半...即時覺得$29先係岩岩好既價錢😓佢啲芋圓都有少少煙韌，但無乜味道，只有甜甜地咁，雪糕都係無乜味有啲冰塊咁，但成碗野都屬正常水平，特價就可以一試，正價就唔好了，唔值咁貴，除非佢大碗啲啦！不過食完呢碗野，成個人即刻降曬溫，好岩夏天食！

同友人系隔離食完晚飯 行左陣就想揾個地方坐下傾下計將軍澳呢間滿記唔算好大但裝修以杏色為主感覺好warm令人好放鬆等位都唔需要等好耐椰王紫米露燉蛋白(前)😀滿滿的紫米露 加上有小小西米 會有小小咬口又面的燉蛋白都算多每一啖都可以蛋白加紫米露好滿足 不過椰王比較細 所以好快食晒😛芒果小丸子(後)😀偷食左一啖成碗都系芒果汁再加上一大舊芒果雪糕同友人一路食一路傾計好快就傾到滿記收工但真系幾輕鬆舒服的一晚呀食物品質好過以前但係貴左小小

以前食滿記淨係記得佢有好多以芒果做主題既甜品原來依家已經有好多款比你揀食完飯既時間排，係超多人不過時間好快過，等左3個字都已經有位Menu已經唔同曬，多左好多款不過我揀左中式糖水，桑寄生蓮子蛋茶佢既甜度適中，不過係份量少左啲如果蓮子可以多番些少就會抵好多啦而朋友叫左個白雪仙草芋圓，做緊$29，好抵呀朋友話味道唔錯，不過份量都係偏少個抹茶彩虹既抹茶凍好正呀!!!下次可以一試如果你想食完飯，好飽但又想食番個糖水呢間係幾好推介....推介: /5