影片
更多
2024-09-04
2437 瀏覽
裝修咗好多個月終於都開張嘅滿山•台北，係近年難得有記憶嘅好味台灣餐廳，係新到連OpenRice都未有任何評價嘅餐廳😎 餐廳有早餐午餐下午茶同晚餐套餐，就算係晚餐套餐都係$100有找包嘢飲。餐飯食到中間已經一邊讚不絕口一邊喺度諗定下一次要試咩正嘢😋🍳綜合滷水拼盤 $98呢個拼盤一上枱真係嚇死你，大盤到根本唔似係套餐size。拼盤有豆腐（超級嫩）x2，雞翼x2，牛𦟌x2，腩片x2，金錢肚x2，一堆豬耳同半粒（好好食）溏心蛋。套餐可以配白飯或者地瓜米粉，仲可以加$6香菇肉燥，好入味又肥瘦適中，推薦推薦。🍍鳳梨甜酸里肌 $98見到基本上餐廳有一半枱嘅人都有叫呢碟餸，齋睇過餸名以為得鳳梨，想到枱先知道其實係大量新鮮水果。最令人驚訝嘅係佢嘅甜酸醬，並唔係一般咕嚕肉嗰種，而係真係有水果甜味。里肌外皮香脆，但係唔好意思，呢碟餸嘅精髓原來係啲水果，新鮮鳳梨甜到不得了，就連平時覺得冇乜味嘅火龍果，配上果香醬汁都昇華咗唔少，好出色。🍗金黃無骨鹽酥雞+蒜香麻辣豬耳朵 套餐價+$30/2款小食鹽酥雞炸得嫩滑，外皮唔會太厚。麻辣豬耳朵辣得過癮，但係不明所以地全部都係剪碎晒嘅豬耳，係碎到用筷子都唔係好夾到嘅程度，係
餐廳有早餐午餐下午茶同晚餐套餐，就算係晚餐套餐都係$100有找包嘢飲。餐飯食到中間已經一邊讚不絕口一邊喺度諗定下一次要試咩正嘢😋
🍳綜合滷水拼盤 $98
呢個拼盤一上枱真係嚇死你，大盤到根本唔似係套餐size。拼盤有豆腐（超級嫩）x2，雞翼x2，牛𦟌x2，腩片x2，金錢肚x2，一堆豬耳同半粒（好好食）溏心蛋。套餐可以配白飯或者地瓜米粉，仲可以加$6香菇肉燥，好入味又肥瘦適中，推薦推薦。
🍍鳳梨甜酸里肌 $98
見到基本上餐廳有一半枱嘅人都有叫呢碟餸，齋睇過餸名以為得鳳梨，想到枱先知道其實係大量新鮮水果。最令人驚訝嘅係佢嘅甜酸醬，並唔係一般咕嚕肉嗰種，而係真係有水果甜味。里肌外皮香脆，但係唔好意思，呢碟餸嘅精髓原來係啲水果，新鮮鳳梨甜到不得了，就連平時覺得冇乜味嘅火龍果，配上果香醬汁都昇華咗唔少，好出色。
🍗金黃無骨鹽酥雞+蒜香麻辣豬耳朵 套餐價+$30/2款小食
鹽酥雞炸得嫩滑，外皮唔會太厚。麻辣豬耳朵辣得過癮，但係不明所以地全部都係剪碎晒嘅豬耳，係碎到用筷子都唔係好夾到嘅程度，係唯一一樣要扣分嘅食物。
🥤山上濃香咖啡 & 心情好黑糖珍珠奶茶 套餐價+$8
咖啡偏淡，可以唔試。黑糖珍珠奶茶叫咗少甜，但仲係非常之甜，大概係出面珍珠奶茶舖嘅七成糖，建議可以叫走甜。下次試可能都未必會再加錢飲特飲，反正套餐都已經有六款飲品可以揀。
📝呢個post一開頭都講咗，近呢幾年食過嘅台灣餐廳好多都不過不失，但呢一間新開嘅滿山•台北真係令人眼前一亮，估計好快就會開始大排長龍，大家有興趣嘅要趁早試吓喇🥹
張貼
