影片
以上資料只供參考, 請與餐廳確認詳情
食評 (212)
自從而家周圍好多糖水之後好耐就無食過滿記糖水～ 喺新城市食完飯仲想傾計就上咗新城市七樓搵糖水食，冇咩特別驚喜但勝在坐低唔會俾人趕🤣🪄 薑汁鮮奶桃膠芋圓 （$49）薑汁幾夠濃～芋圓三款都幾多粒，食落算幾煙韌，整體唔算太甜幾好！份量都算正常～🪄 鮮奶桃膠銀耳芋圓 ($46)如果唔鍾意食薑味食呢個就會好啲，會有啲銀耳，有咬口啲！其他嗰啲同薑汁都差唔多～.一句總結⚡️糖水正常，但幾啱食飯後傾計坐下！滿記甜品📍沙田新城市廣場一期7樓704A號舖
繼續閱讀
沙田新城市廣場七樓的滿記甜品，是血拼後的療癒聖地。首推鎮店招牌「雪山椰汁紫米露仙草配雲呢嗱雪糕」，冷熱交織的創意搭配令人驚豔！溫熱的紫米露帶著椰香顆粒感，鋪上Q彈仙草與冰涼雪糕，一勺舀起同時感受綿密雪糕化開與紫米嚼勁，層次感在舌尖炸裂。另一經典「芒果白雪黑糯米」則以視覺取勝——金黃芒果瓣如花瓣綻放於乳白椰漿中，搭配燉煮軟糯的黑糯米，熱帶果香與椰奶醇厚完美平衡，冰沙質地更添清爽。特別欣賞店家選用芒果，甜度高而纖維細緻，與黑糯米形成絕妙軟硬對比。店內雖屬連鎖品牌卻維持現點現做水準，透明廚房飄散著慢火熬煮紫米的香氣，搭配簡約木質裝潢更顯溫馨。人均約50港幣即可享受高質感港式糖水，絕對是沙田區不容錯過的甜蜜據點！
繼續閱讀
有日跑完步好肚餓就走咗去沙田新城市食糖水，佢哋出咗新嘅開心果甜品，我就嗌你試吓，因為本身都好鍾意食開心果，佢哋啲碗都係凍食，雖然嗰日係有啲凍凍地，唔緊要啦咁就照食，食落去好香開心果好好味
繼續閱讀
今日去咗新城市廣場滿記食甜品 ，對佢哋嘅甜品抱有好大期待，點知卻好失望。首先講講雪山芒果西米露，芒果嘅味道幾乎無法識別，完全冇鮮甜感。就連芒果汁都平淡無奇，整體口感冇層次感，食完之後真係覺得無味。再講白雪仙草芋圓，呢道甜品嘅配料就更加令人失望。份量實在太細，碗又小，令人覺得唔夠誠意。半碗幾乎都係刨冰，呢個搭配真係冇意思。2碗＄102埋單，我覺得唔應該係呢個質素 ， 我去食嘢好少畀差評， 但係呢餐甜品真心差。
繼續閱讀
當日見唔到有榴槤班戟🤐 唯有點咗其他甜品，有榴槤涼粉 、芒果西米露之類嘅甜品。食物都係典型香港甜品味道，不過不失， 志在食飽飯有甜品食吓， 侍應態度都不錯 ，座位就坐得迫夾啲，香港寸金尺土，冇辦法啦。
繼續閱讀
您可能會有興趣的...