影片
港鐵香港大學站 B1 出口, 步行約5分鐘
繼續閱讀
營業時間
今日營業
15:30 - 00:00
星期一
全日休息
星期二至日
15:30 - 00:00
以上資料只供參考, 請與餐廳確認詳情
坐低睇餐牌，見到有款椰子糊嘅糖水，記得之前喺網上見有介紹過， 上網 check下，咁啱原來就係呢間甜品舖嘅出品 。 之前未食過，要試試。 叫咗一碗椰子糊 (加清心丸)， 另外要多一個仙草紫草園， 一凍一熱。椰子糊 (加清心丸)- 糊底超滑，夠杰身，有米香，味道清甜，加上淡淡椰香，入口滑喉非常舒服。 清心丸造得夠煙韌，夠滑，有咬口。但個人認為椰子糊配上湯丸，味道口慼會更好。食完熱嘅，再嚟咗碗凍嘅仙草紫草園 (黑糖水晶，紅荳，芋圓， 涼粉，紫薯雪糕)--材料大雜會，乜都有D 咁 。 所有料食落都正常，普普通通，無投訴但亦無驚喜。
繼續閱讀
平日晚上9時左右到達，不用等位。這裡的糖水整體偏甜，是舊式糖水的味道。用料很足，如果可以減糖會更好。如果你追求木瓜濃郁香甜的味道，可能會覺得木瓜比較淡，不知道跟季節有沒有關係，還是烹調時間不夠。椰子味很香，個人認為有點重澱粉，不過值得一試。部份清心丸很硬，有些則軟糯而帶點煙韌，可能是火喉控制不穩定，但質感好吃的佔80%。清心丸本身沒有出現在恆常menu，只有在店內才看得到，坐外面或外賣也許就錯過了，幸好有看食評～
繼續閱讀
想同大家講嘅，今次我去咗間好出色嘅食店，佢哋嘅豆花簡直係彈牙又滑嘅天下！喺呢度試咗兩款嘢飲，每款都係令人回味嘅正！第一款「豆花紫花園」，嚟到個滿滿的香滑，豆花軟熟得嚟保持得好有嚼頭。嗰啲黑糖珍珠，甜甜地啊，一啖咬落去就知有料到哂！搞到我都唔知係喺食芋頭定係喺食雲朵！😋第二碗「愛玉紫玉園」，齋講愛玉嘅嫩滑就已經攞晒全場嘅掌聲！加上芋圓邊Q邊腍，真係幫到個豆花食得更加有層次。不過提提你，個愛玉加咗少少冰沙進去，食落涼快過人嘅心口，啱哂夏天嘅天氣。😍而間店嘅感覺呢，就係紮實嘅老字號嗰種。食住啲豆花，四圍望望，整體感覺就係暖籠籠，有啲親切感。絕對係個中繼一族都會袋袋平安鐘意嘅好地方。哈哈，下次我仲會帶多啲朋友黎試吓其他款。太正喇，真心不騙！🤤🥄🌈
繼續閱讀
話說朝早碌手機個陣見到有媒體介紹🥥椰子糊~杏仁糊、芝麻糊就食得多，開心果糊都食過，但🥥椰子糊真係未食過，所以即刻save低睇幾時來食😎點知夜晚同同事係堅尼地城食飯講起，大家都有興趣，所以決定go go go，食飽再去食糖水😝去到餐廳已經差唔多十點，門口好多人😳諗住有排等啦，點知咁岩三位可以入得，唔洗等😏餐廳地方淺窄，一眼睇晒~枱仔得幾張，但勝在裝飾幾有心思，幾懷舊😚一坐低唔洗睇餐牌已經叫得😎🥥椰子糊！！！🥥椰子糊 ($25+ $8)本身椰子糊係熱食，但上枱時只係暖暖地，唔會好熱😗睇媒體介紹，原來椰子糊由泰國椰絲、晚造糯米同冰糖製成，工序頗多😳食落幾清新，淡淡嘅🥥椰子味，唔會好濃，又唔會好膩，真心唔錯😋但食左兩啖，硬係覺得差少少野，見佢有清心丸，就額外加一份清心丸了😎清心丸軟滑煙韌，幾得意，加埋落椰子糊，冇得頂👍最後埋單，一碗 $33，非常抵食😏🍴食物特別又高質，💁♀️服務正正常常~但唔係度度都有得食椰子糊，所以絕對會再來😚
繼續閱讀
今日嚟到呢度附近好出名嘅甜品店，好開心嘅就係我聞到佢哋煮清心丸，清心丸其實係潮州嘢嚟嘅，依家呢個世代好似好少有人煮，呢種味道令我諗起細細個嘅時候喺南北行嘅鋪頭食呢種甜品嘅味道，所以係有大量感情分❤️嘅！我即刻同老闆落order，其實佢話大部份甜品都可以加清心丸嘅！最後我就揀咗呢度出名嘅陳皮紅豆沙。咁陳皮紅豆沙呢就真係好細，同埋有沙，甜度亦都適中，清心丸呢，我就覺得大粒咗啲，可以切細少少，同埋可以煮林啲。
繼續閱讀