影片
以上資料只供參考, 請與餐廳確認詳情
公眾假期過嚟食，啲米線好腍唔知點解可以咁差已經有食客反映咗好多次但係好似都冇改善…豬軟骨都OK其他嘢就麻麻地衛生情況都正常，但係店員嘅服務就好麻麻哋冇咩事都唔使再嚟幫襯。真係要警告下附近啲街坊唔好再嚟食，因為其實性價比好低。新蒲崗附近都有好多其他好食啲嘅選擇，所以其實唔需要再嚟呢間食。佢選擇係多，但係唔係好多樣嘢都好味，所以其實唔使試因為米線本身就係富靈魂，但係都做得唔好….雖然個湯係正常，但係整體體驗都麻麻哋！
繼續閱讀
平時見到呢間午餐晚餐都多人，今次七點幾行過見到冇人排隊就入去試吓。本身自己都鍾情水晶粉，所以都係必要之選😆豬大腸+腩肉+水晶粉（中辣）豬大腸都整得幾乾淨👍🏻冇咗啲肥食得舒服好多😄腩肉正正常常，中辣都幾辣😂最好味係啲肉碎同芽菜🤭🤭豬紅+炸醬+蕃茄湯水晶粉（小辣）豬紅好有豬紅味好彈牙😂 炸醬一般般，蕃茄湯好臭😂嗰幾件蕃茄應該係烚一圾就放落去，所以好硬。加咗個秘製豬頸肉小食佢唔係燒嘅豬頸肉，係炸完再切片，所以普普通通，不過不失。另外周年紀念食滿$130送小食（醉雞翼尖）不過浸得唔夠耐冇乜味😂😂😂唯一要讚吓個姐姐，收銀又係佢，執枱又係佢，落單又係佢，外賣又係佢，攞籌又係佢，出餐又係佢，一腳踢服務態度仲好好，真係抵讚😊👍🏻👍🏻
繼續閱讀
話說我上次憤然離開從心素食之後，唯有通街搵食。琴日見呢間滇二哥米線好似有位，就入去。阿姐黎手就招呼我坐係廚房門口，係我進食期間，仲撞左我兩次𠻹。我雖然算食得小辣，但為保險，嗌左個蕃茄湯底37蚊包一餸（幾碎片椰菜+清新幾瓣蕃茄），之後就每餸8蚊/9蚊。至於我嗌左其他咩餸你地自己睇圖。上到枱，拍照存檔，你地睇圖，嘩，又大又整齊，以為我食得好飽？ No way!!!!!豆卜係骰子兩倍大，對半cut出二變六，好似耶穌行神蹟咁，充分製造出三卜六粒既抵食假象。喂，我識條鐵咩？大拿拿9蚊豆卜，當然要細心為顧客cut開，照顧你既櫻桃小嘴，足見店家貼心之處。另外，米線太長，係好難進食既，於是店家又再行神蹟，米線就碎成1-2cm啦，啱架啦。嗱，我人好均真，佢個蕃茄湯底係ok，但價錢絕對bad.仲要熱飲加8蚊。我埋單都55蚊，叫埋杯野飲就真係我喊你笑。我大概係1點幾埋單，結果2點幾就空虛……
繼續閱讀
去開新蒲崗，作為米線迷，路過米線舖就入去幫襯下。門面其實麻麻地吸引，不過search過open rice，見有人話米線關注組推介過，亦有人話普普通通，米線有咁多種門派，各花入各眼，所以要自己試過先知係咪岩自己嘅餐牌同一般雲南米線舖嘅格式類同，例牌叫酸辣米線再加配料菜心腩肉酸辣米線 微辣湯底唔係好濃厚嗰種，比較稀，for我會覺得太單薄。已經係叫微辣，但個辣都幾搶喉，麻麻地。米線幾林，軟硬適中.配料方面，芽菜韮菜都尚算夠，但肉碎同酸菜就比較少，我超中意食酸菜，個份量完全唔夠喉，不過咁啱佢嘅酸菜好好好酸，唔係我喜歡嗰種味道，所以好彩得好少😂.餸菜黎講呢，腩肉係出色嘅，入味，味道適中，唔會太咸太淡。腩肉會有啲肥肉同皮，但整得幾好味，唔會膩。菜心就純粹想健康少少先叫，唔林，that’s all😅奶茶加$8，少冰左都幾多冰，味道偏甜，比較多奶，冇咩茶味賣單$57，晚餐，差唔多價錢啦.整體評價只可以話不過不失，無咩特別，for填飽肚嘅一餐
繼續閱讀
睇show前快食晚餐，揀咗依間雲南米線店🥢小店都幾受街坊歡迎，keep住有人嚟食嘢買外賣～～✴️腩肉清湯酸辣紅薯粉✴️腩肉厚薄適中，肥肉同瘦肉相間，不過腩肉自帶辣味，有時候唔小心會俾啲辣味啃親，唔食得辣嘅朋友要注意⚠️✴️雞絲豬潤酸辣湯紅薯粉✴️酸辣湯叫咗微辣，不過湯底酸度唔高，酸菜份量都比較少，較可惜☹️豬潤熟度剛好，中間啱啱好熟👍🏻雞絲就正正常常，索滿湯就唔會好乾柴～紅薯粉質地Q彈，令人不經不覺就食哂成碗🙈
繼續閱讀
您可能會有興趣的...