湯米男孩 (已結業)

咖啡味道香濃，各款飲品都好味。但要留意，買招牌冰咖啡要趁早，因為好快賣晒，我買5次，有3次都售罄。平均一杯$25，但味道似cafe至少$40一杯的飲品！極推介之性價比高飲品店~…查看更多

我用網上外賣平台落單的公司一共嗌左六杯飲品我點左青梅子綠茶，因為比較少見超好味，比我想像中更好飲，店舖係放兩粒大青梅（好事成雙😆）呢點好驚喜，非常讚！真係價廉物美外賣員又好貼心用冰袋裝住飲品送餐，以防味道有變，呢點好貼心❤️一定會再回購的👍🏻 …查看更多

呢到附近冇咩飲品店收工心血來潮 巴士又未到🧐就買杯試下啦.order左黑糖珍珠厚鮮奶價錢都比市面上平 先$24珍珠都好彈牙不過黑糖就少d 冇咁濃味.Waiter都好nice 問要唔要幫你開埋見佢地都有好多外賣單都幾好生意 keep到咁既服務 都唔錯啦…查看更多

行開過黎渴渴地 見到有間飲品店 價錢又抵 就叫左杯海鹽芝士奶蓋（$23）以商場黎講 依家價錢真心抵 出面起碼$30以上既奶蓋同黑糖珍珠奶茶 依度$25左右已經買到杯 可能因為係屋邨商場吧 位置上是幾易搵 係正商場最低既一層 份量方面 依杯野既size係大 以$23依個價錢真心係抵上抵 味道方面 奶蓋係厚既 而海鹽芝士味道也相當突出 唔會淡而無味 因為本身飲開少甜少冰 所以叫左杯野係少甜少冰 但飲落奶茶依舊偏甜 不過味道是不錯的整體黎講 依間野係真心抵同唔錯 …查看更多

夏日熱辣辣，一杯凍野真係救命既生命之源。叫左杯果茶系列既青梅綠茶。味道甜甜酸酸，有少少似酸梅湯。大熱天時飲真係超級消暑又開胃。飲完開蓋食埋兩粒青梅，感覺非常清爽。屋邨小店既格局同價錢，店面望落都乾淨企理。呢個年代飲杯台式飲品郁啲都要30蚊，呢度18蚊杯算非常良心價，冇得挑剔啦。…查看更多