湯加 (黃埔天地)

營業中

休息中

一個人的early dinner…….剛過了tea time, 又想坐下吃些東西攝時間。見這裏門口的餐牌只是5/60 一位的晚餐，便進去試下。點了一個鮮茄牛肉豬潤 配三色飯三色飯——同白飯分別不大，得幾粒唔同色 鮮茄豬膶牛肉——蕃茄比較生，煮耐一點就好，牛肉幾滑，豬膶冇內臟腥臭味，但比較鞋，湯底好味。個食物木托盤好污糟，跟本不敢放餐具上去。好心餐廳係懶嘅就用返啲易洗嘅質料。櫃入面啲餐具係乾淨嘅。服務：唔好預有服務，任何嘢都自己拎。好難叫到服務員，佢地會自己坐埋一邊傾計玩電話，可能剛過下午茶未到晚市抖一抖。但啲姐姐語氣好，都Nice 的。加埋杯熱飲+$5 承惠 $56 Ok 啦， 因為價錢唔貴同味道ok , 應該會再幫襯。希望可改善枱面托盤衞生。

夜晚食飯叫外賣，諗起好多日冇飲湯，於是係湯加外賣蟲草花花膠魚肚燉雞湯配淮山麵，加個椒鹽豆腐做晚餐。首先個蟲草花花膠魚肚燉雞湯真係幾正😋湯料好豐富，花膠一大塊，魚肚亦有兩三件，花膠同魚肚都幾厚，入口軟身，又唔會煲到冇晒膠感，湯都幾鮮甜，亦飲得岀膠質豐富，但蟲草花味唔算太濃。個湯原本係配飯$89 ，改配淮山麵加$4。湯飯食得多，又見淮山麵幾特別，唔係度度有，所以改梨試吓。感覺似拉麵，唔係彈牙但唔會一咬就散，單獨食係冇乜味道，配埋湯就幾好食。份量都幾多，一個人食唔晒。另外加咗個椒鹽豆腐，外賣膠盒焗到淋晒，豆腐唔脆口，呢方面都明白嘅。但椒鹽唔均勻就講唔過了，一件冇味，另一件就勁咸，而且唔熱，豆腐內唔滑，食咗兩件已唔想食了。花膠湯係正，下次會再買，但椒鹽豆腐，不了。

店內有1名身穿藍色工服+矮小+肥+束起頭髮+帶眼鏡 既啊嬸，佢大多數返早班，對客人說話態度極不有善，落單經常落錯，鍾意向客人既親屬打小報告，干涉別人私事，全部員工得呢1位大嬸有問題，大家如果同佢接觸過就知道我講咩，已經忍佢好多次，所以先係度投訴呢位啊嬸！

當日點了鴨腿湯飯套餐，食一次會令你畢生回味，冬瓜鴨腿湯飯，個湯可以整到又冇冬瓜又冇鴨味，有嘅只係眼淚嘅鹹味，可見當中的廚師功力極之深厚，令人敬佩，原來這道菜可以做到咁難食。

天氣凍好想食暖笠笠既湯飯，叫左個胡椒豬肚味菜湯飯。胡椒味濃但不會嗆，食落係少少辣，但係都可以接受到既辣度。豬肚份量都幾多，都易咬。不過太大條，所以可以切細少少就更好。飯唔知係咪因為外賣關係，就咁食有少少淋，不過加埋落到就冇咩問題~

晚市walk in黎到..入面都已經8成滿座..好多人食緊麵😳😳雞肉片魚腐淮山麵 ($48)等左5-10分鍾左右就有得食喇😉蕃茄湯底酸酸地 易入口🤗都有ok多雞肉片 食到好飽飽..🙂但魚腐就有d腥😅😅幾清淡🤤🤤間唔中清淡下都幾開心✌️✌️

湯加* Soup Plus下班後跟伴侶到黃埔食飯，本來目標是某間常去餐廳，正準備拎飛等位時，見到這間餐廳（原鋪是哪一家已經沒印象）。望一望menu，感覺不錯呢～而且價錢非常合理，最重要是我看到一人一鍋的「水煮魚」🤪（誰叫我身邊這位人兄不吃辣呢）。餐廳另一賣點是，米飯可以自由選擇，白飯，藜麥飯，三色飯，還有麵類可自由選擇，仲有燉湯數款（可跟轉套餐）我們各自點了自己想吃的，餐飲方面，選擇了▫️麻辣水煮黑魚片 ▫️唐芹老干媽滑雞▫️黑糖涼粉奶茶▫️椒鹽多春魚又多一間屋企附近可以經常去的餐廳了～👍

放假到黃埔行街，正值午市人潮不斷，周圍嘅餐廳都好多人等位，而且天氣又熱又曬，淨係想快快趣入座嘆冷氣。見呢間餐廳冇人排隊，所以就入左湯加啦！搵到一張吉枱，但可能放飯時間，無姐姐執枱，等咗一陣先有人過黎執拾。睇左Menu先發覺，原來呢間餐廳主打養生住家菜，難怪周圍嘅食客，都係中年婦人或者老人家，可能貪有家的味道？揀咗一陣，最後都係嗌左穩穩陣陣嘅自選米線餐，豬扒鮮牛肉芫荽酸辣米線。湯底都比一般嘅酸辣湯較為清淡，芫荽份量都幾多，但好硬，明顯未烚得淋，老人家應該食唔到，鮮牛肉食得出落咗好多鬆肉粉，但我個人對鬆肉粉冇乜抗拒，所以都OK，豬扒都尚算juicy，可以接受。不過不失嘅一餐，但唔太啱口味，下次都係做定功課，乖乖地排隊啦！

屋企無煮飯本來想去詠黎園，等緊位逛個圈見到呢間湯加屋企人話不如試吓，坐低都發覺有小小唔對路，成間鋪得兩個樓面，枱又無人執，叫咗兩次總算有人執枱就算，睇餐牌牌揀完嘢食又叫一輪先有人落單，屋企人叫果個算幾快就送到，我叫果就個就嚟錯咗，送餐個大媽啲語氣都幾無禮貌地質疑係我嗌錯，唔通我自己食咩都唔知？就算我嗌錯有需要咁無禮貌去對待客人？我唔係俾小小錢要求貴賓式服務，但係最小唔好俾氣我受！食完餐飯埋單張單都仲係錯嘅，埋完單上網再查吓呢間嘢咩料先發覺原來仲要係藍店，下次真係請都唔食！

劣食分享🤢🤮🤮誤闖藍店 後悔一生🤮呢兜叫做黃酒煮雞我諗住食飯叫雞應該係最safe嘅選項掛哇吊🤮🤮🤮佢啲雞煲到過曬籠皺曬皮啲肉鞋過我塊腳皮肉又少骨又多斬又斬得衰拮到我條脷呢🤮🤮🤮猶幸個湯都有少少黃酒味跟住到個飯諗住健康啲嗌個藜麥飯一嚟個飯好似審鼻屎咁得兩粒啲飯又硬又削又冇香味好似食緊監躉飯咁一路原則上啲口水係撈唔入個飯度我最後要成兜湯倒曬落去浸飯bb咁食先勉強吞曬鬼叫我又窮又肚餓😪😪😪

第一次食，本來幾滿意，飲到底竟然見碗內有烏蠅，好噁心，不再幫襯。而且我要萵筍，但外賣入了蘿蔔，可見廚房衛生有問題及員工做事不認真，絕對無下一次。大家自己諗諗仲敢唔敢飲烏蠅湯。

黃埔 湯加 最近去咗黃埔返幾日工 係黃埔天地附近唔算好多野食今次我揀咗湯加 但我唔係食湯飯😂個人比較喜歡食米線 但因為今日星期六冇下午茶 咁就叫咗個自選兩餸湯麵$49 包嘢飲🙂🙂我揀咗滑牛肉同三角魚腐 菜心 配米線 滑牛肉好淋 唔會好硬 又唔會好老三角魚腐 好好食 😋 但係唯獨啲菜心有啲淋☹️☹️☹️我個人就好鍾意咁飲會魚湯 好鮮甜 好好味🤤🤤🤤🤤🤤🤤米線份量都足夠嘅 而如果叫飯嘅話可以堂食咁加 大食嘅都建議叫飯🤓🤓

湯加之前行過一直已經好想試， 半開放式設計 覺得環境都幾 新淨光猛又標榜健康，揀咗個卡位坐， 放個背包 ，阿女同我一齊坐一邊卡位已經好迫。肥老公就夾住個肚腩，搞笑..雞肉片魚腐淮山麵轉刀削烏冬加$4， 魚湯底份量少， 分咗畀阿女得返幾條麵。沙茶牛肉公仔麵配雞脆薯條 雞槌耳骨肉分離 ，阿女方便咬，薯條脆卜卜。 沙茶醬無咩味，好淡，真係好健康，腐皮墨魚卷米粉，好淡味。冇地瓜餅又唔出聲，自動轉咗雞搥薯條，最後唔夠飽，唯有叫多個薑絲豬潤飯， 連薑絲都可以冇味 真係厲害， 可免費加白飯或三色飯。

剛剛同老婆喺GH Whampoa 睇完戲，近近地去左隔離既天地美食坊開餐，美食坊選擇好多，但我們不太餓就擇左湯加食麵。海鮮淮山麵餐 $53 海鮮淮山麵配鮮魚湯，海鮮份量出奇地足，與相中的一樣，淮山麵爽口，湯底有淡淡既魚湯味，不錯。跟餐有杯熱銀菊蜜，好清熱潤喉。蟲草花花膠魚肚燉雞配米線 $75 咁既價錢，估唔到咁足料，花膠魚肚各有兩大塊，但雞湯比較油膩，要自行去掉油才能飲用，米線一大碗，但煮到有點過火，淋淋地。

第一次食，朋友介紹朋友話個湯好飲，所以我就下午茶時段嚟，開頭鋪頭得兩位客人我仲猶豫緊係唔係休息緊😂之後就有員工帶我入去，員工服務態度好好😊😊點完餐佢會同我講多謝👍🏻👍🏻咗叫一個$45嘅自選餐兩餸一菜，魚湯底米線包熱飲。下午茶其實有啲30幾蚊嘅👍🏻嗰日好肚餓所以想食大碗啲，想了解餐單可以留意下面啲相😆豬肚有成六件大大件🥰🥰三角形嘅魚腐都有四至五件，平均都幾好食👍🏻娃娃菜份量都好多😆米線大碗到淨係食到一半份量，下次會叫佢小米🙂🙂魚湯就真係好好飲好有魚味❤️❤️飲晒啲湯都唔會口渴😍😍