湯。雞

營業中

休息中

總評：冇嘢揀，可以再去……但又唔會專登去食叫咗佢最signature嘅花膠鮑魚雞湯飯湯底夠味，雞肉嫩滑花膠都算大件……不過，收得一百幾十蚊……你又唔好以為會係靚花膠……其實同食豬皮差唔多……美中不足嘅係……碗嘢嚟到……佢竟然比漏咗鮑魚….. 而且，成個餐入面，只係得一隻好細嘅鮑魚……係有少少失望！所以，整體來說……個名就好矜貴，其實就冇乜貴價嘢，不過勝在，火候控制得唔錯……味道都可以！蒜泥白肉……味道都幾酸，唔建議！.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

葵廣通常大家去都係掃街多但呢間黃店砂鍋雞麵都好受歡迎💛聽個名都知間餐廳有咩出名😹因為嚟到都有少少夜，賣哂招牌花膠，唔緊要啦都叫左2個麵同大家介紹下🥳❣️砂鍋姬松茸蟲草花螺頭花菇雞 配刀削麵($75)因為所有嘅麵都係用砂鍋上，所以非常之熱辣辣🔥呢個麵個湯超！級！濃！郁！好香好香姬松茸味😍仲要狂飲都唔會口渴，飲得出係真材實料😚都有唔少花菇同姬松茸🥰刀削麵厚度適中，份量都ok!其實仲可以配飯，米線，米粉，淮山麵，銀針粉，好多選擇😂但係啲雞略嫌冇咩醃過，好似冇咩味🤨但係都滑嘅，有雞翼，整體唔錯😋❣️ 砂鍋雞湯翅 配刀削麵($68)飲左上一個嘅湯呢，呢個就比較之下淡左少少🤏但同個麵無關，呢個湯都係非常濃郁嘅雞湯！咁雞味同菇味比係冇咁出嘅🤣呢個雞湯都係冇味精🥰仲食到唔少魚翅😙可惜賣哂花膠啦🥺雞肉都係同上面嗰個一樣，冇咩醃過咁😂不過都係熱辣辣，好養生的感覺🥳下次嚟葵廣，可以試下唔好淨係掃街😝姬松茸嗰個真係十分推薦😚😚其實仲有好多小食好似好吸引，下次可以再黎試下🫶回頭率：4.5/5

由呢間鋪初開張到而加都食過唔少過廿次，終於的起心肝寫返個食評比佢砂鍋雞湯翅米線加$7 轉雞脾成碗砂鍋拎到枱係熱辣辣，最鍾意飲熱湯相似既雞湯米線專門店都食過幾間，都係覺得呢間既雞湯最正，呢種雞湯既黃色睇得出煲得好夠火喉，見到有放金華火腿，煲出黎係好濃郁好正既雞湯味，飲完都唔會口渴，女人飲完特別覺得滋補又有益雞脾係好滑好嫩口，好好食翅既份量都唔少，有幾舊另外之前食過既醉燻蹄，溏心蛋都好正。鑽石蜆都好鮮甜又大隻，加埋粉絲食一流有段時間，呢間小店係我一個人既飯堂CP值高，超好食，湯又好飲，又補又健康，女人既恩物

見到好多人排隊,  唔知係咪天氣凍,  個個都想食雞湯2條友都想係想食, 砂鍋花膠雞湯翅個湯底有金華火腿味,  不過花膠比想像中薄湯底有少少偏鹹, 不過親淮山麵都OK一定要一啖湯加D面先得

-{葵廣雞湯麵🍜}🤤砂鍋花膠雞湯🤤 ($78)熱辣辣😚望落碗麵唔太吸引但有內涵的🤓好重雞味而且飲完唔口渴🤣雞件叫左雞胸 有5件加雞翼😉唔算好韌口😌花膠有3大塊咁多😍好多膠質☺️而麵係紅薯粉塊夠彈😛👖褲評: 8/10朋友嘅雲吞我就覺得正正常常喇 比較推薦花膠雞🙏依度要堂食嘅選擇唔多 依度都算高質😉性價比: 7.5/10服務: 8/10環境: 7.5/10🚩 #湯。雞 🚩地址: 葵芳葵富路7-11號葵涌廣場3樓302A號舖#fuudjai #fuudjai葵芳 #fuudjai港式

之前係葵芳附近嗌外賣，見網上宣傳過湯雞既醉雞米粉，就諗住試一試。感覺上餐廳為迎合附近既學生、中年及老年人而將味道調淡左，變相酒味不突出。同時雞件數量略少，間唔時食下則可。

成日見到里間鋪頭好多人排隊，尋日放工見到又唔係太多人，所以就同老公入左去食☺️之後我就叫左個砂鍋姬松茸蟲草花螺肉花菇雞米線🍜，老公就叫左個砂鍋水煮雞湯米線😅我里個係感嘅👇🏻👇🏻👇🏻我覺得正常味道，買相同張相有少少出入丫😅不過我食到，啲螺肉好似有沙😵‍💫⋯⋯老公個一個係感👇🏻👇🏻佢就話，味道正常嘅，同好辣😅總括來說，味道一般，性價比唔高😅

砂鍋花膠雞湯翅材料非常之豐富，包括有: 花膠，魚翅，魚唇，金華火腿因為個湯底有金華火腿嘅關係成個湯底嘅味道都昇華左唔少不過可能落得太多金華火腿，湯底偏鹹但係本身淮山麵係比較淡味所以一啖湯，一啖面就最適合砂鍋姬松茸蟲草花螺頭花膠菇雞材料有: 姬松茸，蟲草花，螺頭，花菇呢個湯底就相對上比較鮮甜，味道啱啱好再配上刀削麵，簡直一流兩個湯底都有一定份量嘅雞肉初初以為雞湯湯底可能啲雞肉會比較老但係今次食落去，啲雞肉都相對滑身另外，再叫咗一個醉鴨舌因為落咗桂花同杞子嘅關係所以鴨舌味道有少少甜但係食落口都幾爽口彈牙

之前經開葵芳已經想食呢一間，次次都排隊所以冇食，今次晏晝見到唔使排隊有機會試啦，叫咗藥膳醉雞粉絲，味道清甜有少少甜，藥膳味道恰到好處，唔會太苦，又唔會太鹹👍🏻👍🏻👍🏻

葵廣3樓有好嘢食推介！！1️⃣砂鍋花膠雞湯翅 配 新竹米粉（$78）首先飲一啖雞湯，雞味好濃，但又唔會好鹹，好有養身嘅感覺， 正👍🏻👍🏻。在攪一攪個湯底，有三大片花膠，雖然唔會期待係咩名貴材料，但食落好滑又淋，非常好食😋而雞件都係正常發揮，冇話特別滑🤔亦都發現一粒粒嘅翅同埋火腿，味道就無咩，可能個味係煲咗出個湯底到。建議配合新竹米粉食，因為米粉索晒湯底嘅味，非常有味道😎😎2️⃣砂鍋姬松茸蟲草花螺頭花菇 配 淮山麵（$75）相比起呢個湯底濃好多同比較鹹，但亦睇得出佢落咗好多姬松茸、花菇同螺頭，相信係湯底濃嘅原因😆如果鍾意食菇類嘅朋友可能都會鍾意😋而呢個湯底亦都有配雞件，同樣唔夠滑。淮山麵方面，就較米粉飽肚，同埋比較有口感。📍總結：-係呢個價錢來講，花膠雞湯翅真係好優秀👍🏻👍🏻-欣賞佢有唔同湯底之餘，亦有唔同麵類可以選擇👍🏻仲有飯揀㗎！-見到小食都有好多款式，下次可以試一下😋不過其實一個鍋都真係好夠飽🤣

香港人好多人都鐘意飲湯，我都唔例外，去開葵芳都知，基本上間間食肆都咁多人，星期五六日仲多，但除左掃街之外，試下新野就係去飲湯，係香港地食好野緊係要排隊，第一次去飲雪梨椰子雞，唔錯清甜，仲有半舊雪梨添，飲哂成碗湯都仲得。但今次再去仲要好多人排隊，點知換來一個字「死咸」，其實我要飲湯唔使落鹽都得，第一碗上次飲過既椰子雞，根本椰子雞椰青/水底，鹽仲要落？係同上次唔同左，一半咸味，雪梨基本上唔見，第二碗花膠雞湯翅只有咸味，本身湯味無曬….難怪飲湯仲有咁多人飲汽水，無下次了…湯既野唔落鹽，等客自己落仲好。搞成咁有d sad…所以先前見到其他會員話超級咸真係無錯…估唔到咸味持續幾個月，下次排隊食飯前都係睇下會員評價先再排隊都未遲。

見雞選擇都有幾款，到會可以叫多d!雲吞原粒原汁有蝦圓碌碌👍🏻👍🏻 唔錯。不過份量有d 少。雞湯有兩碗，幾好飲，唔算好重味精。雲吞雞分開上。刀削麵底都ok, 唔會痴牙太硬。醉雞比較濃味，都幾入味，醉三寶係堅唔錯！醉雞都入味，推介！肥美又軟熟幾好。麻辣墨魚頭，幾好，不過真係頭咩？爽口彈牙勁好食！入味！豬手飯，但係隻辣普通。醉雞同小食個隻麻辣就好食d.尖椒涼拌皮蛋，辣辣地，但唔夠多尖椒。不過味道都ok.

一個月之前買過一次午飯外賣，覺得味道不錯， 湯內的食材也有驚喜， 因此今晚晚餐再去一試， 今次叫了雞刀削麵， 外賣收左我3 蚊， 老闆說是分開麵 ， 湯， 雞3 個盒， 所以收3 蚊。點知最後又話唔夠盒， 將湯分左兩個細盒， d 雞同麵放埋一齊， d 麵因為雞都變淋左，雞同麵都少左， 雞得4 舊， 仲要有一舊係頸位….老闆仲好識包裝， 話咁係比多左湯我， 盒錢都係3 個盒…..結果是 湯很咸， 雞很少， 翅和火腿粒只有兩細片和兩粒。總結是比之前差了很多…

呢間聽唔同朋友都有介紹過，終於到我有機會都試下我同同事Lunch時間去食，座位比較少所以等左一陣，老細超好禮貌叫我地行下再返去點都會記得我地！大概20分鐘左右有位！桃膠椰子雞淮山麵 $69呢碗全部都係雞胸，啲肉都好「鞋」。湯都好重味，有點鹹。但藥材既味道都好出，配埋淮山麵都好開胃桃膠都係好少量，好少係點綴下咁藥膳醉雞米粉 $7x藥膳味同醉雞味都好夾，唔會搶走大家既味反而呢碗雞件份量相對多，但真係有個唔好地方，啲雞骨好碎令到啲湯同米粉都會勾到雞骨，進食既時候真係要小心睇住呢碗都係一樣比較鹹，食完要飲好多水下次可以叫佢少鹽，唔係真係食唔到

每次行葵廣都會想試下呢間嘢，今日就放棄曬其他垃雜嘢食湯雞店舖位置唔算大，但勝在檯與檯之間間隔唔太密，坐得比較舒服。選擇主要係藥膳同雞湯為主我地叫佐個砂鍋姬松茸蟲草花螺頭花菇雞刀削麵，同藥膳醉雞淮山面。兩個相對比我會比較喜歡前者嘅湯底同面，湯底味道鮮甜，一口氣飲佐2碗，面都可以吸到湯底嘅味回味指數五粒星🌟🌟🌟🌟🌟藥膳醉雞味道都可以，但最為驚人嘅係佢嘅雞，一啖咬落去真係好滑連埋雞皮同軟骨一齊食仲會有種爽口嘅感覺，真係被驚艷到大家行開葵芳嘅真係值得一試，下次會再去試埋個砂鍋花膠雞