影片
當日星期一，媽咪中午約了一班疫情前至今無見幾年嘅朋友到太古城飲茶，所以，她不想煮晚飯，提議走到屯門良景廣場新開的中菜館 <湘川滬>，還叫埋住附近的大表姐一起5人行晚飯！爸爸媽咪約 7:00 先入座，無需等位。餐牌第二次幫襯正是冬至做節！媽咪又懶得煮飯，所以，又走來這裡食，順便叫埋大表姐！散叫點菜，大致上相同菜色，另點了鱔瑚！我媽咪一來論盡，二來茶杯設計上闊下窄易倒瀉！ 媽咪不小心倒瀉我杯茶，枱布、我條裙、手袋、手袋內的手機套都濕哂！恰巧！傳菜阿姐經過見到，轉頭拿了一塊摺好的枱布給我墊枱！食到尾聲，有位女店員可能見到媽咪是長者，便問她要唔要鴨骨？拿回家後，媽咪玩手撕鴨，還有好多肉呢！4人套餐 優惠價 $938 原價 $1,148水晶肴肉、蒜泥白肉、海蜇、青瓜木耳水晶肴肉：頂頭的啫喱凍，入口好似是啫喱質感，口味是酸香醒胃的黑醋，令人開胃！蒜泥白肉：對我來說有點辣，粉皮晶瑩煙韌！海蜇：充滿麻油香味，口感爽脆帶嚼勁！青瓜木耳：酸香醒胃又清爽！淮山螺頭燉唐排 平均每人可飲兩碗仔，我們5人都一致認為湯水重口味！配料包括：豬肉、排骨、雞腳、杞子...等，都幾多料！松鼠海鱸魚媽咪目測大約一公斤，足夠我們的份量！這道菜式多功夫又複雜，所以，媽咪一定做不到！ 香脆的外層，鎖住魚汁及保質，酸甜惹味，色香味倶全！還有松子，都不能錯過！北京填鴨師傅刀功好，把片皮鴨片得好薄，薄如紙的薄餅皮包住﹐鴨皮配上京蔥、甜醬別有風味！小籠包我是等他們食剩唔食，我才食，外皮已變硬一點！內裡的肉汁依然豐盈！花膠鵝掌生菜膽鵝掌炆得夠腍！蝦蟹菜粒炒飯炒飯炒得乾身香口！木瓜雪耳糖水清甜滋潤！高力豆沙即叫即炸，香噴噴熱辣辣，口感鬆軟，因應個人喜好而自行加上適量糖粉，內裡的豆沙餡雖然唔多，卻是恰到好處！否則會覺得好膩！
繼續閱讀
黑雨飲茶，這一間是有多國菜加少少川菜選擇種類確實比較多，上海粗炒再加其他點心，感覺上即刻豐富再叫多咗鹹水角，腸粉，相信點心是現場即制的，每一款都有肉汁，為咗配合屋村文化都相對比較大份如果係一家大細，這個份量我都覺得比較合適，菜苗餃皮薄多菜苗有少量肉肉汁呢個值得推介，蘿蔔糕都煎得比較香，上海粗炒即叫即炒的上枱時都仲係熱辣辣
繼續閱讀
酸菜魚幾出色小鱸魚炸完起肉魚肉厚實細膩家裡有人喜歡食魚頭魚尾冇浸過湯金黃香脆配料有好多萵筍寬粉就唔多又過淋湯同調味恰到好處唔食酸菜唔評論下次試下水煮魚炒飯大碟炒功中上蝦仁唔多但有鮮味餐牌竟然有蜜餞金蠔蠔身約尾指大小蠔味就隻隻唔同某些十分濃郁烹煮及調味都有用心選材有進步空間家常菜系XO醬小炒蝦球鮮爽啖啖肉老少咸宜份量配合價位小籠包雞絲粉皮葱油海蜇用料及調味合乎期望川式自選干鍋夠香辣適合嗜辣人士辣椒花椒葱白香氣共冶一爐有熱爐保温見細心配料有很多椰菜花和蓮藕片雞和田雞份量卻不多喧賓奪主是晚點餐份量適合5人打包了三份一為颱風做點準備翌日真的掛起了十號風另外有冇大大食過這家鱔糊值得一試嗎?
繼續閱讀
平時工作忙都少陪屋企人，難得陪屋企人食飯就想食好少少。入開屯門拜山發現良景開左湘川滬分店，平時食開天水圍分店，所以都有信心。今次係屯門食水準同天水圍差不多。 細佬最愛既水煮魚都有叫，都係比較正宗四川風味，怕辣的話要叫小辣🌶底下d薯粉吸滿湯汁超邪惡😈小籠包都係一樣皮薄爆汁。另外見到有臭豆腐，未食過叫黎試下，真心臭，成世人食過最臭的😂😂但食落好香脆野味👍🏻。總括黎講，個人覺得算係性價比幾高，出品穩定既中菜。Ps本來我好想食甜品高力豆沙，但大家都太飽就無食到了。。。下次再戰
繼續閱讀
樓下良景商場新開了間茶樓《湘川滬》，聽講早晨孖寶套餐很抵食，一於來這裡試下飲個早茶先，早上人很多，需要拿票等位，等左十幾分鐘左右，就有位了，安排了我們坐在卡位，不過卡位設計非常狹窄，真係再肥啲都入唔到呀！🤦🏻♀️ 還要被安排搭枱，前後左右坐定定都動不了，留單情況嚴重，明明我來先，對面野食黎晒都未到我地，一問之下先發現未落，這裡的冷氣完全不夠，飲杯茶便開始出汗了，原本想好好嘆個茶，越飲越焗速，食到身水身汗，最後變成想快快食完即刻走人，完全沒了去飲茶的意義🤦🏻♀️
繼續閱讀
您可能會有興趣的...