湕承 · 台式便當

營業中

休息中

今日系金鐘買外賣返屋企食，好耐冇食過台灣野，難得海富中心開左間台灣外賣店，價錢非常之抵，仲包嘢飲，試吓先店主介紹每日嘅午餐Menu都會唔同，所以就算日日食，都一定唔會厭<野菌奶油烤雞腿扒配烏冬$68>呢個係fusion菜，奶油烤雞好creamy 湯冬湯底好特別，甜甜地的豆瓣醬湯底味碗底好深，烏冬超級多，男仔都會食唔晒<慢煮豬軟骨肉燥飯$68>豬軟骨好入味好淋身，偏甜少少，不過系好食的幾鐘意酸菜、青瓜的配菜，撈飯食解膩肉燥濕濕地，唔會太重口味

疫情爆得好勁，完全唔敢出去堂食，惟有叫外賣返去食。碌左下OpenRice，見附近有呢間台式餐廳，價錢又平，就一於試下。金鐘lunchtime 去到邊都要大排長龍，2個店員一腳踢，出餐效率都算快。因為想食熱辣辣既野食，就點左個A+C；野飲就要冬瓜茶+冰巨峰提子。細佬叫既牛筋魚卷肉燥飯：佢話個飯牛筋有2大舊，唔會太鹹，煮到好軟淋+好入味，魚卷有3塊，質素都ok，有幾舊紅蘿蔔白蘿蔔營養夠哂均衡。喇沙雞肉湯烏冬：熱辣辣，個湯幾好飲，好多雞肉，冇脂肪應該係雞胸，減肥食一流，烏冬用上讚岐烏冬，唔係用超市既平烏冬（超市個D平烏冬食落酸嫁！）仲有得免費加底，中午食完超飽，飽到去8點。冬瓜茶：唔太甜，飲完好滋潤（by細佬）冰巨峰提子：清新微甜，配住熱野食正！P.S.女店員話每日都會轉新款菜式，睇黎可以save低做日常飯堂。

呢間台灣餐廳係金鐘海富中心角落，舖位細細間所以只做外賣生意，Lunch嘅時候都有好多係附近返工嘅人等外賣。咁啱今日係餐廳聖誕義賣日，俾錢嘅時候錢係會直接放入捐款箱，不設找續。所有收入都會捐比兒童院，好有意義。午餐便當每日有三款，每款$68，配湯/菜/或者野飲。我地叫左兩個便當，呢度嘅外賣盒係紙做，好環保！牛肉壽喜燒烏冬湯底係日本Shabu shabu火鍋嘅味道，甜甜地嘅醬油湯配有蘿蔔、白菜，薄嫩嘅牛肉浸於其中，吸收左湯底精華，讚岐烏冬滑又彈牙，落單時仲可以免費追加烏冬，唔洗驚份量太小。紫菜豆腐湯味道唔會太鹹太稠，飲落幾清新。烤夜市香腸、烤花枝丸配滷蛋肉燥飯滷肉肥瘦適中，食起來很甘香，鹹甜嘅鹵肉醬以甜味偏重，所以很易入口。香腸、與花枝丸都烤得好入味，食落同台灣夜市味道差唔多！跟餐選配嘅蒜蓉炒椰菜都炒得好香好好食！

金鐘不嬲出名食嘢貴，價錢相宜嘅小店選擇真係唔多。今日竟然比我搵到間位於海富中心的台式新派便當小店。小店不設堂食，但食物款式多元化，食材新鮮，店員服務態度亦非常友善，會不時為客人介紹菜式，所以都吸引左唔少喺附近返工嘅人黎買。我就點了兩個𝕋𝕠𝕕𝕒𝕪 𝕊𝕡𝕖𝕔𝕚𝕒𝕝 $68包埋野飲鎮江糖醋骨 白米飯🥢香濃味醇，腩排燜煮後仍保持嫩滑，沒半點油膩感，每一口都酸甜鬆軟有醋香，正👍🏻慢煮牛筋烤台灣腸滷蛋肉燥飯🥢配菜相當豐富，每一樣都係我最愛嘅台式美食。肉燥飯還加上了一點菜脯和冬菇粒，非常有誠意，真係百吃不厭。跟餐的兩杯飲品都非常高質🥰冰糖菊桂圓蜜 $22淡淡菊花香氣，唔會太甜，清熱解毒熱檸蜜金桔$22金桔清香，配合檸檬的酸味，微酸中又帶點甜蜜，非常好飲。

阿嬤雞翼黑麻醬烏冬雞翼鋪滿左豐富蒜茸，未食已經聞到超級香！雞翼唔單止滑身而且香香辣辣， 好惹味！配埋黑麻醬烏冬味道幾特別，鍾意讚岐烏冬夠晒QQ彈牙！另外食咗佢哋嘅招牌半肋半腱湯燉烏冬，呢個係王牌推介果然冇錯！用料揼本，牛筋同牛腱大大件，炆得軟林，而且好入味食落口非常之牛肉香，口感豐富！就連啲烏冬都朔滿咗湯底嘅香味，香香甜甜，比起台灣牛肉麵相對冇咁甜，湯底嘅甜味來自肉香，特別開胃！配埋個檸檬熱飲就啱晒，天氣開始凍補充下維他命C又解渴！

有同事介紹海富中心有間新開既外賣店唔錯，主打台灣菜，店員話呢到每日餐單都唔同，日日叫外賣都唔會悶🤪今日24號去餐廳仲做兒童院義賣，全數收入捐出，非常有意義👍🏻黑醋骨配烏冬 $68套餐可配小食或飲品，烏冬仲可以免費追加半份，左邊是追加了，右邊是正常份量，我就覺得追加了就岩岩好🤤烏冬好入味，加左台式醬汁去拌，但碗底又唔會有過多汁去浸住烏冬，好滑帶煙韌黑醋骨切成一口size，方便食，肉幾腍唔乾唔鞋口😋味道幾好，唔會好酸，配飯都一流，旁邊仲有蔬菜牛肉壽喜燒湯配讚岐烏冬 $68一打開好香壽喜燒汁味，食落微甜，牛肉唔會好肥，配菜入味👍🏻冷袍阿里山烏龍茶內配有茶包，飲品冇加冰，唔會沖淡左茶既味道，飲落茶湯順滑，唔會好濃同好澀，不錯

朋友喺金鐘返工，lunch成日唔知食乜好。今次我就上網search左呢間台式便當，見到餐廳今日12月24號係幫兒童院義賣，價錢又幾抵，就買埋比朋友一齊食。🐮牛肉壽喜燒湯燉讚岐烏冬 $68可以免費追加烏冬半份，因為知道我哋嘅食量都比較大，所以我哋兩個都加咗半份烏冬。湯底都幾清甜，牛肉都幾多，應該都有成八九塊。烏冬彈牙，仲有幾片紅蘿蔔同埋娃娃菜，感覺健康。🐷烤台灣腸·烤花枝丸·滷蛋肉燥乾拌讚岐烏冬 $68有兩粒花枝丸、六片台灣腸、半隻滷蛋、一堆酸菜同埋一堆青瓜粒，材料豐富。再加埋肉燥，撈落個烏冬到，食落相當有滿足感。肉燥嘅醬汁相當濃稠，味道偏甜，相當夠味。加左半份烏冬之後，份量十足，一定夠飽。台灣腸同花枝丸都烤得好香，食得好滋味。🥬蒜蓉炒椰菜每個套餐都可以揀一份小食或者一杯飲品，我地兩個餐都揀左蒜蓉炒椰菜。椰菜唔會有太多油，又蒜味十足，充滿台灣嘅味道，好正。一餐入面有烏冬又有肉又有菜，感覺營養均衡。其實我覺得一間餐廳願意喺平安夜，將自己全數嘅現金收入捐贈比兒童院，係一件好有意義同埋值得鼓勵同支持嘅事。加上味道又唔錯，我諗我以後都會多啲買呢間嘅便當。

前兩日朝早去海富中心做啲嘢, 做完啱啱到食晏時間, 就去咗附近嘅湕承•台式便當買外賣湕承•台式便當嘅午市套餐唔多, 但勝在日日嘅餐牌都唔同, 咁就唔會怕食厭啦<阿嫲雞翼•黑麻醬乾拌烏冬>大食妹嗌左份阿嫲雞翼•黑麻醬乾拌烏冬阿嫲雞翼蒜辣味超正, 非常惹味黑麻醬乾拌烏冬味道比較淡, 但配搭阿嫲雞翼嘅重口味就啱啱好, 唔會太over<冷泡阿里山烏龍>餐飲方面大食妹就揀咗冷泡阿里山烏龍, 幾fresh<慢煮豬軟骨•烤火枝丸•滷蛋肉躁飯>朋友就嗌左份慢煮豬軟骨•烤火枝丸•滷蛋肉躁飯慢煮豬軟骨好入味, 口感軟爛有膠質烤火枝丸算彈牙滷蛋都唔錯肉躁飯有少驚喜, 味道小甜, 而且好下飯餐飲方面, 朋友就揀咗草莓釀, 味道好似草莓蜜, 幾特別

有時中環lunch hour人太多，我都會跟同事乘地鐵去金鐘，統一中心內有多間外賣小店，今日我們想吃台灣茶，於是走到二樓的「湕承 · 台式便當」買外賣套餐。套餐有三款選擇，有飯、有烏冬，配牛肉、台灣小食等，還配小食和飲品，都只是$68。而且餐廳定期都會做義賣，套餐的入收會全數捐出，今日就適逢為兒童院義賣，感覺特別有意義。我們點了牛肉壽喜燒餐和滷蛋肉操飯：《牛肉壽喜燒湯燉讚岐烏冬 $68》還可以免費追加烏冬半份！湯底清甜，肥牛算多，配上彈牙的讚岐烏冬。《烤台灣腸.烤花枝丸.滷蛋肉操飯》這個份量多，烤台灣腸帶甜很有台灣風味，花枝丸大粒有口感，滷蛋入味；肉操比一般的甜，拌飯都不錯。飲品配了《冰巨蜂提子》大杯不會太甜；《熱台式冬瓜茶》冬天很暖身又清潤。

金鐘～係出左名打工仔既美食沙漠🏜️又少食店又出左名貴...變相就多左好多take away 店係打工仔既福音今次就發現左呢間台式便當店🍱買左兩份返去同同事開心share先台式半筋半肉牛肉烏冬～個牛炆得好腍，有入口即溶嘅感覺，食開台灣野既人都知，佢地既調味係偏甜，而佢都做到好正宗個湯底一樣做到好濃，一睇d烏冬完全吸左湯既顏色就知另外就算拎返office都行左十五分鐘，個烏冬仲保持到有彈牙既感覺食完麵類梗係要食埋個飯點左daily special 一字骨便當用左珍珠米好值得讚食一字骨最怕就係好鞋，呢度絕對冇咁既問題一咬即刻脫骨，個軟骨位都好好味最後老闆娘仲介紹左我飲菠蘿乳酸又係期間限定ga,每個星期唔同正😎

金鐘番工食 lunch又多個好選擇，在海富中心2樓有間台式便當湕承，menu選擇好多唔同種類，價錢都幾合理！好過 成日食連鎖店！要支持下小店。店員說Lunch set menu每日都唔同，所以有一定既新鮮感。我就點了c餐烤台灣腸，貢丸， 滷蛋肉燥乾伴烏冬！如果大食d既可以free加烏冬！唔驚唔夠飽。烏冬質地相當煙un又彈牙， 滷肉汁醬都好足料，每啖都食出滷肉味道，味道唔會過咸而且非常入味！有d冬菇粒做配料更加香。好鐘意呢個烏冬質地，超正！而其餘配料有貢丸，台灣腸！味道相當惹味，還有蒜片，雪菜，所以味道更加濃郁。還有青瓜，更帶清新感，整體好好味又夠食。而飲品是冷泡阿里山烏龍茶，食完野飲番杯清香既清好舒服，味道甘甜又清香，大大杯！

限聚令正式開始, 又要重過食飯盒的日子, 幸好公司樓下有一間台式外賣專門店, 食物質素非常唔錯, 今日就同同事一齊買外賣~午餐跟小食/飲品, 最後同同事揀咗半筋半腩湯燉烏冬及台式豬軟骨配滷蛋肉燥飯, 兩款都係跟飲品~菠蘿乳酪這個菠蘿乳酪特飲，味道酸酸甜甜，好似飲緊菠蘿味既益力多一樣，飲完胃口大開 (我唔客氣喇!)半筋半腩湯燉烏冬 湯頭好鮮甜, 有濃郁既牛肉香味, 但就唔覺有藥材香味, 牛筋入口脆中帶糯, 食完咀角會有黏黏感, 膠原蛋白豐富, 牛腩煮得好軟淋, 肉嫩而多汁, 完全唔鞋唔韌, 配埋彈牙烏冬, 滿分~台式豬軟骨配滷蛋肉燥飯 豬軟骨非常大件, 而且煮得好入味, 肉質淋滑, 入面有大大舊脆脆豬軟骨, 入口淋又帶脆, 好有口感, 滷肉飯好甘香,肉粒脂香豐腴, 好適合佐飯, 不過, 我覺得滷肉汁唔夠多, 如果加多少少就perfect喇~薑母茶 薑母茶甜味啱啱好, 味道香甜, 薑味重, 但唔會辛辣到入唔到口, 飲完成身都暖晒~

今次好隨心咁拎住個牛肉麵就嚟到添馬公園！呢個台式牛肉麵湯底非常之香濃，係甜甜嘅醬油味。至於牛肉係牛鍵肉😍而且件件牛鍵肉都咁大舊！牛筋都有2、3條😍😍😍我鍾意食牛鍵肉呢個部位半肋半肉，口感特別豐富！牛筋牛肉大致上都炆得軟林又入味。另外，麵底以烏冬為主，有別平時時食嘅台式牛肉麵！烏冬沾滿湯底嘅味道，入口彈牙。我呢個台式牛肉麵HKD65，再加$10就會多杯嘢飲，我揀咗阿里山烏龍茶！朋友仔就叫咗個檸檬糖醋骨飯味道不過不失酸酸甜甜 係幾開胃嘅呢間台式便當不設堂食， 但係門外已經有好多人排隊，當我食完呢碗牛肉麵，我終於明白點解咁受歡迎

朋友說金鐘其實有好多東西食，但以我記憶，好像只有高級食店，外賣都很貴的🙈🙈原來，她說的是海富中心有食街，其實就在金鐘站樓上，那裡食店都林立在這，台式料理又再多一個選擇了😍😍日式蛤蜊湯燉讚岐烏冬🍲~蛤蜊很肥很嫩，都蠻大隻的，一碗有很多隻，番茄湯也濃~香菇肉燥，🐔阿嬤雞翅，🥚古早滷蛋 （全隻）飯~香菇肉燥配飯一流，甜甜的幾可口，飯粒煙韌🍚🍚還有配上輕甜的飲品🥤，幾十元的來說，滿足了~

店員推介熱賣讚岐烏冬...服務態度親民和藹可親👍🏻第一次去到唔知叫咩好彩有佢好細心推介🙈服務態度一流...仲會細心教你點樣撈住食..慢煮豬軟骨台醬乾拌烏冬台式豬軟骨大啖大啖咬落去啖啖都係骨膠原幸福滿瀉..再加上豬軟骨炆得超級軟糯.. 大大舊入口即化..真係好好食🤩甜甜地好yummy 🤤台醬乾拌烏冬烏冬夠彈牙已經勝利左..醬汁有少少似燒汁又有少少鹹鹹地..夠獨特風格☺️阿嬤雞翼配黑麻醬拌烏冬阿嬤雞翼自家製特色調味辣醬..食每啖都係刺激味蕾..辛味十足🥵包你食到不要不要...再將雞翼上面嘅蒜蓉同辣汁拎黎撈麵更加一流..絕配👍🏻黑麻醬拌烏冬黑麻醬比起芝麻醬更fresh 啲..食落一啲都唔流..好好食😋兩個烏冬比起黎黑麻醬拌烏冬更為優勝😘仲可以WhatsApp 落單夠快捷又有效率..包你去到等都吾洗拎完就走🉐️..岩曬生活忙碌既我地🆒