湊湊火鍋‧茶憩 (家樂坊)

營業中

休息中

天氣突然間轉涼，即刻要去打個邊爐暖暖身。其實尖沙咀湊湊都已經去過好幾次，但咁啱係旺角行完街，所以今次就揀左家樂坊嘅呢間分店☺️💛 食妝鍋 $198每次黎湊湊都必點嘅一款湯底，非常足料，大量花膠係湯入面，名符其實食完會美顏嘅一個湯底。 飲完湯就可以叫侍應加雞湯打邊爐🤤💛 特選牛小排 $228份量都算多，牛味亦十分濃郁👍🏽 脂肪比例亦都好好，所以烚完都唔會好靭💛 飛魚子墨魚滑 $68口感好特別，因為墨魚滑入面有大量飛魚子，所以咬落去係咁Pop Pop聲😂💛 響鈴 $58正常發揮，不過8條對我地2個人黎講就有點多，當然亦都可以話佢地比足料😂😂另外有樣野好好就係張枱有個櫃桶裝好晒紙巾同濕紙巾，啱晒我呢啲打親邊爐都會好呢Hea嘅人👍🏽

條女話想食火鍋，咁岩天氣又凍左，咁就訂左呢間湊湊火鍋，食物質素非常高同好食，不過服務就有待改進，訂左位都要係門口等成10分鐘 完之後落單果時個適應好似無乜心機 係咁叫我講多次要咩 加湯要嗌好多次， 落左 和牛前胸 鴨腸 毛肚 響鈴 油麥菜 蝦滑 酥炸排骨等等 值得一提係個炸排骨值得一試，係即叫即炸熱辣辣好好食 會主動加湯同埋會問冷氣是否太凍等等。。。。 最後比左個解辣菠蘿沙冰，，整體ok打邊爐好去處 ，，，最後埋單1469 正，

今日又去食湊湊台式火鍋🍲，呢間火鍋店已經第三次去啦，每次去都覺得非常好食😋不過今日我哋去咗新嘅分店家樂坊果一間分店都食，咁嗰度都好近油麻地地鐵站行過去都係幾分鐘非常方便。咁入到去覺得個裝修都幾中國feel,環境優美寧靜。今日我哋都係叫咗個台式麻辣湯底，咁我哋叫咗個美國特選給牛小排、飛魚子墨魚滑、時蔬湊湊、毛肚、鴨腸等等，都係非常新鮮好食！呢間新分店啲員工好主動幫我哋加鴨血豆腐服務幾好👍🏻👍🏻最尾都有送甜品同埋菠蘿特飲，咁嗰度啲員工聽到我哋喺度傾話菠蘿特飲好好飲，佢仲特登過嚟問我哋需唔需要多一杯，幾好飲。正！！👍🏻👍🏻

一飲入魂之花膠鮑魚湯底—湊湊火鍋今日繼續凍凍地系列，之前同朋友食完煲仔飯之後，今次同個出名鐘意食牛同打邊爐的牛魔朋友食火鍋，初初只係諗住揀火鍋放題，因為食幾多想食乜餸都可以自己揀，又唔會食好多。不過經過旺角家樂方就比一個火鍋＋台灣茶廣告吸引，廣告寫上「回歸初心，相聚重逢」，係好奇心驅使之下就走去望下呢個火鍋到底有乜初心，點知卜望埋餐廳就心動，仲即刻walk-in訂枱添。佢係一間台式精品火鍋加台式茶品的餐廳，餐廳裝潢好有特色，有少少中式宮廷風，裝修好靚，坐得又舒服。湯底有８款你揀，都係雞湯，台式鴨血，川味麻辣，蕃茄，鮮菌，魚湯等等。今次雲遊大思同朋友叫左鴛鴦鍋，有花膠鮑魚雞湯底同台式鴨血麻辣湯底。花膠鮑魚雞底好足料，真係有花膠同鮑魚，味道好濃，好重骨膠元，好入味，飲完湯先再加水打邊爐，真心好正，就係呢個花膠湯，將整個回頭指數推高呀，因為真係好好味。而台式鴨血麻辣湯底，同其他店的味道差唔多，牛魔朋友話未道唔太辣，可以加辣。呢度的鴨血同豆腐係可以免費任加架。唔錯唔錯。食火鍋飲珍珠奶茶真係好邪惡，食食下仲有店員拎啲甜品過嚟，係芒果沙冰，酸酸地好開胃，食到中有返杯可以消消膩，呢個舉動好貼心。而食

一年一度慶生晚餐，難得同好姊妹生日去打邊爐，之前已經去過K11嗰兩間湊湊火煱，今次終於試埋佢新開嘅家樂坊分店，以後去旺角行街又有多一個選擇👍🏻呢度嘅裝修都係同之前嘅湊湊差唔多！呢間就係台灣主題，都係有自助生果同小菜白飯，本來今次想食豬仔麻辣火鍋點知原來已經暫停供應，唯有叫返台灣麻辣鍋。豬頸肉玫瑰花好靚，珍珠奶茶好飲，企鵝墨魚丸好可愛加埋冬粉吸曬d麻辣湯好正！最後仲每人帶走一袋鴨血豆腐回家再食過😋

幾好嘅體驗，可以值得一試醬料款式多湯底啱味口食材夠新鮮環境好舒適台飲好味道菠蘿冰清新免費鴨血甜品生果感覺抵食Edaciousness 7/10下次再去要試埋啲海鮮

星期六晚Last minute訂到枱，入面唔算好多人，空間闊落。叫左個二人餐，包湯底、肉類、海鮮、蔬菜，連鎖店關係，唔會有驚喜，但算保持到水平，服務亦唔錯，旺區來講價錢都叫合理。

週末時間，喺旺角想搵間好嘢食，有時都唔容易。人又多，餐廳好多時都要等位。行過家樂坊見到地底有幾間嘢食冇乜人，環境有幾闊落，就決定試一試。星期六嘅中午，都有提供午餐優惠。有好多款台灣麵，同埋飯嘅選擇😋我哋揀咗一碗酸菜魚麵，同一個肉燥撈麵。每個麵餐都有幾碟嘅配菜，有麻辣豆腐，涼拌魚皮，麻辣鴨血等等。佢哋細細份，但都好好味，麻辣汁非常入味。辣到適中，但係平時如果唔食得辣，就可能要叫杯嘢飲。午餐叫台式飲品仲有半價優惠，大大杯非常抵飲。🤩酸菜魚麵入邊有好多魚片，非常足料。我肉操撈麵亦都唔錯，肉操嘅味道煮得啱啱好，唔會太鹹。👍🏼👍🏼兩人入座，都有得坐大沙發，好舒服。我見到其他食客都有啲坐好似Cafe咁樣嘅枱，環境都好好。旺角又多一間高質素餐廳

If you’re craving both hot pot AND bubble tea, @coucouhotpothk is definitely the place for you! We didn’t quite get the ‘Taiwanese scooter theme’ in their new Gala Place branch, nor did we appreciate the blasting AC that left our fingers freezing cold DESPITE the bubbling pot in the middle, but the spacious booths gave us a decent amount of privacy without compromising the service efficiency. The set menu for 4 saved us the trouble of having to make too many decisions, yet the portion was a litt

醒目同事發現左湊湊火鍋原來有lunch set，一於去試試！餐廳位於家樂坊地庫，佔地好大，座位寬闊，枱與枱之間相隔嘅距離都唔少，裝橫新派，而且感覺非常乾淨，係疫情下嘅好地方。原本想食眷村牛肉麵但冇左所以揀左台式鹵三寶拌麵。嘩！好多料，配菜仲好吸引添！有麻辣鴨血、麻辣滷豆腐、鹵蛋、中華沙律、粟米伴滷肉。麻辣鴨血既爽又入味又有咬口，係我至愛！鹵三寶拌麵有牛肚、牛腩同牛筋，牛筋超淋骨膠原感爆燈，滷汁拌帶點硬而富有口感嘅麵非常唔錯。同事嘅酸菜魚麵望落好decent。配菜有少少唔同，中華沙律換成涼拌魚皮，魚皮晶瑩剔透，雖然可見魚皮嘅紋理有D恐怖，食落有D似海蜇但再煙靭D，幾特別！跟餐加飲品可獲半價優惠，我地都order左大紅袍珍珠奶茶，熱飲會用茶壺盛載，好cute~ 雖然叫左無糖但珍珠本身就有糖所以飲落啱啱好，茶底濃郁，推介！坐得舒服、lunch set分量多而味道又唔錯，不過出餐稍慢，可再revisit！

返左成日工，收工過黎食返餐好嘅先呢度台式麻辣鍋鴨血豆腐可以無限添加，個鍋底又唔係好辣啱啱好。另外，呢度嘅蝦滑爽口彈牙係我最愛食晒嘢後仲有個茶凍俾我哋食，酸酸甜甜甘呢間舖啱啱新開，所以暫時未好似其他分店甘多人，都唔係等左好耐就入得，地方又乾淨，裝修都算比較特別，電單車🛵嘅主題，都幾多打卡位。而且呢度d員工服務好好又主動會不時睇吓我地有咩需要，最後仲問我地要唔要鴨血豆腐打包拎走，真係明符其實又食又拎

一向有食開新世紀廣場果間的Lunch set ，今日經過家樂坊，見到開左新鋪就入來試試。午餐好似有d唔同左，飲品唔包，要另外加錢，飲品計正價嘅一半，正價都係$30左右，都唔貴。另外，呢間係無自助任食生果嘅。我一向鍾意佢個酸菜魚，order 左佢一個set lunch, 另外一個炸醬拌麵set, 2個餐都有驚喜，因為跟餐原來有多款小食，例如：鴨血、豆腐、爽魚皮、魯蛋、海澡、肉燥菠菜等等，我最鍾意多口味的小食。可惜酸菜魚唔夠入味，魚肉好淡口。我叫左杯大嘅橙味緑茶，有650ml真係好巨型，炎炎夏日最適合，夠凍夠解喝。可惜廁所未整好，無得去。旺角好難先搵到一個乾淨嘅廁所。職員教我地坐電梯上16樓有廁所，上到去發現廁所係商戶專用嘅，要鎖匙先入到去，即時呆左。