湊湊火鍋‧茶憩 (MOKO新世紀廣場)

營業中

休息中

湊湊呢個名聽得多，但就第一次食。整體黎講都唔差既，對比起仼食放題黎講，個人認為呢到更勝一籌。環境設計以中式庭園為主，環境寬敞乾淨，我地只有兩個人，但都被安排係小房中，冇人打擾，覺得好舒服！湯底：椰子雞湯雖然未有我想像中咁清甜，反而覺得有淡左啲，但勝在材料好足，有雞件、粟米等;相反四川麻辣就惹味d，夠香多麻，既刺激味蕾又不會蓋過材料既味道，幾過癮材料：鮮蝦好生猛，上枱時仲會跳動👍🏿牛肉雖唔太肥，但相對其他菜係冇咩特別。蟹籽墨魚滑非常彈牙；炸魚皮份量多，推介放在椰子湯底。蜂巢豆腐將湯底精華完全吸收🤤另外一提，員工服務也很好，如果唔想太趕咁食放題，佢係一間值得一試既餐廳👍🏿

好耐冇打邊爐，見呢間火鍋店一直都咁多人，特登預約中午時間去食🤩，唔洗等咁耐！🔹湊湊節日二人套餐 $6982人套餐可以揀選2個火鍋湯底，今次揀左臺式麻辣鍋同紅顏花膠雞鍋！紅顏花膠雞鍋一上檯，待應建議我哋即刻飲用花膠雞湯，湯底超濃，重膠質，配料十足，岩曬滋補嘅女士。😍😍而臺式麻辣鍋味道較濃，十分適合配上火鍋配料。配料方面揀選左美國特選級牛小排、伊比利亞黑豬肉、新鮮基圍蝦、企鵝丸、萵荀、冬粉。牛小排唔會太肥、肉質鮮嫩；黑毛豬肉食落唔會好鞋；基圍蝦超級新鮮，每隻蝦都識彈跳，食落彈牙🙈🙈企鵝丸外型十分之可愛，佢係由墨魚漿製造的，我都唔捨得食左佢🤭😹最令人驚喜嘅就係鴨血可以免費refill, 真係好令人開心🥳呢個兩人餐份量幾充足，我哋3個人食都剛剛好，份量唔會太少！🔹牛百葉 $68加了一份牛百葉，食落好爽口，都係必選之一嘅選擇！👍👍🔹大紅袍珍珠奶茶🧋 $24第一次飲湊湊火鍋嘅大紅袍珍珠奶茶，飲落茶味幾出，珍珠較冧身彈牙，我比較鍾意食冧身嘅珍珠！

今晚同friend老遠黎到旺角食湊湊煱，叫左個湊湊節日二人套餐，聼我個friend講唔係間間shop都有哩個餐，比較抵又夠飽⋯湯底叫左台式麻辣煱拼蕃茄牛膝骨煱，麻辣湯底唔麻亦唔辣，蕃茄湯底偏淡。肉方面係美國特級牛小排及伊比利亞黑豬肉，肉方面質素本來冇問題，但$700個餐，俾兩碟咁嘅肉就真係麻麻。基圍蝦八隻，普通size，新鮮嘅。企鵝丸，可能我唔鍾意D整到懶可愛嘅食材，放落個煱度係就係浮浮下，放入口咪又係普通嘢，仲要我唔覺得彈牙喎。油炸鬼，我鍾意食，但佢嘅油炸鬼，又厚又唔脆，咬落去似炸麵包咁，勁失望囉。皇帝菜，冇comment。野飲，叫左一杯凍珍奶（大杯/半糖），同一杯冰檸檬紅茶（小杯/無糖），小杯都好大杯，抵飲。全晚最好食係任攞嘅炸波波，入面係芋蓉卦，好好食。另一個亮點係任食鴨血，不過就唔係我鍾意食嗰種，唔夠淋身得黎又好煙韌⋯我地book左6-8時段，個waitress到7:55就趕我哋走，話有客等緊，但我見仲有空枱s，全晚一D都唔full，有D可疑。全單八百幾，只係滿足左我未食過好想食嘅意欲，下次不了。

服務質素同價錢完全不對稱，職員無乜服務精神，態度亦都麻麻地，第一次幫襯唔知佢地有套餐可以抵D，結果我地單叫左同套餐差唔多一樣嘅火鍋料，但職員都無提醒下我地。講返食物，叫左份貴牛肉，嚡嚡地口又無牛味，反而豬肉靚過牛肉，湯底得個名無乜驚喜，個花膠湯底實在太漿，要不停攪否則好易糊，仲要其實無乜味，酸菜白肉湯底就正正常常，其他火鍋料都無話特別好令人讚嘆，覺得最好食嘅係佢免費任食嘅肉燥飯，米飯煮得好，肉燥調味唔錯且帶油脂香。

今晚和朋友慶祝生日，訂了18:15 兩位，之前喺其他分店吃過幾次，所以今次試吓旺角呢間，食物是可以的，但環境比其他店狹窄，最重要係服務有問題。食到19:50 已呈上單據叫我哋埋單，初時我知道時間未到沒有理會，十分鐘後問我可唔可以埋咗單先，當時我雙手食緊牛骨，我話食完會埋單⋯⋯五分鐘後又再催，但當時未到兩小時之時限，我哋係佢哋不斷徘徊下，怱怱完成未食完之食物，最後係20:15 去櫃檯埋單⋯⋯為朋友帶來不愉快的生日晚餐，覺得非常遺憾😢

在内地吃过几次，没想到香港也能有，即刻在openri ce上找，可惜没定到位置，可能只有两个人用餐，也没有等太久，很快就有味，开心，两个小时用餐很足够環境：整店装修风格偏古风，灯光很柔和，座位很大，非常舒适，也没有其他火锅店那么嘲杂。服务：服务不錯，菜品也新鲜，很多摆盘精巧可爱，适合拍照，份量还足。桌子下面有个小抽屉里面有纸巾湿巾牙签等还有充电插口，每桌也会配备一个装口罩的小袋子很贴心。推荐菜品选择了台式麻辣 和蟹粉黃魚的双拼锅底，辣锅的鸭血和豆腐可以无限免费添加，鸭血和豆腐可以说是火锅里面的灵魂料理，而且湊湊家的鸭血是真的好吃，嫩滑鲜香特别入味。黃魚鍋底的黃魚是現炸的，跟湯喝簡直一流凑凑肥牛刷火锅必选的菜品，自然不用多说了。肥瘦相间，牛肉还是更推荐涮辣锅，十五秒左右是最嫩的。毛肚毛肚七上八下的煮法吃起来真的脆脆的，不会硬，半透明的毛肚一定要着辣锅吃才过瘾。在香港困了很久，好不容易找到内地的口味，推荐推荐

門口裝修好靚，有煙，好似仙境咁，令人想入霏霏既感覺去到門口，職員都好有禮貌，咁就試一試，見下午時間冇咩人，唔洗等位，平時夜晚都幾好多人等位架去到就揀左鍋底先啦，花膠雞湯真心出色，潔潔地好好飲，飲完職員會加番清湯再打邊爐，另外有鴨血豆腐可以Refill,職員會主動介紹同詢問需唔需要，見到我哋張檯有食曬左既空盤之類既都會主動幫我收收，食到最後張檯都差唔多冇野盤咁濟，服務方面都幾掂咁呢間火鍋店都有珍姐奶茶呢類台式飲品可以叫，主打大紅袍珍珠奶茶，咁就一定要試試佢先啦，出到來大大杯，好滿足，茶味夠濃，做得招牌飲品都係合理嘅整體都十分滿意，會推介比朋友同幾朋友過嚟再食

呢間野門面好靚，裝左部噴煙機，古色古香，又好重香料味，所以想試好耐。今日一於就去試下菜，試到覺得伏到爆 ，一定要分享下。我地叫左2個湯底，麻辣個個完成唔辣，淨係重香料味，椰子雞湯懷疑佢用左大陸化工湯包，味道係香甜得黎又假假地。食物價錢貴到痴線，基本上你預左係比人劏先會黎食，不論肉定係菜，都係普通貨高質價錢，仲慘過去街市打邊爐，所以你黎得 定係食個環境。雖然佢有得免費送鴨血，但我全晚只送得一次，仲要個鴨血好難食，食得出係煮左好耐唔新鮮嫩口既鴨血，我可以敢講譚仔鴨血好食好多。另外佢每人會送一shot果汁冰，但糖精好重，勁甜-.-服務方面，佢安排我坐左側邊枱，話偏靜d，但靜到我舉成15分鐘手都冇人黎理我，勸大家唔好去了

現間愈嚟愈多火鍋店開，呢間都愈開愈多分店，之前比佢啲野食吸引左🫣所以拉埋朋友去食，環境好大好靚，出面好大地方比人飲好茶同埋係出面坐底等，而且有環境暗又有少少煙霧彌漫，所以我覺得坐得到好舒服。🆂🅷🅰🆁 🆆🅸🆃🅷 🆈🅾🆄 -🍲雙人套餐鴛鴦鍋 台式麻辣鍋 酸菜白肉鍋 湯底方面一般，辣味好唔味，所以有啲失望，酸菜白肉鍋湯底好怪，啲味好唔夾。肉類 伊比亞黑豬肉 美國特選級牛小排 肉款比我想飲中高級，啲肉都算多，而且質素都幾靚。推介 企鵝丸 完全因為呢個而嚟，因為好可愛，擺落湯底浮下浮下好可愛，口感唔差幾彈牙，但味道上無咩味。另外，仲有海鮮、蔬菜、主食，一定會夠飽，但質素上面中規中矩，同埋我最期待嘅奶茶味道都麻麻。$698🆂🅴🅴 🆈🅾🆄…📍 旺角太子道西193號MOKO新世紀廣場4樓406號舖📍Branch Store尖沙咀/荃灣 / 銅鑼灣 / 上環 / 將軍澳𝖂𝖊𝖑𝖈𝖔𝖒𝖊 𝖘𝖍𝖆𝖗𝖊 𝖞𝖔𝖚𝖗 𝖋𝖊𝖊𝖑𝖎𝖓𝖌𝖘 ✍🏻#sikforlife#hkfoodie#hkig#hkeat#like4like#restaurants#香港好去處#週末好去處#相機食先#高質#旺角美食#Mongkok#E

对服务很不满意。周五七点半到，取号后两人等了一个多小时，八点四十多才入座。这个可以理解吧，人多所以慢。但上菜就更慢，坐下十分钟才上了锅，然后又等了差不多十分钟才上菜，我们把鸭血吃干净了才上了第一道菜！并且我们要求加鸭血后，过了三十分钟都没给加，我们又问了一遍，才给加。而且中间我们向服务员招手，两人不理，一人在我们旁边挥挥手表示拒绝，我们居然找不到服务员！真的离谱！至于食物，我觉得好吃吧，但是麻辣鸭血不够麻辣，味道算是清淡的（我不是川贵地区爱吃辣的人都觉得不够麻辣）。性价比OK。菜品算是精致，但体验很差！可能不考虑下次再来。

企鵝仔真係好得意😘經過門口覺得好夢幻，成日都想試，今日終於可以食到喇😚訂枱有85折，叫做抵啲😍墨魚醬製作成企鵝$59，都好食紅顏花膠雞窩單鍋$199個湯好飲，仲有裏面都好多餸有鮑魚仔、有猴頭菇，淨係飲過湯都飽茶費已包括混醬、生果、白飯，唔驚餓親😅萵筍$38牛肩胛肉眼$138⋯⋯睇落好似好多，下面係幾片大白菜，肉唔算太嫩😢一般，可以接受🥹好大棵大白菜承托起個牛肉好似好靚茶凍好好味😋前菜都唔錯環境唔錯，好舒服間距都可以沙冰（送）

期間限定嘅椰子雞湯幾清甜，麻辣湯底沒有什麼印象，即刻衰極有個譜，但亦都唔係太好咁囉⋯⋯朋友本來好期待無限添加嘅鴨血，但結果佢只係要求加咗一次。食材方面，我哋點咗牛肩肉、鮮准山、篙筍、毛肚和追加了牛小排。可能我份人比較曳尖，淨係得200幾蚊嘅牛小排質素比較附合預期，至於係唔係值咁嘅價錢就見人見志啦。其他東西乏善足陳，亦都比較「精緻」，自己睇相領會吧～成件事最正嘅係可以飲住珍珠奶茶食麻辣火鍋，咁囉～ 🤷🏻‍♀️

同朋友黎左呢既火鍋店到食，入面環境非常優雅，非常大一d都唔迫～今次叫左酸菜白肉同蕃薯牛膝肉湯，兩個都好香好濃既湯底，我地叫左一個兩人太餐，肉類算叫做正常，鮑魚好淋，份量唔係好多，整體普通，但係湯底搭救番曬！酸菜白肉湯配冬粉一流～珍奶份量超級多，29蚊一大杯我諗有800ml！

平時也很少會投訴但今日真的不吐不快首先餐廳明明話下個到我地，叫我地過來stand by，我地到左係出面，帶位果個人叫我地等多兩分鐘，點知突然有2個客走過嚟，又話果個客係booking 唔俾我哋入，唔緊要啦我哋再等點知等等下又有3個客，佢地遲到同reception deal 兩 deal 又補返比佢地等下等下終於有張枱，餐廳reception 又話因爲係4人枱點都要比佢地先，餐廳打完又打俾返頭先個客，個客唔聽幾次電話，個餐廳等咗等先俾我哋入去搞搞吓又7:30等到九點😡餐廳安排非常差，對顧客很不尊重。點知入到去有枱大陸人超級冇家教，個小朋友食西瓜玩口水，個阿媽仲覺得好得意喺度笑，個小朋友啲口水周圍噴整到埋我哋呢邊啲杯，差啲想告佢，真係而家疫情嚴峻，衛生真係好重要，佢哋咁嘅行為真係令人好擔心

6個人比左間房我，只需要嗌3款湯底就可，無最低消費，㨂左個必選花膠鍋，再來係椰子雞，仲嗌埋菌菇湯底，湯底無得頂，首先要食滷肉飯同西瓜，西瓜超甜，配菜好食，環境舒適