湊湊火鍋‧茶憩 (MONTEREY Place)

營業中

休息中

凑凑打邊爐大家都知，今日中午來到，也有其他套餐選擇，今次叫了酸菜魚套餐，少少辣，魚是魚柳，大大舊，份量也很多，套餐還有其他配菜，包括鴨血、魚皮、菜、滷水蛋。配菜味道一般，不過勝在種類多。

極極極少會出post講伏但今日唔講唔得！將軍澳分店午餐超伏，叫左個三寶拌麵$108+10%，食物嚟到同相片100%不符都算了，但成碗野係冷冰冰無溫度🥲🥲一滴汁都無點拌呢？（如圖白雪雪汁都無滴）好笑既事情出現了….女侍應拎左碟豉油碟咁大既「汁」出黎佈滿琼住一舊舊既油係冰凍的😖😖😖我問侍呢碟真係拌麵汁？🤨佢拎返入去應該用微波爐叮返熱…再拎返出黎….我仲敢食咩？🙄🙄🙄係我錯火鍋店唔應該叫熟食，應該自己碌先岩但火鍋我都唔敢試，衛生太差醬油區碟西瓜擺左咁耐無野蓋住又比細細隻蚊滋飛黎飛去….要打邊爐去返鼎王或者大將算啦明白而家係艱難時期，但唔等於就可以無質素到咁囉，$40兩餸飯都好過佢呢碗麵！起碼係熱既！街坊千祈唔好中伏

火鍋二人餐台式麻辣鍋配花膠雞鍋麻辣鍋係唔辣的，但十分香 岩哂中意辣味但又頂唔順辣嘅人 超越香，入味👍🏻👍🏻 鴨血可以無限添加 花膠勁多，湯係超濃味，好潔身，唔會好水前菜海蜇 真係出乎意料 超好食，小小辣 好爽口肉燥飯就麻麻，味道怪怪的 牛大人好食好多企鵝丸（墨魚丸）造成企鵝形象超可愛 食落入面，彈牙👍🏻👍🏻 鮑魚都好爽口 不過較細隻美國牛小排 伊比利亞豬肉 兩隻肉都好淋 又唔太肥大紅袍珍珠奶茶好淡味🥴🥴但好大杯另加$33二人餐💰HKD$698 加一裝修好靚 坐得寬落 食得飽😚

見到OpenRice的餐牌價錢公道，就和老公來這裏吃一個午餐然後去行山，一點來到因為不是吃火鍋所以就不能享用自助沙律bar。我哋的座位非常寬闊坐落很舒服，但是店員十分之忙碌，點了兩個午餐，我吃完但老公的還未上菜。【台式鹵三寶拌麵】這個就是等了九個字才有的拌麵，端出來的時候發現他完全沒有顏色，應該是忘了淋醬汁，味道很淡唯有靠拌碟的菠菜肉燥醬汁撈在一起。滷肉味道普通，牛筋幾入味。小食魚皮很像海蜇半彈牙，不過滷水蛋非常難食，連普通烚蛋都不如。【台式香腸肉操飯】香腸又甜又鹹幾好吃，是標準的台灣香腸味道，不過數量就有些不足，肉燥不算鹹所以撈飯吃不太油膩。最後結帳又等了三個字，前後共等了一個鐘，沒有下次了。

企係門口望同等佢有人應要幾分鐘好多人行過但冇人肯理我最後有人理啦！我買外賣set lunch……我落完單，佢同我講要等15-20分鐘我平日午餐時段，等15-20分鐘🙄我應該可食完成個飯囉！最後，係真係等左一個牛肉麵外賣20分鐘真係絕對無下次

由於堂食只去到下午六點鐘⏰，當時4點45分，經過餐廳已經好吸引，可惜唔夠時間打邊邊，比我見到門口個套餐餐牌，問店員套餐什麼時間供應，佢話六點前都有套餐，更係一試啦！另套餐可半價叫飲品，當然叫埋飲品啦！我最鐘意佢啲大紅袍飲品系列🥤店員帶我們入座時介紹，食套餐亦可以攞出面bar 台既小食，生果，真係加晒分💯點了1）台式滷水三寶拌麵🍜 $108 + 凍大紅袍拿鐵$17.50 🥤（正價$35跟套餐半價）食後感💝： 一套上餐，己經好吸晴👀，跟餐有小食鹵水蛋，麻辣魚皮，鹵水豆腐，鹵水鴨血，肉燥粟米🌽，菠菜🥬，主食既鹵水牛肚，好入味，個鹵水汁好正，如果拌麵多返少少汁就完美！小食鹵水豆腐，好出色😋2）酸菜魚麵 $88 🍜+ 凍大紅袍奶茶 🧋$14.50 （正價$29 跟餐半價食後感💝 我最鍾意就係食酸菜魚，個湯底比較酸左少少，整體可以，啲麵係中粗麵，不錯，飲埋最愛大紅袍奶茶🧋，飲到好清香茶味🫖，加埋佢既沖茶技巧🍶，好滿足呀！總結⭐： 多完化選擇我buy, 店員十分有禮貌，讚，裝修有風格，CP值高，下次會再去打邊邊，禁堂食期間，所有外賣88折！

我們一家住在附近，一向都會在附近食野，大部份食店，無論食物品質或服務態度都相當高，但這一家真是去到劣級。第一次去食火鍋，配料無曬，追過3次都無，算數最多食少樣野。第二次即今天，下午4時50分左右，外賣飲品部，都無企6個客，一行埋去做女店員已話，你宜家買要等20分鐘，買杯真珠奶茶要等禁耐，就算餐廳坐爆曬，d野飲都唔系一次過落單，回點會開到口要人等20分鐘，請埋呢d伙記真系幫公司倒米。拒絕再光顧！真系得啖笑。

近日天氣轉冷，食火鍋係必然之選，除夕夜晚和太太去咗新開的台式火鍋湊湊，預訂咗六點，門外已好多人在等位，好彩有預早預訂，進入店內，環境都好有特色，職員大道二人座位，二人座位都非常寬躺，火鍋湯底種類非常多，有特色蟹粉黃魚鍋，不過太太最後點左個胡椒豬肚雞鍋，點咗份時菜湊湊，蔬菜非常新鮮，份量非常大，也點咗個店舖特色企鵝丸，造型非常可愛，又點咗份蛋餃，再加多份美國特選級牛肩胛，台式飲品都是必選的，太太點咗個經典珍珠奶茶，我就點個黃金鮮桔茶，店舖贈送冰沙甜點，還有梅子茶凍，實在太豐富，除夕夜的火鍋晚餐，一個字，正呀

等位食lunch 門口得一枱等緊 入面明明好多位 企係到食風問佢大概幾時有位呀 係咪有位架？彩都唔打算彩你 跟住等左好耐再問 不如你update下我呀 頭都不回直接行入去 唔想做生意就講 咁樣做人會有報應 恭喜妳^_^我住隔離成日幫襯你間野飲 你地係咪中午85折就唔想做比人呀 不如你下次寫個牌話中午唔招待啦 咁既服務態度唔好開舖開係Monterey 咁既劣質服務去翻旺角地舖啦

做冬日，又天寒地凍，去打打邊爐暖一下身子吧，一早卜左枱，入到去，坐底，睇menu，睇完想叫個湯底，舉極手都無人理，行過都可以唔彩你，叫佢地先會停底，其實ok 既 ，算，叫完湯底就叫野食，咁好la,同行有個小朋友，咁咪問佢拿BB 櫈，又係舉極手都睇你唔到，我咪行出去搵職員拎，點知。成個店得得兩張咁多，有客用緊，無得份，咁我都OK咁食食食，D 野都KEEP 到同CwB 一樣咁既水準不過 野食碟食完真係無人會收，我要自己拎落佢地d 車仔到，真係無人會執，成餐飯我執左好多次，唔知以為食完我都要入去洗碗次次嗌野飲都等到2046 先比你[ 同Cwb 一樣 ]然後應該夠鐘叫埋單，單都埋完都未上甜品總結 : 食物無問題，間鋪應該有人射波搞到無staff.因為staff 嚟嚟去去都係得嗰幾個，而嗰幾個都睇得出尿都無時間柯，所以我無投訴過 ，雖然經歷唔算愉快，但我都理解既，希望下次佢改善到

今日又去開將軍澳，經過新開嘅將軍澳湊湊火鍋，上星期已經試咗佢哋嘅火鍋。原來佢哋開埋外帶飲品，今日諗住去試吓佢哋招牌既大紅袍奶茶🤤點知買飛嗰陣，個侍應話要等30分鐘先有得飲🙈心諗要食好嘢就要等啦🥲 堅持💪🏻💪🏻💪🏻🥤大紅袍奶茶 HK$29, 超級大杯，足足有660ml，非常抵飲，飲第一啖有香滑奶味，跟住會有香甜茶味，奶同茶非常夾，超級好飲😋11月底之前大紅袍奶茶仲有買一送一超級抵呀😉

将军澳居民越來越多，已然成為各餐飲必爭之地，想必鋪面租金也越來越高。上週湊湊剛開張因為有折扣吸引，沒能定到位，今天特地錯峰來吃，招牌奶茶好大一杯，好味。各款食材新鮮，因為有小朋友，點了番茄牛膝鍋，番茄味道濃郁，牛筋軟糯。小企鵝其實是墨魚丸，擺在芫西上，再鋪一層毛肚，像個寶寶躺草地蓋著被子，好可愛裝修挺有格調，服務哥哥都不錯，雖然沒開始辦理會員，會員沙冰，甜品都送了，鴨血豆腐雖然免費但是質量口感不錯。桌子邊可以插電，方便手機一族。至於圍裙，後面如果有繩系就更方便使用。

湊湊火鍋將軍澳分店昨日17號開幕，仲要有六折優惠,我同屋企人急不及待今日要即刻去幫襯啦🤤🤤首先裡面環境好舒服，每一家人都有一個獨立嘅卡位，食得非常安心前菜、調味料同埋水果，就係自助既，可以喺出邊自己攞無限添加我哋首先揀咗一個鴛鴦鍋，一邊係蟹粉黃魚鍋，另外一邊就係紅顏花膠雞窩。蟹粉黃魚鍋個湯底好鮮甜，蟹粉仲會另外用蟹型器皿裝住，分量十足，好鮮味。紅顏花膠雞鍋，雞湯底好濃，有好多花膠冬菇，侍應建議我哋首先飲花膠湯，先再用黎打邊爐。火鍋料叫咗九樣咁多，樣樣都好新鮮美國特選級牛肩胛肉眼 ～ 好重牛味，入口即溶伊比利亞黑豬肉 ～ 好淋好滑，比牛肩胛更好食企鵝丸 ～ 造型好可愛，墨魚漿製，好爽口，差啲唔捨得食巴沙魚 ～ 白色魚柳，個人覺得唔夠爽，比較遜色基圍蝦 ～ 上枱嗰陣啲蝦仲跳跳下，非常新鮮，好鮮甜，不過比較細隻芝士魚腐 ～ 好香芝士味，魚腐好滑蟶子 ～ 每條大約兩節手指甘長，比預期細條好多，仲有少少沙精制蝦丸 ～ 好爽口 精制牛筋丸 ~ 質素正常甜點～ 免費的，梅子茶凍，好重既梅子味，好清涼，果冷裡面仲有粒梅子，非常特別飲品 ～ 免費的，冰沙，少許檸檬柚子味，好清新總結呢餐火鍋食得好開心🥳侍