游° (已結業)

我地住係附近，覺得呢間餐廳門面好特別，好有格調，好好奇裏面係點。於是今晚就真係一家人走入去地庫睇下。侍應好nice, 好耐心介紹menu上的食物。食物質素好有驚喜，我地唔係食開素嘅人，都好啱食。我地食左燻蛋，煎鵝肝，黯然消魂堡，威靈頓牛肉，馬介休魚，仲有甜品。黯然消魂堡同威靈頓牛肉好特別，必定相機先食。雖然馬介休個樣普通，我地無影相，但我地覺得係最好食嘅，值五粒星。呢間餐廳除食物外，環境好舒服，傾偈一流，係區內少數另類的餐廳。唯一要批評的，是menu字體太細，我地明白menu好artistic, 但我地兩公婆都老花，不太方便。順帶一提，佢地有Fortnam & Mason 唔同味道嘅茶，我晚上我唔飲茶，我老公飲左Earl Grey，好圓滿。

友人帶我們一行四人到這間新派素食來試試. 一試便知龍與鳳. 當晚我們食左 香煎鵝肝配黑醋無花果,馬介休球, 花雕酒糖心蛋,威靈頓牛柳,游堡,希臘茄子千層,玫瑰蘋果酥, 木糠布甸,瑪卡龍. 首先, 賣相很decent 好有心機做plate decoration. 食物上枱時我們都驚嘆. 馬介休球是用素咸魚 素魚露所以很像真的馬介休.威靈頓牛柳睇落好像真牛柳. 甜品：玫瑰蘋果酥都好靚好好味. 食得甜嘅可以試,瑪卡龍. 由於燈光太浪漫 相片拍得不太好

從來冇係OpenRice 打過食評但呢間野令到我想打第一篇去支持佢地知道係岩岩創業 萬事起頭難但食物質素真係好好好好好值得支持！..以前係南豐紗廠已經幫襯呢間🥒🍅🍆素食「私房菜」🥗🥬🥒搬左黎港島緊要支持下🤟🏻今次主要叫一D以前未食過既菜式..呢間鋪主打將傳統菜式「素化」🍖↪️🥬聽姐姐介紹菜式都係廚師自己研究出黎希望保持原本「肉」既風味同賣相💥但又滿足想食素既人士🌱🌱暫時係香港未見到同類型素菜餐廳..環境方面比以前南豐紗廠大左好闊落完全可以滿足到一大班人生日飯既需要👬👫👭.地理位置於香港大學站出大約行4分鐘比以前鋪近左地鐵 .想幫襯朋友建議提早電話/社交平台預約仲可以揀定食咩!

一眼望落去以為係Gallery行落樓梯別有洞天，映入眼簾係一棵好靚嘅橄欖樹，裝修別有用心，環境亦令人覺得舒適。係香港第一次食Fusion素食，主廚將各地名菜以健康素食重現，味道更令人驚喜！以後會再同三五知己黎聚餐💕

呢間隱世新派fusion素菜，位置比較隱蔽，但由有棵檸檬樹嘅門口落一層地牢，餐廳環境又幾素靜，坐落幾舒服。佢嘅菜式好有心思，有好多世界唔同地方嘅名菜都轉咗做素食，而且食落好好味，令本身係食肉獸嘅自己都非常enjoy，有時間可以再去...普羅旺斯燉菜冷盤香煎素鵝肝，非常like，好有鵝肝味，都唔知自己食緊素菜版，個人覺得係必食😋瑪莎曼咖喱雞希臘茄子千層紅酒燴啤梨玫瑰蘋果酥🍎+🌹餐廳新開咗唔夠一個月，食物好有質素，原來之前喺荃灣紗廠已經試過業。真係估唔到素菜可以玩到咁靚，可以好好食。一點意見：餐廳淨係收現金，而且最好預訂菜式，因為製作時間比較長，如果唔係就要等好耐，另外飲品可以加多啲款式，因為食啲咁靚嘅餸，有嘢飲陪襯下就更好不過，又或者食完之後可以有啲有質素嘅茶送下口，就更完美。

Book 咗間高級少少嘅素食料理慶祝，真係超好味，好滿足呀💛大家有無食過 Yau Veggie Bistro💛？之前喺荃灣紗廠嘅時候都食過一次，佢哋最近搬咗舖係西環💛食物質素同之前一樣咁高質，比起之前仲多咗好多甜品同主菜嘅選擇。仲多咗好多打卡位，我個人最鍾意係簡潔嘅水泥裝修，成個格調環境令人好舒服。💛頭盤叫左煎鵝肝黑醋無花果💛上次喺荃灣食過念念不忘，我最鍾意佢個無花果醬配鵝肝。一舊真係唔太夠皮，所以都係叫多一份🤣主菜叫咗博洛尼亞闊條麵同埋威靈頓牛柳💛之前覺得闊條麵太淋，而家質感有改善，有口感咗好多。番茄醬同埋肉碎同之前差唔多。整體比之前好食左。第一次去荃灣食威靈頓牛柳嘅時候，已經愛上左。酥皮好夠脆，用素煙肉包住啲肉，食落口好有層次感。牛柳仲配埋薯蓉，真係飽到癲咗。因為老公book位嘅時候講咗係一周年紀念，佢哋特登喺甜品純素黑桑子馬卡龍到加左字💛好細心呀！但個人覺得個馬卡龍甜咗少少，好彩中間有層酸酸地嘅黑桑子醬，可以中和返佢嘅甜。真係抱住個肚走，好好食呀！大家有興趣特別嘅素菜料理，可以試吓佢哋。香港真係比較少有。暫時試過得佢地先做到💛