港潮樓 (已搬遷) 新店位置

都係朋友提議去試下新野..我地一行四人一早book左位(佢地無非吸煙位就差d啦!)已經係7pm 啦.. 唔係太多人喎..首先要讚下d伙計都幾有禮貌特別係幫我地寫菜的阿姐都好有耐性等我地慢慢諗食乜好...唔知係唔係老闆之一的陳錦鴻係到走來走去(ps: 見到陳錦鴻都好勤力咁招呼d客, 不過好似好多都係識佢咁, 見佢個個客都傾下計.. 係無同我地傾喎...)好啦.. 講下我地叫左d乜啦!1) 干燒倉魚片$98 (唔係太抵食啦..不過都幾好味)2) 蠔餅(多粉lor不過都有好多蠔) 3) 糖醋麵(幾好, 不過再脆d仲好食!)4) 潮州粉粿6隻$38 (都幾好味啦..)5) 南瓜咯(第一次食...原來係甜食的, d南瓜切到一條條..有d花生粒同埋芝麻係面..不過個伙伴話唔係甜品呀..係咁食法喎.. 但係佢唔應該搵塊竹面上菜..因為竹面下面有d蟲仔呀..好驚呀! 最後我地叫左陳錦鴻過來..同佢講..咁就好快咁換左個碟俾我地..)6) 菜$68 (唔記得個名, 不過係有菇, 瓜, 黃牙白, 火腿.. 都幾好味.. 唔太salty)7) 鵝片+墨魚(鵝片唔夠入味..差了一點點lu)其實4個人食都剛剛好

呢度d晚飯質數唔錯，環境也甚有氣氛，只是地點有比較偏僻，好處就係無咁多人。昨日第一次去呢度飲茶，可能陳錦鴻效應而多左人等位，但食物完全唔馬虎，質素依然有保証。點心推介:梅菜包、菜苗餃、素姑餃、珍珠雞...其次:豪仔粥7個人共$500，已經好飽!

經朋友提議下,到此店試試,第一個感覺是裝修幾靚, 特別係個門口, 食物方面都ok,尤其是條煎倉魚同糖醋麵, 仲有醉雞鍋都吾鍺, 不過紅油炒手就麻麻地, 吾夠辣之餘, 仲有d醋味, 酸酸地咁, 比較奇怪, 臨尾送左幾碗花生糊糖水,吾知係咪吾夠分溝左D滾水落去,難食都暈左; 我都見到陳錦鴻, 不過成晚只出過黎1分鐘;侍應換碟真係好密, 不過只限於坐近出面既客人, 我坐係走廊位, 未食到一半已經換左5次碗碟, 至於坐近牆既朋友就一次都無換過;另外有個"A"字頭既男侍應, 服務真係極差, 極度無禮貌, 態度惡劣, 可以用個"寸" 字黎形容佢;總括黎講,呢間SHOP 都仲要有待改善。

經朋友提議下,到此店試試,第一個感覺是裝修幾靚, 特別係個門口, 食物方面都ok,尤其是條煎倉魚同糖醋麵, 仲有醉雞鍋都吾鍺, 不過紅油炒手就麻麻地, 吾夠辣之餘, 仲有d醋味, 酸酸地咁, 比較奇怪, 臨尾送左幾碗花生糊糖水,吾知係咪吾夠分溝左D滾水落去,難食都暈左; 我都見到陳錦鴻, 不過成晚只出過黎1分鐘;侍應換碟真係好密, 不過只限於坐近出面既客人, 我坐係走廊位, 未食到一半已經換左5次碗碟, 至於坐近牆既朋友就一次都無換過;另外有個"A"字頭既男侍應, 服務真係極差, 極度無禮貌, 態度惡劣, 可以用個"寸"字黎形容佢;總括黎講,呢間SHOP 都仲要有待改善。

今次都係食番上次個二人餐, 但今次食完後沒有功夫茶反而有紅豆沙送, Service ok wo.. 個waitress 換碟好快, 我都唔係食得好污糟姐, 但佢就係咪都換新的碟俾我, 環境清靜因必有房坐, 本人就鐘意去d 靜既酒樓喇~唔洗搶野食又無人成日喧嘩大叫@.@走時仲見到陳錦鴻在換水..

上星期心血來潮就出左TST 搵食, 睇到食評唔錯才來一試.$98 二人套餐有: (1)炒粉麵一碟, 係你地平時係酒樓食既一半份量, 我同老婆選了: 福建炒飯, 味道同一般酒樓無異, 不太特別.(2)炒時菜一碟: 都好香, 份量幾多.(3)大中小點任選兩款, 我要了蟹子燒賣, 鮮蝦腐皮卷, 點心夠大件又精美, 真係好好.(4)咸雞一碟, 味道頗咸, 但都OK.我仲叫左一個揚支甘露呀, 味道清甜.Service 幾好, 佢俾我們坐房, 寧靜又有個待應永遠係度看你須要.不過陳錦鴻就見唔到喇~~~~~~~

港潮樓ge 菜式有粵式and 傳統潮州菜!!!推薦:1) 羅白糕炒蟹or 蝦2) 干燒倉魚片3) 蠔餅

我都去過呢間酒樓飲茶呀, d services 又好, d 野又好味, d 價錢又okay, 又易揾位, 硬要彈既話, 就係位置隔涉咗少少, 不過overall嚟講都係非常之唔錯~

Saturday約左班friend黎飲茶,初初唔知間酒樓陳錦鴻有份,不過坐坐下見佢滿埸飛,同d茶客social,同d客聯絡下聽下意見,幾好!睇落佢都應該已經留左班熟客.個日連杜文惠都黎飲茶添.(我地好鍾意佢以前個節目架.....)講下裝修,典型酒樓以紅色為主,但燈光較特別,用左大水晶吊燈,大廳唔會係好光猛個種,相反有小小暗,但幾舒服.唔會"殘"到頭都痛埋.食品一般酒樓點心(我地無叫set),款色數量同個d貴價酒樓差唔多,無咁多花巧野,但勝左唔使估估下.價錢較平,味道無乜驚喜,但okay啦.一分錢一分貨.不得不提,侍應服務唔錯,可能老板成日睇住卦.唔會話搵唔到人幫手,佢地又會主動幫客人收左d食完既碟同茶壺加水.比起d金龍船,陶源--人手唔夠,叫人叫到無氣,又做錯晒d野.呢度好好多.抵讚.果然有老板打氣同做榜樣,d侍應服務都唔同d.

我每次黎呢間食lunch都見到陳錦鴻係度走來走去，都有昭呼人，佢都好親切，我朋友搵佢影相佢都好好笑容!但我未食過晚餐，唔知佢夜晚會唔會係度呢?裝修都幾靚，暗暗地，但好特別係牆上掛了很多以前皇帝既衫做裝飾，而呢間舖又係陳錦鴻有份投資，我諗肯定係佢以前拍戲做皇帝時囉黎留念啦!我返工係尖東, 所以好多時lunch都去呢間飲茶，初初開張時價錢比較貴，但最近加了很多lunch套餐，又平又抵食。一個四人套餐但係要五個人先食得洒，一碟凍盤，3款點心，一碟菜，一碟炒飯or粉, 再加甜品，五個人都係大約$45-$50十分抵!