港滙軒

營業中

休息中

今日同朋友睇完戲，就係附近揾野食。大家都好耐無食過中菜，見近近地就揀左呢間酒樓。地方唔算好大，但非常開陽，遠望維港夜景，夜晚既景色特別美，一望無際，非常舒適。鮮菠蘿咕嚕肉皮薄鬆脆，肉質軟嫩，味道帶點酸酸甜甜，酸甜味道平均，即叫既做，份量都幾多。新鮮菠蘿鮮甜開胃，size大細適中，再配上一小片菠蘿做襯托，非常精緻。炸蝦餅一碟有6小件蝦餅，每人剛剛好分成三件，大大隻原蝦肉和炸粉一起炸，炸成金黃色，肉質彈牙帶口感，竟然比想像中無咁唔油膩，岩晒我口味。餐牌小菜，滷水，海鮮套餐組合，價值都合理，款式配搭多，有時唔想諗，揀食套餐都係一個不錯既選擇。

今天雖然是一號風球，但見仍風和日麗，於是約了媽咪到尖沙咀走走，順道在I Square 的港滙軒飲茶。港滙軒位於24樓，坐在近窗的位置，已可居高臨下看到維港的景色。坐下後，我們叫了人參烏龍茶。點心叫了筍尖蝦餃皇、蜜汁叉燒腸粉，及原粒瑤柱魚翅灌湯餃。～筍尖蝦餃皇：皮薄晶瑩通透，蝦肉清甜彈牙，優質出品👍🏻～ 蜜汁叉燒腸粉：腸粉皮也是薄滑，叉燒餡料頗多，很有傳統的味道。～ 原粒瑤柱魚翅灌湯餃：湯底濃郁，原粒瑤柱，食材矜貴，灌湯餃餡料多，確是我的至愛點心😋整體來說，港滙軒位於尖沙咀的國際廣場，地方就腳，飲茶首選，點心精緻一流，加上招呼好，地方寛敞，下次會來試試吃晚餐。

位於ISquare 超高層,睇住靚海景食點心一流.酒樓好大,但星期日一定要訂位,,今日目測滿座。那麼受歡迎相信是午餐時段有很多點心選擇還有漸漸失傳的傳統點心。有我最愛的鳳城蝦多士熱辣辣，金黃色的外層多士超香脆內裏軟林，蝦餃彈牙。 蝴蝶蘿蔔絲酥有別於平時的蘿蔔絲酥，外層有美美顏色點綴，蘿蔔絲餡料入口即融化，一邊散發著淡淡的蘿蔔絲香，非常之足料，多層摺顯示廚師絕不馬夫。筍尖蝦餃皇四粒一籠的蝦餃外型飽滿，摺口和大細都粒粒均稱，蝦餃皮唔痴牙，每粒蝦都好彈牙 田園淮山雞扎非常爆滿，雞肉超大件，冬菇，淮山全部足料，利用椰菜嚟包住過大雞扎，更顯健康。生磨蛋白杏仁茶最欣賞可說是哩個甜品，熱辣辣，即叫即現場煮，杏汁底很滑順，甜度適中，沒有搶去杏仁味，蛋白滑溜溜。

今日係尖沙咀I square 同老婆食個晚餐，好view得黎又唔貴，茶芥 $20/位好合理，小菜幾有鑊氣。。🍴啫啫通菜煲 $128呢個通菜煲真係好有鑊氣，濃郁鮮甜，鮮嫩多汁，通菜煲夠晒正。。🍴三蝦乾撈粉絲煲 $138呢個撈粉絲煲真係令人驚艷，粉絲入味彈牙，大快朵頤！仲有幾隻鮮蝦鮮甜彈牙，加埋蝦乾嘅香脆口感，飽足感十足。。🍴鮮菠蘿咕嚕肉 $148菠蘿咕嚕肉好出色，鹹甜口味岩岩好，肉質鮮嫩多汁，配埋香甜鮮脆嘅菠蘿，好開胃。

陪姑仔去睇婚宴場地，港滙軒位於尖沙咀核心地段，國際廣場24樓全層，坐擁270度維港迷人景緻，姑仔重請我食埋飯先走，坐近窗邊位置仲睇到海景夜晚嚟睇到幻彩詠香江。超正！當紅脆皮雞半隻：雞炸至金黃香脆，吃起來皮薄香脆，肉質嫩滑，點些甜醬油更令味道提升。豉汁帶子蒸豆腐：豆腐入菜整法確實千變萬化，用來配搭濃味的調味品的菜式也會很惹味。豉汁帶子蒸豆腐就是一個很好的例子，以豆腐襯托香濃的豉汁，帶出帶子的鮮味，是很完美的配搭。秘製皇子鴿：皮脆肉嫩秘制妙齡皇子鴿，油潤甘香，脆皮炸到金黃包，啖啖肉汁唔乾身，鹹香惹味！

跟好朋友到尖沙咀國際廣場( iSQUARE)， 兩個人食中餐撐枱腳，上到24樓， 酒樓地方寬敞， 面向維港景色，燈光襯上紫色的燈飾， 充滿浪漫，感覺超正! 秘製皇子鴿用手撕開時香氣撲鼻，外脆內嫩， 肉汁豐富 ， 甘香入味，食得滋味! 客家煎釀豆腐這一道傳統的客家菜 ，營養價值高， 老少咸宜! 大厨用心慢火煎香，豆腐又軟又嫩又滑，肉汁渗入豆腐裡，鮮香味濃， 伴飯食一流呀! 啫啫通菜煲 通菜是夏天的時令菜，不時不食，真是最好的選擇，用蝦醬配上蝦乾肉碎連煲上，熱騰騰的，還在滾動著，火喉控制得宜，没有過火，保持脆綠，! 雷沙湯圓外層用花生粒椰絲包著，湯圓軟糯糯的，一咬爆出流心芝麻香，小心燙喔! 真是一款不錯的飯後甜品。 邊食邊環顧四周， 覺得現場環境配置，同時交通都非常方便，這裡作婚宴場地都是合適之選呀!

今日去尖沙咀銀行交文件，走時碰到朋友，一於一齊飲埋茶先返屋企。酒樓環境，給人一種浪漫舒適嘅感覺，一邊慢慢嘆茶，一邊欣賞維港嘅景色。酒樓點心更有特色。於是叫咗外面少見嘅點心先。＂金魚餃＂上台顏色鮮艷奪目，好吸眼球，像足一條魚，梗係要相機食先，餃子皮薄餡靚，入口鮮味十足，蝦仁夾口彈牙。＂蝴蝶蘿蔔絲酥＂酥脆可口，一啲都唔油膩，餡料蘿蔔絲爆棚，層次分明，周邊加上黑白芝麻更添香味。＂啤梨鹹水角＂做到像真水果一樣，好有觀賞價值，入口外皮脆口又帶煙韌口感，非常滋味。＂蔥油糯米卷＂入口蔥油味濃，米軟糯，好飽肚，＂羊肚菌燒賣＂整個羊肚菌鋪喺面頭，感覺非常高檔，肉質嫩滑。

星期六中午，到尖沙咀辦點事，順道在這家酒樓品茗。它地方闊落，餐桌之間有些距離，環境不算嘈雜。最大特色是廣闊的維多利亞港景色，令人心情舒暢。 點心種類繁多，星期六下午的價錢主要分別是小點$30、中點$43、大點$49及特點$55，另外茶水每位$18。 我們點了六款不同種類的食物如下: 黑豚脆皮包 ($48) 黑漆漆的表皮，口感有點像雪山飽亦脆身，內裡有切得細塊的黑豚，腍身可口。 蔥油糯米卷 (中點) 一籠四件，但有點大小不一，包皮尚算軟熟，包裹著微甜的糯米，入口煙韌，亦充滿飽肚感。 上素粉果 ($38) 一共有三件，粉果皮不算太厚，內裡主要是爽口的菇粒。 蠔皇鮮竹卷 (中點) 蠔油汁味濃，甚至有點過鹹，鮮竹卷結實。 蜜汁叉燒腸粉 (特點) 三條腸粉粗幼不一，手功比較差勁，賣相已扣了分。每一件填滿叉燒，入口鬆軟，蜜汁尚算甜美。 金瑤海參炆伊麵 ($168) 這款炆伊麵配料簡單，就是金菇和海參，後者切了絲，口感煙韌。伊麵份量多，但醬汁味精比較濃。 整體食物質素一般，服務員禮貌亦一般，和屋邨廉價酒樓的沒有分別，說話用字應更謹慎及有禮。因此，綜合各方面，性價比亦屬一般

♡ 飽覽維港海景酒樓｜港𣿬軒 ♡-今日同友人去咗一間位於尖沙咀高質嘅茶樓 ～ 除咗價錢相宜之外，仲可以飽覽維港嘅海景😍 性價比好高‼️ - ♡ 金魚餃 ♡ $58賣相吸引 ～ 真係好似成條金魚咁😋真係唔係好捨得食左佢入面嘅餡料鮮美豐富，賣相好吸引人，一口咬落去，餃子內嘅汁液即刻爆漿，好過癮。-♡ 紫醉金迷鳳眼餃 ♡ $58紫色餃皮幼滑細緻，內餡的帶子和蝦肉口感爽口彈牙，上面仲有蟹籽😝-♡ 筍尖蝦餃皇 ♡ $51蝦🦐餃大大隻，鮮甜爽口。-♡ 鴛鴦馬拉糕 ♡ $48味道甜甜香滑，有黑糖味同埋蛋香味兩種選擇，好好食。-♡ 流沙奶皇包 ♡ $45呢款奶皇包有別於出面嘅茶樓奶皇包帶有淡淡的楊枝甘露味麵包鬆軟，入面嘅流沙奶黃餡料滑溜又香口，入口即溶，甜而唔膩，每一口都能夠感受到奶皇嘅濃郁香甜。-♡ 蝴蝶蘿蔔絲酥 ♡ $48 蝴蝶蘿蔔絲酥外皮酥脆可口，入面嘅蘿蔔絲餡料有淡淡嘅甜味口感層次分明，非常開胃同好好味。-♡ 豉椒蒸排骨 ♡ $45排骨肉質鮮嫩多汁，蒸得剛剛好，配埋豉椒醬汁，能夠帶出排骨嘅鮮味。-♡ 啤梨鹹水角 ♡ $39外皮酥脆，入面嘅餡料鹹香可口，啤梨形狀十分吸睛😍鹹水角嘅鹹香帶嚟

員工少 ！搵個員工都難！係度洗碗碟 .十個人先俾一個兜裝水 洗剩一個 想倒埋d水 就俾嗰員工話！唔好再倒啦！囉唔到啦！ 你哋服務語氣係唔係可以好d咧？可以咁講：唔好意思 滿左了，幫你哋換一個啦！

一個點心由order至送到桌上需時四十三分鐘,問經理話起碼都要等半個鐘傢啦,態度囂張,,如果入坐前講明我吾會食,仲要話即時蒸,我都無食蒸煑點心只系叫炸物,吾通炸四十分鐘

雖然已經訂咗枱，安排極差，無伙記，態度差，唔想受氣，就免！表面可以，行入去睇，極髒，唔想肚痾，就免！望出窗外面，風光如畫！坐位入面，密密麻麻，伙記都行唔到，消防局都要上去查下，有否違反消防條例，唔想出事，就免！其實依家做餐飲服務，都非常痛苦。有經驗嘅伙記，全部老油條，應做唔做，見身郁唔見米白！後生嘅，全部都係夢遊仙境，眼光光！唔知做咩！唔想勞氣，就免！收咗咁多免，都經營下去。因為有免死金牌，大家都已經習慣咗!!!

我前排去咗尖沙咀嘅一間餐廳飲茶🫖叫港滙軒 成個體驗好正呀🥰餐廳嘅環境真係好浪漫💕可以一邊食點心🥧一邊欣賞到維港☁️嘅美景😍 餐廳裝修都好有風格～🥹星空浪漫風格同埋華麗閃爍嘅水晶燈✨✨✨真係好尊貴高雅💅事實上都唔少人選擇呢度做結婚🎎場地 㗎💗呢度都有好多特色點心 🥧等我介紹吓先👏🏻🤓佢嘅金魚餃🐠好可愛😆真係做成金魚嘅形狀 餡料鮮美多汁🦐筍尖蝦餃王個皮又薄又Q彈😋餡料又鮮又香豉椒蒸排骨個排骨好嫩滑🥳蒸得剛剛好 啖啖都係肉汁🍖 鴛鴦馬拉糕就好特別啦一半係蛋香馬拉糕 一半係黑糖馬拉糕兩個口感完全唔同 好特別～流沙奶皇包好香滑 內餡有少少楊枝甘露嘅味道 好特別😆蝴蝶蘿蔔絲酥好脆好鬆化 好好食啤梨鹹水角造型好特別 第一時間要打卡先😆😆最後仲送糖水四碗 真係好貼心😊港滙軒嘅點心真係好好食 😋味道正宗 環境又靚仲有海景好適合同朋友嚟打卡影相📸️#港滙軒 #尖沙咀婚宴新焦點 #星空浪漫風格 #精美點心 #海景場地

今日嚟咗依間尖沙咀isquare入面嘅中菜廳。如果早啲訂位嘅話應該可以坐到落地玻璃位置，可以飽覽維港景色。Menu圖文並茂，而且菜式都好吸引，亦都有啲係懷舊嘅中菜，唔係咁多地方食到。個茶用小火保住溫度，感覺貼心。我哋先叫咗個當紅脆皮雞 ($168半隻)脆皮雞嘅皮仲保持住光澤，皮薄香口，唔會炸到乾晒，肉質鮮嫩多汁。客家煎釀豆腐 ($138)賣相非常之吸引，雖然只係簡單嘅食材，但係豆腐好嫩滑，上面有釀肉碎同埋香蔥，配上簡單嘅醬汁調味，仲有少少菜心伴碟，家常又健康。港滙小炒皇 ($148)睇個菜名應該似係餐廳嘅拿手菜，入邊嘅材料豐富，除咗菜蔬之外，仲有腰果、蝦仁等，夠哂入味。太好餸，我哋都有叫到白飯餸。

有景既中式酒樓，打卡非常好，位置係Isquare24樓所以可以睇到維港海景，價錢正常，係尖沙咀黎講都算抵添，當紅脆皮雞，色澤鮮明，皮脆可口，內裡肉質鮮嫩多汁，特別係配上醬汁，令喱道菜的風味更加突出。滷水掌翼，滷汁入味，食落好有掌翼的韌性，適合配埋啤酒。三蝦乾撈粉絲煲，有大大隻鮮蝦，粉絲入味，吃起來非常有口感。蝦乾也帶來了一些額外的香氣和口感，讓這道菜更加豐富多樣。古法蝦子鮑汁柚皮，鮑魚既汁完全入晒柚皮，煮得非常冧，但overall都帶有少少苦澀味。