港滙軒

營業中

休息中

今日同屋企人去尖沙咀Isquare行街，佢地午餐想飲茶，  isquare開咗間新茶樓，  佔全層非常大間， 又望到尖沙咀海景！ 香煎韭菜粿 3件（中)韭菜粿個皮夠薄， 入面係爆餡嘅韭菜， 味道非常濃郁， 煎得好香口！ 啤梨咸水角3件 (中) 外型好特別係綠色嘅啤梨嘅形狀, 有別於平時嘅鹹水角！ 個莖係用朱古力餅乾條做嘅,入面嘅料係肉碎, 不會太鹹！好吸引😀夢幻山竹3件 $48做成山竹嘅樣非常特別,超可愛！ 外脆內軟，入面係粟米濃湯， 好有特色！豚豚脆皮餐包 3件 $48豚肉餐包係黑色嘅, 賣相好吸引！ 外皮非常脆口！ 入面嘅豚肉好juicy嫩滑, 好值得食！特色鮮蝦春卷 (大)炸到剛剛好不會太油膩, 入面嘅蝦都很大有鮮味🥰蠔皇鮮竹卷 3件（中）軟硬適中, 內裏的餡料好豐富, 熱辣辣很有口感😀蔥油糯米卷4件 (中) 糯米卷嘅糯米好軟糯, 蔥油味十足, 一籠有四件好抵食！🤩 星期一至五至下午兩點係午市小點$28 中點$33 大點$39 特點$45食物質素不錯, 員工也很友善, 豐富的一餐！

即興與家人晚飯，知道isquare有間新開等港匯軒，有開揚海景、馬上即日訂位，一行6人，去到說剛有客人取消了訂座，我們幸運地坐到窗邊位，未食已感覺良好，我們點了龍蝦，龍躉兩食，片皮鴨，上湯浸時菜及燉湯，全部都有水準，我們已決定會再來試吓飲茶，同時也見到一些套餐價錢也合理可以再來晚飯。唯一挑剔的是我們在問時菜是什麼的時候只回答是時令菜，我們說老人家吃不了硬的菜，他說可以按我們要求更改，問有沒有莧菜又話沒有，何不問一下廚房究竟有什麼選擇呢，有很多食肆也能做到的。

iSquare嘅地理位置好好呢間位於24樓嘅酒樓可以完全飽覽維港景色❤️環境好闊落舒服，又夠光猛‼️除咗環境有質素之外，點心都係用心製作的所以點心都係即叫即整「原粒瑤柱魚翅灌湯餃」雖然魚翅唔多覺有但勝在個湯好清甜好飲，加上餃子皮好夠薄，原粒瑤柱更加係重點「石窩XO醬煎腸粉」哇呢個勁好食石窩嘅熱力能夠將腸粉繼續煎香，令底下嘅腸粉做到脆邊嘅口感，令到更加香口XO醬一啲都唔吝嗇，每條腸粉都比XO醬及醬油包裹住「豚豚脆皮餐包」最欣賞中間嘅醬唔會杰撻撻餐包質感極度鬆軟，而脆皮食嘅時候感覺同餐包融為一體，整個口感好好「鮮淮山雞扎」用淮山代替平時嘅腐皮，好特別不過甜品「芒果糯米糍」就唔太岩我口味了芒果粒太小，而且加埋左custard，感覺甜左啲～～

前幾日下午去咗位於iSquare嘅新餐廳、餐廳感覺好舒服& spacious、我哋坐咗喺窗邊位、望住個無敵維港景、超正！ 同同事叫咗好幾款點心、啲造型都幾特別、用生果造型做點心。 味道都確實好食、especially 叉燒包、潮州粉果及 啤梨型嘅鹹水角。 叫咗個胡椒豬肚、都幾嘢味、胡椒香味、辣辣哋、暖下個肚仔！ 個燒肉夠晒脆口、三層肉質、係有啲油膩、但係好好食。我同事坐咗個冷氣風口位、個女侍應都同我哋搬張枱、避開個風口位、又問我哋要唔要披肩、這個服務都幾貼心。Overall, 呢間新餐廳食lunch唔算貴，reasonable price indeed! 服務&食品quite good too. 絕對可以再encore！值得支持！

10月1號國慶日約了朋友去尖沙咀，喺iSquare門口遇到一個姐姐派傳單，佢話攞住張傳單上去24樓港滙軒 有燉湯送。上到去以為自己去咗酒店，環境好舒服望住維港景。中午時段好少客人，應該冇乜人知道。所以坐得好舒服我們叫了八款點心，味道適合寫字樓區不會太鹹太濃味，款式都幾多選擇，最重要點心賣相都幾靚，價錢都不貴。侍應服務都幾好，會問我們食物質素如何，同幫我們換新茶葉。茶葉都有八款選擇。下次要試吓晚飯質素如何。