港楓味

營業中

休息中

港楓味😋😋😋潮食健康餐外賣專門店鰂魚涌海澤街、新開健康餐外買專門店、美食都以抵炭、慢煮、店主承諾不添加味精、健康午、晚餐快樂泉源！😃🥰🐔楓味無骨海南雞$68+油飯$5、配加$8香🍋話梅茉莉花茶有驚喜、海南雞軟滑冇添加、雞肉皮爽肉嫩、肉質鮮甜、仲好彈牙爽口、口感軟綿綿、配油飯、飯香而不膩、冇骨雞蘸點薑蔥蓉或帶點甜酸泰式辣椒汁、帶出雞更美味！半邊鹵水蛋、賣相吸睛😆配菜一流、不止單一款菜、迎🈴️每日兩份菜！椰菜花、西蘭花🥦粟米粒、香菇、紅蘿蔔絲、椰菜、真正健康餐、嘆番枝自家 飲品、開胃醒神！🐂和風牛肉丼$58+$8荷香冬瓜薏米露未開飯蓋、和風牛肉的濃香牛味撲鼻、牛汁濃郁入味、洋蔥軟身入晒味、牛脂分佈均勻、入口即溶感、配菜冇🉐️輸、真正健康美食午餐晚餐之選！嘆埋枝清潤飲品、飽肚🈵️足👍🏻田園沙律🥗$48大大盒沙律菜、沙律菜厎好多款菜、配健康藜麥、薯仔、南瓜🎃、蕃茄粒、半隻雞旦、吃時淋上麻醬、清新爽甜、新鮮、超抵價、超抵食、超健康！💯**店主益食家可提供港島東區配送服務**港楓味鰂魚涌海澤街3號地下C號鋪港鐵鰂魚涌站B出口、步行約3分鐘

分量及味道正常唔咩特別。試過黑椒汁慢煮雞胸肉，泰式酸辣醬豬頸肉，叉燒炒蛋飯，有好多配菜、半隻水煮蛋，都幾豐富。味道偏淡，健康選擇。新開張一段時間都還可以。但近兩次體驗較差，出單混亂，經多種平台可點餐係方便，但餐廳單據混亂堅且會漏單。趕時間所以買飯盒，結果等咗九個字仲慢過堂食……鋪頭執餐姐姐懵懵地唔係好聽到你講嘢亦唔知點幫跟進。點餐姐姐就係咁關注點餐，叫你等等。問題係已經點咗餐嘅都仲未消化得切，繼續點落去咪繼續搞唔掂……

星期二放工去左屋企附近新開既外賣店港楓味買外賣返屋企。楓味無骨海南雞飯白飯可免費轉藜麥紅米飯，我當然轉食健康野啦。海南雞肉質嫩滑，無骨方便食用，雞皮亦都滑嘟嘟，仲有大量既蔬菜。香煎慢煮牛柳沙律沙律醬可揀培煎胡麻醬或泰式酸辣汁或千島沙律醬，我揀左培煎胡麻醬。牛柳有好多件，唔會鞋口好韌，沙律菜新鮮，有蛋白質又有纖維，絕對係減肥keep fit之選。雪耳椰子雞湯甘岩新開張跟餐送飲品，無湯水飲既我梗係揀湯啦，雖然係雞湯，但唔油膩。

鰂魚涌一到lunch hour間間餐廳都好多人🧟所以有時寧願買外賣返Office慢慢嘆 見新開左呢間外賣店 有飯有沙律 價錢唔算貴 就同同事試新嘢 無骨海南雞飯 $68 相信係招牌飯餐🥢雞肉又真係幾滑 有雞油香又唔會太肥膩 就算無醬汁都好味 而且都幾多菜 脆嫩新鮮 又唔重口味 感覺幾健康低脂雞胸肉沙律 $58超大盒🥗沙律菜好新鮮 雞胸肉亦幾嫩滑 完全唔嚡口 可以自選麻醬/酸辣醬/千島醬 食完好有飽肚感自家製荷香冬瓜薏米露 +$8飲得出低糖 薏米好足 幾清爽🧃

今日lunch嗌咗份醬燒挪威三文魚柳飯嚟試下，食物質素都唔錯，魚皮煎得幾脆下，三文魚食落唔會膩。另外，可以免費轉藜麥紅米飯，仲有得跟雪耳椰子雞湯或者嘢飲，實為健康午餐的不二之選。

放工經過這間新開的小店，主打外賣，有健康的沙律、飯及小食，價錢由幾十蚊起，買了兩盒飯返去同屋企人享用。我們點了海南雞飯及咖喱牛肋條飯，份量十足而且即叫即煮，新鮮熱辣。椰子雞湯完全零味精，很清香的椰子味，十分鮮甜。海南雞飯轉了油飯，十分爽口，雞件已去骨，皮下脂肪不多，肉質嫩滑。咖哩牛肋條飯十分惹味，牛肋條炆至肉質鬆化，咖哩不辣但頗香，另外還有些炒菜，十分健康。荷香冬瓜薏米露非常適合現時天氣飲，清爽又去濕。

每次晏晝諗唔到食咩，都會過嚟太古坊呢頭行下，好多時都會有驚喜。今日又畀我喺海澤街搵到間外賣小店。店舖主打健康便當，餐牌選擇都幾豐富，有 10 款飯，另外仲有沙律、小食、椰子雞湯同自家製健康飲品等可供選擇。我哋揀咗香煎慢煮黑椒牛柳 ($68) 同 楓味無骨海南雞飯 ($68)。海南雞 +$5 可以轉油飯，+$8 更可以轉雞髀肉。海南雞已經去晒骨，外皮富彈性，咬下啖啖肉，嫩滑得嚟又有雞味，好正！油飯味道亦一流，香氣濃郁，配埋旁邊新鮮即炒嘅菜蔬同半隻蛋，有營又健康。另一盒香煎慢煮黑椒牛柳亦睇頭十足，牛柳煎得啱啱好，肉呈微微粉紅色，肉質食落仍然粉嫩，既軟腍又 Juicy，慢煮果然零舍唔同。米飯可選白飯底或免費轉藜麥紅米飯，飯粒煙韌有嚼勁，配菜有南瓜、薯仔、椰菜西蘭花、椰菜花、紅蘿蔔同半隻蛋，非常足料，食完好飽肚。