渣哥一九九六 (已結業)

今天中午食飯，點了三溝碗仔翅+三寶(魚蛋,豬皮，蘿白).三溝碗仔翅 $30 - 夠熱，胡椒粉夠香，太酸 (員工落醋重手了) 由於生菜墊底，翅身又傑，"朗" 起左，所以d翅份量好小...三寶 $30 - 豬皮無毛，再稔d會較好，蘿白ok, 魚蛋太實，味道較鹹，旁邊林x記魚蛋好味好多。total $60 實在太貴，去茶記包餐飲都有找。另外，過上晦氣員工。又貴，又無得坐，又態度差，為何要再幫襯？

夜晚經過尖東果條小食街，見到呢間小食店好多人幫襯，咁啱未食晚餐，唔想諗叫左個腸粉套餐試下。頭抽豉油腸粉，腸粉質感軟滑有彈性，甜醬較豉油濃味，穩約食到花生醬嘅味道，醬汁整體濃而不咸。至於辣魚蛋厚實彈牙，係個人鍾意嘅口味，燒賣煙煙韌韌都幾好食，咬開有肉香，感覺有唔少肥肉。雖然係小食店，不過服務態度唔錯，食物質素都ok，價格唔平但都多人幫襯。

天地堂有少少肚餓吾知食乜好。咁岩經過渣哥1996就諗住試下佢地既小食：）老闆同員工都好好人特別推介美味既蒜汁魚蛋同煎釀三寶，魚肉新鮮爽口配合埋豆腐等脆口食材，食落勁有香港風味。最正係魚肉釀得好好，絕對吾會食到一半同舊茄瓜分開，真係食得出係心機之作。希望香港可以有更多同樣有本土風味既小店啦。

今天上完課後，正要會合柑太，於是便前往紅磡乘車，途中肚子有點餓，剛巧看到有小食店，便點了一客炸燒賣嚐一嚐。($15/6粒)燒賣炸好很非常熱，只用紙袋袋住也很辣手，如果可以改為用紙杯盛著便不怕辣傷。燒賣外皮炸的頗脆，入口卻煙煙韌韌，口感很奇特，雖然不算是非常美味，但製作頗有心思。

今次第一次寫既其實同食冇乜關連……只係想比d意見佢地既店員知道仍有改善空間……喺渣哥其實大多數只買支凍豆漿就拎返公司飲 有些有善既店員會問妳要唔要膠袋，而昨天如常去買豆漿 係另一店員收錢 跟手就“隊“左支豆漿喺枱面度話:9蚊 我就問可以比個膠袋裝住嗎？點知個店員用嗰對大眼厲一厲我就話： 膠袋要收5毫喎 ！我就話之前呢度買開亦有比膠袋裝住喎…… 之後佢好悔氣咁“蚊“左個膠袋入住支豆漿話：今次就算 下次就唔得 咁樣好浪費！嘩！我見佢咁樣就蚊返支豆漿出來就拎住走啦 ！點知佢會唔會為左個膠袋咒足我成日架 ……老實講唔係貪你個膠袋 係衞生問題 支凍豆漿雪過有水氣架 一路拎住返到公司就成手濕晒啦！況且 《經冷凍及雪藏食品可豁免膠袋收費架！已付圖》需然係冇咁環保 但飲完亦會清洗後連埋個膠袋放入回收箱。所以希望期店員有待改善禮貌及熟悉其業務有關之收費！

鋪面好企理，同以前已經唔同哂。以前黎食過感覺一般，今次就喺佢出左名之後黎食，結果出人意表地好。選擇其實左左右右都係果啲，而呢一次因為太肚餓就直接叫左個腸粉餐食。腸粉燒賣魚蛋，一般嘅街邊小食。我叫左魚蛋一半辣一半唔要，但之後後悔喇，因為佢辣得好好味，好夠勁。而腸粉都好滑，燒賣亦都唔會外皮甩哂果種，完完整整咁喺度，所以成個餐都幾一流架。偶爾行行下街都唔一定要入餐廳食，而可以選擇掃下街，都有出奇不意嘅結果。

路過尖東，都會去食返串魚蛋，呢個10蚊有8粒嘅魚蛋，有辣有唔辣，我喜歡重口味嘅當然食辣味魚蛋，魚蛋彈牙，鬆軟，而且煲得好入味，咖哩味好重，正大大粒嘅龍蝦丸就12蚊有3粒，熱辣辣，好大粒，好彈牙，加埋沙爹汁好惹味，超正，下次再去幫襯

銅鑼灣店都ok，今次試尖東店。想食豬皮蘿蔔魚蛋，店員話無晒豬皮，咁就叫左齋蘿蔔算，見佢白雪雪，應該無乜味咁，加左沙爹醬同蒜蓉醬。好可惜是失望的，蘿蔔沒味，醬還醬，蘿蔔還蘿蔔，蘿蔔可以再淋dd，醬亦不是岀眾。。。腸粉就ok既，細細條，但唔夠soy sauce***食完當晚肚痛又肚瀉衛生有待改善。。。

汁液大有作為夠勁 辣椒以及香醇調味料10蚊8粒魚旦粒粒皆辛苦，皆因用上好的來料而以惹味葱蒜汁煞食初來尖沙咀東要 真工夫在群雄割據的尖沙咀站穩不易所有魚,肉 丸古老吃法 滷水墨魚也做貨夠多，有野賣，定價好，價廉物美出乎意外地抵吃好吃應有盡有渣哥初來尖沙咀東所有煎炸饟寶貝也會有她取得很好貨源令人刮目相看定價合理可以十分大眾化30元一個雞腿飯20多滷肉飯定位鮮明手腳快傲視群雄可以只做外帶節省其他皮費這個長做長有

譚小環在尖東開檔喇，我排左3分鐘嘅隊買左一串魚蛋，10蚊有8粒，有辣有⑤辣，我要左小辣加辣蒜蓉，魚蛋粒粒彈牙，爽口，距咖喱味好濃，有小小甜甜地，加小小微辣，所以小小辣嘅蒜蓉好正，又可以見到譚小環親自煮野食嘅熱情，好感動

啱啱新開冇耐既渣哥, 今早就試試買佢既食物做早餐!我買左頭抽腸粉套餐~(魚旦同燒賣都會有4粒~)$25~其他堅貴的~但係真係好味既! 魚旦可揀辣定唔辣!超彈牙既魚旦呀! 燒賣都好味! 而腸粉都算滑~不錯! 不過如果店員服務態度好反小小就更加好la!唔係好忙既時間都好似打仗咁~

今次我是抱著嘗試新店的心態去買, 結果令我感到失望。我是在早餐時間買了一盒炒面, 價值$15, 炒面太細盒, 比較其他同類型食店的餐盒呎吋, 這家的餐盒呎吋大約是人家的一半。而且炒面顏色很淺, 一看下去就知太少豉油, 吃下去果真是沒有味道。至於其他食物, 感覺價格有點偏貴。我應該不會再光顧!

第一次嚐小環開的渣哥小食店，雖然看不到她，但也選了二款經典小吃。魚蛋10元8粒，不過不失，尖嘴價，味道欠驚喜。燒賣15元8粒，論價值，堅貴，但味道果然出色，非一般街頭魚肉燒賣可比，肉質彈牙，配以辣汁一級棒！

今日經過尖沙咀新文華中心，見到渣哥一九九六新店開張剛剛有小小肚餓於是過去試吓先望吓個牌都有好多香港地道小食，我就選左渣哥三寶、腸粉和只得尖沙咀先有嘅豬扒包，而且還有明星老闆娘招待三寶有魚蛋、豬皮、蘿白，魚蛋食落去彈牙唔似出面嘅感覺食粉頭感，豬皮和蘿白好入味好冧，啲調味醬味道剛剛好因為冇手揸相機,所以冇手影腸粉,腸粉就好滑，芝麻、甜醬、麻醬、豉油份量剛剛好,溝完一齊食豬扒包即叫即整,需要一d時間,到手時熱辣辣,個包用爐燙過咬落脆得來唔硬,裏面好多洋葱,用冇骨豬扒食落啖啖肉好冧豆漿飲落唔太甜有豆味,食完已經好飽試唔到其他,唯有下次再試