影片
港鐵筲箕灣站 B2 出口, 步行約2分鐘
繼續閱讀
電話號碼
62099866
開飯介紹
適合與朋友來此一邊享用美食，一邊小酌怡情的日式居酒屋。餐廳每天從多地新鮮空運漁貨到港，不時不吃；午市供應定期更換款式的定食套餐，晚市則主打串燒、鍋物及各式海鮮料理。
繼續閱讀
營業時間
今日營業
12:00 - 14:30
17:30 - 23:00
星期一
全日休息
星期二至日
12:00 - 14:30
17:30 - 23:00
*Last Order 22:30
以上資料只供參考, 請與餐廳確認詳情
有關獎賞計劃
。O小姐。發掘港島東-漁家。日常。唔想煮飯落樓下行個圈，發現有間日式居酒屋，見呢個時間冇乜人咁我哋就試吓，點知一試就有驚喜！ 我明明記得以前呢個位係賣薄餅㗎，話咁快就轉咗，既然留喺香港，咁就留港消費幫吓手啦。推介：辣三文魚配脆米通🐟米通咬落係脆卜卜，三文魚微辣有咬口，再加埋自家製XO醬，香味層次即刻升級，必食推介！🦪日本厚岸生蠔生蠔都幾肥美飽滿，無腥味，又唔會話好鹹好海水。🍤天婦羅定食原來今日先至推出，侍應妹妹話我哋可以試吓，天婦羅炸漿唔厚粉，有蝦有蠔有菇有燒，都幾多舊㗎喎，配搭埋前菜個薯仔沙律，食落爽爽地，仲有湯同茶碗蒸，如果唔係係咁肚餓嘅話食呢一個餐都好夠。🐍鹽燒白鱔串炭燒香味好突出，彈牙冇腥味，燒得啱啱好，值得推介！👅牛舌芯串平時食日本串燒，牛舌係好薄㗎嘛，我依家先知原來係可以好厚切，咬落依然爽口，唔會難嚼，少少鹽就已經夠味🐟油甘魚魚餃聽侍應妹妹講話唔係成日有，咁我哋就試試啦，估唔到佢係最後一份😝，魚餃燒香咗後有油脂，重點係唔腥，啲魚肉都嫩，加埋檸檬汁就更好🦐鹽燒海蝦平靚正之選，蝦唔算大隻，但鹽燒味都夠，食落夠鮮及彈牙🐖西班牙道洛克豬腩最後就係呢一個燒豬腩肉，外脆內Juicy，唔會膩口，配埋一啖酒更好總括嚟講，我覺得係可以再嚟，尤其是係一大班人可能放咗工想吹吓水呀入下酒啊聚會一下，一個靜靜地嘅環境好緊要，尤其是佢唔趕人走😏
繼續閱讀
筲箕灣一向都小店林立，最近朋友介紹左一間氣氛極好嘅居酒屋，餐廳主打日式料理，而且仲有魚缸提供活魚刺身，實在太吸引活金頭鯛魚原條刺身 ($298)活金頭鯛魚原條刺身係漁家嘅招牌菜，魚即撈即切，刺身厚切得啱啱好，入口軟滑彈牙，食落鮮甜，魚肉質地細膩，無任何腥味，呢個價錢食到活魚刺身真係超值金頭鯛二食～炸魚骨 +$50金頭鯛二食-炸魚骨，魚骨炸得香脆金黃，外層薄脆，咬落有魚肉嘅鮮甜，配上少少椒鹽，咸香味突出，唔會過鹹，配酒一流櫻花蝦炒野菜 ($68)櫻花蝦炒得香脆，散發海鮮嘅咸香，野菜吸收咗蝦嘅鮮味，有翠肉瓜、芽菜同菇類一齊炒香，幾惹味魚湯烏冬 ($88)湯底熬至奶白色，充滿魚嘅鮮甜，烏冬煮得彈牙順滑，吸滿湯汁，湯裡仲有金菇、芽菜、野菜同蔥段，增添清香同口感層次，食完烏冬一定要飲埋碗湯炸芝士年糕 ($38)炸芝士年糕外脆內軟，炸得金黃香脆，咬落有芝士咸香，年糕煙韌，食落甜甜咸咸，簡單好味燒海蝦 ($28)燒海蝦燒得外殼微焦，蝦肉鮮甜彈牙，咬落多汁，而且蝦頭嘅膏香濃郁，好惹味Suntory 買一送一 ($48)Suntory啤酒買一送一超抵飲，冰凍入口清爽，揀左一白一黑，跟日本料理太夾
繼續閱讀
在筲箕灣東大街幾個月前新開咗間日本料理，我朋友上次食過話唔錯介紹我嚟，六點幾已經坐到差唔多八成滿！裏面餐廳格局就好似去咗日本咁，牆壁亦掛住廚師推介海鮮推介等寫的黑板，亦有風景畫！餐牌有二人餐，亦有單點，我實在有太多嘢都想試，最後揀咗單點！枝豆 ：我每次去親日本餐廳都係必點，真係食唔停口燒鱈魚干 ：呢個小食極之推介 👍🏻燒得好香脆，點蛋黃醬仲好味，送酒簡直一流三文魚刺身：簡直係我至愛的刺身，切得都幾厚，肉質彈牙，好新鮮，點少少醬油就已經好好味雞皮串燒 ：燒到脆卜卜，灑上啲七味粉嚟更加提升味道鹽燒白鱔 ：食落去好彈牙有咬口雞蠔肉 ：呢個都比較少見，並非雞肉同埋蠔一齊燒，係雞大腿其中一塊肉。肉質鮮嫩，燒完都好juicy淮山 ：切成厚片去燒，好爽脆，加埋燒汁好好味粟米 ：欣賞師傅刀鋒切得好，切到一塊塊又唔會散，粟米好甜，搽咗燒汁燒更加香第一刀 ：聽呢個名聽得多，其實係梅頭最前端位置嘅肉，又叫梅頭上肉或梅頭咀，半肥瘦，肉質好腍滑雞翼 ：燒得好香，雞翼尖都唔放過牛油果蝦沙律 ：沙律菜加入牛油果，鮮蝦撈埋沙律醬，仲落咗wasabi, 味蕾都出晒嚟魚湯煮野菜豆腐 ：魚湯煲到奶白色，而且冇落味精，加埋菇類，娃娃菜及洋蔥，成個湯鮮味爆燈，唔使點調味已好鮮甜荔枝烏龍茶 及 白桃烏龍茶 ：比坊間啲茶味濃啲甘香啲，滲出一點 荔枝味 及 桃味。無糖飲品，解渴之餘又唔怕肥
繼續閱讀
要搵好食嘅串燒店唔容易 , 要有氣氛 , 食物新鮮 , 即叫即燒 , 價錢又唔可以太貴 , 因為食串燒會食好多好多串 😆😆 今日就嚟咗筲箕灣一間新開嘅串燒店叫漁家 , 除咗串燒外 , 仲有日式料理同剌身 ! 食店位於東大街入邊嘅小斜路頂 , 好近地鐵站 , 入到去好似去左日本居酒屋咁 , 仲有好親切嘅手寫 menu 😌星期五 7 pm 去到已經好滿座 , 大家已經好開心食緊串燒 , 飲酒同傾計 ~我地試左 16 款食物 , 當中有幾款想推介比大家 🤗🤗❤️ 油甘魚刺身好厚啊 !! 厚度係其他日式食肆 2 片嘅厚度 , 而且有大量冰底墊底 , 好有誠意啊 !! 好食 , 新鮮 , 油脂豐富 , 食刺身最緊要新鮮同厚切 , 口感先至最好 !! 推介推介 !!! 👍👍❤️ 蔬菜類我哋試咗日本青椒仔 , 秋葵同茄子 , 3 款都正 , 1 d 都唔乾 ~ 茄子非 juicy !! ❤️ 呢度嘅雞翼係連埋雞翼尖 , 啲皮燒到勁香脆 , 超好食 ! ❤️ 白鱔都係我每次去串燒店必食嘅 , 魚皮香脆 , 白鱔油脂豐富 ~ 超級香口 ~~ ❤️ 鹽燒鮑魚 , 擺盤好靚 !! 鮑魚一啲都唔細隻 ! 新鮮彈牙 !! ❤️ 由於鮑魚好食 , 我哋再嗌咗牛肉鮑魚卷 , 第 1 次試呢個配搭 , 又幾好食喎 , 牛肉軟腍帶點油脂 , 鮑魚係相反嘅口感 , 好彈牙 , 夠曬特別 !❤️ 豚肉提子卷都好正 , 一咬爆汁 ! 我哋 2 個人食到飽飽 , 加上而家試業 9 折優惠 , 都係 $ 5xx , 幾抵食 ! 大家都可以嚟呢度試吓 !!
繼續閱讀
漁家📍地址: 香港筲箕灣廟東街9號百寧大廈地舖（溫馨提示：間店要行入街的盡頭）這裡的菜單真是讓人垂涎欲滴，每一道菜都讓我忍不住想一口接一口！😍❤️貓頭鷹🦉筷子座好可愛《海鮮篇》✨ 牛油清酒煮沙白 $78
超大碗沙白的質感滑嫩，牛油與清酒的搭配讓這道菜的風味層次豐富，吃上一口真的讓人驚艷！🍶🧈✨ 芝士明太子燒元貝（1隻） $58
芝士與明太子的完美結合，元貝的鮮甜與濃郁的芝士相得益彰，讓人難以抗拒！🧀🦪✨ 油甘魚（3切） $52✅魚肉鮮嫩多汁幼滑細膩✅食落淡淡甘甜，每口都充斥魚油香氣🐟✨ 鹽燒白鱔（1串） $48
白鱔的鮮美被鹽燒得恰到好處，保留了原汁原味，簡單卻讓人難忘！🌊🐍✨ A4和牛肉眼蓋（1串） $68
這串和牛肉眼蓋口感超級滑嫩，油花分布均勻，簡直是肉食者的天堂！🍖🔥✨ 鵝肝牛肉卷（1串） $48
鵝肝與牛肉的完美搭配，每一口都充滿了奢華的味道，讓人陶醉！🥩🦆✨ 西班牙杜洛克豚腩（1串） $34
這道豚腩肉質鮮嫩，油花豐富入口即化，搭配獨特的調味，讓我一口接一口停不下來！🐖🍴✨ 雞皮餃子（3件） $48
這款雞皮餃子真的是我的最愛！外皮酥脆，內餡鮮美，每一口都有滿滿的幸福感！🥟❤️✨ 雞心（1串） $22
雞心的口感彈牙，醃製得非常入味，吃起來很過癮！❤️🐔✨ 雞肝（1串） $24
這串雞肝滑嫩，味道濃郁，是下酒的絕佳選擇！🍷🍗✨ 雞腎（1串） $24
雞腎的風味獨特，彈韌有嚼勁嘅口感，香氣四溢，讓人每一口都充滿驚喜！🧄👅✨ 雞蠔肉（1串） $26
這道雞蠔肉的口感非常鮮嫩，真的是一個值得嘗試的美味！🐔🍄✨ 自家製雞肉丸（3粒） $32
這些雞肉丸口感彈牙，鮮美多汁，配上醬汁更是絕佳！🥢🍜✨ 芒果雞肉卷（1串） $34
這道芒果雞肉卷搭配的芒果醬甜而不膩，讓整道菜的味道更加清新！🥭🌯總之，每一道菜都讓人驚喜連連，這裡真的是美食的天堂！下次還要再來品嚐更多美味！🥳🍽️
繼續閱讀