清真惠記

營業中

休息中

一句到尾：浪得虛名！點了招牌菜「咖哩羊腩飯」，上枱時見到已經唔開胃，咖哩太油，米飯求求其其，賣相夠差！！再點了蝦子柚皮，味道可以，只可惜一點也不夠熱，敗筆！全餐飯仍然維持到水準的，就只有那罐可口可樂而已。

講到燒鴨飯，清真惠記係我全港至愛果間。佢位於鵝頸橋街市熟食檔，好易揾。最把炮係佢地好早關門，好似唔做晚市。黎呢度我一定食燒鴨肶飯，最重要係一定要加咖喱汁，好味到無得頂。燒鴨係極緻地皮脆肉嫩，個飯配埋個咖喱汁。。。夫復何求啊！＃ 掛爐燒鴨肶飯 ＃ ***** ***** * 11/10比多1分佢係絕對比得過，響香講講真我未試過響其他地方食過咁嫩滑既燒鴨！識食梗係食鴨肶啦＃ 掛爐燒鴨飯 ＃***** ***** 10/10無得彈，只不過燒鴨肶更加美味！

講到食粵菜，不得不提噶就系燒味，燒味好多時候都系屋企飯臺上噶一道菜，我比較食得多噶就系叉燒、燒鴨哩滴，而哩間清真惠記噶燒味就好合我噶心意啦，最緊要就系性價比高，平平地又一餐，燒鴨飯特別惹味，顏色好吸睛，而且皮燒得好香口，鴨肉嫩滑，好滿足噶啦！

今日去銅鑼灣做嘢，晏晝睇睇附近有冇啲又抵又好食嘅嘢。一直都知街市隱藏住好多高手，不過一定要識路先至搵到好嘢食。出發前見到好多人推介呢間嘢，於是過去試一試。Lunch hour過去，一去到見到成個場好full，不過自己一個人，求其有就坐，等都唔駛等。見到個menu，咖喱牛腩同咖喱羊腩，係同一樣$49，真係好有良心。今日想食牛，於是嗌咗個咖喱牛腩飯。等左唔夠三分鐘即上，老字號即係老字號，牛腩煲得好好林，用咖喱一齊煲所以好入味，唔係一般煮好先加咖喱汁。咖喱唔係港式，應該係印巴咖喱，所以味道相對濃，個人覺得有少少偏辣。不過都有一層厚厚嘅油，一個月最多食一次好。現場見到都有唔少印巴籍人士，估計佢都好正宗，因為清真關係，現場唔可以食豬肉估唔到今時今日喺銅鑼灣可以$50左右，食到一個高Quality嘅lunch，都算係噉喇~

Curry is one of the most attempting food in the world . Especially to the people that can handle heat like me . Today I went to a very famous curry shop. They are famous for their lamb and beef . I ordered both , it costs $69 for one . It tastes amazing and satisfying , the beef is very tender and nice. And I found out the curry are difference between the beef and lamb. Highly recommend people to try ,

對於初到灣仔做嘢嘅我，真係而家先至知道灣仔係有咁多好嘢食，幾千蚊一位又有，平到二三十蚊又有，呢個於街市入面嘅清真燒味佢真係好特別，佢有好傳統嘅咖喱亦都有我哋香港人最愛嘅燒味佢哋燒鴨真係又肥又多汁抵食夾大件

早就聽聞鵝頸街市上面的熟食中心非常旺場，是日終於有機會一試。坐電梯上到一層，別有洞天，有許多熟食檔，搭檯坐，但坐得不算擠逼，室內又有冷氣，環境甚至好過出面一些茶餐廳。第一次上來，便選擇了人氣最高的清真惠記的咖喱羊飯($49)。有別於一般椰漿的港式咖喱，這裡的咖喱口味較接近印巴風味， 香料味較濃，令到羊肉的羶味大減，且羊肉炆得夠腍，非常滋味，配白飯一流。咖喱羊飯只能選碟裝，飯量驚人，食量小的朋友記得叫少飯。另加$8的一碗例湯則則較為失色，只是含有數件冬瓜的滾湯，味精味較濃。

係附近番工，見到同事食咖哩燒鴨飯 ($40) 就問係邊到買，真係超級好味，皮脆肉嫩加大舊，舊舊都係肉，唔會係似餸頭餸尾。比起係大X樂個啲燒鴨瀨，簡直冇得比，大X樂個啲燒鴨騷味，真係似食緊臭孤瀨粉，清真鴨皮個層脂肪係香嫁！！不過唔食羊嘅朋友仔，記得嗌飯個時一定要嗌雞汁 (咖哩雞汁) ！！！ 如果唔係佢會自動幫你揀左羊汁！！！ 可以試埋個柚皮 ($40)，個樣似白蘿蔔，都幾清新，啲湯汁幾好飲，完全冇苦澀味，食完唔口渴，不過口感似食緊”煙銀”嘅白蘿蔔。

其實想返黎食清真惠記好耐，不過天氣太熱就令我遲遲無過黎食，今日下晝肚餓就約朋友過黎醫肚，佢清真惠記既咖喱燒鴨飯真係無得輸。清真惠記位於鵝頸橋街市熟食中心入面，所以當然會迫啲，但係我地係下午茶時間黎，無乜人，坐得舒服好多。食佢地既燒鴨飯一定要記住加咖哩汁，好正架。我叫左燒鴨肶飯，啲肉會多啲，而且又滑啲，貴幾蚊係值得架。個咖喱汁超香濃，唔辣，係香，甘香，用黎送飯，或者點個燒鴨肶，都係無得彈。呢度下午好早收工，要食就要趁早呀!

下午茶時段，上到去已經有差不多一半枱收起，幸好，一個人左攝右攝，易搵到位！梗係點叫心頭好 - 咖喱羊腩飯，多汁 ＄49等待了差不多十五分鐘才有得食，（奇怪）一望就知唔對版，羊腩，冇平時食開的獨特羊羶味，溫吞吞的，腩全瘦，無帶骨，幾靱，咖喱汁幾油膩，白飯卻似隔夜飯，唔熱兼一舊舊！求求其其，食過，便算過「心癮」呢！水準驟降，很失望！

口碑不錯的這店絶對老字號，因為上餐快，又可以搭枱，雖然在繁忙的午飯時間來到，我們兩人也立即有位。在鵝頸街市上面的熟食中心絕對旺場，可以坐電梯上一層。不經不覺，出名的咖喱牛腩飯、咖喱羊腩飯現售$49一碟，不算平，但味道才最重要。我們二人，分別點了咖喱牛、羊腩各一碟，另加一碟有懷舊感的蝦子柚皮。雖然熟食中心人來人往，但坐得不算擠逼，室內又其實有冷氣，絶對OK。例湯$8一碗則較為失色，內有冬瓜件，是「滾湯」不是期待的老火湯，但總括而言，絶對推介這店，再加價還是會繼續幫襯！

這間清真惠記就是一間真正的老字號，就由我爺爺當年就開始，吃到我第三代都仍然在繼續吃，的確可以說是有點情意結，但情意結還情意結，事實就要歸於事實。 咖哩羊腩飯 : 我因為要減肥嘅關係，特別叮囑要少飯，但給我的仍然是一大碟飯，我又可以怎樣呢 ; 咖哩汁依然香濃夠味， 油份都太多，可見咖哩膽煮得好夠功力，幾十年來依然都係做得好有水準！ 不過今次個羊腩就煮得不太好，當然是夠入味，但就是非常乾硬嚡口，而且骨頭多過肉，食落啖啖都是骨，就是不爽。

🇭🇰#香港捐窿捐罅記 instagram: foodkiller_dk之前介紹左咁多比較離地既食物 今日就介紹一d好貼地既食物 碟頭飯🤤 我先唔理我既post靚唔靚 最緊要好食🤨 今日介紹既係一間拎左清真認證既食店 所以有好多穆斯林人去食 雖然刀咖哩羊腩最出名但係牛腩係最快賣晒 所以果日試左牛腩😌-🐮咖哩牛腩飯🐮（$48）咖哩好香 唔太油 撈飯一流 不過可能為左香港人口味 反而唔太辣 不過對去過重慶既我 真係好少野食可以辣到我😂 牛腩浸得好入味 而且好淋身 好正 薯仔亦係一大賣點 係炸完 有客叫先淋上咖哩汁 唔會淋晒 好食 下次試埋更好食既羊腩先🤤 仲有燒鴨🤤🤤🤤總結來說 物超所值 銅鑼灣 灣仔返工既人必試👍-🎈灣仔寶靈頓道21號鵝頸街市1樓鵝頸熟食中心5號舖平均傷害：$48好味值：6.5/10...

今天到鵝頸橋熟食中心的清真惠記午膳。這裡的咖喱非常有名，我就要了咖喱羊飯 (含骨) 、掛爐燒鴨飯 及 古法蝦子柚皮。咖喱羊飯 ($49)，有別於一般港式與日式咖喱，較接近印巴風味， 比較香濃，羊肉炆得夠腍，非常滋味。掛爐燒鴨飯 ($40) - 味道普通，燒鴨夠腍、都夠入味，不過個豉油汁鹹左少少。另外仲試多一款小食，古法蝦子柚皮($20)，夠軟腍，唔會有柚皮嘅青澀味，味道不俗，大大碟好抵食。熟食市場環境當然比較擠逼，也没有甚麽服務可言，不過若想嚐試美味咖喱，這裡絕對值得一試。

聽聞鵝頸橋熟食中心嘅清真惠記D咖喱好得，今日就專誠嚟試吓。食晏時間真係人山人海，不過嚟呢度係食味道，唔係食環境同服務，最緊要好食。咖喱羊飯（含骨）$48，有別於一般港式同日式咖喱，呢度係印巴style，比較香濃，辣得嚟好惹味，羊肉炆得夠腍，非常滋味，難怪大部份人都有叫。另外仲試多兩款小食，古法蝦子柚皮$20，味道不俗，大大碟好抵食。另外鮮甜蘿蔔$12，份量十足，夠腍夠入味。今時今日，咁嘅價錢食到有番咁上下質素嘅食品，性價比相當高。下次嚟一定要叫碟燒鴨試吓！